المساعد الشخصي الرقمي

مشاهدة النسخة كاملة : [خبزة الفرن] من مطبخ saliamr



saliamr
11-24-2011, 11:08 AM
السلام عليكم



http://www.libyan-kitchen.com/gallery/images/libyan.gif




في الحوش نديروا في خبزة شبه يومي إلا في حالات يكون الدقيق ناقص، والخبزة اللي نديروا فيها معروفة في عيلتنا يعني امي وصبايا اسيادي يديرن فيها، بس بصراحة ومانشكر في خبزتنا من ايدين امي الله يحفظها غير
وطبعاً كبرت ونا نشوف امي وبعدين خواتي الكبار يديرن فيها وبالتالي حتى نا تعلمت نديرها، بس بطيئة شوي مش كيف امي بروفيشينال فيها ربي يخليها ليا


المهم نجوا للخبزة، بالنسبة للعجينة على حسب مقدار الدقيق
في المقدار اللي نديروا فيه واللي صورته
3 كاس دقيق
2 ملعقة صغيرة ملح
2 او 3 ملاعق كبار سكر
ملعقة ونص كبار خميرة
كاس وربع يمكن اقل او اكثر بشوي اميا دافيه
مرات نحط شوية كركم يعطيها لون حلو
وكان تبي تزيدي كمون اسود ولا كمون عريض تقدري


الخطوات:
نحط الدقيق في سونية واسعة، وطبعا في سونية مخصوص دايرينها للعجينة من السواني الستيل الكبار واللي معاهن غطاء، بعدين ندير تجويف او حفرة في وسط الدقيق ونحط فيها السكر والخميرة ونصب شويه عليهم اميا دافية وبعد دقيقة نحط الملح وباقي الميا ونبدا نعجن


http://www.libyan-kitchen.com/gallery/images/sall1jrj.jpg


وايدك والعجن طول ما عندك جهد وانتي تعجني
بعدين نغطوها ونلفوها (بشوال العجينة) اللي حيكون له وظيفة بعدين ونخلوها بين الساعة ونص للساعتين
هنا شكلها بعد تخمرت واضاعف حجمها


http://www.libyan-kitchen.com/gallery/images/sall1idi.jpg


نجوا توا للشغل، تقطعي العجينة لكور متوسطات الحجم، وكان تبيهن اصغر ولا اكبر شوي براحتك
بس حجمهن يكون بحجم فردة البيتزا


http://www.libyan-kitchen.com/gallery/images/sall2aka.jpg


وعبال ما كملتي تقطيع اخر كورة تكون اول قطعة من العجين تريحت شوي
طبعا بعد اتقطعي العجينة تحطيها على (شوال العجينة) اللي ذكرناه من شوي وتغطيها
وشوال العجينة عبارة عن قماش الخيشة الثقيل ملبسينه قماش ابيض ومخيطينه عليه بيش كل بعد فترة تفكيه وتغسليه
تقدرن تجيبن قماش تقيل شوي وتخيطنه على 3 طبقات او اربعة وبهكي يكون عندكن ( شوال العجينة) :D
طبعا الشوال طوله قريب متر ونص ل مترين وعرضه نص متر
تجيبي صفرة واسعة وتفردي اول طرف من الشوال
وبعد تفردي العجينة بس ماتخليهاش لا رقيقة ولا غليظة بهالشكل


http://www.libyan-kitchen.com/gallery/images/sall3aqa.jpg


تحطيها ع الشوال، وطبعا انتي وحجم الفردة، نا الصفرة بحساب شالت عندي 4 فرادي


http://www.libyan-kitchen.com/gallery/images/sall4lwl.jpg


بعدين تثني الشوال وتغطي فرادي العجينة وتحطي الباقي على الثنية الجديدة
وهكذا نين ينتهي مقدار العجين اللي يجي 14 فردة
خليها اتريح ثلث ساعة مش اكثر ، سخني الكوشة قبل ب 10 دقايق ويفضل انها تكون كوشة او فرن من اللي ناره قوية كيف اللي حيبان في الصورة
تجيبي الرماية وهذا شكلها


http://www.libyan-kitchen.com/gallery/images/sall5qkq.jpg


تحطي عليها فردة الخبزة وطبعا الجهة اللي فيها دقيق هي اللي تكون لوطة قطعيها 4 او 8 بس مش تقطيع ع الاخر يعني لازم تكون متماسكة مع بعضها بس لما اطيب تقدري تقصيها بالساهل، ولو تحبيها فردة كبيرة كيف ما هي عادي بعدين تحطيها في الكوشة


http://www.libyan-kitchen.com/gallery/images/sall6mjm.jpg


لازم النار تكون متوسطة الى عالية شوي وماتاخذ وقت واجد
وهذا شكل الخبزة


http://www.libyan-kitchen.com/gallery/images/sall7uqu.jpg



http://www.libyan-kitchen.com/gallery/images/sall8.jpg


لأني كلفت اختي بالتصوير ف ماخذتش صور واجد ومش باينة الخبزة كيف هي رطبة وطايبة كويس


