المساعد الشخصي الرقمي

مشاهدة النسخة كاملة : [ دعوة للاجابة والاستفادة ]ما هو أكثر جهاز من اجهزتك المنزلية أستفدتي منه أو ندمتي على شرائه؟



شاطئ بلا رمال
11-15-2011, 10:38 PM
السلام عليكم حبوبات

[فقط الأعضاء المسجلين يمكنهم رؤية الروابط]


كيف حالكم جميعا إن شاء الله بخير

نرجو منكن جميعا المشاركه لتعم الفائده ونتبادل الخبرات جعلها الله في ميزان حسناتكم
فكرة الموضوع كل وحده تكتب الأجهزه المنزليه اللي إشترتها وكانت سر سعادتها :)ومميزاتها :cool:
والأجهزه المنزليه اللي ندمت :( :eek: على شرائها وركنتها وما أستفادت منها وإيش السبب ياترى:confused:؟؟

لتعم الفائده

حبوبات ما تفشلوني :mad:لازم تشاركو

شاطئ بلا رمال
11-15-2011, 11:00 PM
نبدأ بنفسي

الأجهزه اللي أستفدت منها فعلا :):):):cool:;)

غسالة الملابس أوتوماتيك لولاها مش عارفه شن كان صار فيا نشغل فيها يوميا أكثر من مره توصل حتى 5 مرات

مكنسه كهربائيه باناسونيك 1800 وات ممتازه متع كيس القماش اللي ينغسل

جهاز مولتي تريو من مولينكس ( ست البيت ) فعلا إتدير كل شي زي ست البيت ندير فيها الهريسة الفلفل الحار والسلطه المشويه والبابا غنوج والحمص بالطحينه والخبزه اليابسه نرحيها فيها ( البقساط ) والبسكويت متع التشيز كيك وتهروش المكسرات أو ترحيها ناعمه و و و و ... ممتازه بصراحه

الفرامه الكهربائيه مولينكس ماعادش نستعمل فيها هلبه بعد ماخديت المولتي تريو

ماكينة التوست مسكينه خلااااص بنحولها على التقاعد وبنشري وحده جديده ممكن تكون الشوايه الكهربيه

خلاط الكيكه (وفيه قطع متع العجينه الخفيفه نستعمل فيه لعجن السفنز والعجاين اللي زي هكي) جبته من ألمانيا مش عارفه شن أسمها الماركه ممكن شياترونيك؟؟ مع إني ندمت على شراه لأنه غالي ولأني كنت نبي عجانه لكن إستفدت منه

خلاط الفروبي ( البلندر أو خلاط الإبريق ) من مولينكس ومعاه القطع اللي ترحي التوابل، ندير فيه حتى في خليط الكيكه العاديه والبسبوسه والكريب (مسكين) لين إنتحر

ونسيت ماكينة الرشته (الباستا) عندي (K T C) وحتى هيا الرشته متاعها رقيقه تجي، قبل كنت نبي ناخد هومر ومالقيتهاش لما جيت نبي نشري، ومن يومها ماعادش نشري في الرشته الواتيه أبدا نستعمل فيها حتى لسبك عجينة الرشته نفسها ( طريقة أمي ) تنسبك العجينه كويس وماتلصقش الخيوط في بعضها متع الرشته لما تقصيها بالجهه متع الرشته وما تعجنش وهيا على بعضها ونستعمل فيها لعجينة اللازانيا الفرش بالبيض ( الباستا بصفه عامه ) والدبله ...إلخ

الترموسكان جهاز قياس الحراره عن طريق الأذن من براون ممتاز جدا مع الأطفال يقيس الحراره الداخليه للجسم في ثواني

الأجهزه اللي ندمت على شرائها وقعدت زي الهم على القلب مركونه ومدايره زحمه وخلاص:(:eek::mad:

قلاية الكهربائيه تيفال لما نقلي أي حاجه تطلع ريحه قويه متع القلي :mad:مع إنها فيها فلتر ينغسل بعد كل إستعمال لكن ماعجبتنيش مش عارفه علاش وتاخد هلبه زيت بصراحه ( دمها رزين )قاعده مركونه:(

عصارة الفواكه من فيلبس والله كويسه بس كنت نعصر فيها للصغار لما كانو بيبيات على أساس عصير فرش صحي ولما كبرو ماشاء الله مايحتاجش الموضوع للعصر:D

الميكرو ويف من بلاك أند ديكر كل ما نصلحه قريب 5 مرات يرجع يتعطل ماهناك ما استعملته تسخين مره مره يبدولي إنه ماركة بلاك أند ديكر في الكهربائيات مش أوي فيه غيري شكو منها مركون يبي التصليح ماعادش نحب حتى نشوفه:mad:

مكيفات الهومر الصغار كل دار فيها واحد وفي الصيف ولا كأنه الحوش فيه مكيفات

مكواة البخار العاديه كلها عيوب وأكبر عيب وزنها( نستعمل توا في المكواة العاديه مع النشا متع الملابس أو بخاخ الميه العادي :cool:)

الغلايه الكهربائيه ( الكاتل ) مدايرلي عقده إلا الميه نحب سنخنها ونغليها على الغاز؟؟:confused:

مكواة الشعر بالبخار من روينتا حسيتها ضعيفه الكوي متاعها مش أوي زي قلتها:mad:

شاحن البطاريات :eek:كلام فاضي متع دعايات هو والبطاريات متاعه:mad:

الأجهزه اللي نفكر :rolleyes: نشريها :) وإن شاء الله نستفيد منها فعلا ;):)

عجانه عرفت قيمتها في الأزمه كنت نعجن يوميا وفيه أيامات مرتين في اليوم شهور تعذبت لين مفاصلي ذابت:mad:
غسالة الصحون خاطري ندلع روحي ;):cool:تعاون خصوصا في رمضان ووقت العزومات
شوايه كهربائه
طاجين البيتزا الكهربائي وفرن كهربائي وفيه الغاز الكهربائي مش فرنيلو هذا اللي بالموجات تقريبا هو زجاجي مش عارفه شن يسموه فيه فتره جابوه في الأسواق وبعدين أختفى عاجبني هلبه وفي الأزمه ندمت عليه اللي ماخديتاش
وكانت من ضمن أحلامي ومخططاتي محضرة الطعام من تيفال مش عاديه لكن توا لما خديت المولتي تريو تأجلت وممكن إلتغت حسب الظروف:(.
ماكينة خياطه واحده من أحلى أحلامي:rolleyes:، نحب الخياطه من وأني صغيره ومش محظوظه مع الخياطين

مغتربة 7
11-16-2011, 10:07 PM
وعليكم السلام
موضوعك يجنن حبيبة
لي عودة بإذن الله

ام عبودي
11-16-2011, 10:47 PM
السلام عليكم حبيت انشارك لان فكرة الموضوع حلوه اكثر حاجة استفدت منها وماندمتش علي شرائها مع ان زوجى ضحك لما شريتها وقال شني بديري بيها مش مهمة ((( فرنيلو))) كان سعره اربع دينار فقط اشتريته من سنتين وبصراحة لقيته زي الرحمة وقت ازمة الحرب وانقطاع غاز الطبخ تعرفو ان سعره ارتفع ووصل الي 25 دينار يعني زاد 21 دينار وبصراحة انقدني وقت الازمة. ثاني حاجة واهم حاجة وننصح كل ام تشتريها غسالو ال جي اتوماتيك بصراحة حدث ولا حرج حطي الغسيل والصابون وانسيه لين اتصفر لما اتكمل علي راي امي اتقول اللي اخترعها كافر بس حصل دعوات خير.
واللي ندمت عليها ودرت البلاء حتي شريتها وتوه تقعد بالشهرين منستعملهاش هي مكواة البخار شريتها من المهاري ب 140 دينار توه قاعدههههههههههههههههههه في تركينه من العيد للعيد بيش نستعملها وكان مشريتهاش راهو طلعت في نخلة.

خدوج
11-16-2011, 10:49 PM
انا مهووسة الات كهربائية
لمن تعجبنى الة وراها لين اشتريها
عندى شواية كهربائية
مكنسة كهربائية
الة توست
الة الدونات
قلاية كهربائية
خلاط العصائر مع خلاط صغير للبهارت
مضرب كهربائى للكيك
مفرمة لحم متكاملة (مولينكس)معها خلاط العصير وخلاط صغير للبهارات
ومعهاعصارة برتقال ومبشرة(احجام)
ست البيت
خلاط عمودى مولينكس
واخيرا خديت عجانى كينود اظنها(شيف) لان معها سيدى مكتوب عليه شيف
وان شاء الله كل مرة اركب لها قطعة
مكيف جنرال
مكيف ال جى
غسالتى عادية وعقبال التوماتيك
مكواة بخار عادية
مكواة سيراميك مااعرف ماركتها صغيرة بس خيالية
مكرويف واستفدت منه فوق الوصف
فرن كهربائى(كوشة عادية) مايعجبنى لان اخاف منه
وان شاء الله مانسيت شى
اذا فيه شى ندمت عليه قلاية البطاطا لانها تستهلك زيت هلبه
طنجرة البيتسا
الفرن الكهربائة لان ى نخاف من استعماله(نقطة ضعف)
كان عندى وعطيته بس ايام الازمة الله لايعيدها ومافى غاز خديته وياريت ماخديته
لان الضى هرب ههههههههههه وماستفدت منه ابدا
والحمد لله
وان شاء الله كان تفكرت حاجة نكتبها
وشكرا ياشاطى عالموضوع
تذكرت عندى قوالب حلويات حدث ولاحرج

خدوج
11-16-2011, 10:54 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام عبودي[فقط الأعضاء المسجلين يمكنهم رؤية الروابط]السلام عليكم حبيت انشارك لان فكرة الموضوع حلوه اكثر حاجة استفدت منها وماندمتش علي شرائها مع ان زوجى ضحك لما شريتها وقال شني بديري بيها مش مهمة ((( فرنيلو))) كان سعره اربع دينار فقط اشتريته من سنتين وبصراحة لقيته زي الرحمة وقت ازمة الحرب وانقطاع غاز الطبخ تعرفو ان سعره ارتفع ووصل الي 25 دينار يعني زاد 21 دينار وبصراحة انقدني وقت الازمة. ثاني حاجة واهم حاجة وننصح كل ام تشتريها غسالو ال جي اتوماتيك بصراحة حدث ولا حرج حطي الغسيل والصابون وانسيه لين اتصفر لما اتكمل علي راي امي اتقول اللي اخترعها كافر بس حصل دعوات خير.
واللي ندمت عليها ودرت البلاء حتي شريتها وتوه تقعد بالشهرين منستعملهاش هي مكواة البخار شريتها من المهاري ب 140 دينار توه قاعدههههههههههههههههههه في تركينه من العيد للعيد بيش نستعملها وكان مشريتهاش راهو طلعت في نخلة.
[فقط الأعضاء المسجلين يمكنهم رؤية الروابط]


هلا ام عبودى
على ذكر الفرنيلو وصل عندنا سعره 50 دينا قسم بالله
وشريته مرتين الاول فسد
بس الحق ندمت عليه تطيبه يزيد الضغط
والغسالة هى المميزة وتبيدى حاجاتك بالهنى

الساجدة لله
11-16-2011, 11:25 PM
مهوووسة الات مطبخية وغير ومطبخية الحمدلله مافيش حاجة ندمت عليها الا الفير متع الشعر ماركة فيلبس مع انه غالي خديته ب70 دينار وللاسف كل القطع لا تصلها الحرارة اطريت نستخدمه بدون قطع يعني الحديدة اللي تتركب فيها انواع الفرش على طول هي اللي نلوي بعا شعري اما باقي الحاجات الحمدلله مستفيدة منهم :
الة تست
الة دونات
الة الوافل
شواية كهربائية
محضرة الطعام المتكاملة من تيفال فيها خلاط وتوابعه وست البيت ومبشرة وعصارة الفواكه
وصفاي يجفف الخضار وايضا تبرش الثلج انا وحدة من الناس نحب الثلج ناكله
الة الايس كريم مفيدة ونستعمل فيها حتى الزبادي المثلج
الة المرقاز ونحشي بيها وممتازة
مفرمة اللحم من تيفال فيها ايضا مبشرة للخضار وفورمة البسكوت او الكعك
عجانة من سيفيرين ممتازة
مضرب الكيك من سيفيرين
قلاية البطاطا اللي تقلي 1 كيلو بطاطا بملعقة زيت وحدة مممممممتازة وفادتني لاني اندير فيها حاجات تانية زي الكروكيت والجمبري بانية وقطع السمك ونوع الزيت انا نحدده سواء نباتي او درة او زيت زيتون
وكل ماندكر حاجة نكتبها
وبالنسبة للغاز والكهرباء الحق اكتر حاجة نخاف منها هي الفرن متع الغاز هههههههههه نقطة ضعفي بمبلي الغاز هههههه نخاف منها والله المستعان والحافظ ربي لذلك الكوشا والفرن كله كهرباء في كهرباء وايام انقطاع الكهرباء نستعمل الغاز متع عزوزتي القديم وفي ايام رمضان استعملت حتى الفحم وطيبت عليه الخبزة والبيتزا هههههه وتقريبا كل شئ طيبته على الفحم هههههههههه ذكريات الحرب الله لايردها يارب بس مازال في الات في بالي نبي ناخدها وكل ماندكر حاجة نجيكم طووووول نكتبها

اما اكثر الة ليها معزة خاصة في قلبي هي الة البيتزا او حلة البيتزا اللي نصحتني بيها
الغالية على قلبي السمحة الله يرحمها ويغفرلها ويحسن اليها وشريتها بعد مانصحتني بيها وقالتلي على طريقة استعمالها الحق الالة اصبحت عزيزة عليا هلبه فوق ماتتصورو

