خواتي الزائرات والعضوات ياليت إتفيدوني [الأرشيف]

مشاهدة النسخة كاملة : خواتي الزائرات والعضوات ياليت إتفيدوني

kenana

11-10-2011, 12:50 PM

السلام عليكم ورحمة الله وبركاته
خواتي أمس كان يوم 11 الدوره و كان عندي موعد مع الدكتور وقالي من الأحسن إديري عملية تثقيب المبايض بالمنظار لوجود تكيس بها بسبب ضعف التبويض والمنشطات لم يحدث معها حمل
أعطاني الدكتور موعد الأسبوع القادم لإجراء العمليه .
أني خايفه ومتردده ياليت تتكرمو وتفيدوني ولو في وحده دايرتها أوتعرف وحده دايرتها تنصحني ولو نجحت معاها تعطيني إسم الدكتور والعياده ولكم مني جزيل الشكر ولاتنسوني بالدعاء .

ام تغريد

11-10-2011, 12:58 PM

ما عنديش فكرة علي مشكلتك وان شاء الله ربي يشفيك ويرزفك بالدرية الصالحة
ونصيحتي لك وكلي امرك لله يكون معك دائما والخوف طلعيه من راسك هذا شعاري في حل مشاكلي

ام رواسي

11-10-2011, 06:02 PM

سامحينى يا اوخيتى والله ما عندى فكرة حتى انى نسال الله العظيم ان يشفيك ويرزقك ا لذرية الصالحة وايجيبلك يللى فيها الخيرة

شاطئ بلا رمال

11-10-2011, 06:28 PM

وخيتي ربي ينولك اللي في بالك أكثري من الإستغفار
واستخيري الله سبحانه وتعالى في إجرائك للعمليه مع هذا الدكتور
وننصحك إديري بحث على موضوعك في النت باش تتوضحلك الصوره أكثر
وتنزلي إستفسارك في أحد المواقع المتخصصه أو اللي فيها دكتور متخصص في مثل حالتك
وإن شاء الله ربي يوفقك ويرزقك
وبصراحه بصراحه هذه الاشياء في الخارج تكون مضمونه أكثر للظروف المعروفه عندنا.
سلامات عليك

حبيبتهم

11-10-2011, 06:34 PM

السلام عليكم

نصيحة خوديها مني انا اختك
مااتديريش العملية
انا عندي تكيس والحمد لله حملت وعندي ولد الحمد لله

تابعي مع دكتور كويس
وديري ريجيم نقصي وزنك ونقصي من النشويات والسكريات والافضل الامتناع عنها نهائيا
وخودي حبوب الجلوكوفاج اللي هي نفسها الميتفورمين حبوب لمرض السكر وتساعد في تنشيط المبايض وياخدها حتى اللي مش مريض بالسكر عافانا الله واياكم
وشوفي المواقع الطبية المتخصصة
وربي يرزقك الذرية الصالحة

خدوج

11-10-2011, 07:12 PM

ان شاء الله لاباس عليك
اسال الله العظيم رب العرش العظيم ان يشفيك
وان شاء الله الحبوبات يفيدوك

أمـ ساره

11-10-2011, 07:22 PM

الله يرزقك بالذرية الصالحة وخيتي

وربي ينولك الي في بالك

واهم شيء ما اديري حاجة الا لما تكون مضمونة ومتأكدة منها

وربي يفرج عليك ان شاء الله

مغتربة 7

11-10-2011, 11:06 PM

وعليكم السلام ورحمة الله وبركاته

وخيتي حتى اني ما عندي خلفية ولكن اختي قالولها عندك اكياس وطلعت حامل لا اكياس لاشي
وخيتي شوفي اكثر من دكتور واستخيري الله ولا تستعجلي
عليك بالدعاء في جوف الليل
ربي يرزقك بالذرية الصالحة يااااااااااااااااااااااااارب

