المساعد الشخصي الرقمي

مشاهدة النسخة كاملة : شاركينا في دورة الفوتوشوب



ليبيه فاخوره
12-04-2011, 06:46 AM
http://www.alfaris.net/up/78/alfaris_net_1322965359.gif (http://www.alfaris.net/up/78/alfaris_net_1322965359.gif)

عزيزآتى طبخآت
المطبخ آلليبي
آليوم نبدو سلسله
من دروس لتعلم الفوتوشوب من آلبدآيه لكل الطبخآت..
شاركى معآنآ ولآتقولى فوتوشوب صعب وآنآ نفسى هتعلم معآكم خطوه بخطوه..
عزيزتي هنآك متطلبآت كمآ هيآ آلعاده...
1-آن يكون لديكى برنامج فوتوشوب والايمج ريدي
2-آن تلتزمى بتطبيقات
3-الممآرسه لنتآئج آفضل ولاتستسلمى من آول فشل وتتركى آلدوره..
4-وأخيرآ آن تضعى هدآ آلملصق ف توقيعك لحتسابك من آلمشآركات...
مزيد من تفآصيل عن آوقات آلدروس وموعد آستلام آلتطبيقآت بعد رؤيت ردودكمـ آلكريمه
بآدن اللـــــه تعآلآ....
تحيآتي لكمـ...
http://www.alfaris.net/up/78/alfaris_net_1323053046.gif (http://www.alfaris.net/up/78/alfaris_net_1323053046.gif)

أم ميوسة
12-04-2011, 10:07 AM
السلام عليكم ورحمة الله وبركاته

الدورة هادي ما يخشلهاش ألا المبتدئ أو حتى اللي يعرفوا في الفوتوشوب

أنا عندي خلفية عالفوتوشوب ونصمم في تصميمات بسيطة لكن مش لدرجة كبيرة

فشن رايك نقدر ننضم لأني نموت فيها الفوتوشوب

وبارك الله فيك

لولو
12-04-2011, 10:53 AM
والله نفسى أتعلم فوتوشوب بس أمتى ؟ التاريخ والساعة ؟
شن الايمج ريدى ؟

Om Amory
12-04-2011, 10:56 AM
أنى نعرف بس نبى نزيد نتعلم

وياريت نستفيدو

زينب محمد
12-04-2011, 01:43 PM
بارك الله فيك حبوبة

امبارح انا وام عبد المعز كنا نحكوا انه لابد تكون عندنا مصممة اخرى غير ام سارة وليبية الله يبارك فيهم

بالنسبة للتصميم يكتب عليه رابط المنتدى

www.libyan-kitchen.com (http://www.libyan-kitchen.com)

وليس كما كتبت على الصورة kitchen libyana

خدوج
12-04-2011, 02:32 PM
الله يبارك فيك
بس ضرورى تصبرى عليا شوى
انى الفوتوشب هذا نحس فيه صعب بكل
وان شاء الله شاءالله تكون هذه الافادة فى ميزان حسناتك
بس امتى تبدأ الدورة

مغتربة 7
12-04-2011, 08:35 PM
بارك الله فيك وخيتي
اني محتاجة جدا للدورة هذه
معاك ان شاء الله

sweet nona
12-04-2011, 08:57 PM
انحبه هلبا ..بس ليا فترة عليه انتي بس قولي امتى وكيف
ولا ايهمك طالبات شاطرات وفالحات

Om Saga
12-04-2011, 11:45 PM
معااااااااااااااااااااااااااااااااااااااااااااك للنهاية
أني عندي فكرة عليه بس نبي نتعلم أكثر
جزاكي الله كل الخير ياحلوووووووووووو

ام رواسي
12-05-2011, 12:42 AM
انى معنديش ولا فكرة علية فوتوتشوب ونفسى نتعلم
ياالله معاك ان شاء الله