ام صهيب
11-17-2011, 01:43 AM
موضوع قنين الحق
صحيتى على فتح الباب
شوفى انا عندى طنجرة الكهربائية الله الله تهبل ديرى ضولمة والا لحم والا امبكبكة ماشاء الله اطيبة ايهبل وانسيها نهار ما تشيط بروحها لما ايطيب يتسكر
سخان المية الكاتل مريح
غسالة الماعين بما انى نكرهم والجفاف ولا هم النشر
قلايا انا ماشية معى
فرامة وهراسة وطحانة براون مرتاحة معها فى هلبه حاجات
اللى ندمت عليه ماكينة التوست طنجرة الكهربائية امتاع البخار وهدا اللى نتفكر فيه

ام عبدالمعز
11-17-2011, 10:01 AM
اعتقد كل النساء مهوسين بالالات الكهربائية

الغسالة الاوتوماتيك بصراحة رحمة اختصار للوقت والجهد

المكنسة الكهربائية مولينكس متاع القردل بصراحة روعة لها سنين عندي وماشاء الله عليها واهم حاجة مش محتاجة اكياس لما يتعبي القردل فرغيه

ست البيت من هومر روعة صراحة ومانستغناش عليها رغم انها رخيصة لكن ممتازة

مفرمة مولينكس متاع الضغط وللوز متاع البكلاوة كويسه حتي هي الصراحة استفدت منها هلبة

ومفرمة مولينكس متاع اللحم حتي هي كويسة حتي لرحي الفلفل الاحمر متاع الهريسة ياسلام

مضرب الكيك الصراحة روعة

عصارة البرتقال مولينكس حتي هي روعة

الة التوست الصراحة صغاري عقلهم

فرني بالكهرباء وانا عندي احسن من الغاز

اللي ماستفدتش منها هي البوقيدني متاع الشعر عندي ينحط في الكهرباء لكن الحق مااستخدماتش هلبة

هذا اللي تفكرته كان تفكرت حاجة ثانية توا نولي

التا ئبه لله
11-17-2011, 10:36 AM
موضوعك حلو والله اسلوبك فى السرد محلاه ليا عوده بادن الله

الساجدة لله
11-17-2011, 01:01 PM
اذكرت ايضا المكنسة الكهربائية متع تيفال الحق حلوة ومريحتني
وايضا الة البيتي فور والقوالب السيليكون عاجبيني هلبه لان نستعمل فيهم في كل شئ تقريبا سواء في الفرن او الفريز حتى كيك الايس كريم نستعمل فيهم فيه
الة الكريب حتى قنينة عندي الة للامانة ماشريتهاش بس خديتها من حوش بوي هي الة صنع الزبادي الحق فادتني هلبه هلبه خصوصا في الازمة زي ماتعرفو ان الزبادي الطبيعي انقطع وانا نفضل النسيم فجتني زي الرحمة
وكل ماندكر حاجة نكتبهالكم

ام ساره وعبدالعزيز
11-17-2011, 07:12 PM
اولا كل عام وانتى بخير وموضوع رائع ويستحق المشاركة
بالنسبة لى اكثر الة شريتها واستفد منها ست البيت من هومر روعة والقلاية والفرنيلو نفعنى ايام الكربة الله لا يعودها ايام واخيرا شريت عجانة من هومر حتى هي كويسة ونفكر ناخذ طاجين بيتسا يارب نكون افدت زي ما استفدت

مغتربة 7
11-17-2011, 09:42 PM
السلام عليكم ورحمة الله وبركاته

اني بصراحة مش عارفة من وين نبدا هههههههههههه
خليني نحكي على الحاجات الى مش مستفيدة منهم
قلاية حرام كان ما شريتها راهو نبتت نخلة فى راسي وملوحة تحت ببكوها تاخد فى هلبة زيت ومش عملية بصراحة يعني كان قليتي حاجة فيها لحم لاازم انغير الزيت قصة ..
مجفف الطعام يجفف فى اللحم والخضروات هو جاني هدية لكن ملوح جربته مرة وحدة وبعدها حلفت
الة التوست الى تتسكر يعني التوست يكون مسكر ملوحة حتى هيا
مبشرة التشبس انسي ملوحة نفس الشي
مكيف ملوح تحت احنا النظام فى حوشي الجديد ما فيش مكان للمكيف لاازم فى الصيف انحوله تعبنا من ركب نزل
الميكرويف ما عنديش فيه كثر استخدام بصراحة
وبالنسبة للحاجات الى مستفيدة منهم
ست البيت
مفرمة شربة العدس
مضرب الكيك
خلاط الفروبي
فرن صغير
مطحنة القهوة روعة
طنجرة الرز
عجانة مستفيدة منها خاصة فى البازين
مفرمة الصراحة روعة نفس ست البيت بس حجم كبير
غسالة المعاين مش مستفيدة منها هلبة بس ما نستغناش عليها استخدامي ليها مش دائم اكثر شي فى رمضان او لو عندي ضيوف
طبعا اني تكلمت على حاجات المطبخ بس لو ادكرت شي تاني راح نرجع نكتبه

بس عندي سؤال اني شوفت كذا وحدة كاتبة الة الدونات شن تقصدوا بيها ؟؟؟

سيدة ليبية
11-17-2011, 11:33 PM
موضوعك مهم ...
ياريت تكون المواضيييع اللي زي هدي متنوعة وفي كل شئ يخص البيت الليبي .. انا شايفة ان المنتديات الاخرى اكثر تعاون بين العضوات ...
اكرر شكري ل اختي زينب واكيد لصاحبة الموضوع ...
نبدا بالمطبخ ... الميكروويف امريكي "ستنق هاوس " ممتاز "
والثلاجة ام بابين يعني تلاجة وبرادة بس بالطول وادراجها مريحة وفيها ميزه وهي زيادة سرعة التجميد الى 27 تحت الصفر الماركة تركية "ارشليك"و الفريز ايظا" تركية نفس الماركة "ارشليك" ممتازيين ولله الحمد
والفرن كان عندي تركي وفي الازمه فسدت واشتريت صينة "كي تي سي " بس زوجي الله يحفظه ليا .. غير فيها اشياء .. يعني عدل فيها ... اصبحت ممتازة ... مضرب الكهربائي مولينكس ... والعجانه ماركة بورش "المانية" بس عيبها تحمل كيلو دقيق بس ... وعصارة البرتقال مولينكس .. والرحاية مولينكس صغيرة ... وست البيت للاستعمال العادي هومر .. بس التانية معاها مضرب يدوي ومضرب للشربه ومعاها محضر الطعام ..من مولينكس .. والمسخن الكهربي مولينكس . والغسالة بورش المانية ممتازة .. وبالنسبة للشاشات .. عندي ال جي ..والسامسونق و البانسونق ... بس اانحب صورة الل جي .. وان شالله نكون افدتك اختي الغالية واتمنى مشاركتي معكم مفيدة ...

safa
11-17-2011, 11:53 PM
أكثر جهاز استفادت منه العائلة
هيا غسالة اتوماتيك
والله احسن حاجة في الحوش
ا

خدوج
11-18-2011, 12:24 AM
كلكم اجهزتكم نهبل متابعكم وحدة وحدة
لين قريب نولى اله ههههههههههههه
تبيدوهم بالهنى اللى ناقصة عليها حاجة ان شاءالله يديرها
موضوع رائع
بس زيدو التفاعل ياحلوات

snaaaa
11-18-2011, 08:28 AM
ماشاء الله عليكم يا بنات يا كتر حبنا للماعين والالاتبالنسبه لياالعساله الاوتوماتك ريحتنى هلبه وخلاط ورحايه مولينكس وست البيت روعه الصراحه وللكعك الحلو اندير بماكينه اللحم ايجى حلو وهدا ما عندى والحمد لله

الساجدة لله
11-18-2011, 12:39 PM
وانا احرف منك يادوجة نقرا بالوجدة ونكتب في المدكرة بش نحطه على خاريطة المخططات هههههههههههه ياهمه الراجل مني لين معش عندي وين نحط حاجاتي والا مدكرات الطبخ امتاعي ههههههههههههههه مشاء الله كل شنطة نحصلها وخصوصا متاعات اللاب توب ومعش يبو يستعملوها اي في حد في الحوش ناخدها ونديرها لكتاباتي وكراساتي ههههههههههههه هيا نشطونا ارواحكم

زهرة البيلسان
11-18-2011, 03:38 PM
موضوع مميز...............زالصراحة انى اكثر حاجة استفدت منها هيا الكاتل( سخان الماء)خصوصا في غلي الماء لحليب ابني امريحني جدا تاني حاجة ماكينة البيتزا اطيب حتي الخبزة وماكينة الدونات واكثر حاجة ندمت عليها هيا قلاية البطاطا

ام تغريد
11-18-2011, 03:40 PM
السلام عليكم ورحمة الله وبركاته

موضوع حلو وشيق بارك الله في اللي فكرت فيه ونزلاته

من افضل الاجهزة الكهربائية عندي واللي ماندمتش عليه ومش حانندم واللي يناري عليه ملوح في الجنان في الريح والمطر الله غالب ماعندي وين انحطه هو الغاز الكهربائي كوشته مش عادية ونوعه امريكي كوشته واسعة ادخل طاجين الكوشة الخارجية ولقيته الغاز زي الرحمة في ازمة الغاز ولما يكمل الغاز نرجعله وطبعا عندي غاز عادي حتى هو كوشته كبيرة واهم شي عندي باش لما اندير الحلويات اندير في مرة

وثاني شي هى ست البيت اكبيدتها فدت مني

واكيد غسالة الملابس الاوتوماتيك lg

وغسالة الصحون حتى هيا مفيدة وخاصة تو منتشرة الامراض الجلدية عفاكم الله ومن اسبابها طبعا كثرة استعمال المواد الكيميائية في مواد التنضيف

واكيد الكمبيوتر واللي ما نستغنوش عليه ويوم يمشي للتصليح اللي في الحوش كلهم يهبلو وينقو على بوهم لين ايجيبه

مفرمة اللحم الكهربائية وهيا شاريتها بالدرجة الاولى مش للحم ولكن للهريسة اللي نديرها وتقعد من العام للعام

لان الاولاد يحبوهة هلبةوطبعا نستعملها في سبك الكعك

وايظا من الاشياء المهمة المضرب الكهربائى طبعا نستعمله في خلط النسكافيه مش عادي ايديرها زي الكريمة جربوها وما تندموش

والسشوار خديت الماركة ب75

وماستفتش منه من ثاني استعمال طاح من بنتي وفسد وخديت غيره ماركة الهومر ليه عامين وما شاء الله عليه

واكيد المكنسة الكربائية lg الللي زي الرحمة ما نعيشش من غيرها {طبعا تخصص بنتي}

والفريز من اهم الاشياء عندي وطبعا الحجم الكبير لكل شئ

والة التوست وخاصة في الصيف ايحبوها الاولاد عشي ويديروه بر وحهم مع العصير المسقع

ومن الات المطبخ عندي الة الجيلاتي وهيا الة قديمة هلبة كانت مركونة في حوش بوي واخديتها منهم

ونقوللكم يابنات حاجة اني من النوع اللي مانتسرعش في شري الحاجة الا لما نكون متا كدة من اهمية شرائها

لاني بنضايق علي روحي وما نلقاش وين انحطها وهذه هي المشكلة

ومن الالات المركونة خلاط العصائر الطبيعية لان الالياف الطبيعيةتتصفي في جهة و كلها تتلوح بدون فايدة فنفضل ان الفاكهة للفائدة ياكلوها طبيعية

والحمد لله علي كل ماوهبنا والله يديم النعمة والحمد لله

وان شاء الله تعم الفائدة

شاطئ بلا رمال
11-18-2011, 05:07 PM
مداخله
الله يبارك الله يبارك ياسيدات المنتدى ياحبوبات
ماشاء الله على التفاعل هكي نبيكم ديما منورات
أسعدتني ردودكم وتفاعلكم مع الموضوع:)
من مده في بالي الموضوع بس هذا وين سخر ربي ونزلته
وإن شاء الله حاتكون ليا ردود مع كل وحده
ماشاء الله عليكم عيني عليكم بارده ربي يهنيكم جميعا
أكتشفت إنه عندنا ولع وشغف بشراء كل ما يمكن أن يضفي على بيوتنا السعاده والراحه والترفيه والتجدد الدائم ويدخل السعاده لقلوب أفراد أسرتنا ;):)
باش تعرفو بس إحني ربي خلقنا من أجل سعادة رجالتنا وأسرتنا ;)والله هما محظوظين بينا :cool:
ربي يحفظنا ليهم

سرور العامري
11-18-2011, 05:45 PM
السلام عليكم
والله كل شي نشريه نستفيد منه وأكثر شي ايعز عليا الخلاط ايسهل فهلبة حاجات بس الشي الوحيد الي ندمت علي شريته الغاز الغاطس لانه كان نوعه مش كويس وربي يستر فالجايات
ان شاء الله ماعاد نندم علي شي

أم يمنى
11-18-2011, 09:17 PM
من مدة شريت ألة صنع الكابتشينو , ( مع انه مافى حد فى الحوش يشرب فيه ) بس للضيوف.

[فقط الأعضاء المسجلين يمكنهم رؤية الروابط]

استخدمته شوية وبعدين فة احدى لفاتى فى السوق , لقيت ألة غريبة قلت ممكن للشاهى خلى نأخذها , وشريتها ولم استعملها الامن مدة قريبة , طلعتها ولقيت انها متع صنع كريمة الكابتشينو , وبديت كل ما تجى جاراتى يطلبوا الكابتشينو نستعمل فيها , استعمالها بسيط وزى الرحمة , وأحسن من الالة الاولى .

