[استفسار]عن طريقة القرقوش

[سراب]

السلام عليكم ورحمة الله وبركاته:
اخواتي الكريمات لاني اول مرة نقرقش القديد السنة هادي لاني في الغربة نبي نعرف طريقة كل وحدة فيكم في تقرقيشه طبعا انا ما سألت حد درت عرفي وخلاص لكن طلع فايح وبنته حلوة ومع هذا نبي نعرف الطرق متاعكم مرات يكونو افضل طريقتي هي:
بعد ما يبست القديد لمدة اسبوع غسلته ونشرته تاني لمدة يوم وبعدين قطعته قطع متوسطة الحجم وسخنت زيت زيتون مع زيت ذرة وقليته وما طولش يعني ممكن خليته اقل من دقيقة وبعد ما برد الزيت صبيته عليه وحطيته في الثلاجة...
شن رايكم مزبوطة طريقتي والا غلط؟؟؟

[زينب محمد]

وعليكم السلام ورحمة الله وبركاته

كل سنة وانت طيبة حبوبة

مافهمتش هل انت سخنتي الزيت وبعدين صبتيه عليه في هذه الحالة هو ماانقلاش

و بالنسبة للنشر اسبوع نشر في الشمس هلبة يجي يابس بكل

تفضلي هذه طريقتنا

[القرقوش] من المطبخ الليبي لزينب محمد (http://www.libyan-kitchen.com/kitchen/showthread.php?t=20)

[نعومي نت]

السلام عليكم ورحمة الله وبركاته
طريقتي عادية بعد ما إنشلح اللحم نحطه في صونيه فيها شوية إمية وملح وبزار وفلفل كمية الفلفل والبزار مش هلبة ممكن ملعقة و زيادة المهم إنخلي اللحم في الخلطة لمدة ربع ساعة اكثر مش مهم ويعد ننشرة لمدة ثلاثة اريعة المهم علي الشمس امتى ما يجف إنزله و إنقصه قطع متوسطة الحجم وبعدين نغسله كويس وخاصاً لو كان مالح هلبة وبعدين نقليه في زيت زيتون فقط و الدوابه ما نديرش فيها وبعد ما يبرد خالص طول هب علي الزير
وبالهناء والشفاء

[سراب]

شكرا اختي زينب انا قليته لكن ماخليتاش يقلي هلبة حولته وبعد مابرد الزيت صبيته علي القديد....لكن طريقتك عجبتني واول مرة نسمع بيها حتى امي وعزوزتي مايديروش فيه هكي يللا العام الجاي كاننا حيين تو ندير طريقتك

[سراب]

اختي نعومي نت طريقتك فيها شبه لطريقتي غير انا مادرتلاش توابل ملح فقط وطريقتك حلوة حتى هي تسلمي