ليبيه فاخوره
12-05-2011, 03:54 AM
اهلا حبوبه نورتو كلكم ..,,:)
أم ميوسة:
وعليكي السلام والاكرام..لا دوره هادي بتكون ف دروس بتنقل من مبتدئ للمتوسط ان شاء الله وتقدري اتشاركي معانا ياحبوبه اهلا وسهلا بيك..
لولو:
مرحبا بيك وصلتي اهني كان تبي تتعلمي شرح هيكون تفصيلي متخافيش ان شاء الله بعد مانكملو عدد المشاركات نحدد يومين لدروس ف الاسبوع وباقي الايام لتطبيقات والاستفسارات ..الايمج ريدي هوا برنامج مصاحب مع فوتوشوب ويكون لصور المتحركه عزيزتي
Om Amory
بادن الله نستفيدو مع بعض يا اختي بخبرتك وتجاربك و بتجاربي وايضا العضوات الاخريات نورتي:)
زينب محمد
ان شاء الله يا أختي جاري تعديل لصور :)
خدوج
متاخفيش يا خدوج مش صعب بدروس وشرح هتتعلمي و بارك الله فيك يا حبوبه..تبدا ان شاء الله لما نعدو المشاركات الي وضعو الملصق ف توقيع بادن الله
مغتربة 7
تسلمي يا حلوه وانا ماخبي عنك محتاجتها زيك:D:rolleyes:
sweet nona
خلاص نشطي دكريات معنا :p ان شاء الله هنحط مواعيد ف موضوع ولايهمك
Om Saga
اهلا بيكي ما شاء الله نشاط وحيويه هههههه هدا صح;)
ام رواسي
أهلا حبوبتي لا ان شاء الله هتتعلمي اساسيات و تبدي تفهمي فيه وبعدها تخشي ع تطبيقات ولايهمك


إن شاء الله غر مانسيت حد منكم يا حلوات ...
هنكتب اسماء المشاركات بالكامل غدا و نحط اول درس والا ساسيات بأدن الله ...
ف حفظ الله اخواتى

بنغازية
12-05-2011, 11:40 AM
ياريت والله نفسي انتعلمه لاني ما عنديش عليه خلفية وانحس قيه واعر شويه
وياريت بس اذكروني بموعد الدورة وبارك الله في مقترح هذا الموضوع

guidona
12-05-2011, 01:52 PM
بوركتي معاكم بادن الله ممكن نعرف امته الدوره لان توقيتي يختلف تماما عن توقيت ليبيا

mnona
12-05-2011, 02:24 PM
هيا حتى اني معاااااااااااااااكم
اني الحق نعرف شوية فيه ولكن خاطري نبي نتعمق فيه اكثر
وهيا قولنا وقتها امتى بالضبط باش نبدأ اون لاين معاكم

بنت طبرق
12-05-2011, 04:02 PM
وانا معاكم
حتى خيتكن ماتعرف تمشي ولا تجي فيه

التا ئبه لله
12-05-2011, 04:10 PM
السلام عليكم الله ايبارك فيك يا عسوله

موضوع قيم والله مانعرف فيه حاجه مجرد نسمع بيه

بس وين نلقه البرنامج الا تبعو الايمج ريدى يعنى منين نحملوه
والله ايبارك فيك

مغتربة 7
12-05-2011, 04:26 PM
حتى اني نفس سؤال غيدونا والتائبة

ياريت يا حبيبة تقولينا على التوقيت

والبرنامج كيف انحملوا لو تقدري تحطينا الرابط

ومشكورة ياغالية

سراب
12-05-2011, 09:47 PM
بارك الله فيك اختي وانا معاكم والله البرنامج اكثر من روعة استفدت منه هلبة في دراستي ونبي نتعلم اكثر

سراب
12-05-2011, 09:48 PM
غير قولينا على التفاصيل وامتى بتبدا؟؟

ليبيه فاخوره
12-05-2011, 11:11 PM
السلام عليكم ورحمة الله وبركاته
بنغازية
خلاص اختي انضمي معانا بوضع شعار ف توقيعك لاحتسابك من المشاركات وفيكي بارك الله

guidona
بركه فيكم الي اتنورو ف موضوع اختي الوقت عزيزتي يومان (الاحد+الاربعاء) لوضع الدروس وباقي ايام الاسبوع لاستفسارت ولو ع ساعه ولايهمك انا بحط درس متلا يوم الاحد عندك الاتنين وتلاتاء لتطبيق وسؤال يوم الاربعاء لازم تكوني خلصتي تطبيق باش تاخدي درس جديد وهكدا يا اختي ان شاء الله وضحتلك فكره

mnona
نورتي يا اختي
حتا انتي معانا ف باص هههههه تمام الوقت دروس زي ما وضحت لاختي ومش ضروري تكوني اون لاين يعني تاخدي درس اطبقي ولو عندك استفسار تسالي اهم شي تراجعي دوره ف ايام محدده بس بس
بنت طبرق
هلا بيكي ولايهمك يا اختي ان شاء الله تفهمي معانا وبخطوات
التا ئبه لله
حببتي الايمج ريدي بيكون مع فوتوشوب لما تحميله وهنشرح عنه ف الدرس الاول ولايهمك
مغتربة 7
شكر ليك لاهتمامك وسؤالك برنامج زي ماقولت بيجي مكمل مع فوتوشوب ومايحتاج يتحمل لوحده