موضوعك حلو وبكرة ان شاء الله نصور مكنستى الكهربائية ( كيربى ) تكنس وتغسل فى السجاد وفيها هلبة اكسسوارات , لنا لقاء باذن الله .

[فقط الأعضاء المسجلين يمكنهم رؤية الروابط]


[فقط الأعضاء المسجلين يمكنهم رؤية الروابط]


[فقط الأعضاء المسجلين يمكنهم رؤية الروابط]


[فقط الأعضاء المسجلين يمكنهم رؤية الروابط]

سامحونى , الالة الاخيرة تدير فى رغوة الحليب , مشكورة يامغتربة ذكرتينى , نأخذ الابريق ونحط فيه حليب مغلى ونضغط الغطاء تحت وفوق لثوانى قليلة , تتشكل رغوة كثيفة نصبها ع كريمة الكابتشينو ( وهى خلط النسكافيه مع شوى سكر وضربه مع شوى مية ضربا مبرحا ( ع قولة هذاك الراجل ) , ويقدم بالهنا والشفاء .

وأحلى تقييييييم .

مغتربة 7
11-18-2011, 09:22 PM
عرفتها يا ام يمنى عندي زيها لكن تختلف فى الشكل ادير رغوة للحليب روووووعة صحة
لكن صاحبتك تحب التعب والشقا نضرب فى الكابتشينو بيدي الطريقة التقليدية توا انصورها حتى اني
فى انتظار صور مكنستك ..

الساجدة لله
11-19-2011, 01:41 PM
ام يمنى ياريت اتنزلي الصور هده في موضوع منفصل وتكون هي والالة اللي قبلها في نفس الموضوع وتشرحي فيها التفاصيل انا ماعنديش الالة التانية مع انها بيسطة وسهلى الاستعمال كان صادفتني تاني حناخد منها

الساجدة لله
11-19-2011, 01:42 PM
فكرتوني بالكب تشينو عندي الة من سيفيرين بااذن الله انزلها هاليومين بس تتصلح عندي النت وانزلها

ام تغريد
11-20-2011, 12:43 AM
[فقط الأعضاء المسجلين يمكنهم رؤية الروابط]



قوليلي هذه الالة لصنع الكريمة بكم شاريتها ومن وين

وهل هي ادير كريمة الكابتشينو كويس يعني زي متع القهاوي

لانه عندي من النوع الثاني اللي في الصورة ومش عاجبني لانه ايدير في الرغوة بس

ام تغريد
11-20-2011, 12:49 AM
[فقط الأعضاء المسجلين يمكنهم رؤية الروابط] اقتباس [فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط] المشاركة الأصلية كتبت بواسطة مغتربة 7
[فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط]



عرفتها يا ام يمنى عندي زيها لكن تختلف فى الشكل ادير رغوة للحليب روووووعة صحة
لكن صاحبتك تحب التعب والشقا نضرب فى الكابتشينو بيدي الطريقة التقليدية توا انصورها حتى اني
فى انتظار صور مكنستك .

للفائدة بدل الطريقة اليدوية استعملي المضرب الكهربائي لخفق الكيكات مجرباته يعمل في كريمة الكابتشينو زي متاع القهاوي وبسرعة كبيرة جربيه وما تخسري شي

[فقط الأعضاء المسجلين يمكنهم رؤية الروابط]
[فقط الأعضاء المسجلين يمكنهم رؤية الروابط]

guidona
11-20-2011, 10:20 AM
الحق ماشاء الله هبلتوني
ودخت اما احسن واما افضل
المهم كلكم ماشاء الله الاتكم اتهبل اتهبل
توا انجي ليا اني بصراحه اني فيه هلبه حاجات حسيت روحي مستفتش منها هههههههه
عندك الالة صنع المكرونه جابهالي زوجي مره وحده جربتها ومنها هههههههههه
القلايه الكهربائيه بصراحه هيا روعه بس امتع نستعملها لما اجوني ضيوف
المطحنه امتع الثوابل بصراحه قليل كنت تستعملها لانه بسم الله ماشاء الله كل شي متوفر وهو مطحون
فيه هلبه حاجات منقدرس نستغني عنهم
الفرن الكهربائي
الة التوست
الميكروولف
الغساله الاوتوماتك
عدي واحي غل اني مستعجله ولي عوده للموضوع

شاطئ بلا رمال
11-20-2011, 11:14 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ام تغريد[فقط الأعضاء المسجلين يمكنهم رؤية الروابط]



قوليلي هذه الالة لصنع الكريمة بكم شاريتها ومن وين

وهل هي ادير كريمة الكابتشينو كويس يعني زي متع القهاوي

لانه عندي من النوع الثاني اللي في الصورة ومش عاجبني لانه ايدير في الرغوة بس
[فقط الأعضاء المسجلين يمكنهم رؤية الروابط]
السلام عليكم
من بعد إذنك ياأم يمنى
نبي نقول لأم تغريد هذه الآله متوفره في محلات المواد المنزليه والكهربيه زي تيفال مثلا
بس أسعارها غاليه شويه وكل ماتكون الآله كويسه تكون أغلى
وحتى أني عندي من النوع الثاني وفعلا ممتازه للرغوه
وهادي صورتها
(كبتشينو كريمر)
[فقط الأعضاء المسجلين يمكنهم رؤية الروابط]

دلوعة زوجي
11-20-2011, 12:33 PM
السلام عليكم
الموضوع مفيد جدا
ألاتي إلا استفدت منهم غسالة أتومتيك بابها من فوق تشتغل مثل الغسالة العادية كذلك ماركة بانسونيك ومكنسة كهربائية،ست البيت ،مضرب الكيك،مفرمة اللحم الكهربائية مطحنة اللوز يدوية وحدة مولنكس والتانية افضل ماركة مانعرفش لكن شكلها زي مكينة اللحم ولونها ابيض بلاستك خلاط كهربائ محضرة الطعام كاملة من مضرب الكيك والعجانة والخلاط والرحاية متاع التوابل واسعة معصرة الليم والفواكه وامواس مفرمة الجبن (لكن المعجنة مااستخدمتهاش لان منعرفش أي موس نستخدم) الة الشحن متاع الضي استفدت منها وقت الحرب لما يهرب الضي قلاية حجم الصغير،فرنيلو وكوشة كهربائية وطنجرة الضغط.
ألاتي إلا مااستفدتش منهم مكنسة كهرباية متاع العصا فسدت من تاني مرة مكينة البيتزا والشوية الكهربائية كل ماانطيب حاجة تنحرق فيها

الساجدة لله
11-20-2011, 02:52 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة دلوعة زوجي[فقط الأعضاء المسجلين يمكنهم رؤية الروابط]السلام عليكم
الموضوع مفيد جدا
ألاتي إلا استفدت منهم غسالة أتومتيك بابها من فوق تشتغل مثل الغسالة العادية كذلك ماركة بانسونيك ومكنسة كهربائية،ست البيت ،مضرب الكيك،مفرمة اللحم الكهربائية مطحنة اللوز يدوية وحدة مولنكس والتانية افضل ماركة مانعرفش لكن شكلها زي مكينة اللحم ولونها ابيض بلاستك خلاط كهربائ محضرة الطعام كاملة من مضرب الكيك والعجانة والخلاط والرحاية متاع التوابل واسعة معصرة الليم والفواكه وامواس مفرمة الجبن (لكن المعجنة مااستخدمتهاش لان منعرفش أي موس نستخدم) الة الشحن متاع الضي استفدت منها وقت الحرب لما يهرب الضي قلاية حجم الصغير،فرنيلو وكوشة كهربائية وطنجرة الضغط.
ألاتي إلا مااستفدتش منهم مكنسة كهرباية متاع العصا فسدت من تاني مرة مكينة البيتزا والشوية الكهربائية كل ماانطيب حاجة تنحرق فيها
[فقط الأعضاء المسجلين يمكنهم رؤية الروابط]


حبيبة الشواية لازم توقفي عليها الباين حرارتها قوية لو فيها زر انقاص الحرارة معش حتنحرق منك الحاجات اللي تبي تشويها او حاولي توقفي بحداها وياريت تقولي شن نوعها بش ننصحوك اما العجانة انا مفهمتش شن تقصدي بالمووس اضني تقصدي مفرمة الجبن نقوللك صوريهم ونزليهم ونقولك اي وحدة تستعمليها

الساجدة لله
11-20-2011, 02:59 PM
ام تغريد الالة متع الكب تشينو تعمل على النحو التالي اتعبي فيها ماء بعد مايسخن بداخلها افتحي صنبور الهواء الساخن وتكوني مجهزة الكريما او الحليب متاعك وتحطيها تحت الصنبور بس راعي تكون الطاسة طويلة عشان الرغاوي تكبر وقبلها تكوني حاطة حبوب نسكافيه في الطاسة نفسها وبالملعقة خودي وحطي في الطواسي متع التقديم وبس وعن اماكن بيعها عندك الدروة في حي الاندلس وتيفال في بن عاشور وشوفي تبارك اكيد عنده ومبروكة عليك مقدما كان شريتيها

أم يمنى
11-20-2011, 03:24 PM
اهو البنات كفوا ووفوا يا أم تغريد ,
سجودة مافهمتكش , سامحينى , وقبل نبى نزل صور مكنستى الكيربى , بس كلامك خلانى نتردد , بانتظار ردك .

أمـ ساره
11-20-2011, 09:16 PM
ماشاء الله على بات بلادي

طلعنا كلنا زي بعض والله حسبت روحي اني بس

مدمنة الآلات كهربائية وخاصة في المطبخ


ان شاء الله لي عودة أختي شاطىء بلا رمال

وموضوعك أكثر من راااائع

ان شاء الله نلقى الوقت نعبر براحتي

أمـ ساره
11-20-2011, 09:18 PM
أم يمنى وخيتي ما تخافي ونزلي صور مكنستك وخيتي

وان شاء الله حتى اني لو اسعفني الوقت انزل صور مكنستي

في موضوع مستقل

بالنسبة لكلام سجودة عادي جداً توضح فيه طريقة استخدام آلة الكابتشينو

بالتفصيل ربي يبارك فيها

الساجدة لله
11-20-2011, 10:02 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أم يمنى[فقط الأعضاء المسجلين يمكنهم رؤية الروابط]اهو البنات كفوا ووفوا يا أم تغريد ,
سجودة مافهمتكش , سامحينى , وقبل نبى نزل صور مكنستى الكيربى , بس كلامك خلانى نتردد , بانتظار ردك .
[فقط الأعضاء المسجلين يمكنهم رؤية الروابط]


ههههههههههه يعطيك الهني شن هو الكلام اللي خوفك ههههههههههه

انا قصدت بدل ماتحطي الصور اهني حطيها في موضوع منفصل بش ينحسبلك موضوع مشاركة في العيد هو وموضوع الات الكبتشينو اليدوية او التانية

أم يمنى
11-20-2011, 11:30 PM
السلام عليكم ورحمة الله وبركاته :

تتعدد الاجهزة فى كل بيت , وتتكدس , ومش كل مانشريه نستخدمه , مرات نشرى أجهزة تقعد سنين مركونة ,وتتشابه الاجهزة فى كل بيت , فى حاجات أساسية , وحاجات ثانوية , اجهزة نستخدمها كل يوم زى : غسالة الصحون , وغسالة الملابس , والمكنسة الكهربائية ,وصارت ضرورية فى كل بيت ,وأجهزة ثانية تستخدم مرة كل اسبوع والا كل شهر زى الشواية وألة التوست ,وألة البيتزا ,والخلاط الكهربائ ,وألة الرشدة ,والشواية , وغلاية المية ,
وهاليابانيين والصينيين ماخلوا شئ ماصنعوش لاجل راحتنا , نين ولينا بايرات حتى المكنسة العادية انفقدت فى بعض البيوت ,
وقلت الحركة وعبينا على كل الالات والاجهزة .

أم يمنى
11-20-2011, 11:56 PM
وسلامتكم ,

الساجدة لله
11-21-2011, 01:03 AM
ام يمنى شكلك مافهمتيش القصد ؟ انا قصدت انك لما تنزلي موضوع خاص بيك افضل حتى عشان ياخد حقه موضعك فقط اما اني انحطه في مسابقة او لا انا مانقدرش نفتح موضوع بااسمك لازم انتي اللي تفتحيه فقط
وشكرا على المشاركة اللطيفة منك والمكنسة قنينة متاعك مشاء الله تبيديها بالهني

شاطئ بلا رمال
11-22-2011, 01:39 PM
كلامك مزبوط يا أم يمنى
والأختلاف إنه فيه أجهزه ثانويه في بيت تستعمل مره في الشهر بينما تكون في بيت ثاني أساسيه واستعمالها حتى عدة مرات في اليوم الواحد تختلف حسب طبيعة حياة كل عائلة
وكثرة الآلات للأسف هذه ضريبة التطور والحضاره والحياة الماديه تشتغلي وتجري طول اليوم باش في الآخر تشري بيها ألات تساعدك في توفير الوقت اللي أصلا تقضي فيه في الشغل هيا حلقه متصله، وكثرة الإنشغلات وماتحسيش باليوم
زمان كانت الحياه بسيطهههه وتحسي بالوقت والنهار طويل وتلقي وقت لكل شي توا كله جري في جري والوقت ماعادش فيه ومش ملحقين.