إن شاء الله تعجبكن، وصحتين

شاطئ بلا رمال
11-24-2011, 11:57 AM
الحبوبه سالي ربي يحفظلك إميمتك
وتسلم الأيادي خبيزه تشهي
وفكرة الشوال هادي أول مره نشوفها
هذا الشوال حكايه
ياريت إديري عليه موضوع وتنزليه في قسم التجارب والفوائد والنصائح باش الكل يستفيد ويكون الشرح أوضح ومشكوره
تحياتي

mnona
11-24-2011, 12:06 PM
تسلم ايدياتك
وربي يحفظلك اميمتك ان شا الله يارب

saliamr
11-24-2011, 12:38 PM
الحبوبه سالي ربي يحفظلك إميمتك
وتسلم الأيادي خبيزه تشهي
وفكرة الشوال هادي أول مره نشوفها
هذا الشوال حكايه
ياريت إديري عليه موضوع وتنزليه في قسم التجارب والفوائد والنصائح باش الكل يستفيد ويكون الشرح أوضح ومشكوره
تحياتي

مشكورة اختي على مرورك، وإن شاء الله توا نحط موضوع ع الشوال قريب :d

saliamr
11-24-2011, 12:49 PM
تسلم ايدياتك
وربي يحفظلك اميمتك ان شا الله يارب

الله يسلمك، شكرا على مرورك

الساجدة لله
11-24-2011, 12:52 PM
تسلم الايدي ياغالية على فكرة الشوال مش عادية ماشاء الله لاقوة الابالله حبوبة
خبيزة تســـــهف وفايحة وتستحق التقييم والتمييز

Om Amory
11-24-2011, 03:02 PM
يسلمووو ايديك حبيبه

مغتربة 7
11-24-2011, 05:39 PM
ماااااااااااااشاء الله تبارك الرحمان
خبيزة اتجي فى الخاطر
الله يسلم ايدياتك وايدياتك ماماتك ربي يحفظهالك
ويحفظ امهاتنا جميعاً
تقبلي مروري

saliamr
11-24-2011, 09:06 PM
تسلم الايدي ياغالية على فكرة الشوال مش عادية ماشاء الله لاقوة الابالله حبوبة
خبيزة تســـــهف وفايحة وتستحق التقييم والتمييز

الله يسلمك، وشكرا على مرورك وفرحت بتقييمك

saliamr
11-24-2011, 09:10 PM
يسلمووو ايديك حبيبه

الله يسلمك ويخليك يارب

saliamr
11-24-2011, 09:12 PM
ماااااااااااااشاء الله تبارك الرحمان
خبيزة اتجي فى الخاطر
الله يسلم ايدياتك وايدياتك ماماتك ربي يحفظهالك
ويحفظ امهاتنا جميعاً
تقبلي مروري

امين يارب، تسلمي واسعدني مرورك

بنغازية
11-24-2011, 10:46 PM
ياسلا م عليك ماشاء الله وربي يحفظلك الماما ووخياتك ياغاليه وخبزه ولا احلى

ام الجميلات
11-25-2011, 09:08 AM
ماشاء الله سلم ايدياتك الحلوة وايدين ممتك وربي يحفظهالك يارب خبيزة ماشاء الله عليها

أمـ ساره
11-30-2011, 04:02 PM
ماشاء الله لا قوة الا بالله

خبيزة تجي في الخاطر والله مش عادية

ربي يسلم ايدياتك وايديات اميمتك ويحفظهالك يارب


فكرة الشوال حلوة ونستنوا في موضوعك عليه

اني نستخدم في بخشة ( طرف قماش عادي )



وأحلى تقييييم لك وللموضوع

ام تغريد
11-30-2011, 05:41 PM
مشكوووووور والله يعطيك الف عافيه

sweet nona
11-30-2011, 05:49 PM
خبزة سخونة ..اتسهف تسلم ايديك
وشكلك تعبتي فيها هلبا..

ام رواسي
12-01-2011, 02:20 AM
ماشاء الله
ربى يحفظلك اميمتك
وسلم ادياتك على الخبيزة شكلها بتشهى

خدوج
12-01-2011, 08:38 AM
يسلم ايدياتك
وربى يحفظلك اميمتك
خبيزة تسهف وتجى فى الخاطر

luba
06-29-2012, 04:14 AM
تسلم الأيادي بارك الله فيك ولك تقييمي :o

نسيبة
06-29-2012, 10:24 PM
تسلم الايادي حبوبة

نسمه ليبيه
06-30-2012, 09:34 PM
يسلموا ايديك قريبه من خبز امى وربي يخليلك امك

الصابرة
11-06-2012, 06:05 AM
http://im9.gulfup.com/2012-02-27/1330291591261.gif