[ مقطع مشلتت ] من مطبخ للاهم

[للاهم]

http://www.libyan-kitchen.com/gallery/images/user37pic4.gif

خير يا بنات
كيف حالكن كلكن
مع الشتا ما ينفع الا الجاري بالقديد
فوحته في الحوش محلاها
تعني اللمة والتهدريزة السمحة والشبع
والنوم الهني
من كم يوم تفكرت حاجة كانت امي ادير فيها زمان لن بويا كان يطلبها
ونحنا صغار انا وخوتي كنا ما نحبوهش
ناكلوها بالسيف
توا بعد كبرنا وبدا ذوقنا يتغير
واقتربت اعمارنا من اعمار اهلنا زمان J
بدينا نفهموا قيمة دقيق الشعير
والابتعاد ما امكن عن الدقيق الابيض
لما في الاول من فائدة
المهم خطر علي :
المقطع المشلتت
قلت نجرب نديره ونشوف
مقاديره عادية ومعتادة
وعينك ميزانك
قديد ودهان
ثوم مدقوق مع قرن فلفل
ملح فلفل احمر بزار
طماطم معجون
طماطم حب
نقلي الجميع
نمرق ونخلي المرقى تطيب
الجديد فيه:
نعجن دقيق شعير وشوية ملح بشوية امية عجينة يابسة (ضروري)
نخليها ترتاح
نمدها – بصعوبة – بالضرابة




http://www.libyan-kitchen.com/gallery/images/mkata3ghg.jpg




بعدين نبدا نقطع فيها باليد كما اتفق
نقولولها "تشلتيت"
نرشها بالدقيق
ونخليها لعند اطيب المرقة
بعدين انغربلها
ونضيفها للمرقة ونحركها برفق مرة واحدة




http://www.libyan-kitchen.com/gallery/images/mkata3nqn.jpg





نخليها علي نار هادئة لعند اطيب العجينة
ممكن تزيدن شوية حلبة كان اشتهيتنها
انا حطيت شوية حبق مقرض في الاخير
يقدم ساخنا ملهلطا يرد الروح
لم اتفرغ لتصويره تم التهامه ما ان دلقته في القصعة


تبقن علي خير



http://www.libyan-kitchen.com/gallery/images/img9738.jpg



اهي صورة له بس مش واضحة كما يجب
راجني نصوره المرة الجاية
اللي تبي مرة جاية ترفع يدها وتعلق

[حبيبتهم]

تسلم ايديك عالمقطع احني انديروا فيه لكن بشوية اختلاف عجينة عادية بدقيق الفارينة ونقرصوها كرات صغيرة ولما اتطيب اللمرقة نفتحوا كل كورة باليد كيف الفطيرة لوين تبدا رقيقة ونحطهوها في الطنجرة لوين تجف وترتفع شوية من البخار انحركوها في الطبيخة ونحطوا اللي بعدها وهكذا

[أم أبرار]

نحن نسموه مقطع مفتت والدقيق نحلطه فارينا وشعير وقبل تنزيله من ع النار نظيف كرويه

[نسمه ليبيه]

عليك حق

ماوريتينش شكله فى الاخير


صحيحه عليكم

وعجبتنى (ساخن ملهلط)

[مغتربة 7]

اول مرة نعرفها الاكلة هذه شكلها يميي
الاكل التقليدي احلى اكل
الله يسلم الايادي يارب
وصحتين عليكم

استاحشناك ياغالية عوداً حميداً

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة حبيبتهمhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifتسلم ايديك عالمقطع احني انديروا فيه لكن بشوية اختلاف عجينة عادية بدقيق الفارينة ونقرصوها كرات صغيرة ولما اتطيب اللمرقة نفتحوا كل كورة باليد كيف الفطيرة لوين تبدا رقيقة ونحطهوها في الطنجرة لوين تجف وترتفع شوية من البخار انحركوها في الطبيخة ونحطوا اللي بعدها وهكذا http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

حبيبتهم مرور طيب خيتي
تعجبني التعليقات اللي تضيف للموضوع معلومات جديدة وبالذات في الطعام الليبي لذي يختلف من منطقة لمنطقة - بل ويختلف من جدة لجدة فالطبخ موروث من الجدات والجدات من جداتهن وكل حسب منطقتها وليبيا عجين متجانس رائع
منكم نستفيد طريقتك الباين مش عااادية
ممكن تديريه بطريقتكم وتنزليه لنا؟

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم أبرارhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifنحن نسموه مقطع مفتت والدقيق نحلطه فارينا وشعير وقبل تنزيله من ع النار نظيف كرويه http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