الساجدة لله
11-22-2011, 02:40 PM
بالنسبة ليا انموووووت في كل قرابيج المطبخ ومانكدبش عليكم نحب نقتنيهمحتى لو ما نستعملهم , الله غالب البعيدة دودة تركبني كان ماناخدهم ههههههههه , متلا انا الغلاية الكهربائية عندي يوميا لازم نستعملها هي والة التست والشواية لان الشنيبير يحب المشاوي سواء لحوم او اسماك او دجاج والاكثرية اسماك ودجاج وحتى الخضار المشوية او البروسكيتا بدل مانديرها في الكوشا وفعلا زي ماقالت ام يمنى مش كل شئ نستعملو فيه يوميا وبارك الله فيكم على التفاعل ويالله انا نستنى في البقية اللي ماخشتش

دلوعة زوجي
11-22-2011, 02:47 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة دلوعة زوجي[فقط الأعضاء المسجلين يمكنهم رؤية الروابط]السلام عليكم
الموضوع مفيد جدا
ألاتي إلا استفدت منهم غسالة أتومتيك بابها من فوق تشتغل مثل الغسالة العادية كذلك ماركة بانسونيك ومكنسة كهربائية،ست البيت ،مضرب الكيك،مفرمة اللحم الكهربائية مطحنة اللوز يدوية وحدة مولنكس والتانية افضل ماركة مانعرفش لكن شكلها زي مكينة اللحم ولونها ابيض بلاستك خلاط كهربائ محضرة الطعام كاملة من مضرب الكيك والعجانة والخلاط والرحاية متاع التوابل واسعة معصرة الليم والفواكه وامواس مفرمة الجبن (لكن المعجنة مااستخدمتهاش لان منعرفش أي موس نستخدم) الة الشحن متاع الضي استفدت منها وقت الحرب لما يهرب الضي قلاية حجم الصغير،فرنيلو وكوشة كهربائية وطنجرة الضغط.
ألاتي إلا مااستفدتش منهم مكنسة كهرباية متاع العصا فسدت من تاني مرة مكينة البيتزا والشوية الكهربائية كل ماانطيب حاجة تنحرق فيها
[فقط الأعضاء المسجلين يمكنهم رؤية الروابط]


حبيبة الشواية لازم توقفي عليها الباين حرارتها قوية لو فيها زر انقاص الحرارة معش حتنحرق منك الحاجات اللي تبي تشويها او حاولي توقفي بحداها وياريت تقولي شن نوعها بش ننصحوك اما العجانة انا مفهمتش شن تقصدي بالمووس اضني تقصدي مفرمة الجبن نقوللك صوريهم ونزليهم ونقولك اي وحدة تستعمليها


بارك الله فيك اعذريني على تأخري في الرد لاني ادخل بااستخدام الموبايل ولم أعرف كيف اضع الصور وكم مرة طيبتي حاجات نبي نشارك بهم لكن معرفتش كيف نحط الصور بالاضافة لضعف الكونكشن،الشواية حرارتها قوية ومافيهاش زر إيقاف ونوعها ‏black& decker‏ وحتى محضرة الطعام نفس الماركة لامش مفرمة الجبنة العجانة فيها 3 شفرات واحدة فيها الحديد والثانيات بلاستك مكتوب عليهم العجن والقطع والخلط شبيه بالموس متاع ست البيت و متاع الجبنة بروحهم نعرفهم

مغتربة 7
11-22-2011, 03:47 PM
دلوعة ياريتك تقدري تنزلي صور الشواية بلا اند ديكرس نعرفها هذه من اكثر الماركات فى كندا وامريكا
وبالنسبة للعجانة حسب ما فهمت من كلامك فيها 3 شفرات يتغيروا الموس تقرضي فيه وترحي فيه اللوز واي شي
والبلاستك للكريم او البسكويت يعجنه
والاخيرة للعجن حسب ما تصورت عندي وحدة ان شاء الله انزل صورها حتى اني ..

شاطئ بلا رمال
11-22-2011, 04:11 PM
دلوعه بلاك أند ديكر شفت أكثر من واحده شكت منها وأني منهم خودي ديما حاجه مضمونه ومعروفه واجود زي مولينكس وتيفال مثلا أو تكون حد مجربها والأخت ساجده تقدر تفيدك لأنه عندها خبره ومنزله حتى موضوع بخصوص الشوايه الكهربيه وفيه موضوع للأخت أم ساره شوفي الموضوعين وأكيد حاتستفيدي وتكون عندك مرجعيه لما بتشري
وبالنسبه للأخت مغتربه ملاحظه بلاك أند ديكر اللي في ليبيا تجميع الصين تقريبا وممكن فيها حتى أجزاء مش أصليه مش زي اللي برا والله أعلم.
تحياتي للجميع

دلوعة زوجي
11-22-2011, 07:49 PM
أختي مغتربه وشاطئ بلا رمال بارك الله فيكم عندى مشكلة في تحميل الصور حاولت أكثر من مرة لأن ندخل بالموبايل مش بالكمبيوتر،وأنا الاجهزة شاريها زوجي من قبل

خدوج
11-22-2011, 08:21 PM
ربى يحفظكم تهبلو مش عاديات بكل
وان شاء الله كل وحدة تدير اللى خاطرها فيه من الالات
قولوا امين امين امين
بس نبى الة الكابتشينو ياريت سجودة والاخت ام يمنى اللى منزلتها تفتح موضوع مستقل لها
كتبت بكرى الظهر كلام (هللللللللللللللللللللللللللبة)
اهى اهى اهى
مالقيت ولاحرف منه

الساجدة لله
11-22-2011, 08:41 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة خدوج[فقط الأعضاء المسجلين يمكنهم رؤية الروابط]ربى يحفظكم تهبلو مش عاديات بكل
وان شاء الله كل وحدة تدير اللى خاطرها فيه من الالات
قولوا امين امين امين
بس نبى الة الكابتشينو ياريت سجودة والاخت ام يمنى اللى منزلتها تفتح موضوع مستقل لها
كتبت بكرى الظهر كلام (هللللللللللللللللللللللللللبة)
اهى اهى اهى
مالقيت ولاحرف منه
[فقط الأعضاء المسجلين يمكنهم رؤية الروابط]

دوجي حاضر من عيوني بس النت عافسة فيا عندي موضوعين نبي انزلهم ودرهلي كبدي النت الله غالب ايفددو فينا يقول من جيوبهم يخلصو فيه النت متع الواي ماكس

دلوعة زوجي
11-23-2011, 07:43 PM
السلام عليكم لقيت صورة محضرة الطعام متاعي في النت والشفرات إلا تكلمت إلا في اليمين
[فقط الأعضاء المسجلين يمكنهم رؤية الروابط]

مغتربة 7
11-23-2011, 11:35 PM
وخيتي دلوعة تشبها لمتعي بس اني ماركة فيلبس
والقطع متعي اقل
انت عندك حتى الى تصنع الى ايس كريم
وطبعا الصورة مش واضحة هلبة بس الباين فيها هلبة قطع

الساجدة لله
11-23-2011, 11:43 PM
محضرة الطعام متاعك مشاء الله شكلها قنينة بس وين المشكلة عندك ؟ على حسب مافهمت ان عندك مشكلة فيها في قطعة فرم الجبن ؟ فهميني عسولة والتك عجبتني تبيديها بالهني

دلوعة زوجي
11-24-2011, 03:54 PM
بارك الله فيك أختي مشكلة في الشفرات الإثنين الموجودات في الصورة تحت الخلاط هم تابعات للمعجنة إلا راكبة بجنب الخلاط منعرفش يعجنوا في عجينة شكل متاع الخبزة والكعك أو لا وفي وحدة ثالثة ألمونيوم من لوطبة مش امصورة

بنت ليبيا الحرة
12-06-2011, 04:41 PM
السلام عليكن ورحمة الله وبركاته
بالنسبة للاجهزة المتوفرة عندي لاعد لها ولاحصرة وهدي طبعا موجودة تقريبا عند ثلاثة أرباع البيوت اللليبية لان حني الليبيات عاد مانصدقوا نسمعوا بحاجة استعملتها وحدة وتقولنا باهية وتشكرهالنا نمشوا جري للمحل ونشروها ونديروا هداكا الراجل عاد مسكين في جرتنا وندوروا من محل لمحل ونساوموا ونماكسوا في السعر وندوروا النوعي ة الباهية (نبوها حمراء جراية ماتكلش الشعير )ههههههههه ..وبعد مانشروها نتركنوها في الدولاب كانا مافيهاش هديكا الفايدة ..ومنطولش عليكم اخر حاجة درتها وانشاء الله ربي يدومها عليا ومايحرمني منها ومتتعطل او تخرب هى ((شغالة)) وانشاء الله العقبة ليكم وخياتي وترتاحوا زي مرتحت غير بالله عليكم متنقوش عليا لاطير مني..قل أعود برب الفلق
ونصيحة بدل من هالماكينات اللي نشروا فيهم ونتركنوا نوفروا فلوسه ونجيبوا بها مراء تساعدكم مرة مرة على الاقل في الصبح لوقت الظهرية وان شاء الله ربي يعطينا وتتبحبح بعد ليبيا الحرة ونرتاحوا من هالهم والشقى زي الخليج اني والله متفائلة وانتم زيني ولا لا ولا زعما اني نحلم يابناويت واللي عندها أي تعليق أونقد علي كلامي نتقبله بكل صدر رحب ..والسلام عليكم ورحمة الله وبركاته

Om Amory
12-24-2011, 05:53 PM
السلام عليكم

ماشاءالله موضوع حلووو

طبعا الالات لازم منها


وأنى تبو الحق مش كل شى عندى لأنى كيف فاتحه حوش ههههه

وقعده بالشويه بالشويه كل مره ناخد حويجه

وعندى أهم حاجه ست البيت والخلاط والعجانه هادم لازم يكونوا فى كل بيت المفروض

حتى القلايه مليحه

ومشكورين على الموضووع الحلوووو

الكتومه
01-12-2012, 05:58 PM
السلام عليكم
مشكوره الأخت صاحبة الموضوع على الفكره الرائعه
الصراحه انا الأشياء اللى استفدت منهم........
غساله اوتوماتيك..مكنسه كهربائيه..فرن كهربي..خلاط متكامل..مضرب كهربي..عجانه بس صغيره ا كيلوا دقيق فقط..طاجين بيتزا وهذا اكتر شئ انحبه..وثلاجه ماء بصراحه مستفيده منها ماء بارد وساخن..والة براون لأزالة الشعر بصراحه رووووووووووووعه ومستفيده منها.......ومش عارفه لو انسيت
واللى مش مستفيده منهم....
القلايه...والمكواه البخاريه
وبصراحه واللى خاطري فيهم وانشاء الله انحصلهم
العجانه الكبيره وغسالة صحون ومايكرويف وشوايه وقلايه بملعقة زيت والة براون لفرد الشعر طبعا الكلام هذا مش لازم ايشوفه زوجي ههههههههه

الكتومه
01-12-2012, 05:59 PM
السلام عليكم
مشكوره الأخت صاحبة الموضوع على الفكره الرائعه
الصراحه انا الأشياء اللى استفدت منهم........
غساله اوتوماتيك..مكنسه كهربائيه..فرن كهربي..خلاط متكامل..مضرب كهربي..عجانه بس صغيره ا كيلوا دقيق فقط..طاجين بيتزا وهذا اكتر شئ انحبه..وثلاجه ماء بصراحه مستفيده منها ماء بارد وساخن..والة براون لأزالة الشعر بصراحه رووووووووووووعه ومستفيده منها.......ومش عارفه لو انسيت
واللى مش مستفيده منهم....
القلايه...والمكواه البخاريه
وبصراحه واللى خاطري فيهم وانشاء الله انحصلهم
العجانه الكبيره وغسالة صحون ومايكرويف وشوايه وقلايه بملعقة زيت والة براون لفرد الشعر طبعا الكلام هذا مش لازم ايشوفه زوجي ههههههههه

الكتومه
01-12-2012, 06:13 PM
السلام عليكم
مشكوره الأخت صاحبة الموضوع على الفكره الرائعه
الصراحه انا الأشياء اللى استفدت منهم........
غساله اوتوماتيك..مكنسه كهربائيه..فرن كهربي..خلاط متكامل..مضرب كهربي..عجانه بس صغيره ا كيلوا دقيق فقط..طاجين بيتزا وهذا اكتر شئ انحبه..وثلاجه ماء بصراحه مستفيده منها ماء بارد وساخن..والة براون لأزالة الشعر بصراحه رووووووووووووعه ومستفيده منها.......ومش عارفه لو انسيت
واللى مش مستفيده منهم....
القلايه...والمكواه البخاريه
وبصراحه واللى خاطري فيهم وانشاء الله انحصلهم
العجانه الكبيره وغسالة صحون ومايكرويف وشوايه وقلايه بملعقة زيت والة براون لفرد الشعر طبعا الكلام هذا مش لازم ايشوفه زوجي ههههههههه

الساجدة لله
01-12-2012, 06:40 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة ليبيه حره[فقط الأعضاء المسجلين يمكنهم رؤية الروابط]السلام عليكم
مشكوره الأخت صاحبة الموضوع على الفكره الرائعه
الصراحه انا الأشياء اللى استفدت منهم........
غساله اوتوماتيك..مكنسه كهربائيه..فرن كهربي..خلاط متكامل..مضرب كهربي..عجانه بس صغيره ا كيلوا دقيق فقط..طاجين بيتزا وهذا اكتر شئ انحبه..وثلاجه ماء بصراحه مستفيده منها ماء بارد وساخن..والة براون لأزالة الشعر بصراحه رووووووووووووعه ومستفيده منها.......ومش عارفه لو انسيت
واللى مش مستفيده منهم....
القلايه...والمكواه البخاريه
وبصراحه واللى خاطري فيهم وانشاء الله انحصلهم
العجانه الكبيره وغسالة صحون ومايكرويف وشوايه وقلايه بملعقة زيت والة براون لفرد الشعر طبعا الكلام هذا مش لازم ايشوفه زوجي ههههههههه
[فقط الأعضاء المسجلين يمكنهم رؤية الروابط]

