الهذرزة الليبية 18 ان شاء الله ديمة ملتمين وكل سنة وانتم طيبين بخير بمناسبة عيد الاصحى

[أمـ ساره]

السلام عليكم ورحمة الله وبركاته




اتفضلوا حبوبات خشوا وسموا بسم الله


كل وحدة تخش للمنتدى تدخل هنا وكمنا عليها وكل عضوة تعرفها او ليها بها صلة ومعرفة


وربي يجمعنا على الخير وطاعة الله يارب










مع مراعان أن

الموضوع هنا للهدرزة الليبية ولنطمئن على اخواتنا في الله وليس تحزب أو وضع آراء خاصة

[ام لبنتين وولد]

وينكم يابنات ليبيا ويابنات بنغازي رجاء تبلغو تعازيه للاهلكم هناك والله ندعو لشبابنا بان يتقبلهم الله شهداء امين
وتحية للامهات اللي انجبن الابطال والله اقل مايقال عنهم انهم ابطال قبلة علي جبين امهات بنغازي ودرنة والبيضاء وطبرق والزنتان ولكل الامهات اللي في ليبيا الحبيبة الله يحميكم يا شباب بلادي

[أمـ ساره]

ان شاء الله يكونوا بخير وعافية يارب

وربي يطمنا عليهم قريب ونشوفوهم معانا

وياريت كل وحدة تعرف خبر اطمنا عليهم

[ام اسر]

ان شاء الله ربي يطمنا علي كل البنات خاصة الي من الشرق والبيضاء
زي ام طه وليبيا قلبي
والله يرحم جميع شهدانا ويصبر اهاليهم

[ام اسر]

يارب فرج كربنا يارب العالمين

[ام الحلوين]

والله اغلبية البنات معاش يبانو ان شاءالله نطمنو عليهم وربى يرحم الشهداء وانتم بنات طرابلس شن الاوضاع عندكم

[أمـ ساره]

ان شاء الله يجونا قريب ويفرجونا بشوفتهم معانا ويرجع كل شيء زي ما كان

يا بنات طمنونا عليكم وعلى أهلكم واحبابكم ان شاء الله تمام

[ام اسر]

السلام عليكم كيف حالكم كلكم الي في الداخل والخارج يارب يارب اتكونوا بالف الف خير
تسئالو علي الاحوال مني اني الحمد لله اليوم خوي زاد عليه وليد
ومشيت لي اهلي وشفت الشوارع والمحلات الحمد لله كل شي شبه طبيعي
عادا الحركه اما المناطق التانيه الله اعلم
واتمني لجميع الشعب الليبي الامن والاستقرار والسلام والرحمه والنصر والفرح
والعزه والكرامه والشموخ
دمتم في حفظ الله ورعايته

[ام اسر]

علي فكره يابنات اتسلم عليكم ام عموري
اليوم تكالمنا هيا حالها باهي بس قالت النت ضعيف شويه
ويارب يرجعوا البنات ونطمنوا عليهم

[Moony heart]

مبروك عليكم المولودة الجديد يتربه في عزكم

http://sahat-wadialali.com/vb/uploaded/198_11289871230.jpg


كيف حالكم يا بنات ان شاءالله كويسين
وان شاء الله يرجعوا البنات وزينب وينوروا المنتدي زي قبل

[Moony heart]

واينك يا ام الحلوين بنبعتلك رساله ملقيتش واين :d
بعتلك علي بريد الاكتروني

[ام ماجد]

ارجوا من الاخوات وضع مواضيع تستفيد منها الام فى المطبخ نظرنا لظروف التى تمر بها البلاد

[ام اسر]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام ماجدhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifارجوا من الاخوات وضع مواضيع تستفيد منها الام فى المطبخ نظرنا لظروف التى تمر بها البلاد http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
السلام عليكم
تعرفي في حكاية الخبزه زي ماكتبتي صح صارلنا شوية تازم فيومها ماعنديش خبزه انفطر الصغار عندي بايته مشيت فصيتها دواير وغمستها في الدحي والملح وقليتهامع طاسة شاهي بالحليب وعجبتهم والحمد لله والباقي الصراحه عادي انطيب زي قبل
ويارب ترجع البلاد زي قبل واحسن

[نوارة ليبيا]

بارك الله فيك حبوبة ...واللهم أرحم موتانا في ليبيا ...واكتبهم من الشهداء يارب

وارجع أمننا واستقرارنا في شرق البلاد يا الله

الحمدلله نطمنكم على طرابلس وهلها وناسها ....والمحلات فاتحه زي ماقالت أم آآسر
وبالأخص منطقة تاجوراء ...نطمنكم عليها ... وماشاء الله ربي يحفظ ويهدي شبابها ...

واللي يعرف حد في طرابلس ويبي يعرف أخباره ومش قادر يكلمه ...عشان زحمة الخطوط اللي صايرة ياربت
يبعت لي الرقم على الخاص ومايسمع عنه الا كل خبر حلوو

والسلام عليكم يالغاليات وربي يبشرنا على ناسنا وهلنا في بنغازي

[مغتربة 7]

السلام عليكم ورحمة الله وبركاته
ليكم وحشة وخياتي الاحرار فقط
والله انشغلت عليكم كلكم ربي يجمعنا على خير فى ارض ليبيا الحرة الحبيبة

[مغتربة 7]

يارب ما ننصدم فى حد يارب سادني صدمات

[مغتربة 7]

وووووووينكم تعالوا طمنوني عليكم

[زينب محمد]

اهلا وسهلا بك مغتربة

كيف حالك ان شاء الله بخير

حبوبة حصة المنتدى من البيانات منتهية منذ بداية الاحداث

حصة سنوية استهلكناها في 3 شهور فقط

واضافوا لي حصة قليلة اضافية حتى يبقى المنتدى مفتوح الى موعد التجديد 21/9

لذلك ياريت ماتكتروش هدرزة او رسائل حتى المنتدى مايقفلش قبل ما تستقر الاوضاع ونقدر نمشي للشركة ونشري حصة جديدة

[ام رواسي]

السلام عليكم
كيف حالـــــــــــكم يا بنا ت ليبيا الحرة بدون الطحالب
ليكم وحشة كلكم كلكم
بالله عليكم يللى كانوا غايبين تعالوا وطمنونا على حالــــــــــــــــــكم

[Om Amory]

السلام عليكم

كيف حالكم كلكم والله ليكم وحشه

[Om Amory]

أم رواسى ومغتربه وزينب وأم أسر كيف حالكم ان شاءالله تمام

والله فرحانه لأنى خشيت للمنتدى ليكم وحشه هلللللللللللبه

[sema]

السلام عليكم

كيف حالكم يا بنات الحمد لله على سلامة الجميع
ان شاءلله كلكم حالكم باهي انتو واهلكم بعد هالظروف
فرحت لما رجع المنتدى زي قبل وزعلت لما قريت خبر وفاة اختنا السمحة
ان شاءلله ربي يتقبلها برحمته

[سحابه صيف]

السلام عليكم

كيف حلك ىوالله ليكم وحشة كبيرة كبيرة

[Om Amory]

سحوووووبه وسيما كيف حالكم ؟؟؟؟

ان شاءالله بخير

[سحابه صيف]

الحمد لله تمام

كيف حالك انت وشني صار فيكم بالله انت في زاوية ولا في صبراته

ومبروك الحمل

[سراب]

الحمد لله على سلامة الجميع وربي يتقبل السمحة برحمته يارب والله وجعتني مع اني ماعنديش معاها معرفة....ان شاء الله الجميع في صحة وسلامة والله ليكم وحشة هلبة .....كل سنة وانتم طيبين

[Om Amory]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة سحابه صيفhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالحمد لله تمام

كيف حالك انت وشني صار فيكم بالله انت في زاوية ولا في صبراته

ومبروك الحمل

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

الحمدلله بخير

أنى فى صبراته نسكن

لكن أهلى فى غريان

والحمدلله على كل شئ

[ranaa]

