[المقروض المقلى على الطريقة التونسية والعادى بالطريقة الليبية] من مطبخ خدوج

[خدوج]

http://www.libyan-kitchen.com/gallery/images/untitleoe.png
http://www.libyan-kitchen.com/gallery/images/goodhabjb.gif


المقروض المقلى التونسى


http://www.libyan-kitchen.com/gallery/images/23zrz.jpg


وهذا العادى الليبى


http://www.libyan-kitchen.com/gallery/images/kh5ewe.jpg


المقادير


4 أكواب سمدينا (واللى يحبه احرش شوى يقدر يخلط كوب سمد مع 3 أكواب
سمدينا)
2كوب دقيق
2ملاعق كبيرة بيكنج بودر(2ظرف ناقص شوى)
2كوب زيت
نصف ملعقة صغيرة ملح


يخلط السمدينا مع الملح والدقيق جيدا ثم يضاف الزيت قليلا قليلا(يبسس)
ويترك ليلة كاملة
واذا ماعندك وقت عادى لو قعد فى الزيت يوم يومين 3 اسبوع اسبوعين
المهم بدون خميرة
لمن تحسى انك بتبدى شغل المقروض ضيفى البيكنج بودر


نحتاج الى تمر معجون..(قرفة..جلجلان..وزيت لعجن التمر)
وحاولى تجهزى التمر قبل خدمة المقروض
حطى التمر مع القرفة والجلجلان والزيت وخلطيهم كويس
ولو حسيت التمر كاسح شوة حطيه شوى فى المكرويف يرطب حاجة صح
وهذا التمر


http://www.libyan-kitchen.com/gallery/images/kh7kek.jpg


ونحتاج ماء عطر للعجن
وماء دافى
ناخد شوى من العجينة المبسسة بعد ماضفنا لها الخميرة
ونضيف لها ماء دافى وعطر ونسبكها كويس(والكمية هذه نعجن فيها مرة وحدة وكل مرة ناخد شوى ونخدم عليها)


والحق انى مرات منضيفش فى العطر مع العجن لانى نضيف فيه مع الشراب
وحنزل طريقته ان شاء الله
وهذه العجينة بعد ماسبكناها وتوا بنخدموا عليها



http://www.libyan-kitchen.com/gallery/images/kh10nmn.jpg



حاولى تلميها كويس لين تولى زى الصورة


http://www.libyan-kitchen.com/gallery/images/kh11fef.jpg


وتتبعى الصور


http://www.libyan-kitchen.com/gallery/images/kh12exe.jpg


http://www.libyan-kitchen.com/gallery/images/kh13ucu.jpg


http://www.libyan-kitchen.com/gallery/images/kh14pup.jpg


وسكرى عالتمر


http://www.libyan-kitchen.com/gallery/images/kh15yyy.jpg


وحاولى تخلى التسكيرة لاالاسفل لانه لو خلينا التسكيرة لفوق حينفتح المقروض
ويضيع شكله
http://www.libyan-kitchen.com/gallery/images/kh16wcw.jpg


وسوى الشكل وقصى المقروض قطع متساوية
http://www.libyan-kitchen.com/gallery/images/kh8ldl.jpg



واذا كان بديرى مقروض مقلى حاولى تخلي القص صغير صغير يعنى يدوب لقمة وحدة
وبعدى ماتكملى القص حاولى كل قطعةتسويها من كل الجهات وتعطيها شكل مربع
صغير وبدون نقش



http://www.libyan-kitchen.com/gallery/images/kh19djd.jpg


وجيبى الطاجين سخنى الزيت ولمن يسخن هدى النار وحطى قطع المقروض وقلبيها لين تتحمر


http://www.libyan-kitchen.com/gallery/images/kh18ppp.jpg
بدون نقش والمنقوشات اللى فى القلى فضلو من المنقوش قلتيهم

http://www.libyan-kitchen.com/gallery/images/kh20uyu.jpg


وهى ساخنة طول عالعسل وخليها حسب ماترغبى
وتقدرى حتى تقدميها بعد التعسيل طول
وقطريها فى الكسكاس
http://www.libyan-kitchen.com/gallery/images/kh21jyj.jpg


ورشى عليها جلجلان (سمسم)
وكلى احلى مقروض مقلى


http://www.libyan-kitchen.com/gallery/images/24nmn.jpg


زززززززززززززززززززززززززززززززززززوم


http://www.libyan-kitchen.com/gallery/images/25cic.jpg



وهذه قصة المقروض العادى
http://www.libyan-kitchen.com/gallery/images/kh9uqu.jpg


وطبعا ننقشوه بالنقاشة
وسماح ماصورتش هالنقطة
والمقروض العادى بعد ماتنقشيه مادخليش الفرن على طول خليه يرتاخ على الاقل اربع او
خمس ساعات باش النقشة تشد روخها وتطلع بارزة كويس


