استفسار ماركت بلاك اند ديكر

[عنود الصحراء]

السلام عليكم حابه نسال اخواتي الموجودات في ليبيا هل ماركة بلاك اند ديكر موجوده في ليبيا والا لالا وكدالك ماركت كتشن ايد.....وشنو احسن ماركه موجوده في البلاد لاني نبي نشري مكينات قبل مروح لكن خايفه نلقاهم موجودات ويجيني تعب علي الفاضي وبارك الله فيكم

[مغتربة 7]

وعليكم السلام وخيتي عنود
بصراحة اني خارج البلاد لكن عندي ليك نصيحة
اشري ماركة كتشن ايد وما تشريش بلاك اند دكر بصراحة ماركة كتشن ايد ما يعلاش عليها وسعرها فى الخارج ارخص هلبة من البلاد وتعيش عمر لكن بلاك اند ديك فى منها فى ليبيا وبصراحة مش ماركة قوية
وان شاء الله بقية البنات يفيدوك
تقبلي مروري

[الساجدة لله]

ننصحك وخيتي جيبي حاجاتك من برا احسن لان اهني غالية ولذلك عليك بكتشن ايد او تيفال او بورش او كينوود

[عنود الصحراء]

بارك الله فيكم والله مقصرتو اختي مغتربه وساجده... انا الحق كنت نحساب بلاك ان ديكر قويه لاني سمعت يشكرو فيها لكن خىص كنصلتها .

[نعومي نت]

لالا والله ما ننصحك بيها بلاك اند ديكر مش قوية
الصراحة احسن حاجة مشت معاي فيليبس

[عنود الصحراء]

مشكوره اختي نعومي علي الاهتمام ..

[دلوعة زوجي]

نصحية ما تخديش بلاك أند ديكر من مجربة

[عنود الصحراء]

لالالا خوفتوني منها هالماركه والله حتي كان نشوفها في التخفيض معاد نوقف عليها هههههههههه بارك الله فيك اختي دلوعه

[ليبية]

بلاك اند ديكر متوفرة في البلاد

والكيتشن ايد ماعنديش فكرة

اني نفضل فيلبس و مولينكس و سيقرين روعة

وتتهني بيهم يارب وترجعي بالسلامة

[عنود الصحراء]

بارك الله فيك ليبيه ومشكوره علي الرد والاهتمام