المساعد الشخصي الرقمي

مشاهدة النسخة كاملة : [مشاركة العيد لمعرض الاجهزة والادوات الكهربائية ] المكنسة الكهربائية من (kirby) من مطبخ أم يمنى



أم يمنى
11-21-2011, 03:13 PM
السلام عليكم ورحمة الله وبركاته


http://www.libyan-kitchen.com/gallery/images/thumbnqqq.gif



جايبتلكم اليوم هذه المكنسة , من يوم شريتها من ثلاث سنين وانى نحرث عليها , وما عمرها تعطلت ولا صارلها حاجة , مش عادية , ( دعاية ) .



وهذه الصور توضح لما نكنس بيها وبعدين نغسل السجاد ووضحت كيف صارت بعد الغسيل ,


المكنسة مش عادية ومش عارفة نزلت ليبيا والا لا , اللى عندها فكرة تقولى .



http://www.libyan-kitchen.com/gallery/images/tsttst.jpg


http://www.libyan-kitchen.com/gallery/images/dyddyd.jpg



اكسسواراتها هلبة , هذا البوكس متع الصابون والمية لما بنغسل السجاد نركبه فيها ,







وهذه الصورة لبوكس الصابون و ألة لحك الرخام متع المطبخ لو فيه دهن .



http://www.libyan-kitchen.com/gallery/images/ete.jpg



وهذا الصابون الخاص بالمكنسة ولا تقبل صابون غير هذا ماركة كيربى .



http://www.libyan-kitchen.com/gallery/images/fdffdf.jpg



http://www.libyan-kitchen.com/gallery/images/qwq.jpg



هذه تتركب فى المكنسة لانها خاصة بالغسيل والشطف .



http://www.libyan-kitchen.com/gallery/images/iri.jpg



http://www.libyan-kitchen.com/gallery/images/yhy.jpg



هذا لما غسلت السجاد ورغوة الصابون باين ع السجاد .



http://www.libyan-kitchen.com/gallery/images/idiidi.jpg




http://www.libyan-kitchen.com/gallery/images/osooso.jpg




وهذه الفالحة لما لمت الصابون وشطفت السجاد من المية .



http://www.libyan-kitchen.com/gallery/images/mwmmwm.jpg



http://www.libyan-kitchen.com/gallery/images/fhf.jpg



http://www.libyan-kitchen.com/gallery/images/btbbtb.jpg



http://www.libyan-kitchen.com/gallery/images/wjwwjw.jpg



وتكنس السيراميك بفلاحة ونظافة , وماتخليش ولا فتفوتة , بصراحة استريحت وين شريتها هلبة , وفيها اكسسوارات ثانية ماصورتهاش , منها خرطوم لمسح الغبار عن الستائر , وحتى أداة صغيرة لتدليك الكتفين , وغيرها أدوات أخرى .




http://www.libyan-kitchen.com/gallery/images/zqzzqz.jpg




http://www.libyan-kitchen.com/gallery/images/4qqq.jpg





http://www.libyan-kitchen.com/gallery/images/brb.jpg




وسلامتكم , يلا نبى رأيكم .:p:)

ام تغريد
11-21-2011, 04:42 PM
الف الف مبروك عليك المكنسة والغسالة تبيديها بالهني

واحني في ليبيا نحمدو ربي ونشكروه اللي لاقيين المكنسة بروحها

وان شاء الله في الجديد نشوفو الجديد

الساجدة لله
11-21-2011, 04:59 PM
تسلمي ياام يمنى على الموضوع وماشاء الله المكنسة هذه روووووووووووووعة تبيديها بالهني وبارك الله فيك لانك نزلتيها ياغالية مكنسة تستحق التقييم والتمميز

مغتربة 7
11-21-2011, 07:44 PM
ماشاء الله مشاركة مميزة
ان شاء الله تتهني بيها يارب

شاطئ بلا رمال
11-21-2011, 08:07 PM
ماشاء الله لاقوه إلا بالله
إن شاء تتهني بيها
ومننحرموش من مشاركاتك
حماتي عندها وحده تكنس وتغسل البساطات لكن مش عارفه الماركة
تشكر فيها حتى هيا
تحياتي

