المساعد الشخصي الرقمي

مشاهدة النسخة كاملة : [استفسار]عن العصبان



زهرة البنفسج
11-04-2011, 10:13 PM
السلام عليكم ورحمة الله وبركاته

معليشي نبي نسالكم نبي اندير عصبان قبل العيد لاكن نبي انحطه في الفريز هل انحطه نئ والا طايب افضل ارجو الاجابة بسرعة لوسمحتم وشكرا مقدما

ام ليبيه حره
11-04-2011, 10:24 PM
بالنسبة للعائلتنا نجهزوه في ليلة العيد و نحطه في الثلاجة و في اليوم العيد انطيبه
هذا بعد تجربة هلبا سنين
لكن لما ينحط في الفريز وهو نئ جربته مرة تكسر الارز و مش بنين لهذا الطريقة الاولى اعتمدها

ايمان
11-04-2011, 10:34 PM
وانا معي اخت ليبيه حره حتي انا هكي نديرله بس في التلاجه في يوم الموسم مش الفريز

ام عبدالمعز
11-04-2011, 10:45 PM
وانا مع ليبية فعلا في الفريز حيتكسر الرز

وبالنسبة ليا نجهز وقتي بصراحة ماندسش فيه

نعومي نت
11-05-2011, 12:07 AM
العصبان زي ما سبق وقالولك الاخوات لما ينحط في الفريز وهو ني حبة الرز تتكسر يجي مش حلو فلذلك طيبيه وحطيه في الفريز
اني بالنسبة ليا نشري في مصارين قبل العيد ونغسلهم ونحطهم في الفريز ويوم الموسم نجهز الخضيرة والباقي سااااااااهل علي شويه معلاق وشويه لحم إتقرضيهم في نفس اليوم وإحشي وتاكليه طازة..........
وإنتي وإللي يريحك وصحتين مقدماً

ليبية حرة
11-05-2011, 01:00 AM
أني مع كلام الأخوات حطيه وهو نيء أحسن...

ام تغريد
11-05-2011, 02:13 AM
معاكم في نفس الرائ اذا ناوية طلعيه يوم العيد خليه في الثلاجة وكان تبي تحفضيه فترة اطول طيبيه وحطيه في الفريز

أمـ ساره
11-05-2011, 12:10 PM
ماشاء الله الحبوبات ما قصروا ماشاء الله

العصبان لو طايب ممكن ادسيه في الفريز وتسخنيه لما تبيه

لكن الأفضل ما يقعد مدة طويلة


وعيدك مبارك

شاطئ بلا رمال
11-07-2011, 08:45 AM
حبوبه كل سنه وانتي طيبه
لكن حسب معرفتي لو العصبان ني إدسيه في الثلاجه وتطيبيه تاني يوم عادي
لو طايب فيه خيارين لو بتاكليه اليوم اللي بعده تحطيه في الثلاجه وتسخنيه تاني يوم لكن لو أكثر من يوم في الفريز يكون أحسن وبعدين يتسخن وصحتين.

Om Amory
11-09-2011, 03:45 PM
البنات ماقصروا

وإن شاءالله استفدتى

أم أيوب
11-09-2011, 04:11 PM
حبيبة عندي ليك راي تاني

بالنسبة ليا العصبان ما نحطش فيه في الفريز

ولا في الثلاجة نحبه يكون جاهز وقتي

بس في طريقة يديروا فيها عيلتنا في المناسبات

الرز يقلوه في شوية زيت

مش يتحمر بس يزيد حجمه

بعدين نخلطوه عالعصبان ونحطوه ني في الفريز وتاني يوم نطيبوه

ان شاء الله مش حيتكسر الرز وصحتين وعيدكم مبارك