'طبخات غدامس

[غدامسية حرة]

السلام عليكم .. سامحونى لأنى مازال ما حطيتش مواضيع لكن السبب انا الضى فى غدامس ينقص من الساعة10 فى الصبح لين الساعة5 العشيةلهذا قلت نكتب أسامى الوجبات بعدين يوم تانى أمتى ما يرجع الضى نكتب طريقتهم.
الوجبات االمميزة:
القراقش:وهى عبارة عن حلوية تقليدية فى العيد .
الغجيرة:وهى عبارة عن تمر مخلوط بالقصب وهى مميزة تتميز بها مدينة غدامس فقط تعمل فى أفطار رمضان
سبارت:وهى خبز قمح نرحوه ونديروله سكر ناعم و سمن و يزين بالشوكلاطة و الحلوة و يعمل فى يوم 15شعبان و يفرح به الأطفال.
الفورة:وهى عبارة عن لبن يخلط بالقصب بطريقة معينة و يعمل عند وصول الحجاج ألى أرض الوطن و يعجب السياح.
وان شاء الله نشرح أشياء أخرى عن غدامس فى مواضيع أخرى و مستنية ردكم.

[زينب محمد]

اهلا بك غدامسية بينا

شوقتينا لاكل اهل غدامس

ياريت تكتبيلنا مقادير وطريقة كل اكلة وتنزليها في الاقسام التي تلائمها مش هني في الهدرزة

وحبذا لو كانت المواضيع مدعمة بالصور حتى توصل الفكرة وتوضح اكثر

واذا معندكش كاميرا صوري بالنقال

واذا ماتعرفيش ترفعي الصور فيه مواضيع في ركن الدعم الفني توضح الطريقة خطوة خطوة

لانه نبوا نعرفوا اكلات كل مدننا الحبيبة

[jolia]

عزيزتى غدامسية حرة اريد ان استفسر منك على اكلة معينة وهى سبارت حيث لدينا عجوز غدامسىية يوم 15 شعبان تقوم برحى القصب وعجنه بالماء والسكر ومن ثم تكويره وتقديمه للاطفال كحلوى ام الغجيرة فانا اعرف انها منشرة ومعروفة ف الجنوب الليبي وغات\ مع حبى

[غدامسية حرة]

أهلا بك jolia أنى فهمت شن قصدك لما اندقو قصب سحلب رمضان فى دقاقة اللوح و نغربلوه و نكررو خطوة الدقان و التغربيل قداش مرة بعدين فى النهاية القصب اللى فضل انضيفوله سكر و ماية و ناكلوه هذا احنى فى غدامس انسموه "قومبة"و يعطوه النساء للأطفال.

[jolia]

اعتقدت ان القومبة هى سبارت تحياتى

[lolo1971]

تسلمى وانا نتمى ان ارى غدامس ونتعرف على اكلاتهم واعتقد ان اختنا خدوج من غدامس ربى يحفظكم جميعا

[sweet nona]

انشالله يااارب ايجيكم الضي باش اتنزلينا هالاكلات الي الحق منعرفش ولا وحدة فيهم شوقتينا ..
في انتظارك

[الساجدة لله]

قريب نمشي لشركة الكهرباء نقوللهم معش يقصو الكهرباء عليكم بش تمتعينا بيهم ههههههههه

باهي باهي ياخدوج عندكم هدا كله وماتبيش تورينا ههههههه

نبصر عليك يادوجة راك تحرجي حبوبة

[خدوج]

ماشاء الله ياغدامسية
يلا حبوبة نستنوا فيك
سجودة وحدة وحدة على ياعسل
ماهو منبيش نزل كل شى وخليت فرصة لغيرى ياعسل هههههههه(عذر)

[أم أيوب]

في انتظارك حبيبة وربي يفرجها على البلاد ومعاش يقص الضي عليكم

نعرف وحدة بوها من غدامس بس يسكن بنغازي من عيلة حودانة

[للاهم]

غدامسية حرة ان طالت غيبتك واكلاتك الغدامسية حنمشوا نعتصموا قدام كهرباء غدامس - عجلي

[ام صهيب]

سلم ايدياتك مقدما

بالله كل حاجة تحطيها بالصورة وخصوصا اللى تعجب السياح

[غدامسية حرة]

بارك الله فيكم جميعا على الردود و أن شاء الله نحقق طلباتكم

[زهرة البنفسج]

وينك ياغدامسية نستنو في اكلاتك شوقتينا ربي يسهلك

[bent libya]

http://www.libyan-kitchen.com/gallery/images/untitlqwq.png

[أمـ ساره]

ماشاء الله حبوبة

شوقتينا لأكلاتكم الحلوة

باهي يا دوجة هذا كله داسيتيه علينا


وربي يفرج علينا ان شاء الله وتتصلح الاحوال

[روح مغتربه]

شوقتينه اختي اغدامسيه ونحن في انتظار جديدك

[ام ساره وعبدالعزيز]

ياريت تعرفينا اكثر وتحطي صورة لكل اكلة

[المصراتيه]

وااااااو. غدامسيه
والله أمنيتي من واني صغيره اني مشي لغدامس وان شاءالله ربي يحققهلي هالامنيه مش نمشيلك غادي واديريهلي وتعلميهلي وحده وحده هههههههه متخافيش مش بايته
نراجو في اكلاتك وياريت نشوفو حتي صوره
يعطيك الصحه

[أم أبرار]

شوقتينا للاكلات
إنشأالله يثبت الضي وتتحفينا بيهن

[نسيبة]

السلام عليكم
غدامس الواحة الرائعة الجمال
النخيل و البيوت المزدانة بالمرايا من الداخل جمالها متفرد
ننتظر ما ستقدمين غالية غدامسية وفقك الله لكل الخير تقبلي اعطر تحية