صار مش لازم يقراه زوجك صار ههههههههههههه ان شاء الله اديري مافي بالك ياغالية

أم أبرار
01-13-2012, 12:28 AM
موضوع حلوووووووووووووو أما عني الاشياء الي فادتني غسالة ال جي ملابس وغسلة صحون اللي مادارها إن شاء الله إيديرها وخلاط مولينكس بمطحنه ومبشره ومضرب ومعاه الخلاط القائم وكذلك الكتل ياسلام عليه وست البيت مولينكس مسكينه (تخدم أكثر مني) ومطحنة توابل وماكينة توست ومكرويف ال جي وكوشه ومفرمة لحم.............هذا في المطبخ
كذلك مكنسه كهربائيه ومكوى عادي ومجفف الشعر وسشوار ومكنة نزع الشعر براون

والحاجات اللي مركونات عصاره برتقال ماتتحمل وعصارة فواكه اوبتيما أستعملتها شويه وركنتها لانها تطلع كوب وتضيع أكثر مع ضياع الالياف وقلايه تخلصت منها

وتو نبي عجانه كويسه اللي عندها معلومات تفيدني

نسمه ليبيه
01-13-2012, 01:40 AM
موضوع حلو

ان شاء الله نصور اجهزتى ونوريهملكم

الساجدة لله
01-14-2012, 01:53 AM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أم أبرار[فقط الأعضاء المسجلين يمكنهم رؤية الروابط]موضوع حلوووووووووووووو أما عني الاشياء الي فادتني غسالة ال جي ملابس وغسلة صحون اللي مادارها إن شاء الله إيديرها وخلاط مولينكس بمطحنه ومبشره ومضرب ومعاه الخلاط القائم وكذلك الكتل ياسلام عليه وست البيت مولينكس مسكينه (تخدم أكثر مني) ومطحنة توابل وماكينة توست ومكرويف ال جي وكوشه ومفرمة لحم.............هذا في المطبخ
كذلك مكنسه كهربائيه ومكوى عادي ومجفف الشعر وسشوار ومكنة نزع الشعر براون

والحاجات اللي مركونات عصاره برتقال ماتتحمل وعصارة فواكه اوبتيما أستعملتها شويه وركنتها لانها تطلع كوب وتضيع أكثر مع ضياع الالياف وقلايه تخلصت منها

وتو نبي عجانه كويسه اللي عندها معلومات تفيدني
[فقط الأعضاء المسجلين يمكنهم رؤية الروابط]


حبيبة العجانة في عدة خيارات للمنتجات واللي يحدد نوع المنتج نوع استعمالاتك وايضا ميزانيتك حددي ميزانيتك ونوع استعمالاتك ورح تلقي اقتراحات ان شاء الله

زهرة البنفسج
01-14-2012, 03:05 PM
عجانة الكينوود ماشاء الله تعجن حتى البازين لاكن غالية شوية

أم أبرار
01-14-2012, 10:25 PM
شكرا لاهتمامك أختي الساجده والعجانه نبيها ماركه كويسه مش يومين وتفسد والاسعار انشوف ..........أنتي شايفه انواع أفيديني

الساجدة لله
01-14-2012, 11:22 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أم أبرار[فقط الأعضاء المسجلين يمكنهم رؤية الروابط]شكرا لاهتمامك أختي الساجده والعجانه نبيها ماركه كويسه مش يومين وتفسد والاسعار انشوف ..........أنتي شايفه انواع أفيديني [فقط الأعضاء المسجلين يمكنهم رؤية الروابط]


حبيبة النوعيات الكويسة شدني عندك كتشن ايد كينوود وفليبس وهادم اللي عليهم الطلب اكتر والاسعار ليا مدة من قبل الاحدات معش نشدت عليهم بس تتراوح الاسعار من 750 الى 1000 دينار وانت وحظك ياقمر يارب تحصلي اللي تبيه وبسعر مناسب يارب

أم لولو
01-15-2012, 07:50 PM
بالنسبة ليا يا سيدات وانسات المطبخ الحلوات احسن واهم حاجة شريتها والحق مريحتني هلبة هي غسالة lg بالتجفيف الكامل يعني لا تنشري لا شي طبقي وحطي في الدولاب , وعندي الميكرويف ممتاز مش عارفة كيف كنت عايشة من غيره استعماله يومي, وماكينة التوست ضرورية للصغار وحتى قلاية البطاطا الكهربائية نستعمل فيها هلبة ومخصصة للبطاطا والمعجنات باش مانغيرش الزيت ديما وعندي جهاز فيليبس كامل بالخلاط وموس العجن والفرم والتقطيع بصراحة ممتاز ,وفي المكنسة الكهربائية ضرورية بالذات الحوش اللي فيه صغار غير كبيرة هلبة ورزينة خاطري في واحدة صغيرة وخفيفة اللي تعرف ماركة معينة تقولي واللي خاطري فيها هلبة وقريب نهبل عليها عجانة كينوود نتمنى نحصلها بالله اللي تعرف محل يبيع فيها تقولي لاني بنوصي عليها من بره وكان في هني علاش نتعب في الناس ,وخاطري في غسالة مواعين ( اطباق ) وغاز كهربائي اللي مسطح اسود زي المرش من غير عيون , وانشاء الله كل واحدة فينا خاطرها في حاجة تحصلها انتي غير شدي بالحاجة نقي على راجل الحوش لين ياخدها وفوتي فترة وابدي في التانية وهكي انا مدايرة في الحاجات الغالية والحاجة اللي نقدر عليها انا نشريها بروحي حتى هو قداش منه الرجل ما بعده من الطلبات اللي ما تكملش وسلامات

زهرة البنفسج
01-15-2012, 09:15 PM
بالنسبة ليا يا سيدات وانسات المطبخ الحلوات احسن واهم حاجة شريتها والحق مريحتني هلبة هي غسالة lg بالتجفيف الكامل يعني لا تنشري لا شي طبقي وحطي في الدولاب , وعندي الميكرويف ممتاز مش عارفة كيف كنت عايشة من غيره استعماله يومي, وماكينة التوست ضرورية للصغار وحتى قلاية البطاطا الكهربائية نستعمل فيها هلبة ومخصصة للبطاطا والمعجنات باش مانغيرش الزيت ديما وعندي جهاز فيليبس كامل بالخلاط وموس العجن والفرم والتقطيع بصراحة ممتاز ,وفي المكنسة الكهربائية ضرورية بالذات الحوش اللي فيه صغار غير كبيرة هلبة ورزينة خاطري في واحدة صغيرة وخفيفة اللي تعرف ماركة معينة تقولي واللي خاطري فيها هلبة وقريب نهبل عليها عجانة كينوود نتمنى نحصلها بالله اللي تعرف محل يبيع فيها تقولي لاني بنوصي عليها من بره وكان في هني علاش نتعب في الناس ,وخاطري في غسالة مواعين ( اطباق ) وغاز كهربائي اللي مسطح اسود زي المرش من غير عيون , وانشاء الله كل واحدة فينا خاطرها في حاجة تحصلها انتي غير شدي بالحاجة نقي على راجل الحوش لين ياخدها وفوتي فترة وابدي في التانية وهكي انا مدايرة في الحاجات الغالية والحاجة اللي نقدر عليها انا نشريها بروحي حتى هو قداش منه الرجل ما بعده من الطلبات اللي ما تكملش وسلامات
حتى انا بنموت على عجانة الكينوود نبي نشريها لاكن غالية شوية ومن سنتين ريتها في تيفال اللي في بن عاشور

الساجدة لله
01-15-2012, 09:19 PM
[فقط الأعضاء المسجلين يمكنهم رؤية الروابط]اقتباس[فقط الأعضاء المسجلين يمكنهم رؤية الروابط]المشاركة الأصلية كتبت بواسطة أم لولو[فقط الأعضاء المسجلين يمكنهم رؤية الروابط]بالنسبة ليا يا سيدات وانسات المطبخ الحلوات احسن واهم حاجة شريتها والحق مريحتني هلبة هي غسالة lg بالتجفيف الكامل يعني لا تنشري لا شي طبقي وحطي في الدولاب , وعندي الميكرويف ممتاز مش عارفة كيف كنت عايشة من غيره استعماله يومي, وماكينة التوست ضرورية للصغار وحتى قلاية البطاطا الكهربائية نستعمل فيها هلبة ومخصصة للبطاطا والمعجنات باش مانغيرش الزيت ديما وعندي جهاز فيليبس كامل بالخلاط وموس العجن والفرم والتقطيع بصراحة ممتاز ,وفي المكنسة الكهربائية ضرورية بالذات الحوش اللي فيه صغار غير كبيرة هلبة ورزينة خاطري في واحدة صغيرة وخفيفة اللي تعرف ماركة معينة تقولي واللي خاطري فيها هلبة وقريب نهبل عليها عجانة كينوود نتمنى نحصلها بالله اللي تعرف محل يبيع فيها تقولي لاني بنوصي عليها من بره وكان في هني علاش نتعب في الناس ,وخاطري في غسالة مواعين ( اطباق ) وغاز كهربائي اللي مسطح اسود زي المرش من غير عيون , وانشاء الله كل واحدة فينا خاطرها في حاجة تحصلها انتي غير شدي بالحاجة نقي على راجل الحوش لين ياخدها وفوتي فترة وابدي في التانية وهكي انا مدايرة في الحاجات الغالية والحاجة اللي نقدر عليها انا نشريها بروحي حتى هو قداش منه الرجل ما بعده من الطلبات اللي ما تكملش وسلامات [فقط الأعضاء المسجلين يمكنهم رؤية الروابط]

ههههههههههه ضحكتيني على النقان بس قوليلي غسالتك بكم واخدتيها ومنين وياريت تحطي صورتها للاستفادة والميكرو وييف ماركة شنو اللي عندك بالنسبة للعجانة بري لمحل الدلتا هو الوكل متعها في غوط الشعال مقابل الصالات بري قوليلهم ينعتوك عليه وهو وكيل الكينوود في ليبيا

أم لولو
01-16-2012, 05:27 PM
شوفي اختي الساجدة الغسالة خديتها من سوق الثلاثاء المجمع محل يبيع lg وتلقيها عند اي محل يبيع اجهزة lg لانها موجودة وصورتها انشاء الله تكون واضحة وسعرها في حدود 1800ديناروهي حجمها كبير لكن ممتازة أما الميكرويف فهو شاريه زوجي من الصين وهو من النوع الممتاز يعني ليه توا 5 سنين عندي وقريب يعيط نوعه GALANZ ونستعمل فيه هلبة [فقط الأعضاء المسجلين يمكنهم رؤية الروابط]

الساجدة لله
01-17-2012, 01:01 PM
اقتباس:
المشاركة الأصلية كتبت بواسطة أم لولو [فقط الأعضاء المسجلين يمكنهم رؤية الروابط] ([فقط الأعضاء المسجلين يمكنهم رؤية الروابط])
شوفي اختي الساجدة الغسالة خديتها من سوق الثلاثاء المجمع محل يبيع lg وتلقيها عند اي محل يبيع اجهزة lg لانها موجودة وصورتها انشاء الله تكون واضحة وسعرها في حدود 1800ديناروهي حجمها كبير لكن ممتازة أما الميكرويف فهو شاريه زوجي من الصين وهو من النوع الممتاز يعني ليه توا 5 سنين عندي وقريب يعيط نوعه GALANZ ونستعمل فيه هلبة [فقط الأعضاء المسجلين يمكنهم رؤية الروابط]


بارك الله وخيتي على التعاون وان شاء الله تبيديها بالهني يارب

أمـ ساره
01-17-2012, 08:16 PM
السلام عليكم

اني جيت واخيراً بنقول شنو عندي وفادني

أول شيء طبعاً ست البيت ماركة هومر والله ساعدتني هلبة الله يرحمها

مادرت فيها طيب حتى اللحم فرمته فيها لكن للأسف فسدت من كثر الدق عليها


وخذيت المكسر أيضاً ماركة هومر حتى هي مش عادية ونزلت موضوع العيد عليها

اندير بيها اللحم والعجينة زي التارت وفرم خضرة وهلبة حاجات ثانية


وأيضاً الميكرويف ماركة هومر طبعاً عملي هلبة ويساعد في التسخين وفي تذويب الثلج

وجربت طيبت فيه الكب كيك ومرة جربت درت فيه الرز



وأيضاً خذيت عجانة ماركة هومر حتى هي بس مشكلتها ماادير كمية كبيرة

من العجينة لكن بالنسبة للكيك والكريمات وعجن البسكويت تنفع هلبة

ونستعمل فيها حتى من غير صينية العجن متاعها

وعندي سخان المية الكهربائي مش عادي بصراحة عملي جداً جداً في كل شيء

في التطيب وفي مية بناتي نغليها فيه ماركة نيدا

وشريت واحد صغير حجم نصف لتر ماركة هومر سنستيل لكن خسارة بدي يصدي شوي


وعندي شواية كهربائية ماركة هومر حتى هي مش عادية


للحم والدجاج وللبيتزا وللتوست وللخبزة العادية

ونزلتها حتى هي في موضوع العيد

وماكينة التوست ماركة هومر عملية وكويسة

واهم شيء تنظيفها ساهل جداً



وغسالتي ماركة ارسيليك ايطالية عملية جداً جداً ومريحتني هلبة

ومكنستي الكهربائية ماركة فيليبس اتهبل مش عادية

تكنس وتغسل في البساطات وتنظف الزجاج وأيضاً انظف بيها حتى في الجلسة متاعي


وخاطري في عجانة كيتشن ايد أو حتى كينوود ان شاء الله نشريهم

وخاطري في غسالة اماعين لأني مستحقتها هالفترة




وهذا الي خطر في بالي توا

ان شاء الله لو تفكرت شيء نرجع من جديد

أم لولو
01-17-2012, 08:43 PM
اختي ام سارة المكنسة الكهربائية بكم سعرها ومن وين واخدتيها و ياريت لو تتكرمي عليا وتصوريها لاني نبي مكنسة باهية ولو تغسل البساط زي ما قلتي يكون احسن واحسن وانشاء الله تشري اللي خاطرك فيه

