[رشدة بعصبان الشمس] من مطبخ بنت طبرق

[بنت طبرق]

السلام عليكم ورحمة الله وبركاته

حبيباتي شفت البازين بعصبان الشمس

قلت ليش ماندير حتى انا رشدة

بعصبان الشمس

درتها اليوم غدا الجمعة وامممممممممم

عجبت الكل ولله الحمد


الطريقة

نفس طريقة الرشدة العادية


بوخت البصل والحمص وتقليت بصلة

في زيت واضفت الطماطم والبهارات

واضفت عصبان الشمس

بعد تحمسزا شويا بللت بالمية الساخنة

وحطيت الكسكاس وبوخت الرشدة


وبعد طاب العصبان خذيت من الدهان


وحطيته عالحمص والبصل وخليت شوي عالنار


وبعدها فركت الرشدة بشوية دهان

الطبيخة وحطيت التقلية والعصبان


وهذه الصور


هذه صورة العصبان



http://www.libyan-kitchen.com/gallery/images/bt050jjll.jpg


http://www.libyan-kitchen.com/gallery/images/bt09jjll.jpg


http://www.libyan-kitchen.com/gallery/images/bt0966jjll.jpg



شن رايكن حبيباتي

[زهرة البنفسج]

ماشاء الله شكلها فكرة مش عادية والصنة وصلت لعندي بارك الله فيك لاكن نبي نسالك كيف اديري في عصبان الشمس الحق عمري مادرته ويشكرو فيه هلبة وشكرا

[الساجدة لله]

اول مرة في حياتي نعرف ان الرشتة تندار بحاجة غير اللحم الوطني

الحق في طرابلس مانديروش فيها

صحة على قلبك

[بنت طبرق]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة الغربة صعبة http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



ماشاء الله شكلها فكرة مش عادية والصنة وصلت لعندي بارك الله فيك لاكن نبي نسالك كيف اديري في عصبان الشمس الحق عمري مادرته ويشكرو فيه هلبة وشكرا
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif



حبيبة تسلمي
بالنسبة لعصبان الشمس بطريقتي وطريقة امي اللي تعلمتها
تاخذي كرشة وتقطعيها مربعات
وتقطعي رية وكبدة وحبة القلب ولحم وشحم شرايح طولية
وتقطعي المصارين الرقيقة باطوال مناسبة لللف
بعدين تحطي عليهم كلهم ملح وبزار وفلفل احمر وترقديهم فيه ليلة كاملة
وفي الصبح تاخذي قطع الكرشة وتحطي فيهم من كل حاجة قطعة وتلفيهم بالمصران
وتربطي كل اثنين مع بعض وتنشريهم على حبل في الشمس وفي الليل ادخليهم لعند يجفوا

اقل شي 4 ايام

تغسليهم بمية ساخنة وتحمسيهم في شحم اللية وتدسيهم لعند تبي تطيبي حاجة بيهم
ان شاء الله استفدتي من طريقتي

[بنت طبرق]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة الساجدة لله http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



اول مرة في حياتي نعرف ان الرشتة تندار بحاجة غير اللحم الوطني

الحق في طرابلس مانديروش فيها

صحة على قلبك
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

وحتى انا اول مرة انديرها عزيزتي
تقدري تقولي تأليف وأخراج بنت طبرق:D

جربت وطلعت حلوة:cool:

[الساجدة لله]

صحة وهنا على قلبك بنت طبرق وحلو التغيير والابتكار

وماتحرميناش من ابتكاراتك اللي تثري المطبخ

[بنت طبرق]

تسلمي حبيبة

[Om Amory]

يسلمو حبوبه

[بنت طبرق]

الله يسلمك يا غالية

[Om Saga]

ماشاء الله على الفكرة الحلوة
أول مرة نسمع رشدة كسكاس بالعصبان اليابس
منورة بالموضوع الحلووووووو ياحلووووووووووو

[Om Saga]

وتستاهلي التقييم على الفكرة الجديدة
وأحلى تقييم ليك ولموضوعك أختي

[بنت طبرق]

http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة Om Saga http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



ماشاء الله على الفكرة الحلوة
أول مرة نسمع رشدة كسكاس بالعصبان اليابس
منورة بالموضوع الحلووووووو ياحلووووووووووو
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif

تعيشي وتمعي كل خير حبيبتي
الله ينور أيامك ويبارك فيك

مشكورة عالتقييم يا عزيزتي

[أم أيوب]

يسلمو ايديك بنت طبرق فكرة جديدة

ماما تدير في الكسكسي عالقديد

تحط فيه عصبان شمس وضلوع مقددة

[guidona]

ماشاء الله سلمها هلمخترعه عندك الحق كل شي اجي تسلمي يارب

[بنت طبرق]

أم طه
غيدونا
الله يسلمكن ويبارك فيكن

[أم إيناس3]

يسلمو اول مرة نشوفها احنى فى طرابلس لازم باللحم ويحبد لحم الخروف

[مغتربة 7]

تسلم الايادي حبيبة
فكرة جديدة وحلوة
جاري التطبيق ان شاء الله

[بنت طبرق]

مشكورات حبيباتي
أم إيناس3 ومغتربة7
هيا فكرة خطرت لي بعد ريت البازين بالقديد
قلت ليش مايكون في رشدة بالعصبان ههههههههه

[بنية بوها]

يسلموا الايااااااااااااااااااادي

[أم أبرار]

فكره جديده تو انجربوها ونحكموا ممكن تجي زي الكسكسي بالقديد حلوه

[للاهم]

رائعة تسلم ايديك

انحب التجريب في الطعام الليبي لكسر حاجز الملل

[بنت طبرق]

تسلمي حبيبتي

[نجلاء الخالدية]

تسلم ايدياتك يابنيت طبرق ياريتك دزيتيلي صونية
أكثر حاجة انحبها الرشدة الله الله ما أحلاها لكن عمري ماتخيلتها بعصبان الشمس

[نسيبة]

سلم ادياتك حبوبة
رشدة تفتح النفس

[بنت طبرق]

نجلاء الخالدية
الله يسلمك ويبارك فيك
العيد الجاي كان سخر الله وتمينا حيين
نبعثلك صونية


نسيبة
الله يبارك فيك حبيبة

[ام سحر]

فكرة جديدة ..سلم ايديك
لكن عصبان الشمس منحطوش فيه كبدة لانها ما تقددش ويلتف بعد ما ييبس في الشمس وتقليه
وصحتين على قلوبكم

[الصابرة]

ماشاءالله شكله يسهف لكن ياخسارة ماما ما درتش لينا عصبان شمس السنة كنهذا درتها سهفتيني يسلم دياتك

[أمـ ساره]

ماشاء الله بنت طبرق طريقة حلوة

وفكرة مبدعة منك سلمت ايدياتك

وتستحقي التقييم وبجدارة حبوبة

[بنت طبرق]

تسلمن حبيباتي

مروركن أسعدني

[LOLO]

:):):):)

[luba]

تسلم الايادي بارك الله فيك لك تقييمي

[خواطر حساسة]

بصراحة شدني العنوان <عصبان الشمس > والله مانعرفه غير في المقطع عند الولاده وعاشوراء............يعطيك الصحة

[ام ميرال]

يعطيك الصحه عجبتني الفكرة خاصة وانا من عشاق عصبان الشمس
خاطري فيه ليا فترة طويله بس الله غالب ما عندي كيف انديره