[العصبان] من مطبخ ام تغريد

[ام تغريد]

السلام عليكم

اليوم درت العصبان والمقادير عيني ميزاني ولكن انحاول نركز عليها شوية ونكتبها

ربطة بصل اخضر مع اربع رووس متوسطات

اربعة ربطات معدنوس +ربطة شبت +حبق +نعناع اخضر او يابس

كوب ونصف ارز

معلاق {كبدة +قلب +رية +لحم +قطعة صغيرة شحم}

{اربعة ملاعق طماطم+ملعقة فلفل +ملعقة ونصف بزار +قرفة +فلفل اسود +اكليل +كسبر}

بعد الانتهاء من تنضيف الدوارة نخلط المقادير السابقة طبعا بعد تقطيعها قطع صغيرة ونقوم بحشو المصارين ثم الكرشة

http://www.libyan-kitchen.com/gallery/images/0611201180.jpg
http://www.libyan-kitchen.com/gallery/images/061120xix.jpg



وبعد مانكمل نكون مجهزة طنجرة فيها قليل من الماء ونضع فيها قليل من البهارات ونحط فيها العصبان ونخليه الى حوالي الساعة والنصفوبعد النضج يفضل اخراجه من طنجرته ونوضعه في الكسكاس حتى مايزيدش يتشرب

http://www.libyan-kitchen.com/gallery/images/061120kfk.jpg


http://www.libyan-kitchen.com/gallery/images/061120nyn.jpg
ملاحظة
وصورة التقديم مهناش لان العويلة سلامتهم كنت مهناش وروحت القيتهم مهنيين عليه وقايمين بالواجب وافهمو











ؤ














ؤ

[Om Saga]

مشكورة على العصبان الحلووووووووووووو
وشكله حلو بدون حتى الصورة النهائية
تسلم إيدياتك ياربي

[حبيبتهم]

تسلم الايادي

وصحتين عاعويلة
ان شاء الله بس خلوا لك حصتك

[الساجدة لله]

تسلم الايادي ياغالية حتى بدون الصورة النهائية

[ام ليبيه حره]

الله يعطيكم الصحة
تسلم ايديك

[مغتربة 7]

ماشاء الله عصبان عيد يسهف
تسلم الايادي وربي يحفظ الصغار وبوهم
صحتين على قلوبهم ويحفظ مامتهم
وكل عام وانتم بالف خير

[saliamr]

ماشاء الله تسلم ايديك، وصحتين ع العويلة
مازلنا ما درناش عصبان العيد بس الحق اني عمري ما درته، هيا مرة جا على بالي نساعد امي فيه بس لقيت اني نصبي خير ما تنكب الحشوة على راسي
لكن حاطته في بالي هو والمقروض هههههههه وراهم وراهم
وهلي الله غالب عليهم يبوا ياكلوا بدون تعليق
ان شاء الله حنستعين بطريقتك

[بنية بوها]

يسلموا ايدياتك وصحتين عليكم

[خدوج]

يسلموا ايديك
وصحتين وعافية عالعويلة

[ام عبدالمعز]

سلمو ايديك ام تغريد

وصحتين وعافية للعويلة

ربي يباركلك فيهم ويحفظهم

[الكتومه]

سلمت يداك حبيبتي

[ام تغريد]

مشكورة لمروركم العاطر

[guidona]

صحيحه وهني علي قلوبكم

[mnona]

http://www.libyan-kitchen.com/gallery/images/126719ava.gif

[نسائم ليبية]

صحتين وعافية
ويسلموااااا

[أمـ ساره]

ماشاء الله لاقوة الا بالله

والله يجي في الخاطر حبوبة شكله رووووووووووعه

بالهني والعافية على قلوبكم

[sweet nona]

صحة صحة ....تسلم ايديك عالعصبان الفايح