اني زعلانة منكم

[ام نسيبة 78]

السلام عليكم
اني زعلانة منكم كلكم معقولة فاتحين موقع جديد ومافيش حد ايقولي
لن قالتلي بريكة بارك الله فيها
معاش اتكلموني خلالالاص:mad::mad::mad::mad::mad::mad::mad::mad::m ad:

[زينب محمد]

ههههههههههههههههه


اللي تجي تجي زعلانة


اهلا و سهلا بك حبوبة


انستينا و شرفتينا


نورت المنتدى


بارك الله في السمحة ابريكة و رزقها بالذرية الصالحة عاجلا غير اجلا لانها دعتك للتسجيل هنا



صدقيني ما دعيت احد للمنتدى الا 4 فقط


لسبب بسيط و هو اني اريد ان تسجلن برغبتكن و اقتناعكن


و ليس لاني طلبت منكن التسجيل


اتمنى منكن اخواتي ان تتعاونّ لنشر المنتدى بين الاخوات الليبيات و العربيات


و في الفيس بوك


حتى يرقى المنتدى و يتطور


اليوم ترتيبنا في اليكسا



عالميا 665,515



و على مستوي المواقع الليبية 1,055


الحمد لله هناك تقدم كبير على اول يوم افتتح فيه المنتدى


و نطمح ان شاء الله في ان يكون لنا اسم و ترتيب متقدم بين المنتديات المعروفة


و لن يتحقق ذلك الا بتعاوننا و تكاثفنا مع بعضنا البعض



و لكن مني جزيل الشكر و العرفان

[السمحة]

السلام عليكم
اني زعلانة منكم كلكم معقولة فاتحين موقع جديد ومافيش حد ايقولي
لن قالتلي بريكة بارك الله فيها
معاش اتكلموني خلالالاص:mad::mad::mad::mad::mad::mad::mad::mad::m ad:

لالا ام نسيبة ولاتزعلى حبيبتى ولاياخذ خاطرك
مرحبتين فيك بين خواتك واسفين جدا المرة هذة سماح

[فضااوي]

ولا يهمك ام نسيبه كلا ولا زعلك

المراح قاعد وكرن اول شاة تجي قدامكن واذبحنهاا لام نسيبه

هههههههههههههههه

نورتي المنتدى ام نسيبه والصراح كلناا جتنا دعوات من اخوات لناا في الله

وانا اللي دعتني بنتي نوارة ليبيا الله يحفظهااا واللي تعرف وحده تدعيهااا
http://www.abu-hamza.com/jepg/dabh/4.jpg

هذي شاتك

[Om Saga]

نسوبه والله ماصاره إلما تجي خيرنا عاد
حتى أني قالتلي بروك × بريكه × وخشيت
عاد كله ولا زعلك حبيبتنا الغاليه
ومرحبتين بيك وعلى راسنا من فوق

[Om Amory]

هلا هلا بالغاليه

معليشى الله غالب ههههههه

حتى انى زيك فاتحين ويهدرزوا

وماقالوليش الا لما قالتلى ملكة الرومانسيه


يلا يلا

معليشى المره هده سامحيهم حتى انى سامحتهم هههههه



واهلا وسهلا نورتى المنتدى

http://files.shabab.ps/vb/images_cash/up11/091017124458PDvp.gif

[ام نسيبة 78]

تي تي حتى ام عمووووووووووري موجودة
باهي سامحتكم المرة هادي لاكن المرة الجاية اديروا حاجة من وراي نوريكم

[نوارة ليبيا]

اهلين وسهلين بالغااالية أم نسيبة ^_^
منورة المنتدى يالغالية

ومعليش أهم شئ أنك معاااااااااااااااانا توا
وربي يبارك في ابريكة ويرزقها بالذرية الصالحه يارب

[أم أيوب]

الا زعلك يا أم نسيبة

وصلتي بين خياتك وما بين الخيات زعل

نور المنتدى بوجودك يا حبيبة

http://limo711.jeeran.com/hla-w-gla.gif

[أمـ ساره]

مرحبتين بيك حبيبتي ونورتي المنتدى

وكلنا نفس الشيء جتنا دعوة وفرحنا بيها وجينا طوووول

وننتظر مشاركاتك أختي الغالية

[ابريكه]

انستينا ونورتي ام نسيبة بانضمامك معنا
وكل شي الا زعلك يا سمحة
يلا تعالي وما تطلعيش
ونتعاونو ونعطو صورة حلوة للمنتدى ان شاء الله

[الساجدة لله]

كله الازعلك حبيبة زعلك غالي علينا وانستي وشرفتي حبيبة

[ليبيا قلبى]

http://files2.fatakat.com/2010/8/1281647845.gif

[الجبليه]

اهلاً ام نسيبه
نورتينا والله من اول امس انفكر فيك قلت زعمه وينها وصلتها دعوة او لا كان رصيد النت تام وكيف شريت وقلت اول حاجه بنمشي اندور على ام نوسيبه وبالصدفة وانا نقلب فى المنتدى شفت رسالتك
ولا تزعلي ما في بين الاحباء زعل
منورتينا

[رائفة العين]

اهلين وسهلين بنور العين
نور المنتدي مرحبتين بيك

[QUEEN]

اهلا وسهلا بيك يا ام نسيبة كله ولا زعلك تعرفي كلنا القيناه بالصدفة واول ماشفناه كبشنا فيه
ماهو ياوخيتي منا وفيا وانتي عاد نورتي المنتدي بوجودك وان شاء الله ترضي
((هي قولي رضيت))