المساعد الشخصي الرقمي

مشاهدة النسخة كاملة : [طلب]من تعرف هذا النوع من المعجنات؟


نسمه ليبيه
12-28-2011, 12:01 PM
ا
الســــــــــــــــــــــلام علـــيـــــــــــــــــــــــــــــــكم



كنت فى حفله ومن ضمن المعجنات المقدمه نوع على هيئة جزره محشيه بالدجاج ومن الخارج لونها برتقالى وهى مقليه والباين انها مغطسه فى خبزة مرحيه برتقاليه وجذر الجزره عباره عن قطعة فلفل

ياريت الاخوات يعطونى افكارهم فى صنع هذا النوع وشكرا
guidona
12-28-2011, 06:36 PM
اشيه اتخيلتها اجيده اعليا يانسمه ان شاء الله جماعة ليبيا الصقع ايفيدوك
نسمه ليبيه
12-28-2011, 11:19 PM
الله يجبر بحاطرك غيدونا اللى رديتى عليا
ام صهيب
12-29-2011, 12:02 AM
ان شاء الله فيه حد يعرفها لان وصفك ايجنن
خدوج
12-29-2011, 12:08 AM
ان شاء الله الحبوبات يفيدوك
ونستفيدوا معاك
مغتربة 7
12-29-2011, 01:28 AM
بصراحة فى ليبيا ابداع ديمة ربي يحفظ بلادي يارب
شكلها جديدة اني شوفت معجنات القرواطة لكن الجزرة لا
فى وحدة فى قسم المعجنات المنقولة على شكل فلفل كان تبيها اندورهالك
وان شاء الله تفيدنا وحدة من الحبوبات
تقبلي مروري
الساجدة لله
12-29-2011, 06:47 PM
سهفتيني الحق خاطري نعرف شن هي
نسمه ليبيه
12-29-2011, 11:19 PM
شكرا لكن اخواتى على الردود والتواصل
أم أيوب
12-30-2011, 02:15 AM
عرفتها حبيبة دقتها مرة في بنغازي

يقولو عليها الجزرة هكي اسمها

اللي دقتها كفتة دجاج على شكل جزرة

ولفوفة من برة بعجينة ملونة برتقالي واخدة نفس التشكيلة

بس مش مقلية يادوب متحمرة بس

ومن فوق فيها زي الزركشة في العجينة عشان مايكونش سطحها أملس زي الجزرة

بس اللي مش عارفاته كيف لونو العجينة برتقالي
نسيبة
02-16-2012, 03:48 PM
الف مبروك للعرسان
سلم ادياتك نسومة قداش عجبتني الجزرة اللون البرتقالي كيفك
سفيرة دايما ان شاء الله بالفرح و السعد
sweet nona
02-16-2012, 06:18 PM
ياريت والله قعدت فخاطرنا
شن هيا؟؟
زهرة البنفسج
02-16-2012, 08:23 PM
الصراحة اول مرة نسمع بيها لاكن بالنسبة للخبزة المرحية البرتقالية هنا في بريطانيا يبيعو فيها ومانحبهاش يقولو ان فيها بهارات والله اعلم
مني المهدي
02-17-2012, 04:48 PM
حتي أنا نستني معاكم العجينة لونها برتقالية أكيد مصبوغة أوالخبزة مصبوخة بالون البرتقالي والله أعلم
نسمه ليبيه
02-22-2012, 04:08 PM
شكرا للاخوات وانا بس عرفت ان اسمها الجزره لكن ماعرفتش طريقتها
الكتومه
02-23-2012, 12:53 PM
بصراحه يا نسمه عطك الهناء خليتي المنتدى كله متسهف على هالجزره هههههههه هي نستنا معاكم
دخلت الى قائمة الأنتظار
نسمه ليبيه
02-23-2012, 10:28 PM
بصراحه يا نسمه عطك الهناء خليتي المنتدى كله متسهف على هالجزره هههههههه هي نستنا معاكم
دخلت الى قائمة الأنتظار

ههههه ماعنديش الا نمشى لصاحبة المحل اللى تبيع ونسالها عن الطريقه