السلام عليكم كيف حالكن وشنوا خباركم والله لكم وحشه والحمد الله ربي فكنا من الطااغيه وان شاء انروحوا لبلادنا مرفوعين الراس وارحم شهدائناو اجعلهم في فسيح جناته

[طمطم]

الله الله..... ليكم وحشة والله
كيف حالكم بنات وكيف تغيرتوا بعد هالمحنة إن شاء الله ربييكمل علينا على خير يارب
والله ديما نفكرفي منتدانا ولمتنا

[ام رواسي]

أم رواسى ومغتربه وزينب وأم أسر كيف حالكم ان شاءالله تمام

والله فرحانه لأنى خشيت للمنتدى ليكم وحشه هلللللللللللبه


ام عمورى الحمدلله على سلامتك يا حبيبة انتى وكل الغائيبين والله وحشتونا وقلوبنا الا عندكم الحمد لله افرجت وان شاء الله ربى ايكمل علينا فرحتنا لما يحصلوا على بوشفشفة وفروخة يارب وتكون عيدنا عيدين تعالى هدرزينا شنو صار فيك والرعايش يللى مرت عليك ؟؟

[ام لبنتين وولد]

شن حالكم كلكم بدون استثناء وليا رجعة بعدين نطمن عليكم اكتر

[guidona]

كيف حالكم الحرائر فقط والله يبعد علي ليبيا كل من اراد لها سوء

[Om Amory]

السلام عليكم

كيف حالكم كلكم ليكم وحشه

تعرفوا النت عندنا ضعيف مانكتب هالكلمتين ونرسلهم لين نمد لسانى هههههههه

[ام نسيبة 78]

السلام عليكم
كل عام وانتم بخير ليكم كلكم
والله انصدمت لما انفتح المنتدى اللله ليه ستة شهور ماشفناااه

[أم أيوب]

السلام عليكم ورحمة الله وبركاته

مرحبتين ومية ترحيبة بكل الغوالي بنات بلادي الحرة

والله العظيم توحشتكم أكثر ما تصوروا الحمد لله اللي رجعت لمتنا عالخير

الحمد لله اللي ربي كتبلنا نتلاقوا في ليبيا الحرة الخالية من القردافي وأزلامه

والعقبة لكل الطحالب اللي كانوا معاه بلادنا تنظف منهم

طول الوقت كنتوا في بالي وما تعرفش ان المنتدى من أكثر من أسبوع يشتغل

بالصدفة ندور على أكلة طلعلي رابط المنتدى جربت لقيته عامر ماشاء الله

أخباري الحمد لله بخير ربي رزقني بوليد زي العسل وسميناه أيوب بدل طه لفتوى تتعلق بالسم طه

وتوة عمره اربع شهور ونص

ربي يبارك في ثورتنا يارب ويكتب من مات من أبطالها مع الشهداء يارب

[ملكه بنقابي]

السلام عليكم

ليكم ووووووووووووحشة ياحرائر ليبيا الشريفات


معلييييييييييييييييشي شفشوفة ربي يورينا فيه عجائب قدرته
واولاده وازلامه وكل من عاونه بكلمة


البلا فيكم علي قولة شخاشير


ربي يجمعنا في ليبيا الحرة من غير الطاغي وفروخه


الحمدلله جبت بنوتة يوم 18_ 3
وسميتها ليان

[ام لبنتين وولد]

مبارك يا ام ايوب ويجعله الله من حفظة كتابه ويخليه لك وتشوفيه عريس
وانت يا ملوكة حمد لله علي سلامتك وتربي في عزك ويخليها ليك وتشوفيها عروسة وتفرحي بيها يارب

[أم أيوب]

مبارك يا ام ايوب ويجعله الله من حفظة كتابه ويخليه لك وتشوفيه عريس
وانت يا ملوكة حمد لله علي سلامتك وتربي في عزك ويخليها ليك وتشوفيها عروسة وتفرحي بيها يارب


الله يبارك فيك يا عسل ويحفظلك صغارك

بالله اللي تعرف حاجة عن بريكة وروح مغتربة تطمنا

هم من سبها ربي يحفظهم

[سحابه صيف]

ام طه اهلين كيف حالك والله ليك وحشة يا عسل

[ملكه بنقابي]

ام بنتين وولد

الله يجزاكِ خير ويحفضلك السنفورات وخوهم

[ليبيا قلبى]

السلام عليكم

وحشتونى

انشاء الله الجميع بخير

[ام لبنتين وولد]

ليبو شن اخبارك طمنينا شن جبتي وشن اخبارك بالتفصيل
نراجي فيك متطوليش

[ليبيا قلبى]

اهلين ياغاليه كيف حالك
انا الحمد الله
جبت ولد وسميته احمد
الحمد الله اكويس بس فيه الشفه الارنبيه درتله عمليه ومازال اخره
ادعوالى

[ام لبنتين وولد]

باهي حمد الله علي السلامة وربي يخليه لك ويشفيه ويحفظه ليك وتشوفيه عريس

[ملكه بنقابي]

http://media.kenanaonline.com/photos/1238143/1238143101/large_1238143101.jpg?1311110870

[بنية بوها]

واخيييييييييييييييييييييييرا يابنات بلادي تلاقينا ورجعت لمتنا الف الف الف مبروووك عالنصر وعقبال نشدوه هالطاغية
ليكم وحشة في هالمنتدى الرااااااااااايع جبت بنية سميتها جنى يوم 17_5 والحمدلله والف مبروك لكل من سلمها ربي ورزقها
بي الذرية الحمدللله ليبيا حرة

[بنية بوها]

ياام طه نبي بريكة كويسة مشت لي بنغازي وحاليا هيا غادي اول ثائرة من حراير سبها طلعت كخخخخخخخخ
وروح ماعنديش بيها اتصال وادعو لي سبها ربي يفك اسرهم من هالطاغية مدمر

[pinkro]

السلام عليكم رجاءا يابنات كيف توفت السمحه انا توا بس خشيت وشفت الخبر

[اريناس]

السلام عليكم

وليكم وحشـــــــــــــــه ومبروك العوده

[اريناس]

السلام عليكم رجاءا يابنات كيف توفت السمحه انا توا بس خشيت وشفت الخبر



هلا اختى -- والله الله يرحمهاا ويغفر لهاا

توفت من الحروق ورقدت فى المستشفى فتره وبعدها توفت

[بنية بوها]

السلالالالالالالالام عليكم وينكم معاش تلاقينا هيا تعالوا وام ايناس وين مغطسة افيش اخبار عليها
روحت ليبيا والا قاعدة في المغرب

[الساجدة لله]

مرحبتين بالثائرات الاحرار

تمسي عليكم ياغاليات

[نعومي نت]

حرائر ليبيا الحرة بس كيف حالكم إنتم واهلكم إن شاء الله بخير
مغتربة 7 حلوة منك وخياتي الاحرار بس ام رواسي حتى إنتي عجبتني الطحالب لا
ام طه خلاص عاد توا بنادوك ام أيوب بعدين ايوب يزعل لو نادينك ام طه المهم يتربى في عزك
ملكة بنقابي مبروك عليك البنوتة إن شاء الله من حملة كتابه الكريم
بنية بوها مبروك عليك بنية أمها ربي يحفظهالك يا رب
ام عموري شني الاخبار الحلوة هادي إن شاء الله ربي يكملك علي خير يا رب
اما بخصوص أختنا الحاضرة الغائبة السمحة إن شاء الله ربي يرحمها ويدخلها فسيح جناته ويلهم اهلها وذويها جميل الصبر والسلوان
بالله عليكم هل من اخبار عن ام الجميلات مشغولة عليها هلبة إن شاء الله ربي يطمنا عليها يا رب

[Moony heart]

لك لك هدا القسم اول مره انشوفه
انقول غريبه مفيش موضوع هدرزة في المنتدي وانا اموت علي الهدرزة:d
كيف حالكم جمعينا وحال الاهل ان شاء الله كويسين
والف مبروك لكل من سلمها ربي ورزقها
بي الذرية
ام الحلوين واينك يا حلو

