[مشاركة العيد لركن الاطباق الرئيسية ]العصبان من مطبخ أم يمنى

[أم يمنى]

السلام عليكم ورحمة الله وبركاته :


http://www.libyan-kitchen.com/gallery/images/gdfdi.gif



يوم العيد طبعا درت العصبان , وتلقيت هدية وانى حايسة فى هذاك العصبان , مش ح نفتحها الا لما تكملوا معاى أكلتى

http://www.libyan-kitchen.com/gallery/images/13pfp.jpg

, وهيا مقادير العصبان زى عند أى وحدة منكم :
خضار : بقدونس , كسبرة , نعناع , بصل أخضر ,( طبعا رباطى )
طريفات من لحم الاضحية , وكبدة , وقلب , وشوية شحم متع ستارة البطن .

http://www.libyan-kitchen.com/gallery/images/1xzx.jpg

بهارات ,أفتحى دولابك وطلعى كل البهارات اللى تلقيها .
وانى راهو عينى ميزانى .
ونقرض خضرتى ونخلط كل المقادير مع الزيت وطماطم معجون والرز المصرى .





http://www.libyan-kitchen.com/gallery/images/3rmr.jpg

هذا التمر الدقلة التونسى , بعثه لجارتى وقلتلها , تو نلحقلك العصبان بعد ساعتين .


ونبدأ فى حشو المصارين ,وللامانة : شفت وحدة مصرية فى منتدى مصورة كيف تحشى المصارين , ان شاء الله تكون واضحة الصورة , وهى تحط فم المصران فى الخضرة وتفتحه بيديها الاثنين وتبدأ تلم فى الخضرة بصبعها وهى أسهل من أنك تشدى المصران فوق وتحشى بطريقتنا المعتادة , واختصرت عليا هلبة وقت ,
بعد ما تكملى الحشو , أثقبى بعود الاسنان أو بابرة كل المصارين , حتى لاتنفجر أثناء الطهى .
حطى طنجرة ع النار وفيها كمية من المية ولما تغلى حطى فيها العصبان , ولو ماسدك حطى فى الكسكاس .
خليه ع النار حوالى ساعة ونصف تقريبا ,


http://www.libyan-kitchen.com/gallery/images/4gcg.jpg


http://www.libyan-kitchen.com/gallery/images/5fhf.jpg


http://www.libyan-kitchen.com/gallery/images/6fif.jpg


http://www.libyan-kitchen.com/gallery/images/7ccc.jpg

http://www.libyan-kitchen.com/gallery/images/8zzz.jpg


http://www.libyan-kitchen.com/gallery/images/9xfx.jpg


قدمته مع فاصوليا بالكرشة , ورز الخلطة .



http://www.libyan-kitchen.com/gallery/images/10ihi.jpg



عارفتكم تراجو فى فتح الهدية , باهى :

الهدية كانت عبارة على باكيت من الشكلاتة الفاخرة ,وفرحتى هلبة لانى من عشاق الشكلاتة ,

http://www.libyan-kitchen.com/gallery/images/11qtq.jpg




http://www.libyan-kitchen.com/gallery/images/14mfm.jpg

وسلامتكم حبوبات .

[Om Saga]

أم يمنى أني معاش لهيت بالعصبان هههههههههههههه
معنديش روح مع الشكلاتة بجديات مدمنة
يوم من الأيام بنخدها على هيئة يبرهههههههههههه
مشكورة على الموضوع الحلو والشكلاتة الرائعة أه ووووووووك نسيت الموضوع
خاص بالعصبان ههههههههههههه
عصبان ماشاء الله عليك يهبل
ومحلاها الغسالة هههههه وحدة تخنس ههههههه تعرفي نضحك بروحي زي الهبلة
مشكورة أختى ومشاركات روعة
نورتي الركن والمنتدى كله
وأحلى تقييم ليك ولي نشاطك الملحوظ

[Om Saga]

ماباش يمشي التقييم نفس المشكلة
وأحلى تقييم للموضوع ياحلوووووو

[أم يمنى]

يعطيك السلامة يا أم سجو , ضحكتينى وفكرتينى بردود سحوبة , ربى يردها لينا بالسلامة ان شاء الله ,
بالنسبة للشكلاتة قالت أمى ( ربى يسلمها لينا ): لو يشوفوا عروقك مايلقوش دم يلقوا شكلاتة تجرى فى العروق .
ودورولى حل لمشكلة التقيييم , واكل على كبدى وشارب .

[ام رواسي]

ماشاء الله عليك يا ام يمنى
عصبنات ايسفهو
صحيحة على قلوبكم
وسلم ادياتك

[مغتربة 7]

ماشاء الله يا ام يمنى
دخت معاش عرفت شن انشوف
تسلم الايادي عصبان ايجي فى الخاطر مع الفاصوليا ماعندي معها روح
والدقلة التونسية وخلي عاد من الشوكلاته سهفتيني
تسلم الايادي وصحتين على قلوبكم
واحلى تقييم لعيونك ياعسل

[Om Amory]

ماشاءالله يسلمو ايدياتك حبيبه

حتى أنى قعدت نجرى لوطا ههههههههههه باش نشوف الهديه ههههه

يعطيك ألف عافيه

[بنية بوها]

حتى اني جريت نبي نشبح الهدية وياناري من الشوكلاتة وووووووووك ووووووووووووك
ماعنديش معاهاا روووح يسلموا ايدياتك عالعصبان

[الساجدة لله]

تسلم الايادي ياغالية عصيبينات فايحات يحلو العين المغمضة لالا مش المغمضة العورة حشـــــــــــــاكم
خخخخخخخخخخخخ والتقييم حاضر من عيوني سموحة والشوكلاته مش ماعنديش روح معها لالا
الروح ماتعيشش بلاها هههههههههههههههههه

[نسيبة]

اشي اشي عصبان الفرح و السعد
سلمها يا ربي روعةةةةةةةةةةةةةةةةةةةة السفرة ما شاء الله مرتبة و نازكة سفرة دائمة ان شاء الله

[ليبية]

بسم الله ماشاء الله سلمت يديك يا حلوة

سفرة مش عادية

[بنت طبرق]

اه يا لاام يمنى عصبان وشكولاتا
صحيتي عالعصيبينات
بصراحة وختني الشكولاتا
ههههههههههههههههههههه

[أم إيناس3]

يسلمو ايديك

[lola9670]

للرفع

[luba]

تسلم ايديك ماشاء الله بارك الله فيك لك تقييمي