طيب المرور خيتي ام ابرار ربي يحفظها لكِ
انا ديما مستغربة في كلمة مشلتت كنت نقول لأمي بالك اسمه مشرتل بأعتبار اننا نشرتل العجينة
حتى مفتت يصلح لتسمية هذا النوع
عجبتني حكاية حطت الكروية في الاخير توا نجربها
شكرا للمعلومة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نسمه ليبيهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifعليك حق

ماوريتينش شكله فى الاخير


صحيحه عليكم

وعجبتنى (ساخن ملهلط)
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

حاااضرين خيتي نسمة ليبية الا ما نعاوده ونحطلك صورته ساخن ملهلط بالبواخ متاعه
طيب المرور خيتي

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة مغتربة 7http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاول مرة نعرفها الاكلة هذه شكلها يميي
الاكل التقليدي احلى اكل
الله يسلم الايادي يارب
وصحتين عليكم

استاحشناك ياغالية عوداً حميداً
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

بطولة عمرك خيتي مغتربة 7 وحشتنيني
ومش غير يميي تاكلي ما تشبعي منه جربيه وادعيلي

[أم أيوب]

يا سلااااااااااااااااام اليوم كان عشاي في حوش عمي

بس يديروا فيها رقاقة كبيرة ويرموها ولما قريب تطيب يقطعوها بكاشيك اللوح

ويقولو عليها مقطعة رمي

يسلمو ايديك يا للاهم س ياريتك كبرتي الصور شوي

[Om Amory]

تسلم الايـــــــــــادى

ماعمرنا درناها احنى فى غريان

يعطيك ألف عااافيه

[بنت طبرق]

هههههههههههههه
صار تم التهامه ما ان دلقتيه في القصعة
ههههههههههههه
ضحكتيني ربي يسعدك
وصحيحتين عاللي لهطوووووووووووووووه

[خدوج]

تسلم ايديك يالاهم
شهيتنا بيه فى هالصقع
بس منتظرين منك الصورة وهو فى القصعة
وبارك الله فيك

[الساجدة لله]

لالالالا ياللاهم عليك حق وكبير واجد اخرى , ماليش علاقة عاوديه خلي انديره حسني يابسة في الصقع ونبي شن ايدفيني وخصوصا انه بدقيق الشعير ياحنة هذا عز الطلب ويامحلى اكلنا الليبي التراثي الغالي علينا

[للاهم]

اقتباس:
المشاركة الأصلية كتبت بواسطة أم أيوب http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=68948#post68948)
يا سلااااااااااااااااام اليوم كان عشاي في حوش عمي

بس يديروا فيها رقاقة كبيرة ويرموها ولما قريب تطيب يقطعوها بكاشيك اللوح

ويقولو عليها مقطعة رمي

يسلمو ايديك يا للاهم س ياريتك كبرتي الصور شوي



سلمي ام ايوب
سبحان الله هالمقطع له شوره يجي ستين طريقة
وكل حد ايدير فيه بشكل
في الاخير هو محبوب من الجميع وله جو خاااص عندنا نحنا الليبيين
ولا نزعلي تو نحاول نعاودهن كبار الصور من شان عيونك وعيون بنات المطبخ الراائعات جميعكن
طيب المرور خيتي

[للاهم]

اقتباس:
المشاركة الأصلية كتبت بواسطة Om Amory http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=69061#post69061)
تسلم الايـــــــــــادى

ماعمرنا درناها احنى فى غريان

يعطيك ألف عااافيه



طيب المرور ام عموري
بطولة عمرك يا خيتي
انا ذقت بازين غرياني داراته ام مرات ولد خالتي
جوني زيارة من ولاية اخرى وقعدوا عندنا كم يوم
طلبته منها بيش نصوره بالخطوات
والحقيقة هي فنانة ربي يعطيها الصحة
لها طريقة خاصة فيه
المهم داسة الصور وخاطري انزلهن في المنتدى
انشغلت لظروف
وانضرب كمبيوتري وضاعن صوري وملف كامل - اكلاتي - ومن ضمنهن صور البازين الغرياني :(

[للاهم]

اقتباس:
المشاركة الأصلية كتبت بواسطة بنت طبرق http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=69071#post69071)
هههههههههههههه
صار تم التهامه ما ان دلقتيه في القصعة
ههههههههههههه
ضحكتيني ربي يسعدك
وصحيحتين عاللي لهطوووووووووووووووه



ههههههها مش مغير لهطناه حتى افوامنا شلشلن
ونزهنا القصعة تنزيها ليبياً
وعن الاصابع حدثي ولا حرج

[للاهم]

