saliamr
11-24-2011, 11:08 AM
السلام عليكم
http://www.libyan-kitchen.com/gallery/images/libyan.gif
في الحوش نديروا في خبزة شبه يومي إلا في حالات يكون الدقيق ناقص، والخبزة اللي نديروا فيها معروفة في عيلتنا يعني امي وصبايا اسيادي يديرن فيها، بس بصراحة ومانشكر في خبزتنا من ايدين امي الله يحفظها غير
وطبعاً كبرت ونا نشوف امي وبعدين خواتي الكبار يديرن فيها وبالتالي حتى نا تعلمت نديرها، بس بطيئة شوي مش كيف امي بروفيشينال فيها ربي يخليها ليا
المهم نجوا للخبزة، بالنسبة للعجينة على حسب مقدار الدقيق
في المقدار اللي نديروا فيه واللي صورته
3 كاس دقيق
2 ملعقة صغيرة ملح
2 او 3 ملاعق كبار سكر
ملعقة ونص كبار خميرة
كاس وربع يمكن اقل او اكثر بشوي اميا دافيه
مرات نحط شوية كركم يعطيها لون حلو
وكان تبي تزيدي كمون اسود ولا كمون عريض تقدري
الخطوات:
نحط الدقيق في سونية واسعة، وطبعا في سونية مخصوص دايرينها للعجينة من السواني الستيل الكبار واللي معاهن غطاء، بعدين ندير تجويف او حفرة في وسط الدقيق ونحط فيها السكر والخميرة ونصب شويه عليهم اميا دافية وبعد دقيقة نحط الملح وباقي الميا ونبدا نعجن
http://www.libyan-kitchen.com/gallery/images/sall1jrj.jpg
وايدك والعجن طول ما عندك جهد وانتي تعجني
بعدين نغطوها ونلفوها (بشوال العجينة) اللي حيكون له وظيفة بعدين ونخلوها بين الساعة ونص للساعتين
هنا شكلها بعد تخمرت واضاعف حجمها
http://www.libyan-kitchen.com/gallery/images/sall1idi.jpg
نجوا توا للشغل، تقطعي العجينة لكور متوسطات الحجم، وكان تبيهن اصغر ولا اكبر شوي براحتك
بس حجمهن يكون بحجم فردة البيتزا
http://www.libyan-kitchen.com/gallery/images/sall2aka.jpg
وعبال ما كملتي تقطيع اخر كورة تكون اول قطعة من العجين تريحت شوي
طبعا بعد اتقطعي العجينة تحطيها على (شوال العجينة) اللي ذكرناه من شوي وتغطيها
وشوال العجينة عبارة عن قماش الخيشة الثقيل ملبسينه قماش ابيض ومخيطينه عليه بيش كل بعد فترة تفكيه وتغسليه
تقدرن تجيبن قماش تقيل شوي وتخيطنه على 3 طبقات او اربعة وبهكي يكون عندكن ( شوال العجينة) :D
طبعا الشوال طوله قريب متر ونص ل مترين وعرضه نص متر
تجيبي صفرة واسعة وتفردي اول طرف من الشوال
وبعد تفردي العجينة بس ماتخليهاش لا رقيقة ولا غليظة بهالشكل
http://www.libyan-kitchen.com/gallery/images/sall3aqa.jpg
تحطيها ع الشوال، وطبعا انتي وحجم الفردة، نا الصفرة بحساب شالت عندي 4 فرادي
http://www.libyan-kitchen.com/gallery/images/sall4lwl.jpg
بعدين تثني الشوال وتغطي فرادي العجينة وتحطي الباقي على الثنية الجديدة
وهكذا نين ينتهي مقدار العجين اللي يجي 14 فردة
خليها اتريح ثلث ساعة مش اكثر ، سخني الكوشة قبل ب 10 دقايق ويفضل انها تكون كوشة او فرن من اللي ناره قوية كيف اللي حيبان في الصورة
تجيبي الرماية وهذا شكلها
http://www.libyan-kitchen.com/gallery/images/sall5qkq.jpg
تحطي عليها فردة الخبزة وطبعا الجهة اللي فيها دقيق هي اللي تكون لوطة قطعيها 4 او 8 بس مش تقطيع ع الاخر يعني لازم تكون متماسكة مع بعضها بس لما اطيب تقدري تقصيها بالساهل، ولو تحبيها فردة كبيرة كيف ما هي عادي بعدين تحطيها في الكوشة
http://www.libyan-kitchen.com/gallery/images/sall6mjm.jpg
لازم النار تكون متوسطة الى عالية شوي وماتاخذ وقت واجد
وهذا شكل الخبزة
http://www.libyan-kitchen.com/gallery/images/sall7uqu.jpg
http://www.libyan-kitchen.com/gallery/images/sall8.jpg
لأني كلفت اختي بالتصوير ف ماخذتش صور واجد ومش باينة الخبزة كيف هي رطبة وطايبة كويس
