ام زكريا
12-20-2011, 08:51 PM
السلام عليكم...
اليوم نبي نشارك بمشاكرة بسيطة و هذه طبعاً من أكلاتنا التقليدية المحببة لليبين و خاصة أهل طرابلس ، تعلمنها من جدادتنا و مزلنا محافظين عليها و علمتها لبنياتي هي تسمى بالقديد و بالنسبة لاهالي طرابلس نقولولها ( قرقوش ) و هذه طريقته :
نحط القديد اليابس في طنجرة و بعدها ..
نحط قطرات مية في طنجرة و بعدين نحمسها لين تجف المية و يبدا يشكشك في دهانه، و بعدها نصب الزيت لين يتغطى القديد و بعدين نصب الشحم الخروف (( دوابة )) .. و نحرك لين الزيت ادير فقعات (( اكشاكيش)) ، و يبدا القديد متحمر شوية مش يابس ،، و هذا نسموه (( قرقوش ))..
قرقوش العيد مع دحيات و هذه من أكلات المحببة لصغاري ،، يفطروا بها و لا يتعشوا ،
ولا نطيب بالقرقوش (( شكشكوكة الطبيخة مع دحيات )) و لا الرشتة المبكبكة ،،
صحتين و عافية ...
اليوم نبي نشارك بمشاكرة بسيطة و هذه طبعاً من أكلاتنا التقليدية المحببة لليبين و خاصة أهل طرابلس ، تعلمنها من جدادتنا و مزلنا محافظين عليها و علمتها لبنياتي هي تسمى بالقديد و بالنسبة لاهالي طرابلس نقولولها ( قرقوش ) و هذه طريقته :
نحط القديد اليابس في طنجرة و بعدها ..
نحط قطرات مية في طنجرة و بعدين نحمسها لين تجف المية و يبدا يشكشك في دهانه، و بعدها نصب الزيت لين يتغطى القديد و بعدين نصب الشحم الخروف (( دوابة )) .. و نحرك لين الزيت ادير فقعات (( اكشاكيش)) ، و يبدا القديد متحمر شوية مش يابس ،، و هذا نسموه (( قرقوش ))..
قرقوش العيد مع دحيات و هذه من أكلات المحببة لصغاري ،، يفطروا بها و لا يتعشوا ،
ولا نطيب بالقرقوش (( شكشكوكة الطبيخة مع دحيات )) و لا الرشتة المبكبكة ،،
صحتين و عافية ...