[Om Amory]

صباحكم عسل ياعسولات

كيف حالكم فردا فردا هههههههههه

تعرفو النت ووووك منه مايفتحليش بكل

توا بس

ان شاءالله نحصل كل صبح حتى ربيع ساعه ههههههه

نايضتله من الفجارى

نعومى بارك الله فيك عقبال مانسمع عليك يارب حبوبه شن جوك انتى ؟؟؟؟

[الساجدة لله]

يابنات وين للاهم ؟

[ام رواسي]

السلام عليكم
كيف حالكم يا حرائر ليبيا
ماشاء الله عليكم هو انتم غاطسين اهنى وانى انقول شنو قصتهم معاش خش حد
منورين الله يبارك حتى وجهنا جرى فية الدم بعد موتت بوشفشوفة

[ام رواسي]

حرائر ليبيا الحرة بس كيف حالكم إنتم واهلكم إن شاء الله بخير
مغتربة 7 حلوة منك وخياتي الاحرار بس ام رواسي حتى إنتي عجبتني الطحالب لا
ام طه خلاص عاد توا بنادوك ام أيوب بعدين ايوب يزعل لو نادينك ام طه المهم يتربى في عزك
ملكة بنقابي مبروك عليك البنوتة إن شاء الله من حملة كتابه الكريم
بنية بوها مبروك عليك بنية أمها ربي يحفظهالك يا رب
ام عموري شني الاخبار الحلوة هادي إن شاء الله ربي يكملك علي خير يا رب
اما بخصوص أختنا الحاضرة الغائبة السمحة إن شاء الله ربي يرحمها ويدخلها فسيح جناته ويلهم اهلها وذويها جميل الصبر والسلوان
بالله عليكم هل من اخبار عن ام الجميلات مشغولة عليها هلبة إن شاء الله ربي يطمنا عليها يا رب

منورة يا نعومى

[نعومي نت]

السلام عليكم
كيف حالكم يا حرائر ليبيا
ماشاء الله عليكم هو انتم غاطسين اهنى وانى انقول شنو قصتهم معاش خش حد
منورين الله يبارك حتى وجهنا جرى فية الدم بعد موتت بوشفشوفة

هههههههههههههههههههههههههههههه
ما شاء الله اني إنقول خيرها ام رواسي بسم الله ما شاء الله وجيهه جري فيه الدم
واني كيف بنسالك ع الباودر اللي تستعملي فيه :d

[ام رواسي]

هههههههههههههههههههههههههههههه
ما شاء الله اني إنقول خيرها ام رواسي بسم الله ما شاء الله وجيهه جري فيه الدم
واني كيف بنسالك ع الباودر اللي تستعملي فيه :d

هههههههه
تى باودر شنو هدى يللى تحكى عليها يا نعومى بعد مافتكينا منه المشفشف كلة بدى طبيعى :d

[ام رواسي]

هيا تعالوا يا عويلة اشربو معاى فنجان قهيوة بعد تلفت بوشفشوفة
http://a1.sphotos.ak.fbcdn.net/hphotos-ak-ash4/s720x720/300481_264667103568813_196059987096192_698176_1879 384741_n.jpg
http://a6.sphotos.ak.fbcdn.net/hphotos-ak-ash4/311813_256552284380295_196059987096192_675695_1221 446250_n.jpg

[نعومي نت]

صحة ام رواسي
كان فنيجين كابتشينواماهو تعرفيني ما نشربش في القهوة

[ليبية حرة]

السلام عليكم ورحمة الله وبركاته
يابنات من فيكم يطمنا على أهل إجدابيا بعد اللي داره فيها الطاغية...

[ليبية حرة]

وينك يانعومي ماعدش راسلتيني وصحتين ياأم رواسي وياريت يكون نسكافيه لأني مانشربش في القهوة

[اريناس]

( كنا كذلك ... الى ان دخلت سنة 2011 ) .

بقلم : خليفة البشباش .. نالوت
... هذه صفحات مطوية , واحداث مروية وحوادث جرت وحقائق انجلت في احداث بلادنا
فلو قرأ القارؤون ودرس الدارسون وتكلم الخطباء العالمون سنين عددا . لما افادوا
الناس ما استفادوه من تجاربهم وما عاشوه في بلادهم وماكابدوه من مرار حربهم
فلو بقي الواحد يكتب فيها شهورا لم تكفه الأيام والليالي .
لكننا نكتب خواطرنا فليقرأ القاريء .. ولا لو على من لا يبالي

كنا نعيش في ذل وظلم وجور وقتل وحبس وجهل لسنين حتى تعودنا عليه
وسلمنا أمرنا لله .. وكل الناس بين لاه وساه ..
وافضلهم يكرر لفظة ( ربي يفرج ) وان بدون عمل .. والباقي يقضي عمره في أي
شيء يدفع عنه الملل

حتى دخلت سنة 2011 فيها كانت حوادث عظيمة وأحداث أليمة ومواقف جسيمة
في شهر ( فبراير ) من هذا العام استيقظ الليبيون من غفلة السنين .. وانتفضوا على ظلم وحكم المجانين وخرجوا عن بكرة أبيهم طالبين توديع الظلام وتحقيق الاحلام فاعتصموا الأسابيع والأيام وتظاهرو دون تراجع او استسلام

لكن رد الفعل من عبدة الملك كان كما لم يتوقعه احد من الناس من حديث الزمان وقديمه .. فلم يترك الطغاة بشرا ولا حجرا الا قاموا بقتله أو تهديمه

حتى اقتبسنا ايامها قول القائل ( فيا ليت أمي لم تلدني وليتني كنت نسيا منسيا فمن يسهل عليه ان يكتب نعي الليبيين بيده )
خرج علينا الطاغوت بجيش من الغلاظ الشداد . قكان من أسوأ مافي الخليقة وشن من عليها من الأجناد .استباحوا دماء العباد . وخربو وطغو في البلاد فأكثرو فيها الفساد
وقد شاهد الجميع جرائمهم .. التي عكست في آخر الأمر مصائرهم
( إن ربك لبالمرصاد )

فقد عذبو الرجال وقتلوا النساء والأطفال وأكثروا في البلد الأرامل ولم يتركوا ساكنة في محلها . واغتصبوا الحرائر وفعلوا في بعض المدن ما تشيب منه الولدان وتضع من فضاعته كل ذات حمل حملها

يحدثني شاب من بنغازي التقيته في العاصمة بعد التحرير .. يقول أنه في يوم 18 من مارس سارت الاخبار بنية سحق بنغازي وبدأت طلائع الثوار ترى بأعينها قوات الغازي .. وأيقن الجميع انهم قادمون بأسوأ نية .. ومعهم الصواريخ والقنابل الذكية منها والغبية .. وأرتال الدبابات والراجمات .. تحميها من فوقها الطائرات
فكان الكثيرون يرون الموت القادم من اسفل ومن أعلى .. وتوكل الناس على ربهم الأعلى
وواصل جيش الطغاة مسيرتهم .. وكانت قد سبقتهم بالوصول سمعتهم وسيرتهم .. حين دخلوا اجدابيا
فقتلوا وسفكوا كل ما طالتهم ايديهم وهتكوا الأعراض واستحلوا دماء البشر .. وعظم منهم الإجرام والشرر
ودافع اهل المدينة ببطولة عن أرضهم .. وااستشهد منهم المآت دفاعا عن اهلهم وعرضهم
وحاولوا دفع الأعداء ورفع البلاء بما استطاعوا
ولكن كما يقول المثل لن يغني حذر عن قدر
( وإذا أراد الله بقوم سوءا فلا مرد له )
فصارت المدينة وقتها خرابا يبابا خاوية على عروشها كان لم تغن بالأمس
فنسأل الله ان يرحم شهدائهم ويجبر اصابة جرحاهم ويعوض اهاليهم وامهاتهم