إن شاء الله تعجبكن، وصحتين
http://www.libyan-kitchen.com/gallery/images/libyan.gif
في الحوش نديروا في خبزة شبه يومي إلا في حالات يكون الدقيق ناقص، والخبزة اللي نديروا فيها معروفة في عيلتنا يعني امي وصبايا اسيادي يديرن فيها، بس بصراحة ومانشكر في خبزتنا من ايدين امي الله يحفظها غير
وطبعاً كبرت ونا نشوف امي وبعدين خواتي الكبار يديرن فيها وبالتالي حتى نا تعلمت نديرها، بس بطيئة شوي مش كيف امي بروفيشينال فيها ربي يخليها ليا
المهم نجوا للخبزة، بالنسبة للعجينة على حسب مقدار الدقيق
في المقدار اللي نديروا فيه واللي صورته
3 كاس دقيق
2 ملعقة صغيرة ملح
2 او 3 ملاعق كبار سكر
ملعقة ونص كبار خميرة
كاس وربع يمكن اقل او اكثر بشوي اميا دافيه
مرات نحط شوية كركم يعطيها لون حلو
وكان تبي تزيدي كمون اسود ولا كمون عريض تقدري
الخطوات:
نحط الدقيق في سونية واسعة، وطبعا في سونية مخصوص دايرينها للعجينة من السواني الستيل الكبار واللي معاهن غطاء، بعدين ندير تجويف او حفرة في وسط الدقيق ونحط فيها السكر والخميرة ونصب شويه عليهم اميا دافية وبعد دقيقة نحط الملح وباقي الميا ونبدا نعجن
http://www.libyan-kitchen.com/gallery/images/sall1jrj.jpg
وايدك والعجن طول ما عندك جهد وانتي تعجني
بعدين نغطوها ونلفوها (بشوال العجينة) اللي حيكون له وظيفة بعدين ونخلوها بين الساعة ونص للساعتين
هنا شكلها بعد تخمرت واضاعف حجمها
http://www.libyan-kitchen.com/gallery/images/sall1idi.jpg
نجوا توا للشغل، تقطعي العجينة لكور متوسطات الحجم، وكان تبيهن اصغر ولا اكبر شوي براحتك
بس حجمهن يكون بحجم فردة البيتزا
http://www.libyan-kitchen.com/gallery/images/sall2aka.jpg
وعبال ما كملتي تقطيع اخر كورة تكون اول قطعة من العجين تريحت شوي
طبعا بعد اتقطعي العجينة تحطيها على (شوال العجينة) اللي ذكرناه من شوي وتغطيها
وشوال العجينة عبارة عن قماش الخيشة الثقيل ملبسينه قماش ابيض ومخيطينه عليه بيش كل بعد فترة تفكيه وتغسليه
تقدرن تجيبن قماش تقيل شوي وتخيطنه على 3 طبقات او اربعة وبهكي يكون عندكن ( شوال العجينة) :D
طبعا الشوال طوله قريب متر ونص ل مترين وعرضه نص متر
تجيبي صفرة واسعة وتفردي اول طرف من الشوال
وبعد تفردي العجينة بس ماتخليهاش لا رقيقة ولا غليظة بهالشكل
http://www.libyan-kitchen.com/gallery/images/sall3aqa.jpg
تحطيها ع الشوال، وطبعا انتي وحجم الفردة، نا الصفرة بحساب شالت عندي 4 فرادي
http://www.libyan-kitchen.com/gallery/images/sall4lwl.jpg
بعدين تثني الشوال وتغطي فرادي العجينة وتحطي الباقي على الثنية الجديدة
وهكذا نين ينتهي مقدار العجين اللي يجي 14 فردة
خليها اتريح ثلث ساعة مش اكثر ، سخني الكوشة قبل ب 10 دقايق ويفضل انها تكون كوشة او فرن من اللي ناره قوية كيف اللي حيبان في الصورة
تجيبي الرماية وهذا شكلها
http://www.libyan-kitchen.com/gallery/images/sall5qkq.jpg
تحطي عليها فردة الخبزة وطبعا الجهة اللي فيها دقيق هي اللي تكون لوطة قطعيها 4 او 8 بس مش تقطيع ع الاخر يعني لازم تكون متماسكة مع بعضها بس لما اطيب تقدري تقصيها بالساهل، ولو تحبيها فردة كبيرة كيف ما هي عادي بعدين تحطيها في الكوشة
http://www.libyan-kitchen.com/gallery/images/sall6mjm.jpg
لازم النار تكون متوسطة الى عالية شوي وماتاخذ وقت واجد
وهذا شكل الخبزة
http://www.libyan-kitchen.com/gallery/images/sall7uqu.jpg
http://www.libyan-kitchen.com/gallery/images/sall8.jpg
لأني كلفت اختي بالتصوير ف ماخذتش صور واجد ومش باينة الخبزة كيف هي رطبة وطايبة كويس
إن شاء الله تعجبكن، وصحتين