المساعد الشخصي الرقمي

مشاهدة النسخة كاملة : [مساعده] طريقة العصبان



الأميرة
11-05-2011, 08:57 PM
السلام عليكم
كل عام وأنتن بخير أخواتي
وينعاد عليكن بالصحة والسلامه
أريد منكن مساعده في طريقة العصبان المقادير بالتدقيق وخاصة كمية الرز أنا أعرف طريقة العصبان وشفت أكتر من طريقة بالمنتدى
لكن أريد المقادير بالتدقيق
لاني العصبان في العيد بنعزم عليه وهده أول عيد لي مع زوجي وأنا خارج البلد في الغربه
مشكورات أخواتي تقلت عليكم
وبارك الله فيكم

ام بيلسان
11-05-2011, 10:05 PM
بسم الله الرحمن الرحيم
بنسبة للعصبان علي طريقتي
وديما يجيني زي العسل وسر في هذا ومتقوليش لحد;)
هو زيت الزيتون اهم شئ
والرز ردي بالك ديري رز طويل خودي رز امكركب امكركب
والبصل ديري بصل شتل اكثر من المكركب
وكان بديره كلا شتل احسن انا عصباني ديما بي بصل الشتل ديري راسها الابيض وشتل كلها يعني
واحسن شئ ديري فيه اللحم وكبدة وريه وشحم وانا نفضل شحمة الردي لانها اذوب
واي استفسار ادللي ياغالية
وعيدك موبارك و الصلاه علي النبي

ليبية حرة
11-05-2011, 10:21 PM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة الأميرةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif ياحبيبتي هادي طريقة للعصبان بالصور من مطبخ ناني2007...
وكل عام وإنتي بخير وإنشاء الله العمر كله وإنتي معاه...

http://www.libyan-kitchen.com/kitchen/showthread.php?t=2654

أمـ ساره
11-06-2011, 01:05 AM
حبيبة صعب اديري كمية معينة للرز

اني الي نعرفه عينك ميزانك

وان شاء الله وحدة من الوخيات تعطيك المقادير بالزبط وتفيدك

ام تغريد
11-06-2011, 06:24 PM
السلام عليكم حتى كاني وصلت متاخرة علي الموضوع صريقتي عيني ميزاني وان شاء الله مع الوقت تو تتعودي عليها طريقتنا وتصيري محترفةوكل عام وانتي بالف خير بدون ابو شفشوفة

شاطئ بلا رمال
11-07-2011, 08:36 AM
السلام عليكم ورحمة الله وبركاته عيدك مبارك
عزيزتي عينك ميزانك
تكون كمية البصل الأخضر بعد ماتقطعيه رقيق نفس كمية المعدنوس المفروم وباقي الخضره أقل منهم
النعناع والحبق والشبت والكسبر كل واحد ربع كمية المعدنوس ولو تحبي أي واحد فيهم نكهته باينه تزيدي مقداره شويه والبصل اليابس شويه أما الرز عينك ميزانك لكن يكون نفس المحشي راهو يعني (الضولمه والفليفله ) ونقولك على مقدار تقريبي لكل ربطة معدنوس ديري كوب إلى كوب ونص رز الكوب متع القياس اللي نستعمل فيه مش الكوب الكبير متع الميه تزيدي الرز بالشويه وتشوفي لوحسيتيه مناسب خلاص وبعد ماتعبي المصارين أضغطي عليهم وطلعي الحشو الزايد خليهم رقيقات وخلى فراغ في المصارين من جهة الفتحتين قبل ماتسكريهم لان يتمدد هلبه راهو الرز ويتزق العصبان
وصحتين.

بنت طبرق
11-07-2011, 06:48 PM
صعب تحددي مقادير للعصبان
العين هيا الميزان في أغلب الاكلات الليبية
وبالتكرار تصبحي خبيرة حبيبتي