أم يمنى
11-17-2011, 11:07 PM
http://www.libyan-kitchen.com/kitchen/../gallery/images/pyppyp.gif
طبعا احنى الليبين من أكلاتنا المميزة ( رشدة الكسكاس ) وكل واحد يخش الحوش ويشوف حوسة الرشدة والدقيق اللى محوس الدنيا , يفرح لانه بيتغذي رشدة وكل وحدة تقدر تسأل وتتأكد من خوتها والا راجلها ,
وعندى موقف مستحيل ننساه مع ألة الرشدة ,
هذا ياستات من حبى للرشدة , دورت هنايا على الالة ولما شريتها ماعجبتنى لانها تطلع فى العجينة غليضة شوية , ولما روحت لليبيا , شريت وحدة وجبتها معاى للامارات , وفى مطار دبى ’ شدتنى الشرطة وقالوا : شنى فى الحقيبة متاعكم .
قاللهم راجلى : هذه شنطة زوجتى ,(( نفضني طول )) وطبعا زعلت وهذه قصة ثانية .
قلتلهم : شن فيه .
قالوا : فتشوها فيها حاجة حديد وثقيلة .
وياحشمتى شدوا الشنطة وفتحوها قدام المسافرين وطلعوا الالة وخفت يأخذوها قلتلهم : هذه ماكينة الباستا .
وضحكوا عليا وردوها , ولما روحنا قعدت نبكى لان الموقف كان مخيف جدا , وزوجى كان يضحك عليا , وانى زعلانة منه , وقعدت هذيكا الالة شهور وانى حالفة عليها وزوجى يقولى :هيا ديريلنا الرشدة . وانى معندة نين طاب خاطرى وبعدين قعدت ديمة نديرفيها ,
واليوم قلت قبل مايكمل لحم العيد خلى نذوقوا الرشدة بيه .
ومقاديرها الكل يعرفها ( دقيق وماء وملح ) وأفرديها فى الالة .
ابدى برقم 1 وبعدين 3 وبعدين 5 وبعدين 7 وبعدين 9 وفى الاخير جهة الثانية اللى تطلع فيها العجينة خيوط .
وبوخيها وافككيها بين ايديك بشوية زهر .
ورديها ثانى فى الكسكاس ولما تتبوخ كويس حطي عليها شوى طبيخة وحببيها .
نسقيها فى صونية وسقيها بالبصلة واللحيمات .
قدميها مع سلاطة ومسير وبالهنا والشفا .
http://www.libyan-kitchen.com/gallery/images/1ixi.jpg
http://www.libyan-kitchen.com/gallery/images/11sos.jpg
http://www.libyan-kitchen.com/gallery/images/2ugu.jpg
http://www.libyan-kitchen.com/gallery/images/3cec.jpg
http://www.libyan-kitchen.com/gallery/images/4tpt.jpg
http://www.libyan-kitchen.com/gallery/images/6pzp.jpg
http://www.libyan-kitchen.com/gallery/images/7apa.jpg
http://www.libyan-kitchen.com/gallery/images/8lcl.jpg
طبعا احنى الليبين من أكلاتنا المميزة ( رشدة الكسكاس ) وكل واحد يخش الحوش ويشوف حوسة الرشدة والدقيق اللى محوس الدنيا , يفرح لانه بيتغذي رشدة وكل وحدة تقدر تسأل وتتأكد من خوتها والا راجلها ,
وعندى موقف مستحيل ننساه مع ألة الرشدة ,
هذا ياستات من حبى للرشدة , دورت هنايا على الالة ولما شريتها ماعجبتنى لانها تطلع فى العجينة غليضة شوية , ولما روحت لليبيا , شريت وحدة وجبتها معاى للامارات , وفى مطار دبى ’ شدتنى الشرطة وقالوا : شنى فى الحقيبة متاعكم .
قاللهم راجلى : هذه شنطة زوجتى ,(( نفضني طول )) وطبعا زعلت وهذه قصة ثانية .
قلتلهم : شن فيه .
قالوا : فتشوها فيها حاجة حديد وثقيلة .
وياحشمتى شدوا الشنطة وفتحوها قدام المسافرين وطلعوا الالة وخفت يأخذوها قلتلهم : هذه ماكينة الباستا .
وضحكوا عليا وردوها , ولما روحنا قعدت نبكى لان الموقف كان مخيف جدا , وزوجى كان يضحك عليا , وانى زعلانة منه , وقعدت هذيكا الالة شهور وانى حالفة عليها وزوجى يقولى :هيا ديريلنا الرشدة . وانى معندة نين طاب خاطرى وبعدين قعدت ديمة نديرفيها ,
واليوم قلت قبل مايكمل لحم العيد خلى نذوقوا الرشدة بيه .
ومقاديرها الكل يعرفها ( دقيق وماء وملح ) وأفرديها فى الالة .
ابدى برقم 1 وبعدين 3 وبعدين 5 وبعدين 7 وبعدين 9 وفى الاخير جهة الثانية اللى تطلع فيها العجينة خيوط .
وبوخيها وافككيها بين ايديك بشوية زهر .
ورديها ثانى فى الكسكاس ولما تتبوخ كويس حطي عليها شوى طبيخة وحببيها .
نسقيها فى صونية وسقيها بالبصلة واللحيمات .
قدميها مع سلاطة ومسير وبالهنا والشفا .
http://www.libyan-kitchen.com/gallery/images/1ixi.jpg
http://www.libyan-kitchen.com/gallery/images/11sos.jpg
http://www.libyan-kitchen.com/gallery/images/2ugu.jpg
http://www.libyan-kitchen.com/gallery/images/3cec.jpg
http://www.libyan-kitchen.com/gallery/images/4tpt.jpg
http://www.libyan-kitchen.com/gallery/images/6pzp.jpg
http://www.libyan-kitchen.com/gallery/images/7apa.jpg
http://www.libyan-kitchen.com/gallery/images/8lcl.jpg