التا ئبه لله

11-11-2011, 01:37 AM

الله يرزقك من حيت لا تدرى ولا تحتسبى

اختى ما تستعجليش زى ما قالو الاخوات

لازم ادورى دكتور ممتاز فى عياده فى النوفلين

مستشفى اردنى مقابل مصحة الاخوه ما شاء الله عليهم خبره

واستخيرى قبل كل شى والله يرزقك و يرزق كل محروم

بنية بوها

11-11-2011, 05:06 AM

ماعنديش خبرة ربي يسهلك انشالله بس استخيري افضلك

نعومي نت

11-11-2011, 10:24 AM

السلام عليكم ورحمة الله وبركاته
اختي kenana الصراحة اني قصتي قصة في الموضوع هذا ويطول شرحها لكن نبي إنقولك إني ما خليتش مصحة ولا دكتور يقولولي عليه يعتب عليا قريب دكاترة ليبيا وتونس كلهم مريت عليهم وأخيراً بديت نتعالج في المركز التخصصي للإخصاب و الوراثة على اساس اني نبي إندير عملية حقن مجهري لكن الدكتور قالي إنتي بالمعدل هذا للهرمونت ما ينفعش إديري حقن مجهري ينزلوا بروحهم طبعاً بالعلاج تحملي طبيعي تعرفي لو هما همهم الفلوس كان دارولي عملية وقالولي يلا المرة الجاية بس هو قالي ما ينفعش إديري عملية فننصحك لو إنتي تتعالجي في هذه المصحة تتوكلي علي ربي ولو مش هيا ننصحك إنك تمشيلها وتوا في الدكتور فوزي بسم الله ما شاء الله عليه و إستخيري و الخيرة فيما أختاره الله معليشي طولت

kenana

11-11-2011, 07:11 PM

kenana

11-11-2011, 07:18 PM

مشكوره أختي نعومي نت لكن معليشي عنوان المركز بالضبط لأني من مصراته وعلى ما أظن المركز هدا في طرابلس .

نعومي نت

11-11-2011, 09:39 PM

المركز في النوفليين مقابل مصحة الأخوة بالزبط
اسمه المركز التخصصي للإخصاب والوراثة
مركز الماني اردني بسم الله ما شاء الله علي الدكاترة اللي فيه كلهم كويسين وما عندهمش علي اللف و الدوران

Om Saga

11-12-2011, 12:16 AM

ربي يسهلك ياااااااااااااارب
والله ماعندي فكرة بس الخوات ماشائ الله عليهم أعطوك معلومات ربي يباركلهم
ربي يصخرلك الحال حبوبة

الصابرة

11-13-2011, 04:43 AM

اختي انا ايضا كنت اعاني من كيس كبير الحجم فوق المبيض قبل الزواج وماما احضرت لي دواء لزين الاتات والله جربته وبعد كان مقرر من عملية تفاجت الدكتورة بعد شهر ان الكيس اختفى وهو ايضا منظف للرحم ومزيل لاي تكيسات فكك من لبز الدكاترة ولو بديريها عدي برا اسم الدواء {عشبة الالوفيرا } دواء لعلاج البروستات عند الرجال لكن ماما من المتتبعين الدائمين له فسمعته وهو يتكلم انه يفيد في حالات اكياس المبايض وللعلم كيسي كان حجمه8سم ونص والحمدلله الان مبايضي سليمة رغم اني لم ارزق باطفال اتمنى لي الدعاء

حبيبتهم

11-13-2011, 04:33 PM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة kenanahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifhttp://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة حبيبتهمhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif وخودي حبوب الجلوكوفاج اللي هي نفسها الميتفورمين حبوب لمرض السكر وتساعد في تنشيط المبايض وياخدها حتى اللي مش مريض بالسكر عافانا الله واياكم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifمشكوره أوخيتي لكن الحبوب هادي أعطاهلك الدكتور
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

االسلام عليكم

الدكتورة وصفت لي الدواء وهذا الدواء المفروض يوصف لجميع المصابات بالتكيس
انا عندي ارتفاع في LH وهرمون الذكورة
لو سمحتي اختي بنسألك (على راحتك تبي اتجاوبي او لا ) اكيد درتي تحليل هرمونات
شنو كانت نتيجة تحليل LH و FSH
وهل عند ارتفاع في هرمون التيستيسترون (الذكورة ) وهرمون الحليب وهرمون الغدة الدرقية ام لا

التا ئبه لله

11-14-2011, 04:54 PM

اختى خودى بنصيحة نعومى انى وياها نتعالجو فى نفس المصحه دكاتره بسم الله ماشاء توكلى وامشيلهم ما فيها شى لو جيتى يومين اوتلاته من مصراته وبادن الله تلقى ما يسرك المهم قبل كل شى توكلى على ربى اهم حاجه