[بسكويت بالشوكلاته] من مطبخ saliamr

[saliamr]

السلام عليكم



http://www.libyan-kitchen.com/gallery/images/goodhabjb.gif


كيفكن يا غاليات



من فترة شفت مقدار لبشكوط بالشوكلاطة وعجبني ف كتبته بس معش درته نظراً لظروف البلاد وتقدرن تقولن اني حرمت هلي من انهم ياكلوا الحلو حتى في رمضان، هو مش الحلو بس رمضان اللي فات قللت الطبخ وتميت مقتصرة على شي بسيط دوب الفطور تضامناً مع الثوار، والحمدلله ابتعدنا ع الاسراف بس عد مرات كي يعزموا نقوم بالواجب ^_^


المهم نردوا للبشكوط درته وجت طعمته من الأخير رووعة ملوحة البشكوط مع حلاوة الشوكلاته دايرة تركيبة مش عادية


نبدوا بالمقادير:
كوب زبدة نا استعملت قالب 200 غرام
كوب سكر ناعم
كوب كاكو
ملعقة صغيرة فانيليا
ثلاث ارباع ملعقة صغيرة ملح
صفار بيضة
كوب ونص دقيق


الطريقة:
نبدوا طبعا بالزبدة مع السكر بعدين نضيفوا الكاكوا والفانليا والملح واخر شي الدقيق



http://www.libyan-kitchen.com/gallery/images/sall1.jpg


http://www.libyan-kitchen.com/gallery/images/sall2.jpg


تقدري تفردي العجينة بعد ما تحطيها شوي بالثلاجة بين ورقتين زبدة وتقطعين بالشكل اللي تبيه
بس نا كورتها كور صغيرة وحطيتها في الكوشة، ماتاخذش وقت واجد وعلى حسب حرارة الكوشة اللي عندك
طبعا لازم تكوني مسخنتها قبل ب10 دقايق ع ال160


http://www.libyan-kitchen.com/gallery/images/sall3.jpg


بعد يطيبن تكوني مذوبة شوكلاطة في حمام اميا
اعذرني ما صورتش الخطوة هذي لأني كنت بروحي وحست شوي
وزادت الشوكلاطة دارت جو شين وماباتش تذوب الا بعد كثرت الزيت


http://www.libyan-kitchen.com/gallery/images/sall4.jpg


كنت ناوية نذوب شوكلاطة بيضاء وندير بيها خطوط فوق الشوكلاطة السودا بعد تنشف بس خفت تعطلني لهكي استعنت بالفارمسيلي وجا شكلها حلو وطعمها ما ينشبع منه


http://www.libyan-kitchen.com/gallery/images/sall5.jpg


http://www.libyan-kitchen.com/gallery/images/sall6.jpg


وإن شاء الله يعجبكن.. صحتين

[مغتربة 7]

ماشاء الله بسكويت يسهف
تسلم الايادي حبيبة
طريقة خفيفة وساهلة ان شاء الله انجربه
تقبلي مروري

[الساجدة لله]

تسلــــم الايـــــادي ياغالـــــية بســــــكوت روووووووعة

[زهرة البنفسج]

ماشاء الله ربي يبارك والله سهفتيني

[saliamr]

ماشاء الله بسكويت يسهف
تسلم الايادي حبيبة
طريقة خفيفة وساهلة ان شاء الله انجربه
تقبلي مروري

تسلمي على مرورك، وهو فعلا دورته خفيفة وإن شاء الله تديريه ويعجبك

[saliamr]

تسلــــم الايـــــادي ياغالـــــية بســــــكوت روووووووعة

الله يسلمك، صحتين

[saliamr]

ماشاء الله ربي يبارك والله سهفتيني

تسلمي حبوبة، وان شاؤ الله اتديريه ويعجبك

[خدوج]

يسلم ايدياتك
منظره مش عادى
واكيد الطعم اروع
يسلم يدياتك

[ام صهيب]

سلم ايدياتك

شكله ايهبل صحيتى

[ناني2007]

يسلمو ايديك غاليتي ...بسكويت رائع

[Om Amory]

يسلموو حبوبه

[Om Saga]

تسلم إيدياتك ياربي
روووووووووووووووعة حبوبة
وأحلى تقييم ليك وللموضوع

[mnona]

http://www.libyan-kitchen.com/gallery/images/1298388168.gif

[فضااوي]

رووووووووووووووووعه

ماشاء الله

تسلم الايااادي يالغلا

[بنية بوها]

يسلموا الايادي شكله راائع

[lolo1971]

يسلموو حبوبه

[رونق]

تسلم ايديك

[ليبية]

الله شكلهم رائع يسلموا ايديك

على الفيس بوك على طووووووووووووووووول لروعتهم

[المصراتيه]

يسلم ايدياتك
منظره مش عادى
واكيد الطعم اروع
يسلم يدياتك

[luba]

تسلم ايديك منظره يسهف بارك الله فيك

[الصابرة]

تسلم الايادي ويعطيك الف صحة

[لوتي]

تسلم إيدك

[لوتي]

5 نجوووم