أمـ ساره
01-17-2012, 09:03 PM
حاضر أم لولو

ان شاء الله نقدر نصورها وانزلها لك قريب


بالنسبة لسعرها حوال 500 دينار الا ربع

لكن اني خذيتها من حوالي 4 سنين من الوكيل محلات سوق الثلاثاء قبل ما ايهدوه


لكن ممكن اتشوفيها في محلات غوط الشعال مرات اتحصليها


وربي يبارك فيك عالدعوة الطيبة

ولك بالمثل أختي

روح مغتربه
01-19-2012, 10:55 AM
السلام عليكم
اهم جهاز عندي في الحوش الغاليه الغزيزه علي قلبي ربي يحفظها غسالتي الحبوبه lg الي تتعبا من قدام مش عاديه والله ريحتني ياسر خصوصاً في الشتاء
وثاني جهاز هو مكنستي الكهربائيه وماركتها هيتاشي الي سطلها حديد وكيسها قماش حتي هي تبارك الرحمان عليها ليها سنتين عندي مع الصغار نستعمل فيها يومياً وقاعده يا سلام بس كل شهر نغسل الكيس
والجهاز الي نستعمل فيه يومياً في المطبخ ست البيت ماركتها اطلس علي ما اظن بس قريب تتكل نبي نشري غيرها والكتل حتي هو ماركته هومر لتر ونص تقريباً حتي هو روعه ما عادش نتحرك من غيره خصوصاً لرضعه بنتي
والجهاز الي انحبه مكواً الملابس البخاريه ماركته مولينكس اصلي وقاعدته تيفال شاريته تبارك الله من 6 سنوات
والاجهزه الي اندمت عليها بشده الميكرويف بصراحه استعمالي فيه لا يذكر وكان ما شريته راني فحمت ههههههههه
والابيخ منه طاجين البتسا حتي هو مش انه ما ينفعش بس مش هديكه الاهميه
والابيخ منهم ثلاجه الميه من هومر اموترتلي اعصابي الصغار يشربوا منها بدون تخليط والزكمه بربع قرش في الصيف والشتاء اندس فيها والحاج ربي يهديه شراها بدون ما ايقولي واني مانحبهاششششششششششش بس مشي الحال
لما نتفكر حاجه تانيه انقوللكم مع السلامه

أمـ ساره
01-19-2012, 02:08 PM
عدت بعد ما اتفكرت شنو نسيت

اول شيء ماكينة البوريك والقطايف الكهربائية من هومر

بصراحة نوعيتها كويسة وتساعد بس ما نستعمل فيها هلبة

وجربت فيها حتى الفطيرة جت مش عادية

لكن من الي انحرقت بيها بنتي ما عاد استعملتها الا مرة ممكن



وحاجة ثانية ماكينة البيتزا ماركة هومر طبعاً

بجد فايدتها كبيرة ونستعمل فيها في هلبة حاجات

زي البيتزا وبعض المعجنات وأيضاً الفطيرة والخبزة الي من غير تخمير

والتورتيلا وجربت فيها الدجاج جي يهبل مش عادي



وأيضاً تفكرت ثلاجة المية من هومر (( بعد ما قريت رد روح مغتربة ))

بصراحة عملية هلبة واستفدت منها في الصيف أما الشتاء نصكر فيها



وأيضا المكواة البخارية من هومر ماشاء الله عليها

حديد على كيف الكيف وخاصة في البدلة العربية واقفة وقوف


وقلاية البطاطا من هومر

حتى هي مفدة وخاصة في الاحداث فادتني هلبة


وماكينة التوست من هومر

حتى هي عملية ومفيدة ودرت بيها الوافل جي ايهبل

ودرت فيها خبزة محشية حتى هي اتهبل مش عادية



وكان تفكرت حاجة ثانية تو نجي او لو شريت شيء

الساجدة لله
01-19-2012, 02:16 PM
شكلك عاشقة للهومر ياام سارة ههههههههههههههه

تبيديهم بالهني يارب

أمـ ساره
01-19-2012, 02:37 PM
الله يسلمك ويبارك فيك ساجدة


تعرفي لما نكتب فيهم بس ركزت ان أغلب الي عندي هومر

هو راجلي يحبها هالماركة

ولما جربتها عجبتني لأنها عملية ومتوفرة وخاصة ان وكيلها معروف

وعندهم مركز خدمات >>>> فليش لا

ليبية
01-19-2012, 09:21 PM
السلام عليكم ورحمة الله وبركاته:


اشكر صاحبة الموضوع على هذا الموضوع الرائع والمهم


احب اشارككم بما امتلك لكي تعم الفايدة وياريت كل وحدة تستفيد من كلامي تدعيلي بالذرية الصالحة



نبدأ بسم الله الرحمن الرحيم

ماشاء الله ولاقوة الا بالله


من اهم الأجهزة المنزلية اللي عزيزة على قلبي

قلاية تيفال بملعقة زيت

[فقط الأعضاء المسجلين يمكنهم رؤية الروابط]


ست البيت هومر


[فقط الأعضاء المسجلين يمكنهم رؤية الروابط]



سخان المية (كيتل) هومر


[فقط الأعضاء المسجلين يمكنهم رؤية الروابط]


ماكينة توست و شواية في نفس الوقت هومر

[فقط الأعضاء المسجلين يمكنهم رؤية الروابط]

عجانة سيفرين

[فقط الأعضاء المسجلين يمكنهم رؤية الروابط] il.jpg


ميكرويف سيفرين

[فقط الأعضاء المسجلين يمكنهم رؤية الروابط]

قطاعة البطاطس اليدوية رائعة لييييييييييييييييييييين خلاص ماشاء الله

[فقط الأعضاء المسجلين يمكنهم رؤية الروابط]



فير لفرد الشعر بس ما اعرف الماركة تبعه

[فقط الأعضاء المسجلين يمكنهم رؤية الروابط]


هذول الأجهزة اللي راضية عنها


الأجهزة اللي مش راضية عنها

قلاية الزيت العادية (لأنها تستهلك هلبة زيت)

صانعة الياغورت (لأنه تكلفة الياغورت بالمنزل تجي نفس سعر الجاهز فعلاش نتعب في روحي)

ثلاجة الماء

المكوة البخارية الكبيرة

المكنسة اليدوية اللي بالشحن انا وخذتها ماركة بوش ( سيئة جدااااااااااااااااااااااااااااااااا ولا انصحكم بشرائها)

[فقط الأعضاء المسجلين يمكنهم رؤية الروابط]


وعلى فكرة اقاربي اخذوا مكنسة كهربائية ماركة بوش ايضا سيئة للغاية



الأجهزة اللي خاطري فيها

مجفف الملابس

غسالة الصحون

صانعة الأيس كريم


وربي يقدره و يجيبهملي الله يكون فيعونهم الرجالة وخلاص

الساجدة لله
01-20-2012, 04:04 AM
ماشاء الله حويجاتك نازكاااات ياليبو والله ماشاء الله عقبال مااديري اللي في بالك يارب

ليبية
01-20-2012, 08:38 PM
امين بارك الله فيك سجودة ولك بالمثل يا قمر

أمـ ساره
01-22-2012, 03:20 AM
أم لولو

ما صورت ماكينتي لكن جبت لك أقرب وحدة ليها


هذا لونها امتاعي بس الجزء الاخسر الي تكنسي بيه يختلف على الي عندي

اني ميزتها انه يكنس سجاد أو سيراميك

ويلف على كل الجهات يعني تقدري تستخدميه بالطول او العرض ادوريه حسب حاجتك



[فقط الأعضاء المسجلين يمكنهم رؤية الروابط]



وطبعا الخرطوك الاسود الكبير نهايته يركبوا فيها كل القطع

سواء للكنس او قطع الغسل لللسجاد او الزجاج

وأيضاً معاه قطعة صغيرة مثل المكنسة تستخدميها في المناطق الضيقة أو لنس النوافذ أو الاثاث

في الزاويا او الحاشيات الصعبة


[فقط الأعضاء المسجلين يمكنهم رؤية الروابط] 3.1&__utmb=1.10.10.1327193873&__utmc=1&__utmx=-&__utmz=1.1327193873.1.1.utmcsr=google.com.ly%7Cutm ccn=%28referral%29%7Cutmcmd=referral%7Cutmcct=/imgres&__utmv=-&__utmk=179760420&__ig_end=


هذه القطع متاعها ما عدا كيس القماش الي داخلها


[فقط الأعضاء المسجلين يمكنهم رؤية الروابط]


واللون الابيض الي راكب المكنسة هذا الدلو متاع المية والصابون يركب من اللف

ولازم تكوني منحية كيس القماش متاع الغبار


[فقط الأعضاء المسجلين يمكنهم رؤية الروابط]


وهذه من الامام

فيها زرين واحد لتشغيل الشفط سواء الغبار او الماء

والثاني لما بتغسلي السجاد يوزع في المية مثل الخرطوم

والي بين الزرين هذا خاص بخرطوم الماء الاسود

[فقط الأعضاء المسجلين يمكنهم رؤية الروابط]

وهذا شكلها لما تركبي قطع الغسيل

[فقط الأعضاء المسجلين يمكنهم رؤية الروابط]



وهذا لما تستخدميها للكنس لكن من غير الدلو الابيض

نحول فيه لما نكنس بيها


[فقط الأعضاء المسجلين يمكنهم رؤية الروابط]




وان شاء الله فهمتي عليا وتعجبك مكنستي

وربي ينولك الي في بالك يارب

أم لولو
01-22-2012, 08:49 AM
بارك الله فيك اختي ام سارة واكيد فهمت عليك بصراحة مكنسة ماشاء الله تبيديها بالهني شرح واضح ومفصل انا من زمان خاطري في مكنسة من هالنوع وشكرا عالدعوة الطيبة وعالمجهود الواضح في الإفادة والإستفادة

الساجدة لله
01-22-2012, 10:43 AM
تسلمي ام سارة على التوضيح والشرح الوافي وجزاك الله كل الخير

أمـ ساره
01-22-2012, 11:03 AM
أم لولو

سجودة


الله يبارك فيكن وخياتي ومشكروات على دعواتكن الطيبة

وربي يعطيكم ما تتمنوا يارب

روح مغتربه
01-22-2012, 11:42 AM
صحيتي ام ساره علي الشرح والله مكنستك خشت خاطري وان شاء الله اول ما تسمح الضروف ونمشي لطرابلس نشريها بعون الله
الحق انا قبل مش مقتنعه بالمكنسه ال تغسل لان حماتي شرت وحده الباين ماركتها بلهون وانحرقت علي طول بس بعد شكرانك ليها ما عادش في بالي غيرها وان شاء الله اتبيديها بالهناء

أمـ ساره
01-22-2012, 11:47 AM
الله يسلمك ويبارك فيك وخيتي روح مغتربة

وبصراحة المكنسة نفعتني هلبة هلبة

وخاصة في غسل السجاد

نغسله في مكانه ونفتح عليه النوافذ ساعة او 2 بس

اتقولي غاسلتيه برى وناشرتيه غير هني اسهل شوي

لا كدان ولا شيء


وان شاء الله ربي يفتح عليك وتشري خير منها وخيتي

ام نوني
01-22-2012, 12:45 PM
السلام عليكم ورحمة الله وبركاته،،،
اشكرك اختي على هادي الفكرة الرائعة واتمنى ان نستفيدو من بعض وطبعاً زيني زي اي ليبية تعشق الالات الكهربائية نبدأ بإسم الله
اللات اللي عندي:
مكنسة كهربائية lg/ قلاية (هومر) / الة البوريك والكريب (هومر)/ الة التوست (هومر)/ خلاط (مولينكس)/ ست البيت (بلاك اند ديكر)/ مضرب كهربائي(فيليبس)/ كتل (سيفرين) / الة البيتزا (هومر)/ فرن محمول (هومر)/ الة الميني دونات (هومر)/ مايكروييف (هومر)/ شواية كهربائية (الكيتا) / غسالة اوتوماتيك (سامسونج) / الة إزالة الشعر(فيليبس) / سشوار( براون) فقط لاغير و بصراحة كلهم مستفيدة منهم ماعدا الة الميني دونات و الة البوريك استخدامي فيهم بسيط والات اللي نتمنى نشريهم ان شاء الله *مكنسة لغسل السجاد *الة الرز * عجانة

روح مغتربه
01-26-2012, 10:58 PM
اخواتي رد بالكم تشروا محضرت الطعام من فيلبس
الي كتكامله يعني فرامه الحوض والخلاط ومبشره وعصاره فواكه وعصارة ليمون برتقال والله شريتها ب200 دينار وانحرقت فيسع وياريت من كترة الاستعمال اول شي ما تفرمش اللحم اكويس ومتخلطش الفربيه كويس والبلاستك امتاعها بلهون علي العموم شكلها تقليد وخويتكم اضربت فيها وربي عوضني احسن منها

أمـ ساره
01-27-2012, 09:10 AM
روح وخيتي ربي يعوض خير ان شاء الله

وبصراحة الأفضل في الات ما تاخذيها كاملة

يعني تشوفي النوعيات الكويسة وتاخذ كل قطعة بروحها


ولو تبيها كاملة ما تاخذيها الا من الوكيل لأنها بتكون بضمانة

الساجدة لله
01-27-2012, 05:34 PM
بصراحة فليبس اللي اهني مش كلهم اصليات سبق وخديت فير ( اللي يلوي الشعر ويديرو فلوو) فليبس ومش رخيص 75 دينار تصدقو على القطع اللي فيه مانستعملش فيهم نستعمل في الجهاز نفسه الطرف الاستانلس اما الفورمات اللي يتركبو عليه للاسف ماتوصلهمش الحرارة والحق ان هومر في اللسترا افضل وكمان الفيير بهالماركة افضل

