استفسار

[ام هوبا]

أريد طريقة عجينة اللوز؟

[ام هوبا]

ارجو من اخواتى الكريمات الرد على اسئلتى ضرورى جدا:- مكان بيع الجيلاتين فى مدينة طرابلس؟ وطريقة عمل عجينة اللوز(المرزبان)؟

[ام هوبا]

وينكم ياأخوات مفيش وحده ردت على اسئلتى!!!!:(سامحونى على ازعاجكم:(

[مغتربة 7]

السلام عليكم ورحمة الله تعالى وبركاته

عجينة اللوز والسكر

مقادير عجينة اللوز:
- 250جرام من اللوز الحلو المقشر
- 200 جرام سكر عادي
- 250 جرام سكر ناعم مطحون
- 2 بياض بيض
- ملعقة ما ء زهر
- ملعقتين من الجلوكوز السائل

طريقة عمل العجينة:
- نأخذ اللوز والسكر العادي، ونطحنهم مع بعض بالخلاط، كي يصبحوا مثل البودر
- نأخذ الطحين البودر الذي حصلنا عليه من عملية الطحن، ونخلطهم مع 2 بياض البيض اللذين قمنا بخفقهم قليلاً، ونضيف ماء الزهر والسكر الناعم المطحون، ونقوم بمزجهم جيداً، كي يتجانس هذا الخليط مع بعض.
- نفوم بإضافة الجلوكوز، ثم نعجن عجينة اللوز ومن فترة لأخرى، نقوم برش السكر الناعم المطحون، كي لا تلتصق بسطح الطاولة التي نقوم بالعجن عليها
- نترك العجينة كي ترتاح لمدة نصف ساعة في الثلاجة
- أنصح لعملية لصق الأجزاء التي نقوم بصنعها مع بعض، إستخدام بضع قطرات من الماء للصق الأجزاء


http://kitchen.libyan-kitchen.com/showthread.php?t=2354&highlight=%DA%CC%ED%E4%C9+%C7%E1%E1%E6%D2

[الساجدة لله]

بالنسبة للجيلاتين بري لمحل العالمية ف زاوية الدهماني حتلقيه عنده وتلقي عجينة اللوز افضل من انك تتعبي فيها

[ام هوبا]

:)مشكورة اختى الساجدة لله واختى مغتربة7 على ردكم عليا:)

[نعومي نت]

السلام عليكم ورحمة الله وبركاته
اختي محل العالم اللي في زاويه الدهماني يبيع في عجينة اللوز
والجيلاتين في سوق النوفلييين مش بعاد علي بعض المحليين الاتنين

[ام هوبا]

:)شكرا اختى نعومى نت على الرد:)وان شاء الله نلقاه :)

[عنود الصحراء]

الاخوات مقصروش بارك الله فيهم

[ام هوبا]

:) اختى الساجدة لله مشيت لمحل العالميه لكن مالقيتش فيه المطلوب:confused:بالنسبة لاختى نعومى نت وين بالضبط سوق النوفليين موجود:confused:مشكورين جميعا

[الساجدة لله]

غريبة ماعنداش عجينة اللوز ؟ مع ان مافيش حد مشاله الا لقاها عنده

[أم ميوسة]

السلام عليكم ورحمة الله وبركاته

عزيزتي الجيلاتين موجود في سوق الاء في السياحية

يباع ب 35 دينار لكن الكمية كبيرة هلبة

وانا ديمة نشري في الجيلاتين منه

السوق أمام محل ماركس اند سبينسر أي قبل محل المانجو

بالنسبة لمحل العالمية نبي نسأل وين يقع في زاروية الدهماني

عندي نية نمشيله بس ما عرفتش وين

[ام هوبا]

اختى ام ميوسة شكرا بارك الله فيك على الرد وبالنسبة لمحل العالمية فى الشارع اللى موجود فيه محل الدغرى فى الصفة المقابلة لمحل الدغرى فى جنب محل اثاث يجى المحل فى بداية شارع ثرابى بمجرد ماتسألى عليه توا يوروهولك