ملاحظات :
المشاركات معانا لحد الان وقامو بوضع الملصق هم:
1-Mnona
2-om amory
يلا حطو ملصق عشان تتسجلو
الاحد + الابعاء درس
نهاية الاسبوع هيكون ف عضوه فالحه يعني قامت بتطبيقات بشكل حلو وابدعت
اي استفسارات اتفضلو اسألو يلا هنحط درس الاول وماتنسوش الملصق يا حلوات ... تآآآبع

الساجدة لله
12-05-2011, 11:49 PM
معاكم بااذن الله بس ياريت تحطولنا رابط الاصدار الثامن

ليبيه فاخوره
12-06-2011, 03:10 PM
عزيزتي الساجده لله ...
جبتلك الرابط ليك ولكل بنات الي ماعندهم يلا حملو ...
ماتنسيش اتسطبيه بالانجلش :rolleyes:

لحميل برنامج الفوتوشوب الاصدار التامن
http://www.sahab.net/mydata/file/comp/poto8%20arbc.zip

مغتربة 7
12-06-2011, 03:48 PM
بارك الله فيك حبيبة ما باش يحمل

ليبيه فاخوره
12-06-2011, 04:19 PM
http://www.alfaris.net/up/78/alfaris_net_1323181063.jpg
يا اختى بيحمل بس انتي اعملي كوبي ولصق للموقع
شاهدي صوري هادي من جهازي وانا حملت نفس برنامج هدا...
حاولي مره اخرى:)

مغتربة 7
12-06-2011, 04:21 PM
توا تحمل لكن ما نعرفش كيف الواجها متع البرنامج وين مشي مش عارفة

ليبيه فاخوره
12-06-2011, 04:27 PM
مادا تقصدين بالواجها وانتي اي متصفح تستخدمين؟؟

مغتربة 7
12-06-2011, 04:32 PM
ما فهمتش راني مش شاطرة فيه

ليبية
12-06-2011, 04:33 PM
حبيبتي ليبية فخورة موضوع ممتاز ويعطيك العافية عليه

حبيبة اني ولله الحمد عندي خلفية على الفوتوشوب

وبعون الله نشارك معاك ولو تبي معاونة اني معاك يا قمر

ليبيه فاخوره
12-06-2011, 04:43 PM
نورتي ليبيه صفحه و اكيد نبيك اتشاركيني تسلمي يادوق

ليبيه فاخوره
12-06-2011, 04:44 PM
مغتربه هل بدآ بتحميل عندكى او ف مشكله عندك ؟؟ وماتقوليش مش شاطره نزعل منك راه

مغتربة 7
12-06-2011, 04:52 PM
هو نزل تقريبا

ليبيه فاخوره
12-06-2011, 04:55 PM
تمام تنسيش اديره انجلش حبوبه باهي ف رعايه الله...

ღ¸¸حرة فوق راس حر¸¸ღ
12-06-2011, 05:37 PM
ياقمر ماقدرتش انرد ع الرسائل شنو المشكلة؟؟

زينب محمد
12-06-2011, 06:14 PM
حبوبة الدروس نزليها كل درس في موضوع لوحده

ليبيه فاخوره
12-06-2011, 06:20 PM
ان شاء الله يا اختي زينب ولايهمك شكرا لتنبيهك حياك الله...

ام تغريد
12-06-2011, 08:17 PM
السلام عليكم

كيفكم اخواتي واخيرا بالرغم من تواجدي في المنتدى وبشكل يومي لكن هذا وين سمعت بالدورة واني اندور فيها في السمي القيتها في الوطا ونبي انشارك ان شاء الله غر لحقت مع اني منزلة البرنامج بس مش فاهمة ولا حاجة
وشكرا كثير لصاحبة الفكرة وكل من ساعد في انجاز هذا العمل

Om Saga
12-06-2011, 08:32 PM
شن إسم البرنامج ؟؟

ღ¸¸حرة فوق راس حر¸¸ღ
12-07-2011, 04:30 PM
ام سجي البرنامج اسمه الفوتو شوب ياقمر ونورتي