يقول لي الشاب ( واسمه سالم ) كنت خارجا من منزلي في بنغازي ليلة 19 لإيصال بعض المؤن للمرابطين في الخطوط الامامية حين وقعت عيني على سيدة من جيراننا تقف خارج البيت تسأل كل من يمر عن آخر الاخبار
فقلت لها ان تدخل وتنام وان شاء الله ربي يقدر كل خير
لكنها قالت له ان لديها طفلتين صغيرتين سمعتا الأخبار فظلتا تبكيانا اليوم كله وعندما حاولت تهدئتها قالت لها احداهما ( مانبيش نموت علاش هكي )
قال لي الشاب لم أملك لها جوابا ولا قدرت ان اطمنها بكلمة اذ كنت انا نفسي اصارع نفسي !
وعندما ذهبت الى الجبهة وجدت الشباب في حيرة غريبة ينظرون الى بعض سلاحهم الصبر والعزيمة
وقد جاؤو من كل أحياء بنغازي ومن كل المدن المجاورة طبرق ودرنة واجدابيا والبيضاء وشحات وغيرها
يكمل حديثه قائلا .. كان احد الطيارين الشجعان يملأ طائرته ذخيرة فيذهب يطلقها ويعود ليملأها ثانية
فاستغرب احدهم كثرة ذهابه ومجيئه بسرعة فسأله عن ذلك فأجابه : لو رأيت ما أرى انا لما بقيت هنا تملؤ لي الذخيرة

لا يستوي منكم من أنفق من قبل الفتح وقاتل أولئك أعظم درجة من الذين انفقوا من بعد وقاتلو وكلا وعد الله الحسنى

ان التحية كل التحية لأولئك الذين قاتلوا في ايام شهر مارس في مصراتة ومدن الشرق الليبي وجبل نفوسة والعاصمة طرابلس ومن كل انحاء ليبيا
اولئك الذين قاتلوا وهم يرون الموت رأي العين

يحدثني شاب من نالوت يقول في بداية الأحداث اعطونا عددا قليلا من بنادق
( الكلاشنكوف ) لنحمي مداخل المدينة وقمم الجبال
يقول عندما جاءت الكتائب كانت تطلق مئات القذائف والصواريخ .. ولم نكن نستطيع الرد عليها لان مدى بنادقنا لا يصل إليهم
قال : لا ادري لماذا بقينا في ذلك المكان لكننا بقينا لأنه كان يجب ان نبقى
وهكذا كان حال الكثير ممن قاتلوا في كل مدن الجبل كيفرن والقلعة والزنتان وجادوا والحوامد والرجبان وغيرها

مرة كنت جالسا مع بعض الجيران والاصدقاء الثوار .. ومعهم شقيقي الأصغر الذي استشهد في هذه الحرب
كان ذلك في أيام اجتياح الزاوية الأبية فسالتهم سؤالا .. ماذا لو اجتاحت الكتائب
مدينتنا ؟ ماذا سيحدث بعدها ؟
فرد علي شاب اسمه ( عبد المنعم ) بكلمة رائعة
قال لي
لو اقتحموا المدينة فهذا يعني أننا لن نعرف ما سيحدث بعدها لأننا سنكون في عداد الموتى

يعجز اللسان عن وصف شباب ليبيا الذين قاتلوا في تلك الأيام
من منا لا يتذكر أسود معارك شارع طرابلس في مصراتة الابية قلعة الجهاد
يوم كانت الكتائب تنتشر داخل الشارع الرئيسي في مصراتة وتحاصرها من كل الجوانب من كان حينها يتخيل أن هؤلاء سيحاصرون يوما زعيم العصابة في حفرة ؟؟
فسبحان من لا يعجزه شيء
لقد قتلت الكتائب كل ما وصلت اليه يدها في مصراتة وهتكت الأعراض وسرقت الاموال ونهبت كل شيء
إلا شجاعة اهلها فلم تستطع قتلها ولا استئصالها
فضرب الشباب فيها اروع الامثلة في الصمود .. وأعادوا تاريخ الجدود .. وضحوا من اجل الأرض والحدود
فلله درهم وعلى الله أجرهم

من ينسى يوم اجتاحت الكتائب ارض الزاوية الطاهرة
فلم تترك شيئا في المدينه الا خربته .. ولا ماشيا في الشوارع الا قتلته - فأكثروا اليتامى والأرامل .. واذاقوا أهلها من الموت مر المناهل .. ولم يرحموا شيخا كبيرا ولا طفلا صغيرا ولم يفرقوا بين عالم وجاهل
واستبسل الثوار في الدفاع عن مدينتهم وارضهم ولكن مشيئة الخالق الرازق و نقص الذخيرة والبنادق حالت دون منع الاعدامات من غير مشانق
فكابد الثوار مرة الحرب والرصاص وعم فيهم القتل والأسر والتعذيب
حتى صار الشباب لا يقولون من استشهد من الثوار في شارع كذا . بل يقولون من بقي ؟؟

الجاهل فقط من لا يعتبر بهذه الأيام وتلك الذكريات وكيف دارت الدائرة على الطاغية ومن معه
فأبدل الله أمنهم خوفا وعزهم ذلا واذاقهم من الكأس التي اذاقوها للناس من قبل
( ولله الأمر من قبل ومن بعد )

صارت كلها ذكريات تحكى .. ومشاهد تنقل وتروى

من يتذكر نزوح النساء والأطفال من مدن الحبل تحت ضغط القصف الهمجي ؟
من من اهل الجبل الأشم لم يرى أما او اختا او طفلا يرتعش في ظلمة الليل من صوت القذائف والصواريخ
حتى بدأ الناس في اخراج اهلهم واطفالهم ليقوهم من الموت القادم من باب العزيزية اليهم في منازلهم
اتذكر يوم خروج الاهل كن اخي الأصغر وعمره (20 سنة ) قالت له امه هل ستأتي معنا ؟
لا تزال كلمته ترن في اذني حتى الساعة قال ( لالالالالا لا تفكري في هذا ابدا ) كانت تلك آخر مرة يشاهد فيها امه
ظل الأهل في المهجر لثلاثة أشهر حتى استشهد في احدى معارك نالوت لتأتي والدته بعد ذلك وتزوره لا في البيت بل في المقبرة
ومثل أحمد كثيييييييييير
كان الرجل فينا يشعر بغصة في حلقه وهو يشاهد الناس يهجرون من بلادهم
مرت أيام شاهدت فيها المدينة خاوية .. والشوارع خالية .. الاهل والاطفال قد هجروا .. والشباب والرجال على اطراف المدينة وقمم الجبال يقضون الليل والنهار مانعين الكتائب من الدخول
هدوء مريب وصمت غريب تكسره أصوات الصواريخ العشوائية والقذائف الهمجية
واصوات مآذن المساجد التي تصدح بالتكبير والتهليل

من راى الثوار يحاصرون آخر فلول القذافي في حي 2 بسرت سيتذكر يوم حوصرت مصراتة ومدن الجبل
من رآهم يدكون اخر حصون القذافي يتذكر يوم كان الناس يدكون بالصواريخ على منازلهم
من رأى القذافي ذليلا وضيعا يتذكر يوم خرج علينا متكبرا متجبرا يتوعدنا بالزحف والقتل والتنكيل
من رأى المعتصم متسخا ذليلا لا يقدر على شيء يتذكر كبرهم وجبروتهم وحفلاتهم واناقتهم
اين اموالهم وجنودهم وعتادهم ؟
واين ما شاده شداد في إرم :: وأين ما ساسه في الفرس ساسانُ
وأين ما حازه قارون من ذهب :: وأين عاد وشداد وقحطانُ
أتى على الكل أمر لا مرد له :: حتى قضوا وكأن القوم ما كانوا

