محتارة ايش اندير

[ام ساره وعبدالعزيز]

مساء الخيرنا عليكن

نا يابنات حاب نفضفضلكن ونشكيلكن همى ونا حسبتكن كلكن خيتى واعز والله يابنات نفسيتى تعبانة وزي الزفت حشاكن والسبب
الخلفة اة والله الخلفة نا عندى ابنية وحدة جبتها قيصري وتوا لها سنة و11 شهر ولعند توا ماصارش حمل عينت وقالولي تحليلك تمام من هناوهنا قالولى لازم اديرى ابرة زيت الى هى الاشعة بالصبغىة ونعنها مافيكن خيتكن بدت ترعش وخفت وشالنى راجلى لعيادة خاصةوكان دكتور ودخل معي راجلى ولكن ماصار شى خيتكن خافت وقعدت نبكي نين الدكتور تعقد وسيبنى ومن يومها ونا نفسيتى تعبانة ومتضايقة ونبي نعود الكرة وخايفة وخايفة اكثر من النتيجة ردني علي وقوللنى ايش اندير

[ام ساره وعبدالعزيز]

وينكن يا بنات

[نسمه ليبيه]

اختى ام ساره

ان شاء الله خير
ماتتعقديش ومش غير انت درتيها.غيرك واجد دارنها وانا عندى قريبتى دارتها مره وتوه بتديرها مره اخرى وعلى قلبها زى العسل المهم انه يصير خلفه
وانت تحملتى القيصريه والامها توكلى على الله وتحملى ماتبيش تموتى منها
وعليك بالدعاء والاصدقه

على فكره انا كنت جايبه قيصرى ومن حوالى اربع سنوات ونص وماصارش حمل نين درت عشبه اسمها ام الجلاجل حملت فى نفس اتلشهر
كان تبيها نعطيها لك

[مغتربة 7]

ربي يرزقك بالذرية الصالحة
حبيبة مادامك حملتي وجبتي من قبل ولله الحمد اكيد تقدري تحملي
اهم حاجة التوكل على الله فى كل الامور وان شاء الله ربي يسخرلك الحال
وزي ما قالت نسمة توكلي على الله وديريها وان شاء الله ربي يجبر بخاطرك وخاطرنا جميعا
قولينا شن ايصير معك

[ام ساره وعبدالعزيز]

اقتباس:
المشاركة الأصلية كتبت بواسطة نسمه ليبيه http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=70628#post70628)
اختى ام ساره

ان شاء الله خير
ماتتعقديش ومش غير انت درتيها.غيرك واجد دارنها وانا عندى قريبتى دارتها مره وتوه بتديرها مره اخرى وعلى قلبها زى العسل المهم انه يصير خلفه
وانت تحملتى القيصريه والامها توكلى على الله وتحملى ماتبيش تموتى منها
وعليك بالدعاء والاصدقه

على فكره انا كنت جايبه قيصرى ومن حوالى اربع سنوات ونص وماصارش حمل نين درت عشبه اسمها ام الجلاجل حملت فى نفس اتلشهر
كان تبيها نعطيها لك



بارك الله فيك وياريت تعطينى الطريقة

[ام ساره وعبدالعزيز]

اقتباس:
المشاركة الأصلية كتبت بواسطة مغتربة 7 http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=70630#post70630)
ربي يرزقك بالذرية الصالحة
حبيبة مادامك حملتي وجبتي من قبل ولله الحمد اكيد تقدري تحملي
اهم حاجة التوكل على الله فى كل الامور وان شاء الله ربي يسخرلك الحال
وزي ما قالت نسمة توكلي على الله وديريها وان شاء الله ربي يجبر بخاطرك وخاطرنا جميعا
قولينا شن ايصير معك



يبارك فيك ربي والله يجبر بخاطرك

[أم أيوب]

حبوبة ليش خايفة من ابرة الزيت

راهي ماهيش واعرة كيف مانك متخايلة

وين تجي جنب الم الولادة الطبيعية واللية الصناعية

حبوبة هي اجراء ضروري للي جابت قيصري وتأخر حملها

لانه القيصري من مضاعفاته انه مرات يدير التصاقات في قنوات فالوب

والابرة هذي تبين لو في التصاق او لا

وصدقيني المها مش واجد يعني زي الم الدورة الشهرية حشاك

جربتها ومش واعرة صدقيني توكلي على ربك واقري قران وانتي خاشة عالدكتور المرة الجاية

ابرة البنج النصفي اوعر منها حبوبة ما تخافيش

ومرات من فضل ربك يكون في التصاق بسيط والمادة اللي في البرة تحوله

وان شاء الله سليمة وربي يرزقك عيال لين تقولي خلاص

توكلي على ربك وما تخافيش

[أحلآم الدنيا]

يا عمرى انتى والله ما فى داعى للخوف
انا لى قريبه دارتها وخلفت بعدها ،،وما تعبتش منها

أهم شئ توكلى على ربك ،،

الله معاك حبيبتى

ودى

[ام ساره وعبدالعزيز]

اقتباس:
المشاركة الأصلية كتبت بواسطة أم أيوب http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=70651#post70651)
حبوبة ليش خايفة من ابرة الزيت

راهي ماهيش واعرة كيف مانك متخايلة

وين تجي جنب الم الولادة الطبيعية واللية الصناعية

حبوبة هي اجراء ضروري للي جابت قيصري وتأخر حملها

لانه القيصري من مضاعفاته انه مرات يدير التصاقات في قنوات فالوب

والابرة هذي تبين لو في التصاق او لا

وصدقيني المها مش واجد يعني زي الم الدورة الشهرية حشاك

جربتها ومش واعرة صدقيني توكلي على ربك واقري قران وانتي خاشة عالدكتور المرة الجاية

ابرة البنج النصفي اوعر منها حبوبة ما تخافيش

ومرات من فضل ربك يكون في التصاق بسيط والمادة اللي في البرة تحوله

وان شاء الله سليمة وربي يرزقك عيال لين تقولي خلاص

توكلي على ربك وما تخافيش



ر بي يطمنك وادعيلى ربي يقدرنى ويبعد عنى الخوف

[ام ساره وعبدالعزيز]

اقتباس:
المشاركة الأصلية كتبت بواسطة أم تالين http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=70652#post70652)
يا عمرى انتى والله ما فى داعى للخوف
انا لى قريبه دارتها وخلفت بعدها ،،وما تعبتش منها

أهم شئ توكلى على ربك ،،

الله معاك حبيبتى

ودى



ماهذا نا عليش زعلانة وحدات واجد دارنها وخلفنا بعد اذن الله طبعا وشكرا على اهتمامك ياحبيبة

[ام ميار]

ياخيتى ماتخافيش نحن الصبايا انتحملوا فى اكثر من هكي وانتى تحملتى القيصرية اللى مافى اوعر منها ماتخافيش وربك كريم وان شاء الله ربى يجبر بخاطرك

[snaaaa]

يارب يرزقك الدريه الصالحه

[أمـ ساره]

ربي يرزقك بالذرية الصالحة عاجل غير اجل يارب


واهم شيء تستخيري وتتوكلي على ربي فهو الشافي


وعليك بقراءة القرآن والدعاء في كل وقت

[ام ساره وعبدالعزيز]

ام ميار وام سارةوسنا مشكورات حبيبلتى لاهتمامكن