خدوج
11-22-2011, 01:09 AM
قل هو الله احد
اللهم بارك لام يمنى فى مكنستها الكهربائية
تعرفى ام يمنى ابعتيهالى حتى كان ليها 3 سنين
انى راضية بها
وانت خودى جديدة ههههههههههههههههه
ماشاء الله
وزى ماقالت ام تغريد
باهى اللى فيه حتى المكنسة كان زاد شهرتانى(عمورة) خلانا
نكنسو بالسباط والكازيوه(مكنسة تصنع من مخلفات النخيل سابقا)
خخخخخخخخخخخخخخخخخخخخخخ صح يابنات
ايوه صح

saliamr
11-22-2011, 07:58 PM
ماشاء الله، الله اكبر
الصراحة نا ماكنتش مقتنعة بيهن المكانس اللي يغسلن الفرش حستهن دوة فاضية وخلاص
بس مكنستك ماشاء الله عليها إن شاء الله توا نسأل المحلات اللي هنا بلكي يقدروا يجيبوهن بالوصى

أم يمنى
11-22-2011, 11:13 PM
تسلموا حبوبات ع الردود والتقييم صحيتوا :

خدوج : ضحكتينى يعطيك الصحة ,

سالى : أقتنعى حبيبتى , المكنسة ماعليها كلام , تكنس وتنظف وتغسل السجاد ومريحة بشكل مش عادى , وحتى سعرها فيها
((5000 دولار )).

أمـ ساره
11-23-2011, 01:56 AM
ما شاء الله لاقوة الا بالله

ماكينة مش عادية تبيديها بالهني حبوبة

واني عند ماركة فيليبس حتى هي شبيهة بـ متاعك تقريباً

الا آلة تدليك الكتفين ما فيها شريتها بروحها ههههههههههههههههههههه


وبصراحة مريحة هلبة هلبة هالماكينة وخاصة في غسل البساطات


موضوع حلو ومميز أم يمنى

مغتربة 7
11-23-2011, 03:03 AM
تسلموا حبوبات ع الردود والتقييم صحيتوا :

خدوج : ضحكتينى يعطيك الصحة ,

سالى : أقتنعى حبيبتى , المكنسة ماعليها كلام , تكنس وتنظف وتغسل السجاد ومريحة بشكل مش عادى , وحتى سعرها فيها
((5000 دولار )).


ماشاء الله
غالية هلبة تعرفي اني عاجبتني وحدة هنى بـ 500 دولاروانقول غالية لين ايخفظوا فيها نشريها
لكن كنس بس مش غسل
ان شاء الله ربي يهنيك وتتهني بيها

saliamr
11-23-2011, 08:35 PM
:eek:

ماشاء الله، بس حتى اليدين والكتوف ما عندك ما تقولي فيهن
مدام الواحد مازال بصحته ويقدر يرفع الفرش ويغسل ليش لا

بس توا ندير حصالة من توا نين نشيب وبعد يطيح جهدي توا نحلها ونشري المكنسة

:D

أم يمنى
11-24-2011, 07:49 AM
مشكورات ع الرد .
ياسالى : هنايا مافيش وين تغسلى السجاد الا فى المغسلة , واحنى الليبيات واخدين ع الوساع وغسيل البساطات ديما فى الصيف فى جناناتنا , لكن هنايا وين بتغسلى , شقة وفراندا صغيرة يلا توسع للمنشرة متع الملابس , وفيه شقق فى أبراج جديدة مافيهاش فراندات , وانى اضطريت نشرى المكنسة وبصراحة ريحتنى هلبة , وربى يديم عليك صحيحتك وان شاء الله ديمة شباب .

Om Amory
11-24-2011, 04:32 PM
موضوع حلو يستاهل التقييم

مشكوره حبيبه
بإذن الله حناخدها دايرتها فى بالى خاصة إنى نسكن فى الدور التالت

Om Saga
12-04-2011, 09:00 PM
غسالة مش عادية بكل
ماشاء الله لاقوة إلا بالله كان ماناخدوها بالعين
لها 3 سنين معاك ربي يستر هههههههههههههه
بجديات روعة وأني عندي أزمة في غسيل البساطات
تبيداها بالهني ياربي
ومبروك عليك المكنسة مع إنها جت متأخرة
وموضوعك مفصل جدا ورائع وحلوووووووووووو
وتستاهلي أحلى تقييم للموضوع وليك ياأم يمنى

ام ليبيه حره
12-04-2011, 10:05 PM
ان شاء في ليبيا الحرة الجديدة تتوفر زي ها الاشياء الحلوةةةةةةةةةةةةة

mnona
12-05-2011, 11:56 AM
http://www.libyan-kitchen.com/gallery/images/362071yhy.gif

بنية بوها
12-07-2011, 05:01 PM
اني امي جايبتها من الاردن مولينكس تكنس وتغسل مش عادية الحق من 99 لكن حتى طروف غيارها متوفرة في ليبيا
بس نوعية مكنسة مانعرفش الحق بصراحة مريحات عالاخر لو مكانك ناخد وحدة معايا اني هنا مشكلتي الحق
في الضي مش نفس ليبيا تتهني فيها ياربي