دارت عليهم الدوائر .. وذاقوا اذل النهاية وابشع المصائر

فلكل ليبي ان يذكر ويعتبر ويتأمل كيف كانت الاحداث التي مرت مرحلة فارقة ابتليت

فيها السرائر وخرجت الخبايا التي تكنها الضمائر
ورأينا من البشر من كل همه بطنه وفرجه
ومنهم من كانت نفسه رخيصة وهمته خسيسية .. كل غايته جمع الذهب والاموال النفيسة
حتى لو كان على حساب قتل الأبرياء وسحق المنازل على رؤوس أهلها
رأينا في تلك الاحداث ان البهرج من الأقوال والشعارات يخون صاحبه وقت الشدة
فلا تجد شيئا من شعارات الاخوة والمحبة والفداء
بل كان من قليلي الضمائر من كان له عن اهله شأن يغنيه فلم يرحم قريبا ولا بعيدا

والحمد لله الذي انهى تلك الأيام وانجانا من تلك الآلام
فها نحن الان على اعتاب حياة جديدة مليئة بالآمال والأحلام

على كل طالب منا سيجلس على مقاعد الدراسة
يجب ان يعرف انه ثمة طالب كان يحلم ان يجلس في نفس المكان
ويحلم بنفس احلامنا الوردية
لكنه اختار الموت من اجل ان تدرس أنت بشكل افضل وتعيش حياة افضل

على كل مقبل على الزواج والحياة ان يعرف انه كان هناك شاب يحلم بنفس

اليوم الذي تخطط له وبنفس العرس الذي ستقيمه
ولكنه يوم خير بين ان يعيش هو ذلك اليوم او انت
اختارك انت على نفسه وضحى من اجلك

علينا جميعا ان نتذكر ان الحياة في ليبيا كانت تتنفس موتا
وان ولادة ليبية الجديدة كلفتها زينة شبابها وخيرة ابنائها

ما راق لي قطُّ شيءٌ بعدما راحو ** إلاّ أحاديث أرْويها وآثارُ
ما كنتُ آمُلُ أن أبقى وقد ذهبوا ** لكن أتت دون ما اختار اقدارُ

تلك كانت نقطة في بحر
وحكاية من كتاب
وغيضا من فيض
ذكرت بعض ما ذكرت
وكان ما كان مما لست أذكره ::: فظن ظن ولا تسأل عن الخبر

خليفة البشباش .. نالوت

[خدوج]

تسلمى اريناس وكيف حالك من فترة مش باينة
كلام جميل
يرق له القلب وتدمع له العين
يقول خليفة البشباش
أين ما حازه قارون من ذهب
واقول له
واين القدافى وتهديده ووعيده
واين سيف المعلون واصبعه
سبحانك ربى
ان الله على كل شى قدير
شكرا اريناس

[mnona]

http://www.libyan-kitchen.com/gallery/images/missyou6.gif


السلام عليكم ورحمة الله وبركاته
شنو أخباركم وخياتي وشنو اخبار عويلتكم كلكم ان شا الله تمام التمام
والله ليكم وحشة كبيرة هلبا هلبا
ومبروك النصر علينا وعليكم وربي يرحم شهدائنا الابرار يارب

طبعا طرابلس باسم الله ماشا الله أمورها 100 % وعايشين حياة طبيعية
وحياة بلا معمر القذافي وبلا باب العزيزية وحياة والحمد لله كلها احتفالات مافيش منطقة مافيهاش احتفالات بالنصر
وبإذن الله مستمرين للعيد ولبعد العيد بالاحتفالات وربي يهنينا بالفرح والانتصار ديمة ديمة والحمد لله عالحرية


http://www.libyan-kitchen.com/gallery/images/up13131683.jpg

[ام رواسي]

عيدنا عيدين يا بلادى وكل سنة واانتم باالف الف خير
وينعاد عليكم بصحة والسلامة
تعالوا ياعويلة هدرزونا شنى شعوركم فى هاالعيد بعد مامشى المشفشف اكيد فية بنة مش عادية العيدان شاء الله ربى يدوم علينا فرحتنا ويدوم الامان والاستقرار في بلادنا

[نعومي نت]

السلام عليكم ورحمة الله وبركاته
كيف حالك يا ام رواسي
وإن شاء الله كل عام وانتي بخير و الاسرة الكريمة كلها بخير
وربي يطول في عمر إميمتك

[ليبية حرة]

كل عام وإنتم بخير يا أم رواسي ويانعومي وتصدقي هادي أحلى عيد نعيشها من 25سنة
وخودي المسج هذا
فرحتي ماليهاش حدود بوشفشوفة كله دود وسيف مشرد في الحدود وباقي العيلة أيامها سود
عيدك مبروك مسعود...

[التا ئبه لله]

السلام عليكم

كل عام وانتم بخير ام رواسى مشكوره على الافتتاحيه

وينعاد عليك يا رب واختى ليبيه حره ينعاد عليك

بالخير

[ليبية حرة]

وينعاد عليك ياحبوبة حتى إنتي بالصحة والسلامة...
:):):):):):)

[دلوعة زوجي]

السلام عليكم كل سنة والعيد احلى وخاصة بلا المشفشفين كيف حالكم ربي ايكمل فرحتكم

[ام رواسي]

ان شاء الله يارب ينعاد عليكم كلكم انتم واهلكم وصغويرتكم بصحة والسلامة

[ام ليبيه حره]

السلام عليكم ورحمة الله و بركاته
كل العام و الجميع بخير
بارك الله فيك ام رواسي على هذه المشاركة
اسال الله ان يحفظ ليبيا من كل شر واان يوحد كلمتنا

[ام رواسي]

السلام عليكم ورحمة الله وبركاته
كيف حالك يا ام رواسي
وإن شاء الله كل عام وانتي بخير و الاسرة الكريمة كلها بخير
وربي يطول في عمر إميمتك



وعليكم السلام ورحمة الله وبركاتة
الله يسلمك يا نعومى شنى اخبارك انتى وشنى اخبار البيان
كل سنو وانتى بخير وينعاد عليك بصحة والسلام
اااااااااااااااامين يارب بارك الله فيك على الدعوة الحلوة ويحفظلك اميمتك حتى انتى ان شاء الله

[ام رواسي]

السلام عليكم ورحمة الله وبركاته
كيف حالك يا ام رواسي
وإن شاء الله كل عام وانتي بخير و الاسرة الكريمة كلها بخير
وربي يطول في عمر إميمتك




كل عام وإنتم بخير يا أم رواسي ويانعومي وتصدقي هادي أحلى عيد نعيشها من 25سنة
وخودي المسج هذا
فرحتي ماليهاش حدود بوشفشوفة كله دود وسيف مشرد في الحدود وباقي العيلة أيامها سود
عيدك مبروك مسعود...
وانتى باالف خير يا حرة ايهبل المسج مش عادى يعطيك السلامة من وين حصلتية

السلام عليكم

كل عام وانتم بخير ام رواسى مشكوره على الافتتاحيه

وينعاد عليك يا رب واختى ليبيه حره ينعاد عليك

بالخير


وعليكم السلام والرحمة
وانتى بخير وينعاد عليك بصحة والسلامة
ليك ووووووحشة

[ام رواسي]

السلام عليكم كل سنة والعيد احلى وخاصة بلا المشفشفين كيف حالكم ربي ايكمل فرحتكم

وعليكم السلام والرحمة
وانتى بخير وينعاد عليك بصحة والسلامة
حالنا بخير ونعمة والحمدلله
ان شاء الله ربى ايكمل علينا فرحتنا يارب

[ام رواسي]

[]وينكم يا عويلة شكلكم ارقتو بكرى الليلة ولا غاطسين تقرضو ا فى عوالة العصبان]
وحدة مكسدة تبى تهدرز
[
خدو الاغنية هدى هدية منى ليكم

كل عيد وانتم في هنا ومودة

وناسكم طرابة لا كدر لا شدة

[ام رواسي]

جبت وشق قولت خلى انبخر الدويرة بالك ايشمو العويلة ايجو ونوسع على خاطرى شوية http://files.fatakat.com/2009/12/1262012056.jpg
http://files.fatakat.com/2009/11/1259356125.jpg

[بنية بوها]

مبروك العيد مافيش حد الا اني بروحي هئ هئ هئ هئ

[ام رواسي]

السلام عليكم
بنية بوها كيف حالك وكل سنة وانتى طيبة
ليبية حرة ووووينك انى جيت

[ليبية حرة]

أني قاعدة ياحبيبتي كيف حالكم ياأم رواسي وبنية بوها وخودو هادي: نعيد بالنجمة وهلال كبش سمين فلوس حلال مش زيك ياكبش معمر حتى لحمك مايتحمر...كل عام وإنتم أحرار...