اقتباس:
المشاركة الأصلية كتبت بواسطة خدوج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=69076#post69076)
تسلم ايديك يالاهم
شهيتنا بيه فى هالصقع
بس منتظرين منك الصورة وهو فى القصعة
وبارك الله فيك



حاضرين يا خدوج
نعاوده يا عيوني
ونصوره بالتفاصيل
طيب المرور خيتي

[للاهم]

اقتباس:
المشاركة الأصلية كتبت بواسطة الساجدة لله http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=69120#post69120)
لالالالا ياللاهم عليك حق وكبير واجد اخرى , ماليش علاقة عاوديه خلي انديره حسني يابسة في الصقع ونبي شن ايدفيني وخصوصا انه بدقيق الشعير ياحنة هذا عز الطلب ويامحلى اكلنا الليبي التراثي الغالي علينا


سجودة وانا نقدر نزعلك
الحق وندفعوه راضيين
نعاوده ونديره حار ايرقد اللسان
ويولع الدفا في الروح
تنسي صقع هالبلادات اللي ينخر العظام
ونحنا من غير عوايد هلنا في الاكل ما نشتهوا
طيب المرور خيتي

[Om Saga]

تسلم إيداتك يااااااااااااربي
بس خيرك ماجبتيناش صور الباقيات خليتيه في خاطرنا للأهم
وصورك صغار هلبة كبرهمنا مرة تانية
منورة أختي

[للاهم]

اقتباس:
المشاركة الأصلية كتبت بواسطة Om Saga http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=69212#post69212)
تسلم إيداتك يااااااااااااربي
بس خيرك ماجبتيناش صور الباقيات خليتيه في خاطرنا للأهم
وصورك صغار هلبة كبرهمنا مرة تانية
منورة أختي



الله يسلمك ام سجىحاضر نعاوده اهو قاعد الشتاء واعر ومجمدنا ومت قدامنا اللاالمقطع المشاتت والحساء والحرويسة والدشيشة والمحمص ةوالرزيزة الجارية ساخنات وعالخاطر

[للاهم]

http://www.libyan-kitchen.com/gallery/images/mkata3ghg.jpg



تم تعديله بس مراجعة خطوات تنزيل الصور
وبناء على رغبة معلقاتي العزيزات الله لا يغيبكن علي موضوعاتي

[ام بوفة]

هذا مقطع ذرايب

سلم ايديك للاهم

انا رافعة ايدي نبيك اتديريه مرة اخرى



صحيتي

[sweet nona]

ياسلالام المبكك والخبزة السخونة وخاصة المقطع عزه في الشتي والصقع يعطيك الصحة
[ لم اتفرغ لتصويره تم التهامه ما ان دلقته في القصعة] ضحكت عليها والله

[أم لينه]

بارك الله فيك

[زهرة البنفسج]

ماشاء الله حاجة جديدة اول مرة نسمع بيها لاكن شكلها يهبل

[بنت بابى]

سلم ايدياتك اختى للاهم كان صدقنى ربى فمصراتة يقوللها امدللة الاكلة هادي وحتى هيا كنت ناكل فيها عندي حنتى ام الوالد وزي ماقالوا الاخوات دقيق فارينة مش شعير لكن اليوم رديتونى لايام طفولتى بجديات

[أم إيناس3]

يسلمو الايادى اول مرة نشوفه

[DREAM]

تسلم الايادي اختي
احني في سبها انقوللها رغيدة مع بعض الاختلاف
ان شاء الله كان قدرني ربي انديرها وانزلها في المنتدى

[أمـ ساره]

ماشاء الله للاهم أبدعتي كالعادة

شكله ايقيم القلب والله

مع اني اول مرة نسمع بيه

لكن ايجي في الخاطر وطريقته ساهلة وبسيطة

بالهني والعافية على قلوبكم حبيبة

[روح مغتربه]

يا سلام عليك بس احنا في الجنوب انقولو عليه امقطع ضرايب وكنت انضن ان حت الشرق ايسمو فيه هكي بس هو مش بدقيق الشعير هو بدقيق الفارينه واذا توفر يخلط بدقيق القمح وتفرد العجينه شرائح وتجفف وبعدين انكسروها ال قطع وتستعمل عند الحاجه والله نفسي انشارك بحاجات واجده بس البخت عطيب هههههههههه

[ملكه بنقابي]

تسلم ايديك وعوافي علي قلوبكم

[الصابرة]

تسلم الايادي ويعطيك الصحة
اني انقول عليه مقطع البايرات هههه

[luba]

بارك الله فيك

[نسيبة]

بارك الله فيك يعطيك الصحة