استفسار

[ريمة]

السلام عليكم ورحمة الله و باركاته
انا مشتركة جديدة اهلا........:)
اني اليوم درت ( الكعك الحلو من ابلة زينب ) و هادي ثالث مره انديرة لكن المشكلة ان العجينة اتطلع في الزيت ولما نبرمها على الطاولة ينفصل من بعضه فغيرت فيه شوية و ضفت للعجنة بندق امهروش وفردت العجينة وشكلتة بالقطعات هو جي حلو و خفيف لكن معرفتش علاش ينفصل:rolleyes:
وشكرا

[مغتربة 7]

حبيبة بالك المشكلة فى نوع الدقيق

ان شاء الله تزيد تفيدك الغالية زينب

[ريمة]

لا نستعمل في دقيق ممتاز ونستعمل فيه في الكيكات وعملت بيه القرينات و غريبت الحلقوم و.... للابلة زينب

[الساجدة لله]

ان شاء الله زوبة تخش وتفيدك بس الاغلب يااما الباكنج باودر او الطحين هو اللي مش كويس او انه مش متع بسكويت ويكون متع تورتات لان الانواع تختلف في الدقيق

[زينب محمد]

حبوبة منعرفش شنو المشكلة

ممكن تكوني عجنتيه هلبة اكثر من اللازم

[ريمة]

اني عملت طريقتك بتمام لكن لما نبرم في العجينة يبدا من الداخل زي الفارغ فنعاود نعجن من جديد

[زينب محمد]

حبوبة كثرة العجن تخليه يطلع زيته

[ريمة]

شكرا حنعاودة ونشوف شكرا مرة ثانية

[أم أيوب]

ماما تقول ان لما تكةن عجينتك اللي حطيتيها في الماكينة شوية يطلع اجوف ويتقطع

نشوف فيها الله يحفظها كيف تدير تملا الماكينة وتقعد تضغط في العجينة بكاشيك اللوح

عشان يطلعلك مليان وما فيهش فراغات

جربي وقوليلي