ونحطوه فى طاجن الفرن ويكون المقروضات متباعدات لانهاتنتفخ فى الفرن
ويكون الشراب جاهز وبارد يعنى محضر قبله بيوم
وبعد مايطلع من الفرن نصب الشراب البارد عالمقروض السخن
وهذه افضل طريقة لتشريب المقروض يتشرب لين خاطرك يطيب


http://www.libyan-kitchen.com/gallery/images/kh1vdv.jpg


واذا مستعجلة بيه تقدرى من غدوة الوقت اللى سقيتى فيه المقروض تنحيه وتاكليه وصحتين


واذا مش مستجلة براحتك خليه يومين 3 فى الشراب احسن


وهذه صورته بعد 3 ايام تشرب وتنفخ ماشاء الله


http://www.libyan-kitchen.com/gallery/images/kh2cjc.jpg


وهذا فى الحافظة


http://www.libyan-kitchen.com/gallery/images/kh3txt.jpg


واهى مقروضة ام سجى فى الوسط مقروض الوردة
ريتها ام سجى


http://www.libyan-kitchen.com/gallery/images/kh5kdk.jpg


زززززززززززززززززوم


http://www.libyan-kitchen.com/gallery/images/kh6fzf.jpg


والف صحا وهنأ لحبوبات المطبخ الليبى لزوبة

[أم ميوسة]

ما شاء الله تبارك الرحمن

شغل متقن ومرتب

وصونية المقروض المقلي كلها ليا لاني نموت فيه وبالذات من يديات خدوج

ونبي معاه مقريضة الورده

ههههههههههههه واحدة طماعة

عموما طريقتك تشبه طريقتي بس المقروض المقلي نزيد معاه في منياكة حتى يكون هش

صحيتي خدوج وبارك الله فيك

[ناني2007]

يسلمو ايديك خدوج المقروض طالع روعة ويجي في الخاطر

[مغتربة 7]

مااااشاء الله لاقوة الابالله
اشيه على الفالحة بنت بلادي
المقروض هذا اول مرة نسمع بيه اكيد مش عادي
منظره يسهف
تسلم الايادي الى تلتف بالحرير
احلى تقييم لعيونك

[فضااوي]

ماشاء الله تبارك الرحمن علي ايدياتك ياخدوخ

الله يسلم هاليديات ويبارك في صحتك

لا وقال تريد تنقص سيبي الكوجينة ههههههههههههههههه

[الساجدة لله]

ههههههههههههه صار ريجيم بالتفصيل ياخدوج ههههههه انت تبي تبعدي على المطبخ اسبوع اتنين تلاته هههههههههههه

تسلم الايادي ياغالية والحق المقروض غالي عليا بس للاسف جربته مرة وممشاش معاي وخاطري انديره لاني انمووووووووووووووت فيه والمقروض التونسي هذا ليا معاه ذكريات في الطفولة تو مرة تانية نحكيهالك

ههههههههههه بس احلى تقييم لعيون دوجتي الغالية

[زهرة البنفسج]

ربي يبارك ماشاء الله

[ليبية]

خدوج الله يسلم ايديك الحلوة والله جبتيلي النية في ديرانه بس خايفة منه الحق

درته مرة وجاني حاشا النعمة مأساة
بس قوليلي لازم ن
خلي العجينة ترتاح يعني مانقدرش نديرها في نفس اللحظة

[حساسة والدمعة الماسة]

شكلك يسهف ... سلم ايدياتك

[snaaaa]

ابداع ما شاء الله زى ما عوتينا

[بنت طبرق]

ماشاء الله لاقوة الا بالله
ربي يسلم هاليدين اللي يلتفوا في حرير

[أم إيناس3]

يسلمو ايديك خدوج

[sweet nona]

http://bsia33.googlepages.com/12w.gif (http://www.xxxx.com/)
خدوووووووووووج تسلم ايديك

[guidona]

اسلم هلايدات الي تلتفو بالحرير
شكله مش عادي بكل

[ام تغريد]

واااو خدوج من قلبي تسلم ايديك وخاصة علي المقروض اللليبي

والمقلي مانحبش انشوفه بكل لان زي ما قالت الساجدة عندي معاه ذكريات طفولة


http://www.libyan-kitchen.com/kitchen/../gallery/images/kh3txt.jpg


اعطيني هادي ومعاد نبي منك شئ بكل بكل

والله تسلم ايديك مليون الف مرة

[Om Saga]

تسلمي تسلمي ماشاء الله عليك خدوج
مقروض أول مرة نسمع بأنه فيه مقروض مقلي
تبارك الرحمن هل هاليدين
أحلى تقييم لعيونك

[أم يمنى]

ما شاء الله , يسلموا ايديك مقروض مش عادى , جارى الحفظ للتطبيق , وأحلى تقييييم .

[نسيبة]

تسلم الايادي
خدوج روعة

[روح مغتربه]

ماشاء الله عليك يا خدوج ربي يحفظك
انا المقروض انحب ناكله بس اما اني انديره مستحيل
تعرفي مرتين اندير فيه قبل ما نتجوز يعني من قديم الازل خوتي ايقولولي توا ابنبعتوه لثوره الحجاره في فلسطين حاشه النعمه يطلع اتقولي ارشاد اصبح عندي منا عقده

[بنت الاشراف]

تسلم ايدياتك

[الصابرة]

ما شاء الله تبارك الرحمن
شغل متقن ومرتب
وربي يعطيك الصحة يارب
استفدت معلومات هلبة من شرحك بارك الله فيك
ويردك لينا بخير يارب
لك تقييمي

[المصراتيه]

ماشاءالله
يعطيك الصحه وتسلم يدياتك

[luba]

تسلم ايديك ربي يعطيك الصحه وتردي بالسلامه