[ام رواسي]

أني قاعدة ياحبيبتي كيف حالكم ياأم رواسي وبنية بوها وخودو هادي: نعيد بالنجمة وهلال كبش سمين فلوس حلال مش زيك ياكبش معمر حتى لحمك مايتحمر...كل عام وإنتم أحرار...

الله يسلمك يا حرة ايهبل المسج كل مسج احلة من التانى ويمسح على القلب والله العظيم قالوها عويلة البلاد الشوى فية بنة وصنة سبحان الله والعيد ليها طعم تانى الله يدوم عليهم ويهنيهم يارب

[ليبية حرة]

الله العظيم أحلى عيد نحسها وتسلمي ياحبوبة...

[ام رواسي]

والله نفس الاحساس

[ام رواسي]

حرة انتى شكلك مغتربة

[ليبية حرة]

بجديات تحسي روحك غير...

[ام رواسي]

ان شاء الله ربى يدوم علينا فرحتنا ويعم الامن والامان والاستقرار لبلادنا

[ليبية حرة]

يارب إنشاء شن حال بنيتك رواسي...

[ام رواسي]

الله يسلمك تبوس ايديك

[ام رواسي]

هيا عرفينا عليك شوية

[ليبية حرة]

سلمك وسلمها ياحبيبة شن أخبار عيدكم...

[ليبية حرة]

أني غريانية ونسكن في طرابلس عمري 25سنة أنسة

[ام رواسي]

اهو الحمد لله ارجى فى الضحية قعدة موصلتنيش

[ام تغريد]

السلام عليكم كيفكم وكل عام وانتم بالف خير

[ام رواسي]

اهلا وسهلا بيك حتى انى عندى مرت خوى غريانية وتسكن فى طرابلس

[ليبية حرة]

وعليكم السلام يا أم تغريد كيف حالك وإنتي من وين يا أم رواسي

[ام تغريد]

كيف حالك ياغريانية اني من طرابل وساكنة في غريان

[ام رواسي]

السلام عليكم كيفكم وكل عام وانتم بالف خير

وعليكم السلام والرحمة
الله يسلمك ويهنيك
وانتى بخير وينعاد عليك بصحة والسلامة

[ranaa]

عيد مبارك من غير القردافي وازلامه

[ليبية حرة]

تشرفنا ياأم تغريد وين تسكني في غريان

[ام رواسي]

كيف حالك ياغريانية اني من طرابل وساكنة في غريان


ههههههههه ماشاء الله
النصيب سبحان الله

[ام تغريد]

شني ياام رواسي لاباس عليك خيرها الضحية ما وصلتش

[ام تغريد]

نسكن في تغسات

[ليبية حرة]

خديتي السؤال من فمي يا أم تغريد أنستينا يا رنا

[ام رواسي]

عيد مبارك من غير القردافي وازلامه

وعيدك اسعد من غير المشفشف

[ليبية حرة]

وين قريب من كوشة الشنطة أو في أي جهة

[ام تغريد]

وينكم ردو؟؟؟؟؟؟؟؟؟؟؟؟؟

[ام رواسي]

شني ياام رواسي لاباس عليك خيرها الضحية ما وصلتش

والله يا حبيبة اليوم الاحد عطلة والجزاز عندة زحمة وامتة يوصل فيك الدور

[ام تغريد]

بالقرب من المستشفى وانتي من وين

[ليبية حرة]

قاعدين

[ranaa]

مراحب يابنات وكيف حالكن الحمد لله افتكينا من الطاغي

[ام رواسي]

منو منكم قريبة علية منطقة القواسم

[ليبية حرة]

حالي باهي الحمد لله كيف حالك إنتي

[ليبية حرة]

أني من الدياسير

[ام رواسي]

وين امشيتو يا عويلة غريان

[ليبية حرة]

وين الضبط ياأم رواسي

[ام رواسي]

نستاذن انى توة خلى نمشى نصلى العصر ونر جعلكم

[ام تغريد]

مشكلة الجزارين يوم العيد فكرتيني في امي عيد من الاعياد قالت خلي نغيرو ونبعته للجزار هي واولادها يعني ثلاتة خرفان قعد لين وصل فيه الدور قريب المغرب قال خلاص معاش نقدر ....فدبحهمله و سلخهمله بس وروح بيهم وكمل هو الباقي وعلي هالحال الواحد يدبح بروحه خيرله

[ام تغريد]

اللي من القواسم اني امس كنت غادي نعزي البعيد عليكم كانك تعرفيهم عيلة صقر

[ليبية حرة]

أني نسمع بيهم هادو اللي عندهم محلات في تغسات أو لا

[ام رواسي]

مشكلة الجزارين يوم العيد فكرتيني في امي عيد من الاعياد قالت خلي نغيرو ونبعته للجزار هي واولادها يعني ثلاتة خرفان قعد لين وصل فيه الدور قريب المغرب قال خلاص معاش نقدر ....فدبحهمله و سلخهمله بس وروح بيهم وكمل هو الباقي وعلي هالحال الواحد يدبح بروحه خيرله

الصراحة فى ليبيا تقدرى تدبحى بروحك ومع المة والوسع لكن احنى اهنى منقدروش اولا صقع اقرض وتانيا اتمزريط وتعب

[ليبية حرة]

إنتي وين قاعدة ياحبوبة يا أم رواسي ويا أم تغريد شكلك ماتعرفيش الدياسير

[ام رواسي]

تغريد انتى وين تسكنى فى طرابلس
وليبية حرة وين تسكنى فى طرابلس

[ليبية حرة]

أني نسكن في طريق المطار

[ام رواسي]

إنتي وين قاعدة ياحبوبة يا أم رواسي ويا أم تغريد شكلك ماتعرفيش الدياسير

انى مقيمة فى بريطانيا

[ام رواسي]

أني نسكن في طريق المطار

سبحان الله احساسى قالى تسكنى غادى

[ام رواسي]

تعرفى عيلة بن سليمان وفى نفس الوقت عندهم لقب الغريانى

[ليبية حرة]

علاش كيف عرفتي

[ليبية حرة]

فيه هلبا هني

[ام رواسي]

علاش كيف عرفتي

على خاطر طريق المطار يسكنوا فيها هلبة غريانة

[ام رواسي]

فيه هلبا هني

مفهمتكش شنى هلبا

[ليبية حرة]

أصلا الغراينة كلهم يسكنو في طريق المطار

[ام رواسي]

تغريد وين غطستى

[ليبية حرة]

قصدي فيه هلبا لقبهم الغرياني

[ام رواسي]

أصلا الغراينة كلهم يسكنو في طريق المطار

اية ماشاء الله صح

[ليبية حرة]

شكلها مشت تاكل في الشوا

[ام رواسي]

قصدي فيه هلبا لقبهم الغرياني

هدى العيلة بوهم اسمة عبدالله وامهم متوفية بحادث سيارة وبوهم متزوج مراة تانية

[ليبية حرة]

مانعرفهمش

[ام رواسي]

شكلها مشت تاكل في الشوا

زعمة شكلة البين هكى

[ام رواسي]

انتى تسكنى قريبة من ابو سليم

[ليبية حرة]

قريبة من العمارات متاع طريق المطار

[ام رواسي]

قريبة من العمارات متاع طريق المطار

وحتى هدى العيلة يللى نحكيلك عليها يسكنو غادى قريبين من كوبرى المشاة تقريبن

[ام رواسي]

نعومى وام سجى تجويد ام طة ام سارة شكلكم قعدين غا طسين فى الحوسة تعالو عاد هدرزونا على عيدكم

[ليبية حرة]

لكن مانعرفهمش ياحبوبة لأن فيه هلبا لقب الغرياني

[ام تغريد]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة ليبية حرة
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



إنتي وين قاعدة ياحبوبة يا أم رواسي ويا أم تغريد شكلك ماتعرفيش الدياسير

نسمع بيها ولكن ما حصلش الشرف وزرتها
مش مشكلة نفوت العيد وبعدين انمر عليها ونشوفها



http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

[ام تغريد]

ام رواسي انتي في الغربة سامحيني نحسابك هني في البلاد
الله يكون في عونك وربي يونسك بصغارك ويعوضوك الغربة
واهلي في طرابلس ساكنين في بوابة الجبس

[ليبية حرة]

الدياسير هيا اللي تتشرف بيك

[ام تغريد]

انتي متزوجة والا لا

[ليبية حرة]

شن حالك يابنغازية هيا هدرزي علينا...

