[مشاركة العيد لمعرض الأجهزة والأدوات المطبخية]جدر الخمير الاماراتي من مطبخ أم يمنى

[أم يمنى]

السلام عليكم ورحمة الله وبركاته




http://www.libyan-kitchen.com/gallery/images/thumbnqqq.gif




حبيت نصورلكم ألة مستخدمة بكثرة فى المطبخ الاماراتى , ويسموه (جدر الخمير ) أى قدر لصنع الخبز ,
تتكون الاداة من ثلاث قطع :
الطبقة الاولى :: الطبقة السفلية وفيها موزع الحرارة .


الطبقة الثانية :: وهذه توضع فيها الماء (اختيارى, لانه لو ماوضعتى الماء معنى ذلك ستضعى الخبز فيه بعد تحميره فى الكسكاس ) .


الطبقة الثالثة :: مايشبه الكسكاس وممكن تغلفيه بالسيلفر حين تخبزى .


بعد أن تعجن الخبز ( أى طريقة معتمدة عندك ) وتختمر تقرص , وتوضع على الجزء المثقب (زى الكسكاس ) ثم بعد ثوانى نقلبها وتوضع فى الجزءالسفلى فتنتفخ وتحمر , وهكذا حتى انتهاء الكمية .


http://www.libyan-kitchen.com/gallery/images/1wiw.jpg


http://www.libyan-kitchen.com/gallery/images/2opo.jpg



http://www.libyan-kitchen.com/gallery/images/3gig.jpg



http://www.libyan-kitchen.com/gallery/images/2win2dod.gif

[شاطئ بلا رمال]

هلا والله بأم يمنى نورتي المنتدى
حياك حياك
والله هالآله نسمع بيها بس شكلها عمري ماشفته وأخيرا حصلي الشرف
مشكوره على الموضوع وعلى الإفاده منك نستفيد
كيف الإمارات وأهل الإمارات إن شاء بخير سلمي على الجميع
ماشاء الله المولات ياأم يمنى بالإمارات ماتخلي شي في خاطرك
تحياتي

[الساجدة لله]

تسلمي ياام يمنى على الموضوع والالة هده نحس فيها طريقة الخبز فيها زي الة البيتزا مش عارفة زيها او لا وهل تنفع لغير خبز الخمير ؟

وتسلمي على الموضوع الجديد والمفيد كعادتك مواضيعك مميزة وتستحقي احلى تقييم

[مغتربة 7]

وعليكم السلام ورحمة الله وبركاته

ماشاء الله الة حليوة سمعت على الة زيها مش عارفة هيا ولا لا
الى نعرفها مصرية يعني خبزتها تطلع نفس الخبزة المصرية
هل هيا نفس الالة ؟؟؟؟؟؟؟؟
ومشكورة حبيبتي

[أم يمنى]

يا شاطئ , الامارات تسلم عليك هلبة , وأى خدمة تفضلى احنا حاضرين , نكلمك بجد ,
وسامحينى نحس فى اسمك حزين شوية .

سجودة : مشكورة حبيبة : بس الالة ان شاء الله الايام الجاية نصور فيها طريقة الخبز وتحضيره , وهذه مختلفة ع ألة البيتزا .
مغتربة : الالة المصرية ما سمعتش بيها , لكن الخبزة صح تطلع زى المصرية بس فيه اختلاف فى طريقة التحضير والمقادير .
ومشكورين حبوبات ع الردود .

[مغتربة 7]

تسلمي ياغالية على الرد معناها نفسها
يشكروا فيها هلبة قالوا خبزتها مش عادية
ان شاء الله تبيديها بالهني وتتهني بيها
تقبلي مروري

[خدوج]

ماشاء الله ام يمنى
تبيديها بالهنى
نستنوا فى وصفة الخبيزات
باش يحصل لنا الشرف ونتعرف على خبز الامارات

[ام ليبيه حره]

ياريت تكون موجودة في ليبيا

[ام رواسي]

اول مرة نشوفها ونسمع بيها
شكلها تبان قنينة
تبيديها باالهنى ان شاء الله

[الجبليه]

ماشاء الله عجبتني هلبه وأول مرة نشوفها احسبينى فى وحدة مدامك غادى

[Om Saga]

ماشاء الله عليك ياأم يمنى ألة روعة
ومشكورة على المعلومات والإفادة الرائعة أختي
جزاكي الله كل خير
وبنقيمك في موضوع المكنسة الكهربائية ماباش يمشي شن هذا
حرقلي دمي
بصراحة تستاهلي التقييم بس الله غالب هههههه
جزاكي الرحمن كل الخير ياغالية

[sweet nona]

ولله كل يوم انشوفو حاجة جديدة وتتعلمي والماكينات مايتموش
وشكلها خبزتها سمحة...صحتين عليك

[Om Amory]

بارك الله فيــــــــــك

[نسيبة]

ما اشاء الله عليك غالية ام يمنى
هذه الالة ديما نشبح فيها في المنتديات لاخواتنا العربيات
وخاصة هي تنفع للخبزة المصرية
روعة وين زعما تلتقى في الامارات
ديما مميزة ربي يحفظك

[بنية بوها]

ماشاءالله ااهني بيها ان شاءالله وننصحك تاخديها معاك لي ليبيا ادا ماكانتش متوفرة

[بنت الاشراف]

بارك الله فيك

[luba]

http://www.karom.net/up/uploads/132533875712.gif

[تعزيز]

اول مرة نشوفها ونسمع بيها
شكلها تبان قنينة

[المصراتيه]

حلوه
بارك الله فيك

[الصابرة]

بارك الله فيك