طريقة الرغيده

[ميسون]

السلام عليكم
نبي طريقة الرغيده متاع القصب والشرموله ياريت الي عندها امها ادير فيها والا هيا تعرفها تحطلي الطريقه واضحه
انشاء الله نلقي حد يساعدني

[الساجدة لله]

للاسف مانعرفهاش اول مرة نسمع بالاكلة هده وباانتطار حد يدخل ويدلك على الوصفة

[ميسون]

مشكوره يااختي علي اهتمامك
انشاء الله نلقي من يرد عليا

[أمـ ساره]

ميسون

ان شاء الله وحدة من الاخوات تفيدك

بصراحة اول مرة نسمع بيها هالأكلة

ياريت تزيدي توضحي أكثر عليها أصلها وكيف شكلها

[ميسون]

هيا نتدار بالقصب المرحي ويكون شكلها زي العصيده وفي الجنب يصبو عليها لبن او شرموله او حساء هيا اكله قديمه

[mnona]

الحق الحق ياربي اول مرة نسمع بيها الاكلة هدي
نعرف مثلا عزايزنا زمان يقولوا فيه ( فلان طاح في رغيدة )
ولكن ماكنتش نعرف شن قصدهم بيها

يالله ان شا الله نلقوا حد يكون يعرفها باش نستفيدوا منها معاك

[ميسون]

مشكوره علي مشاركتك

[ام ساره وعبدالعزيز]

حبيبتى لقيتالطريقة ونقلتها لك ورانى موش مجربتة لكن لقيتها في منتدى فحبيت ننقلها لك والطريقة كالاتى

قصب مرحي
دقيق شعير
نص ملعقة اصغيرة خميرة بيرة
كوبين اكبار ماء
شوى ملح
الطريقة
حضري من الليل كوب ماء نضع في صحن ونضع علية ثلاث ملاعق اكبار قصب وقليل من الملح والخميرة وينقع طول الليل وفي اليوم التالى خوذي كوب ماءوضعية علي النار واتركية يغلى قليلا علي النار
وبعدين زيدي علي الخلطة المخمرةملعقتين اوثلاثة قصب
وملعقتين ونص دقيق شعير واخلطى جيدا يكون خليط ثقيل القوام صبى الخليط في الماء ليغلى وحركي بسرعة بسرعةبملعقة خشبحتى يصبح القوام ثقيل جهزي فنجان شربة وصبى فية الرغيدة وسيبها تبردوبعدها اقلبيها وتكليها كيف ماتحبى بالحساء او الشرمولة
وبالهنا

[ميسون]

مشكوره يااوخيتي بارك الله فيك انشاء الله ح نجربها والطريقه واضحه مشكوره مره تانيه

[الساجدة لله]

بارك الله فيها اختنا سارة وام عبد العزيز يالله حبوبة لتطبيق ولتصوير ولتنزيل ههههههههههههه

باانتظار تطبيقك

[نسيبة]

بارك الله فيكن حبوبات
فعلا اول مرة نسمع بها

[لوتي]

إللي نعرفه فيه رغيدة بالحليب ورغيدة بالقصب والأتنين واكلتهم وإنحب متع الحليب هلبة لكن شخصيا منعرفش طريقتها إن شاء الله نسأل ماما وانزلك موضوع بالصور لعيونك

[om_adnan]

وعليك السلام...فعلا أول مرة نسمع بيها,جزاكم الله خيرا ,للى عرفتنا بيها ,وأختنا اللى بحثت على الطريقة,تستحق التطبيق لانه بيان أنه طبق صحى.

[أم خديجه]

في مصراته انقولوها الرغيده
وما حلها خاصه في الصيف
الصراحه الطريقه مانعرفها بس
زوجة خالي ربي يسلمها ويعطيها الصحه كانت كل ما اديرها تبعتلنا منها
بارك الله فيك ام ساره وعبد العزيز
هي تكون خاتره وايحطوا فيها في فنا جيل الغريقات اشوي ولما تبرد تمسك في بعضها ويقلوبوا فيها في السلاطه
مشكورة ميسون
ان شاء الله لما نرجع لليبيا بنتعلمها
هي وحجا شعبيه اخري
منها
البلفيطه
حتي هي نعرف انها تندار بدقيق البشنه وتاكل مع الحساء بالقديد

[آمال عنتر]

طريقه الرغيده او عيش القصب
منقول طبعا
عيش قصب


‎اولا نبدا بالمقادير"


‎قصب مرحي (السحلب)
‎دقيق شعير(اسمر)


‎نصف ملعقة ص خميرة بيرة
‎كوبين كبار ماء
‎قليل من الملح


‎الطريقة"
‎حضري من الليل
‎كوب من الماء ونضعه في صحن ونضع عليه ثلاث ملاعق كبار قصب وقلبل من الملح..والخميرة...
‎ولازم هدا بخلط وينقع مع بعضه من الليل....وفي اليوم التالي..خدي كوب ماء وضعيه في طنجرة علي النار واتركيه بغلي قلييييلا وزيدي علي باقي الخلطة المخمرة ملعقتين او ثلاث قصب وملعقتبن كبار ونصف دقيق شعير واخلطي جبدا سيتكون لديك مزيج ثقيل القوام...والان ناتي للخطوة الاخبرة والاكثر صعوبة وهي تتطلب السرعة..
‎صبي الخليط في الماء الدي يغلي قليلا قليلا وحركي بسرعة بسرعة بملعقة خشبية..حتي بصبح قوامه ثقبل...
‎جهزي صوانيك (فنجان الشربة) وصبي فيها الرغيدة واتركيها تبرد واقلبيها في صحن....وكيف ما تحبي تريديها بالحساء او السلاطة( الشرمولة) وبالهناء