الساجدة لله
01-27-2012, 05:39 PM
يعني لازم تكون من الوكيل انا خديتها من شارع 24 ديسمبر والحق اللي ياخدها الاصلي ياخده من الوكيل او لا

خدوج
01-27-2012, 06:39 PM
ماشاء الله حاجات تفتح النفس
ام سارة مكنستك تهبل تبيديها بالهنى
وكل وحدة عندها جهاز مبروك عليها وان شاء ديرو
وتعمرو دويراتكم كيف ماتبو
مبروك عليكم

الكتومه
01-31-2012, 09:21 PM
بنااااااااااااااااااات باركولي اشتريت مايكرويف والعاقبه لباقي الحاجات
والصراحه انسيت شي مستفيده منها هو مجفف الملابس بصراحه مساعدني هلبا

الحنونة
02-01-2012, 03:03 PM
السلام عليكم انى برة ليبيا بس شاريةشوية حاجات للمطبخ راح انزلها الايام الجاية
وهى الة بنكيك قطاعة بتسة طنجرة رز ومكايل مختلفة ميكرو ويف فرامة لحم وكبة ان شالله تعجبكم وراح لقوللكم اكثر الة ريحتنى وما نستغناش عليهاهو الميكرو ويف

الساجدة لله
02-01-2012, 05:36 PM
حبيبة ياريت تنزلي الاتك كل وحدة في موضوع مستقل عشان تاخد حقها في المنتدى ومن الردود والتقييم بارك الله فيك

# نور #
02-02-2012, 12:44 AM
السلام عليكم

أكتر آلة مريحة وعملية وتخدم ما شاء الله الخلاط ومعاه آلة طحن التوابل وآلة بشر الجبنة ماركة بلاك اند ديكر ممتازة لكن يا خسارة طاح الخلاط وانكسر جزء منه فمعاش يطبق الغطا عليه فمعاش يخدم ، لكن قاعدة المطحنة والمبشرة

اما الجهاز اللي نادمة عليه هو صناعة المانية ماركة كلانترينك مضرب بيض وعجانة ومعاه الة الكابتشينو اللي ادير رغوة وتطحن الشوربات .. حجمها صغير تاخد بس نص كيلو في العجن وبعدين معاش خدمت وقاعدة في الدولاب .

ترهونيه حره
02-02-2012, 12:59 AM
المكنسه الكهربائيه لاغنى عنها ابدا وخلاط الكيك

بيسان نيسان
02-14-2012, 10:45 AM
السلام عليكم اني عندي هلبة اجهزة وادوات مطبخية بحكم اني في غربة نشري لحوشي في ليبيا ان شاءالله فيه حاجات نستعمل فيها ديما وحاجات مش مستعملتها وبصراحة لما انجي بنكتب نلقاهم هلبة قداش بنكتب لهدا حنصورهم وانزلهم ان شاءالله وربي يباركلكم في حاجاتكم كلكم

غدير الماء
02-14-2012, 04:53 PM
اني اقوللكم ماشريتش حاجه وندمت عليها لاكن اكثر شي امساعدني ست البيت والغساله متاعت اللماعين (الاواني)الله ايسلم من صنعهم وان شاء الله الي مادارها ايديرها

أمـ ساره
02-15-2012, 12:45 AM
ليبية حرة مبروك عليك الميكروويف تبيديه بالهني ان شاء الله

والعقبة لباقي الحاجات ان شاء الله وكل وحدة تمنى حاجة تحصلها ان شاء الله


الحمد لله اني شريت غسالة الماعين والله ريحتني هلبة هلبة

العقبة عندكم يا بنات

نسمه ليبيه
02-15-2012, 04:47 PM
ام ساره وغدير الماء

مبروك غسالات المواعين وان شاء الله تبيدوهم بالهنا

ممكن تقولن الماركات اللى شريتوهن شنى؟؟؟؟ وتعطونا فكره عالغسالات مثلا تستعملوها فى اليوم كم مره
وقديش تاخد وقت
وشن المواعين اللى ماتغسلهم وهكذا

بنت حواء
02-15-2012, 05:18 PM
السلام عليكم ورحمة الله وبركاته
أعجبني الموضوع وأحببت المشاركة مع أنه ليس لدي الكثير من الأجهزة
لكن سأبدأ بما جربته ويصعب الإستغناء عنه :

أولا: (غسالة أوتوماتيك)

ثانيا: (ميكروويف)

ثالثا: (خلاط عادي هومر)

رابعا: (مكينة الكبة) يعني (رحاية) كبيرة أستعملها بدل التي مع الخلاط لأنها صغيرة
أجدها مهمة لي في طحن البقسماط والحبوب والكثير من الأشياء

خامسا: (طاقم ست البيت) يعني ست بيت ومعها مضرب البيض ومفرمة صغيرة


وبالنسبة للآلات التي لدى ولا أستعملها هي :

أولا: (قلاية) لأنها تسرف في الزيت ورائحتها مقرفة ولا تأخذ أكثر من 6 قطع يعني
بدلا من أن أقلي كفتة أو كبة في مرة واحدة على النار أقلي 3 أو 4 مرات في القلاية؟؟؟؟

ثانيا: (الكتل/ الكأس الكهربائي) أجد التسخين على النار لا يأخذ وقتا طويلا على العكس
يأخذ الوقت الكافي لكي أجهز السفرة والنسكافيه ههههه


سلااااااام

دانية
02-21-2012, 08:41 PM
الموضوع في غاية التشويق بالنسبة لي الغسالة التوماتيك للملابس كل قرش فيها حلال ..الخلاط طبعا استحالة الاستغناء عنه , المهمة واااجد هي ست البيت البصل الطماطم كل حاجة بصراحة نازلة عليها مسكينة:p المضرب عشن الكيكة و النسكافيه الخ الخ...
الاله اللي نفكر نشريها هي مكنسة غسل الفرش الكل يشكرن فيها تغسل الفرش وتجففه في مكانه;)

ماجن
02-22-2012, 03:51 AM
:) ماجن عضوة مبتدئة انا مهووسة جدا بالاجهزة الكهربائية اكتر حاجة استفدت منها الغسالة الاتوماتيك ال دجي وست البيت هومر تسهل في هلبا امور والخلاط ماركة براون والعجانة مولينكس والشواية الكهرابئية منعرفش اسمها وماكينة فرم اللحم مولينكس ياسلام نرحى فيها الهريسة والمكسرات الفورمة المتوسطة تحس ان المكسرات تزيد زي السحر وخاصة الكاكاوية ونفرم فيها الفتات الفورمة الكبيرة باش اندير المرفوسة الجبالية بالسكر والزيت واللي ماستفدتش منه ماكينة الكابتشينو ماركة المانية ملوحة فوق الدولاب هي والميكرويف وماكينة بيتزا غريبة شوية موش زى الماكينات الموجدة في المحلات زي الطنجرة كان ماخديتهاشراهو نبتت فيا نخلة بعراجينها

شيرين عبدالله
04-13-2012, 09:59 PM
بسم ألله الرحمن الرحيم

بارك ألله فيك يا أختي على طرح الموضوع الرائع والمفيد ....

بالنسبة لي متزوجة من 9 شهور فقط ومنهم 5 شهور أنا خارج ليبيا ومازلت لم أشتري كل ما أنا محتاجة إليه

لكن من بين الأشياء التي أنا فعلا حبيتها واستفدت منها هي :

1 - كيتل الماء مريحني خصوصا أنه زوجي عمله في وقت مبكر , فهو يساعدني بسرعته , وأيضا أثناء الطبخ وخاصة في طبخ الأرز يسخنلي الماء بسرعة .

2 - ماكينة ( طاجين ) البيتزا الكهربائية , بالنسبة لي هي رائعة وأنا أستعملها أكثر لصنع عجينة الفتات .

3 - ماكينة مولينكس المتكاملة بصراحة أنا لا أستغني عنها , للفروبي ولخلط الكيكات والمعجنات وأستعملها أيضا للكبة .

4- آلة التوست بصراحة أنا أحبها كثيرا وهي مريحتني فعلا وأنا أستخدمها ليس فقط لتحميص التوست والبريوش فقط بل استخدمها لتسخين وتحميص السندويتشات لما تتسخن فيها وتتقرمش تطلع رائعة .

5- ألة طحن الشوربة أنا مريحتني كثيرا لأني لا أحب أن اطحن الشوربة وهي ساخنة في الخلاط لذلك لا اتضطر لإنتظارها حتى تبرد .

6- ست البيت فظيعة تقريبا معظم مراحل الطبخ لازم يكون لست البيت لمستها سواء في البداية او النهاية وهي لا استغني عنها , تختصر الوقت والجهد ونتيجة عملها رائعة .

7 - طبعا التلاجة والغاز أكيد ما أحد يستغني عنهم .

8 - ألة طحن القهوة رائعة جدا وبصراحة في منزل والدي كنا نستخدمها لطحن المكسرات والبهارات أيضا .

9 - وبالنسبة لأدوات المطبخ :

أ - طواجين بأحجام مختلفة بايركس وتيفال والفخار فعلا رائعين بالنسبة للبايركس والفخار البايركس أنا استخدمهم للطبخ , والتيفال معظم الوقت للحلويات وأنا أفضلهم ولا أحب أن أستخدم الألومنيوم لأنه ضار بالصحة .

ب - بالنسبة للطناجر بجميع أحجامها سواء الكسكاس او طناجر الطبخ المختلفة الأحجام أشتريتهم طقم ستينلس ستيل وميزتهم أنهم من نفس الماركة ونفس النقوش المزخرفة عليهم , وأعتقد أنه أفضل حتى من الناحية الجمالية .

ج - ملاعق الخشب والتيفال , بصراحة أنا لا اقتنع باستخدام ملاعق المعدن في الطبخ لما يسسببونه من ازعاج في الصوت وطبعا يفسدو الطناجر .

د - الحافظات ذات الغطاء المحكم بأحجام مختلفة مثل الصغيرة التي تستخدم في الثلاجة او الفريزر أو الكبيرة التي يوضع فيها السكر والدقيق والمعكرونة وغيرهم .

ه - اشتريت مقلاة ( طاوة ) من السيراميك والفخار ولها غطاء زجاجي يغلق بالضغط بصراحة جدا رائعة أستخدمها لقلي السمك وشرائح اللحم والدجاج ويكون فيها الطهي صحي لأن الغطاء يجعل الحرارة تحفظ جيدا وهو زجاجي يسمح لك برؤية شريحة اللحم او غيرها متى تنضج .

أما الآلة التي لم أستعملها هي ماكينة العصير لا تزال جديدة مع إني كنت أستعمل نفسها في منزل والدي لعصر الجرز مع التفاح وهي رائعة .

هذا بالنسبة للمطبخ .

أما بالنسبة لباقي ادوات المنزل :

1- مكواة العادي والمكواة البخاري الإثنين أستعملهم , بالنسبة للعادي أسرع لكن البخاري مهم أيضا بالنسبة لي لأن التي شيرت والأشياء القطنية واشياء الطلعة دائما افضل أن اكويهم بالمكواة البخاري لأنه لا يفسدهم ويحافظ عليهم . وبالنسبة لمنزل والدي فالجميع يستخدمها أخواتي البنات والشباب ويجدونها أسهل بكثير من المكواة العادي .

2- غسالة أوتوماتيك لم اشتريها بعد لكن قريبا إن شاء الله, والمكنسة الكهربائية لم اشتريها أيضا بعد لأني أستعمل المكنسة التي تشحن بطار يتها , وعندما كنت في ليبيا كانت الأدوات الكهربائية مرتفع سعرها بشكل مبالغ فيها لذلك لم اشتريهم ....


3- آلة امجوي لا أستغني عنها خصوصا بعد إزالة الشعر بالحلاوة لأنها تزيل أقصر الشعيرات التي لا يمكن إزالتها بالحلاوة .

4- السشوار طبعا والفير ومكواة الشعر كلهم لا استغني عنهم لكن حسب الوقت فلو كنت مستعجلة أستعمل المكواة بسرعة لكن إذا كان عندي الوقت استعمل السشوار
وادلع نفسي ايضا بالفير .

هذه الأشياء اللي تذكرتها , لأني حاليا لست في ليبيا إن شاء الله لنا عودة بعد العودة ....