ماجدة m
12-07-2011, 05:24 PM
لوسمحتي كيفية المشاركة فى الدورة

ღ¸¸حرة فوق راس حر¸¸ღ
12-07-2011, 05:31 PM
http://kitchen.libyan-kitchen.com/tahasoft.com_1/misc/quotes/quot-top-left.gif اقتباس http://kitchen.libyan-kitchen.com/tahasoft.com_1/misc/quotes/quot-top-right.gif
http://kitchen.libyan-kitchen.com/tahasoft.com_1/misc/quotes/quot-by-left.gif المشاركة الأصلية كتبت بواسطة ماجدة m http://kitchen.libyan-kitchen.com/tahasoft.com_1/misc/quotes/quot-by-right.gif
http://kitchen.libyan-kitchen.com/tahasoft.com_1/misc/quotes/quot-top-right-10.gif



لوسمحتي كيفية المشاركة فى الدورة
http://kitchen.libyan-kitchen.com/tahasoft.com_1/misc/quotes/quot-bot-left.gif
http://kitchen.libyan-kitchen.com/tahasoft.com_1/misc/quotes/quot-bot-right.gif

هلا فيك نورتي
حطي الشعار في توقيعكhttp://www.alfaris.net/up/78/alfaris_net_1323177469.gifر

ماجدة m
12-07-2011, 05:39 PM
لوفى امكانية تشرحى لى كيفية الأضافة لتوقيعى لأنى مبتدئة نوعان ما فى استعمال الكمبيوتر وشكرا

ماجدة m
12-07-2011, 06:01 PM
ماهى الدروس التى تشرح فيهم الدورة وارجو الرد الأن

ماجدة m
12-07-2011, 06:03 PM
ماهى الدروس التى تشرح فيهم الدورة وارجو الرد الأن

ღ¸¸حرة فوق راس حر¸¸ღ
12-07-2011, 06:09 PM
اهلا فيك يا اختي الدورة هي للبنامج الفوتو شوب وهو ررنامج للتعديل الصور والدمج والقص وتركيب الصور حلووو ورائع وسهل لو تبعتي الدروس ويلزك تنزلي البرنامج عندك لمتابعة الدروس

ღ¸¸حرة فوق راس حر¸¸ღ
12-07-2011, 06:12 PM
ماجدة تعالي ع التوقيع واعملي تضليل عن طرريق crti+a ومنها نسخ عن طريق ctrl+c امشي للتتوقيع ودير لصق ctrl+v

ليبيه فاخوره
12-07-2011, 06:41 PM
حره بارك الله فيك رديت ع العضوات ف الموضوع معليشي كنت مشغوله ف عمل الدروس جزاكي الله الف خير مقصرتيش حبوبه

ღ¸¸حرة فوق راس حر¸¸ღ
12-07-2011, 09:36 PM
http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة ليبيه فاخوره http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



حره بارك الله فيك رديت ع العضوات ف الموضوع معليشي كنت مشغوله ف عمل الدروس جزاكي الله الف خير مقصرتيش حبوبه
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif العفو ياقمر وينك والله نجري وراك لين دهشت ارسلتلك ع الخاص رسالة :D

مع الحبيب
12-09-2011, 01:26 AM
السلام عليكم
ليبية فاخورة تعتذر لكم عن عدم طرح الدروس لان المنتدى لايفتح لديها

ღ¸¸حرة فوق راس حر¸¸ღ
12-09-2011, 02:08 AM
وانا كمان فتح معي بطلوع الروح لا ادري ليش؟؟

زهرة البنفسج
12-09-2011, 03:41 PM
وحتى انا مايبيش ينفتح الا توا ونبي نشارك حتى انا ان شاء الله وارجو ان تتحملينا
معليشي نبي نسالك الفوتوشوب عندي لاكن شن هو الايمج ريدي ولو سمحتي اعطيني رابط تحميله

safa
12-09-2011, 05:58 PM
نتمني نبدا معاكم لكن للأسف
القراية قاتلتني وواخدة كل وقتي لان امحانتاتي في 15 يناير
ادعولي بالنجاح

ليبيه فاخوره
12-09-2011, 08:26 PM
ان يارب تنجحي وتتوفقي تحياتي ليك

ليبيه فاخوره
12-09-2011, 08:27 PM
عزيزتي غربه صعبه راجعي الموضوع كله هتلقي شرح ورابط لتحميل البرنامج كامل تحياتي