[ليبية حرة]

لا ياحبوبة وإنتي كم ليك متزوجة

[ام تغريد]

تي غير وين غاطسة اطولي في الرد

[ليبية حرة]

كنت نقول لبنغازية تخش تهدرز معانا

[ام تغريد]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة ليبية حرة
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



لا ياحبوبة وإنتي كم ليك متزوجة

ولدي البكر السنة هادي شهادة ثانوية

http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

[ام تغريد]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة ليبية حرة
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



لا ياحبوبة وإنتي كم ليك متزوجة

ان شاء الله ربي يرزقك بولد الحلال
عاجلا غير اجل

http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

[ليبية حرة]

ماشاء الله إنشاء الله ربي يحفظهولك...

[ليبية حرة]

تي خيرك يابنغازية وين غاطسة...

[بنغازية]

السلام عليكم ورحمة الله وبركاته
كيق حالكن يابنات من بدري دهشتني ونا نقرا في هدرزتكن منين انتي من طرابلس نسكن في طريق المطار
مش عارفه شنو وانا كيف لطرش في الزفه هههههههههههههههه انا في الشرق وانتن في الغرب
سلا مي لكن جميعا ولي عودة لان اعيالي قاعدين ايزنزنوا علي راسي ديريلنا قلايه انا ماشيه الله غالب
سلام

[ليبية حرة]

خشي يا أم ماجد مرحبتين بيك إنتي وبنغازية خيركم هيا ماتخلونيش بروحي...

[ليبية حرة]

شن حال عرب الشرق واحني ليبيا وحدة مافيش فرق بينا

[ام ماجد]

كل عام وانتم بالف خير وهدا العيد غير الاعياد السابقة لان بوشفشوفة مش معيد معنا

[ليبية حرة]

أكيد ياحبوبة شن حالك ووينك يا أم تغريد

[ام ماجد]

وينك ياليبية حرة تقولى تعالوا وتهربى تعالى احكينا شن درتوا فى العيد

[ام تغريد]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة بنغازية
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



السلام عليكم ورحمة الله وبركاته
كيق حالكن يابنات من بدري دهشتني ونا نقرا في هدرزتكن منين انتي من طرابلس نسكن في طريق المطار
مش عارفه شنو وانا كيف لطرش في الزفه هههههههههههههههه انا في الشرق وانتن في الغرب
سلا مي لكن جميعا ولي عودة لان اعيالي قاعدين ايزنزنوا علي راسي ديريلنا قلايه انا ماشيه الله غالب
سلام
اولا مرحبا بام ماجد بيننا وكل عام وانتي وافراد اسرتك بالف خير قداش ما يعزو عليا الشراقة وكلامهم بزايد
انتي من وين بالزبط
وصغارك اللي يبو القلاية قوليلهم اهي ام تغريد بتبعتلنا صونية غر خلوني انهدرز شوية

http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

[ام تغريد]

اني هني ياليبيا قوليلي شن جو العيد اليوم كملتو حوستكم بكري والالا

ودرتو العصيان والا مازال

[ليبية حرة]

ردي بالك تزعلي مني يا حبوبة يا أم تغريد مش قصدي

[ليبية حرة]

أني نهدرز معاك أم ماجد غير مرة مرة نطلع شوية ويا أم تغريد كملنا حوستنا لكن مادرناش عصبان وإنتي

[ام تغريد]

والله ما نزعل من الاحباب هيا تفضلي معانا بنتي مدايرة نسكافيه مع غريبة تو بنزلها بعد العيد في قسم الحلويات

[ليبية حرة]

بالسلامة ياحبوبة توا لأن اللي في جنبي يبو النت تصبحي على خير

[ام تغريد]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة ليبية حرة
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



أني نهدرز معاك أم ماجد غير مرة مرة نطلع شوية ويا أم تغريد كملنا حوستنا لكن مادرناش عصبان وإنتي
اني جابلي يوم الموسم نص صقيطة درتها قديد امس ونشرته
والمصارين والمعلاق جهزته من امس واليوم زي الفالحة نايضة من الساعة سبعة ودرته وطاب الساعة عشرة وبعدين دبحنا والدوارة نضفتها وحطيتها في الثلاجة وتغدينا عصبان وقلاية والفطور شواء
وتوا مرتاحة الصابون في الغسالة ومقعمزة والصغار يزنو عليا كل واحد يبي يقمعز

http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

[نعومي نت]

كل عام وانتم بالف خير
فاصل و اوصل غير مشغولة شوية قلي إندير طلة نعيد و نطلع

[بنغازية]

اهلين بام تغريد كل العام وانتي بخير مش عارفه كنهم لعيال كل ما يشوفوك امقعمزه عالنت نغلوا عليهم
وتليقهم كلهم جاعنين ويخطر عليهم لي ما يخطر سملا علينا حسدينا في ها لقعده غيره ياحنه يبونه
غير انبحتو في اوجوهم وخلاص ملينا من التقراي والعياط نبو انتريحوا اشوي عطهم الهناء وخلاص
احياناً تبي اتعيشي جو هكي حلو مع الزوج بعيد عن الابناء لكن وين يا حصره ولا وراك وراك
الله ايعينا وخلاص

[ام رواسي]

=نعومي نت;61992]كل عام وانتم بالف خير
فاصل و اوصل غير مشغولة شوية قلي إندير طلة نعيد و نطلع


نعومى شنى قعدة مكملتيش الحوسة ربى يعونك وينعاد عليك بصحة والسلامة ان شاء الله
[/size]
والله ما نزعل من الاحباب هيا تفضلي معانا بنتي مدايرة نسكافيه مع غريبة تو بنزلها بعد العيد في قسم الحلويات

سلمها ام القلب الحنون يللى متزعلش حد ربى يجبر بخاطرك

[ام رواسي]

السلام عليكم ورحمة الله وبركاته
كيق حالكن يابنات من بدري دهشتني ونا نقرا في هدرزتكن منين انتي من طرابلس نسكن في طريق المطار
مش عارفه شنو وانا كيف لطرش في الزفه هههههههههههههههه انا في الشرق وانتن في الغرب
سلا مي لكن جميعا ولي عودة لان اعيالي قاعدين ايزنزنوا علي راسي ديريلنا قلايه انا ماشيه الله غالب
سلام

وعليكم السلام ورحمة الله وبركاتة
اهلا وسهلا ومرحبتين بعرب بنغازى ربى ان شاء الله يحفظلك صغويرتك يونسك بيهم

[ام رواسي]

ام رواسي انتي في الغربة سامحيني نحسابك هني في البلاد
الله يكون في عونك وربي يونسك بصغارك ويعوضوك الغربة
واهلي في طرابلس ساكنين في بوابة الجبس

مسامحة حبيبة لالاعادى
وين اتجى المنطقة هدى اول مرة نسمع بيها انهار ابيض متقوليش عايشة فيها بلادى

[ام رواسي]