أقول قولي هذا وأستغفر لي و لوالديي وزوجي وجميع المسلمين الأحياء منهم والأموات .

lola9670
04-23-2012, 01:30 PM
السلام عليكم ورحمة الله وبركاته
موضوع جدا رائع
بالنسبة ليا ماعنديش هلبة اجهزة مع اني نحبهم لكن حكم الضيق ع قولت راجلي
المهم عندي ومانقدرش نستغنى عليه:
مكنسة كهربائية
ماكينة التوست
خلاط مع رحاية التوابل
خلاط القائم
ماكينة فرم اللحم زي ست البيت اني نقوللها اج
مضرب البيض
كوشه كهربيه
وعندي مكواة البخار بعد وين باش نستعملها بحكم مانطلعش الانادرا
ونيتي في ماكينة البوريك يلي بالصونية متعها ماركة هومر
ونيتي في الماكينة المتكاملة متع المطبخ ماركة مولينكس يلي فيها هلبه طروف مفرمة وعصارة وفورمة الكعك نموت باش نحصلها
وعندي كتل وراجلي مايبينيش نجيبة من حوش امالية
ونيتي في شوايه الميه
واسفه ع الاطاله

fidaa
04-24-2012, 04:45 AM
السلام عليكم
موضوع حلو نتخايل في روحي وكاني مقعمزمعكم تعرفو الغربه لم نقراء في موضوعك خطرتي علي ماما واخواتي وخالتي شكرا شكرا
علي مهم انا في غربه لكن عندي حوجات
غسالة الملابس أوتوماتيك مكنسه كهربائيه ست البيت صغيرونا ماكينة التوست (محمص) خلاط الكيكه خلاط الفروبي خلاط االعمودي الكاتل الميكروويف
الأجهزه اللي ندمت
على شرائها السير للمشئ ماستعملته شاحن البطاريات شويه االصغيرون وطنجرة الارز صغير
الأجهزه اللي نفكر نشريه
عجانة شيف كينود قلاية البطاطا 1 k بطاطا 1بملعقة طنجرة البيتسا
وشكرا

صهيب الرملى
04-24-2012, 03:25 PM
السلام عليكم
والله ياختى موضوعك جميل جدا
بس احب اترك تعليق بسيط جدا وهو مش كل اللى ينعرض بالسوق مفيد يعنى مثلا طاجين البيتزا مش حلوه لانه يطلعه مش مقرمشه وانا اقوللكم على شى رائع ومفيد ولزم كل وحده يكون عنده فى المنزل وهى مكنسه الكهربائيه اللى تغسل الفرش والله حلوه ومفيده جدا وانا مجربته وغساله الصحون والله بجدا روعه

LOLO
04-24-2012, 05:08 PM
اشتريت عجانة هومر من منكم جربتيها

om_adnan
05-14-2012, 03:24 PM
موضوع مميز,ننصح بشراء طنجرة الضغط ,الان أكثر امان وضرورى تكون ماركة كويسة,ميزتها توفير من جميع النواحى وخصوصا الوقت لحم ايطيب فى نصف ساعة وحتى الطعم يكون مش عادى وايطيب اللحم هبزه بدون ما يتفترش,لا انصح بشراء الة القلى الا اذا كانت حجم صغير.

anhr
05-26-2012, 12:05 AM
ام عدنان ياريت صوره لطنجره, ومن وين نشريها,

mony
05-26-2012, 02:41 AM
السلام عليكم
حبيت نشارك معاكم بالاجهزة الموجودة عندى
غسالة اتوماتيك ممكن ليها عندى 7شهور وما ارتحت لين شريتها فعلامريحة ماركة دايو
وميكروويف مريحنى فى التسخين وتدويب المجمد ماركة ال جى
طاقم ست البيت فيه 3قطع مفرمة ومضرب الشربة ومضرب الكيك فسدو مفرمة بس تخدم ماركة هومر
واشريت مضرب الشربة بروحه ماركة هومر يساعد فى رحى الشربة والفروبى والعصير وماكينة التوست لتسخين التوست والكرواسون والخبز
وماكينة البيتسا هومر نطيب فيها الشاوما والفطيرة ورحاية التوبل
ومكنسة كهربائية ماركة ال جى حتى هى مريحتنى
ومدفاءة كهربائية ومكيف ومكواة وسشوار وتلفزيون وشاشة ال سى دى وثلاجة
والاشياء الى مش مستفيدة منها
خلاط امتع الملقى وست البيت المعروفة الى تكون بروحها
وعندى ماكينة لازالة الشعر مش عارفة ماركتها جتنى هدية ماتنحى فى شئ
والاشياء الى خاطرى نشريها
كوشة كهربائة وغلاية الماء ومضرب الكيك و ماكينة الدوناتس وثلاجة الماء ماكينة براون امتع الشعر الى دعايتها امتع المغنية يارا
سامحونى كان طولت عليكم
:o

om_adnan
05-29-2012, 03:56 AM
أختى أنهار,طنجرة الضغط اللى عندى إيطالية(لا غاستينا),ومعها ضمان مدى الحياة,اى طنجرة ضغط تكون ماركة عالمية كويسة,فى بعض الاغراض حتى لو غالية ترد ثمنها مع الوقت,لو تكونى شاطرة فى التسويق اتشوفى اللى تعجبك وتشريها فى التنزيلات.

anhr
06-03-2012, 04:20 AM
صحيتى اوخيتى, توا بندير دوره ونشوف

الصابرة
06-03-2012, 03:40 PM
اجهزتي التي استفدت منها
طاجين البيتزا ماركة هومر استخدم فيه للفطيرة بالدرجة الاولى
ميكرويف ماركة هومر حلى ازمة التسخين ياسلام وخصوصا كان نسيتي مالفيتيش الفطيرة تيبس سخنيها في المايكرويف ترد كانك دايرتيها تو
كوشة كهرباء لها عندي 5سنوات ماشاءالله عليها مريحتني ماركة تركية لكن مش عادية لان اهلي عندهم زيها وليها 10سنين
ست بيت الكبيرة يجي معاها ست قطع مبشرة وكبيرة وصغيرة وخلاط عصير وراحيات التوابل وعصارة عصير وصونية ست البيت ماركة هومر طبعا الحلو فيها ان صونية ست البيت حجمها اكبر ملي تجي بروحها لكن الله يبارك فيها ليها 5 سنين من بتات عرسي وماشاءالله ديمة نخدم بيها هيا ايديا الاثنين الزيادة
عندي مكيف ومدفئة زيتية ايطالية الصنع ومدفئة الشمعاي و2تلفزيون وامس بس جبنا شاشة ال سي دي 42 بوصة وجهاز كمبيوتر عادي ومحمول
ومكنسة كهربائية الله يخليها ماركة سوني
وشواية كهربائية مانعرفش ماركتها لكن صناعتها تركية الحق فكتني من دخاخين الفحم
وماكينة الرشدة ماركة هومر
ومضرب كهربائي ماركة هومر مش عادي ليه معاي 3 سنين
قلاية بطاطا ماركة هومر نص كيلو زيت لكن الحمدلله فكتني من الزيت اللي نقعد نمسح فيه من على السراميك والغاز ليها 5سنين من بتات عرسي
والحق مستفادة منهن كلهن ومافيش حاجة جت شريتها من غير فايدة الحمدلله
الي خاطري نشريها
ماكينة تست اللي طروفها ينفكن ومعاه نوع ثاني في اللي معاها قطع شواية وفي اللي معاها قطع وفل وبما عندي شواية خاطري من اللي معاها وفل
وماكينة البوريك ان شاءالله قبل رمضان
سامحوني اطلت عليكم

تعزيز
09-12-2012, 11:33 AM
نبي نعرف من لشرت ماكينة الوافل من وين شرتها وبكم خاطري نشريها

اما المشتريات الله يفتح عليا وعليكم

اشتريت ماكينة اوتماتك الجي 10 كيلو 500 دينار من سوق غوط الشعال

اشريت ماكينة القلي بدون زيت الاصلية من الوكيل في قرقارش 370 دينار دينار ينطح دينار
وكويس كويس بجد اقل زيت واقل تعب وطبعا كل حاجة لها وقت معين وكلع ناقص زيت في
رمضان كانت يد العون اخية وميمة ههههههههههههههههههه ماشاء الله تقع الكوجينة انضيفة لانها فيها شفاط
يعني ما فيش ريحة وغير هكي مافيش بعد اليوم حكان ميولكة بعد اليوم هههههههههه اخخخخخخخخخخ


ايش رايكم ننفع نخدم في الدعايات

اشتريت عجانة كبيرة من الوكيل الاماني في سوق غوط الشعال دككينة اصغير كلعه عجانت ماركة وكويسة
لخديتها فيها مفرمة وخلاط وفيها ملحق لشغل المعجنات بصراحة معرفتش او ما زال مستخدمتاش لتشكيل المكرونة
لكن في العجن تبارك الرحمن ماشاء الله ههههههههههه يعني خبيزة المانية مية في المية

اشتريت ما كينة تسط وبعتها شطرة اخخخخخخخخخخ بصدق بعد ماشريتها لقيتها زايدة قلت حرام تقعد مركونة

ه\ا تقريبا كل شيء وكان اشتريت حاجة ثانية انبلغكم باش تباركوا تحياتي

luba
09-12-2012, 01:58 PM
مبروووك علي الكل وتبيدوهم بالهني والصحة

تعزيز ياريت تقولينا سعر العجانه ومن وين بالضبط وشن ماركتها

ولو تقدري صورة او تاخديها حتي من القوقل نفس الماركه تكتبيها وتجيبهلنا ضروري

خواطر حساسة
11-22-2013, 01:21 PM
الحمد لله مانشري غير المستحق .بس اهم شي شريته وعزيز عليا يخطر عليا طفولتي هي ماكينة فرم اللحم اليدوية نستعملها لبشكوط الفرامة والكعك العادي عزيزة عندي واجد .اله الهرس واله خفق البيض مع اداة للعجن .ست البيت .ماكينة رشدة.غلاية حسيته مش ضرورية .اله الدونات جتني هدية عرسي .غسالة اتوماتيك ننصح بيها كل امراءة عاملة .مكواة بخارية هدية من زوجي مايبيني نتعب ههههههههه.
بس خاطري في ماكينة توست بس زوجي مش مقتنع بيها ان شاء الله اتجيني هدية

نسمه ليبيه
11-22-2013, 03:36 PM
خواطر حساسة. ..حلوه ماكينة التوست ومش غاليه

تعزيز شن هى الة التسط

luba
11-22-2013, 07:43 PM
اني ننصح كل ليبية قبل تشري اسوارت دهب تشري غساله الماعين والكاتل اللي هو الابريق الكهربائي

والغساله لو علي غلا صابونها مش ديمه تستعمليها استعمليها ايام تكوني مريضه مناسبه وزحمت عليك الكوجينه

يعني حتي للطوارئ رحمه طالعه لعرس ومستعجله علي ضم المطبخ والغسل

الحق رووووعه واغلي عندي من الدهب في ليبيا ماكانت في بس توا نزلت واجد بس جربتها اهني بره

العون الكبير وقت العزائم وشهر رمضان والعيد الكبيرة و وقت المرض و الكسل

وكدلك ماكينة فرم اللحم ممتازة لفرم الطعمية والهريسه و التمر المعجون للمقروض

و المرقاز معاها قمع للمرقاز اللي هو النقانق هادي احلي ماكينة وافضل انواعها مونيليكس


اما اسوأ ماكينه شواية الكهربائية اللي بدون غطا تخلي الحوش كله في حاله اما
اللي بالغطا وتسكر علي بعضها كويسه وتطييبها ممتاز و حتي الزائد من المية والدهن ينزل تحت في صندوق
بلاستيك صغير زي الدرج تجبديه وتفرغيه
وهدا مايحضرني للان

خواطر حساسة
11-22-2013, 10:03 PM
اختي نسمة ليبية مش الفكرة يارينها غالية نخش جمعية ونشريها االمشكلة انها ممنوعة انخش في البيت مش مقتنع بيها اصلا .الله غالب

سومه نونا
03-04-2014, 10:38 PM
آلاتي التي استفدت منهن هن الميكرويف وغسالة المواعين وغسالة الدبش ومضرب البيض نستعمل فيه في ضرب الكابيتشينو وست البيت اهم وحدة فيهن كلهن نستعمل فيها في البصل والثوم والطماطم وصنع الهريسة وكذلك في تقطيع خضروات السلطات مثل بابا غنوج وسلطة الملفوف (كول سلو)، والمكنسة الكهربائية وعندي غسالة الفرش اخربت من اول ما شريتها انكسر فيها طرف :( ونستعمل في آلة البيتزا اللي تسكر من فوق.
وبالنسبة للآلات اللي مانستعملش فيهن وااااااااجد بكل منهن آلة البيتزا العادية متاعت مغطة الزجاج وآلة التوست و الشواية و قلاية البطاطا مدرهتلي كبدي قاعدة واخذة مكان ع الفاضي -_- وآلة السير الكهربائي والبشكليطة متاع التمرين :$ انا مش متاعت رياضة :p واللي انتمنى نشريها العجانة الكهربائية وياريـــــــــــــت اللي عندها عجانة هومر او بلاك اند ديكر او كينوود تنصحني بأي وحدة منهن و شنو عيوب الهومر وان شاء الله اللي في بالها حاجة تحصلها واللي تشري حاجة تستعملها وما تركنهش في الدولاب ^_^ .

أمامة
09-25-2014, 08:38 AM
السلام عليكم
الألة إلي- اللهم بارك- عجبتني ألة البسكويت الإيطالية والمكرونة لله الحمد والمنة سخرها سبحانه لي لاستفيد منها _ نقصد إلي اندير بيها في الكعك الحلو أو أصابع ،وليس كعك الحكة
العجانة الكبيرة
الخلاط كن وود
طنجرة الرز طيبة حتى للضولمة في الكسكاس في رمضان ولله الحمد أفادتني .
طنجرة الضغط مهمة عندي لضبخ الحمص وتبريده وتكييسه ولا هم أنّه جي مضروس
ولحم الجمل يطيب باهي ، ويمكن أن تعملي بها خبز على نار أقل مِن هادية يدوب .

المكرويف في رمضان الحمد لله أيضًا وفي غير رمضان .

الغسالة ولله الحمد

إللي تخلصت منها وشفتها تبي كمية زيت هلبة وبعدين خسارة يتلوح والتخلص منه مشكلة ،وغسلها يدير حوسة قلتها في رأي خير.

تنبيه أي أخياتي- نفع الله بكن - لا تقلن أنّ الآلة الفلانية لولها لكانت حياتي مش عارفة كيف، الآلة جماد لا تفيد أو تنفع إلا بإذن الله فقلن لولا أنّ البارئ بفضله ومنّه سخرها بأن استفدت راحة بعملي عليها لتعبت مثلًا.

ثانيًا هناك كثيرًا مِن الآلات لو تعطلت يمكن الاستفادة منها مثلًا الشواية التي بها قطع مخططة ضعي بين القطع عجين البسكويت بعد الحل طبعًا وأغلقي عليها مثل التست وهي تعمل لك طريقة بسكويت البصمة أو الأصابع المخطط