ليبيه فاخوره
12-09-2011, 08:29 PM
اني يا بنات مش عارفه علاش ما يبيش يفتح عندي يقولي خطا ف شبكه ومنتديات تانيه شغاله ميه ميه مش عارفه علاااااااش ياريت الاداره اتشوفلنا حل ياريت واللله تعرفو اني جيت حوش خالتي باش نفتح وانرد عليكم حاله وخلاص
سامحوني اخواتي

Om Saga
12-09-2011, 11:59 PM
ياااااااااااارب تنجحي ياصفااااااااا
حبوبات
نبي إسم برنامج إمتع الفوتوشوب ؟؟

سراب
12-10-2011, 10:54 PM
ام سجى البرنامج اسمه ادوبي فوتوشوب

ღ¸¸حرة فوق راس حر¸¸ღ
12-11-2011, 04:49 AM
http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة الغربة صعبة http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



وحتى انا مايبيش ينفتح الا توا ونبي نشارك حتى انا ان شاء الله وارجو ان تتحملينا
معليشي نبي نسالك الفوتوشوب عندي لاكن شن هو الايمج ريدي ولو سمحتي اعطيني رابط تحميله
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif هلا فيك الايمج ريدي يجى مع الفوتو ياقمر مايستحق تنزيل لما تبدا الدورة راح تعرفيه

ليبيه فاخوره
12-11-2011, 08:32 AM
ربي ايعاون حبوبه حره هوني حطيت درس الاول وان شاء الله يعجبك انتي والمشاركات يومك سعيد

ღ¸¸حرة فوق راس حر¸¸ღ
12-11-2011, 11:22 PM
الله يسعدك ياقمر ويبارك في وقتك وجهدك

ايمان
12-12-2011, 12:46 AM
وانا معاكم للنهايه غير اعطونا موعد للبدايه الدوره

ليبيه فاخوره
12-12-2011, 02:18 AM
راجعي تفاصيل عن دوره من بدايه هدا الموضوع حبوبه ايمان سلامي لكي

التا ئبه لله
12-13-2011, 02:17 PM
السلام عليكم
اختى ليبيه فاخوره مالقيتيش رابط تحميل لبرنامج

ممكن وين نلقه ومشكوره سلفا
حملت من برا مدة التحميل قربة الساعتين فالغيته
ولاهو هكى مدة تحميل البرنامج ساعتين

والله يجزك كل خير

ღ¸¸حرة فوق راس حر¸¸ღ
12-13-2011, 03:50 PM
http://kitchen.libyan-kitchen.com/tahasoft.com_1/misc/quotes/quot-top-left.gif اقتباس http://kitchen.libyan-kitchen.com/tahasoft.com_1/misc/quotes/quot-top-right.gif
http://kitchen.libyan-kitchen.com/tahasoft.com_1/misc/quotes/quot-by-left.gif المشاركة الأصلية كتبت بواسطة التا ئبه لله http://kitchen.libyan-kitchen.com/tahasoft.com_1/misc/quotes/quot-by-right.gif
http://kitchen.libyan-kitchen.com/tahasoft.com_1/misc/quotes/quot-top-right-10.gif



السلام عليكم
اختى ليبيه فاخوره مالقيتيش رابط تحميل لبرنامج

ممكن وين نلقه ومشكوره سلفا
حملت من برا مدة التحميل قربة الساعتين فالغيته
ولاهو هكى مدة تحميل البرنامج ساعتين

والله يجزك كل خير

http://kitchen.libyan-kitchen.com/tahasoft.com_1/misc/quotes/quot-bot-left.gif
http://kitchen.libyan-kitchen.com/tahasoft.com_1/misc/quotes/quot-bot-right.gif

هلا فيك اتحميل ايطول شوية ياقمر لو النت عندك مش قوي ارفعيه لمحمل ينزله ليك خمسة دينار :D

التا ئبه لله
12-13-2011, 04:42 PM
هههههههههه حره ياخد 10 غير ايحمل بس
لان حرقلى دمى ومشكوره يا عسوله

خدوج
12-15-2011, 08:35 AM
اخت ليبية فاخورة
ياريت مساعدة
ماعرفت كيف نحمل
عندك(اضغطى هنا عزيزتى للتحميل)
نضغط يعطينى موقعwwww.................الخ
وماعرفت كيف ندير
وعذرا لتأخرى عن الدورة لظرف عندى
وشكرا لك

تعزيز
11-27-2012, 01:32 PM
دخلت قولي سجلت النت عندي ضعيف ما باش اكمل تنزيل البرنامج
يعني تستني علي لين انزل الفوتو شوب

جزيتي خيرا انشاء الله