وينك ياليبية حرة تقولى تعالوا وتهربى تعالى احكينا شن درتوا فى العيد

اهلا وسهلا ام ماجد انستينا

[ام رواسي]

ولدي البكر السنة هادي شهادة ثانوية

ماشاء الله ربى يحفظهولك وتشوفية عريس عمر ولدى

[التا ئبه لله]

السلام عليكم

كل عام وانتم بالف الف خير وينعاد عليكم

بالخير والصحه

[بنت طبرق]

السلام عليكن جميعا
كل سنة وانتن بخير

[ليبية حرة]

وإنت بألف خير ياحبوبة

[هديل]

كيفكم بنات وكل عام وانتم بخير

[ليبية حرة]

شن حالك إنتي وشرفتي المنتدى

[هديل]

تسلمي ليبية حرة

[ليبية حرة]

كم عمرك ياحبوبة وإنتي متزوجة أو لا

[ليبية حرة]

وين غطستي ياحبوبة

[هديل]

انا من مواليد 72 ولسا انسة اشتغل في المحاماة وحشيشتي الطبخ بالرغم اني مش اكولة

[ليبية حرة]

ربي يخفف نصيبك وأني مواليد86 وحتى أني أنسة طالبة

[هديل]

ربي يوفقك عمرك قريب من اصغر اخواتي يلي انا اكبرهم

[ليبية حرة]

ويوفقك إنتي من وين

[هديل]

انا من طرابلس لكن اصلي الاول من جبل نفوسة عربية مش من الاخوة الامازيغ تقدري اتقولي من غريان

[نعومي نت]

السلام عليكم ورحمة الله وبركاته
وينكم يا صبايا
ليبية حرة وينك إتقوليلي تعالي وبعدين تختفي

[ليبية حرة]

حتى أني من غريان

[ام منير@]

كيف حالكن يا ليبيات وكل عام وانتن بخير الحمد لله يا ربي تفكينا من بوشفشوفه عيدنا عيدن و اناشالله كل عام ملمومين ومتهنيين

[ام منير@]

علي فكره اني من مصراته في حد من مصراته

[ليبية حرة]

مرحبتين بيك يا أم منير وأني من غريان

[الدلوعة]

حابة اتعرف عليكم

[ليبية حرة]

ادللي ياحبوبة أني غريانية نسكن في طرابلس عمري 25سنة أنسة

[الدلوعة]

اهلين يا ليبية حرة

[ام رواسي]

السلام عليكم
كيفكم اليوم يا حبيبات

[الدلوعة]

بجودة يا عيونى انى متزوجة عندى 4 صغار

[ليبية حرة]

وعليكم السلام وأهلين بيك يادلوعة ولكن أني يا أم رواسي توا بنطلع بالسلامة ونتلاقو غدوة إنشاء الله

[الدلوعة]

نسكن فى السراج

[ليبية حرة]

ربي يخليهملك يادلوعة

[الدلوعة]

نتلاقو ياام رواسى

[الدلوعة]

انشا الله انشوفوهم عندك

[التا ئبه لله]

السلام عليكم يا سهرانين

كل عام وانتم الى الله اقرب

[ام رواسي]

باهى يا ليبية حرة ليلتك سعيدة

[ام رواسي]

اهلا يا تائبة كيف حالك وشنو اخبارك وانتى ان شاء الله باالف خير وينعاد عليك بصحة والسلامة

[ام رواسي]

اهلا وسهلا يا دلوعة انستينا

[التا ئبه لله]

الله ايبارك فيك ام رواسى كيف حالك انتى والعيله

بخير ان شاء الله

[الدلوعة]

اهلين ياليبية حرة

[الدلوعة]

كيف حالك يا تايبة لله

[ليبية حرة]

مرحبتين بيك يا أم ميوسة خشي هدرزي معاي

[ام رواسي]

السلام عليكم

[ليبية حرة]

وعليكم السلام ياحبوبة شن حالك اليوم

[ليبية حرة]

وين غاطسة ياأم رواسي

[ليبية حرة]

مرحبتين بيك يا أم ماجد شن حالك اليوم وخيرك ياأم رواسي ساعة باش تكتبي لين وقتي يتم ونطلع من النت

[ام ماجد]

وعليكم السلام ياحبوبة شن حالك اليوم

[ليبية حرة]

الحمد لله شن حالك إنتي

[الكتومه]

السلام عليكم من موجود

[الكتومه]

بنات ياحبوبات انا جديده بينكم من بنغازي حابه انتعرف عليكم

[الكتومه]

ام ماجد موجوده

[الكتومه]

امممممممممم ليبية حرة وينك

[الكتومه]

شكله مافيش حد يلا باي

[ليبية حرة]

وينك ياليبيه أني خشيت هيا تعالي

[ام ليبيه حره]

السلام عليكم ورحمة الله و بركاته
كيف حالكم جميعا

[ليبية حرة]

وعليكم السلام الحمد لله كيف حالك إنتي وشن أخبار العيد

[ام ليبيه حره]

الحمد لله
والله فرحانين غير ناقصة بالاودنا ياللي استشهدوا

[ليبية حرة]

إنشاء الله ربي يرحمهم درتي عصبان وإلا لا

[ليبية حرة]

وينك يا أم ليبيه يا حبوبة

[حبيبتهم]

السلام عليكم

كيف حالكم يا حلوات

عيدكم مبارك

[ليبية حرة]

تسلمي ياحبوبة كل عام وإنتي بألف خير

[ام صهيب]

çلَلçم ْليكم
كي‎ çليçل
كل ْçم وçنêم èîيٌ

[أم أيوب]

السلام عليكم ورحمة الله وبركاته

كل سنة والجميع طيبين وكل عيد وانتم صحيحين

والعيد الجاي باذن الله في عرفات واقفين

[ليبية حرة]

وعليكم السلام ياحبوبة وإنشاء حتى إنتي تكوني في عرفات العيد الجاي...

[ليبية حرة]

هيا خشو معانا يا أم رواسي وحبيبتهم مع إني شوية وبنطلع لأن وقتي خلاص تم

[أم أيوب]

مراحب ليبية حرة
كيف حالك

[ام رواسي]

السلام عليكم ورحمة الله وبركاته

كل سنة والجميع طيبين وكل عيد وانتم صحيحين

والعيد الجاي باذن الله في عرفات واقفين

وعليكم السلام ورحمة الله وبركاتة

اهلا ام طة وين الغيبة
وانتى باالف خير وينعاد عليك بصحة والسلامة

ان شاء الله من فمك لباب السماء نتلاقوا السنة الجاية فوقة كانا احيانا ربى
وان شاء الله ربى مايحرم منة مومن

[ام رواسي]

هيا تفضلوا يا عويلة
http://a7.sphotos.ak.fbcdn.net/hphotos-ak-snc7/301618_182196858528233_126940877387165_386514_1148 053418_n.jpg

[ام رواسي]

يا ام سجى تى غير تعالى وعيدى علينا وين تحوسى من بعيد لبعيد
ولا قعدة وخدة على خاطرك منا تعالى تعالى معليش توا عيد

[ليبية حرة]

صحيتي ياحبوبة مدابيك معاها فنيجيل نسكافيه

[باسمة]

السلام عليكم

[ليبية حرة]

وعليكم السلام نور المنتدى

[باسمة]

السلام عليكم ورحمة الله وبركاته

[ليبية حرة]

كيف حالك ياباسمة

[ليبية حرة]

وين مشيتي ردي

[التا ئبه لله]

السلام عليكم كيف حالكم

[Om Saga]

كل عاااااااااام وأنتم بألف خير حبوبات
وتفضبي رواسي شن تبي
لالا ياسر نعومي ماخلت ماقالت شن تسحابي الكلام مايوصلش
عندي مني يحبني
أني وكلت ربي في قالته كله
حسبي الله ونعم الوكيل
أرجوك ياأم رواسي ماتتعدريش لالا خلاص خلاص
( تكشيخة هذي ههههههه)

[ليبية حرة]

وعليكم السلام شن حالك ياتائبة