[برودو ],وكسكسى من مطبخ أم يمنى

[أم يمنى]

السلام عليكم :
هذا زى اللى سمعت أختنا اللاهم تعارك وتقول : مش عارفة علاش تغطوا اللحم بالبصلة ماكم تخلوا اللحم يبان زى الناس وأنتم تحرقوا فى الدم .
طبعا هى ماقالتش هكى بالحرف الواحد لكن انى هكى فهمت وسمعت الكلام وطبقته والنتيجة مانحكيش عليها توا تشوفوها فى الصور وياريتك ياللاهم عاركتينا من زمان .

http://www.libyan-kitchen.com/gallery/images/1pqp.jpg


وهذه صوينية جارتى ربى يشفيها ان شاء الله .

http://www.libyan-kitchen.com/gallery/images/2xcx.jpg


زوجى كان مريض درت برودو , ولكن قعد البرودو اثانى يوم لانه كلى معانا الكسكسى ,عجبوه اللحيمات كيف مستفات فوق البصلة .:D

مقادير البرودو :

3 طماطم أخضر
2 بصلة
سنين ثومة
نصف ملعقة ملح
نصف ملعقة كركم + كسبرة + كروية
2 قطع دجاج
شوية مكرونة
نصف ملعقة طماطم معجون
مية
الطريقة:
نشوح البصل فى ملعقتين زيت , نضيف الطماطم والثوم والدجاج ونحرك ونخليه شوية ثم نضيف البهارات ونحرك ونغطى الطنجرة وبعدين نضيف المية ونخليه ع نار هادية نص ساعة وبعدين نحط المكرونة ونخليها نين تطيب .


http://www.libyan-kitchen.com/gallery/images/3omo.jpg


وهذه السفرة , والصوانى الصغار لصغارى هكى يحبوا الكسكسى ,


http://www.libyan-kitchen.com/gallery/images/4xjx.jpg



وسلامتكم .:cool:

[نسيبة]

وعليكم السلام ورحمة الله وبركاته
ما شاء الله عليك حبيبة ام يمنى
سفيرة تجي في الخاطر ربي يحفظلك زوجك و يشفيه ان شاء الله
و يفرحكم الباري بالاولاد
سلمها يا ربي و سلم جارتها عاداتنا الحلو ديما معنا

ربي ما يقطعلك عادة

[الساجدة لله]

تعرفي الكسكسي رعشني في هالصقع اللي يجمد هههههههههه اقسم بالله حسيت ريقي يبس الله كسيكسو في هالصقع يمي يمي والاحلى من هكي البرودو ياسلالالام في خيار الشتي ماشاء الله اليوم وجباتك ادفي وتحسس الانسان بالدفئ

[مغتربة 7]

اشيه ماشاء الله سفيرة تفتح النفس
الكسكسي مش عادي
تعرفي حتى اني ديمة انغطي فى اللحم لكن مش هلبة شوية بصلة فوقه
كسكسي ايجي فى الخاطر
ويعيني على البرودو
تسلم الايادي
واحلى تقييم لعيونك
تقبلي مروري.

[أم يمنى]

نسيبة وسجودة : هلبة عليا هكى خليتونى ندمع وانى مش ناقصة .
خليتونى نحس بحنية لبلادى ودفى بلادى حتى فى الصقع : والله الله مايحس الواحد بحب بلاده الا لما يتغرب .
عايشين معاكم كل اللحظات الحلوة والمرة ونبكوا لبكاكم ويارب هنى البلاد وريح العباد وأهدينا للخير يارب يارب يارب.بكيتونى الله يسامحكم .

[أم يمنى]

مغتربة 7 : مشكورة هلبة ونحبك هلبة , وتعرفى علاش ؟؟
لانك تقيييمى فيا ديمة وعارفة عقدتى من التقيييم , ربى يحفظك ان شاء الله حبيبة .

[بنت طبرق]

صحيحتين وهناء ليكم
وسلمت يمناك

[Om Saga]

ماشاء الله ماشاء الله عليك
ربي يشفيها جويرتك
ويشفيلك إبن عمك والله ماسمعت بيه إلا توه
إلعفو خيرها مغتربة ماقالتش تبي تمشي بروحها مابردها هههههههههههههههههههه
منورة حبيبتي
ونشاطك في المنتدى مشكورة عليه
والتقييم ليك مانعرفش شن قصته مع إني نقيم في عضوات تانيات يمشيلهم التقييم
إنتي ماعرفتش علاش
وتوه قيمت ماباش يمشي
وراح نقيمك تاني لربما يصير منه
وأحلى تقييم للموضوع وليك أختي
منورة

[أم لينه]

يسلمووووووو يا عسسسسسسللللللللل

[guidona]

محلاه هههههههه روعه روعه عيوني طلعو صحه صحه

[نسمه ليبيه]

يسلموا ايدياتك سفره على قول امى انعنها صباح الجعان

ووعجبتنى اضافة المكرونه عالبرودو حنجربها

وحتى انا لك منى احلى تقييمات

[أمـ ساره]

ماشاء الله عليك أم يمنى كالعادة ما اتجيبي الا الحاجة المقومة

يعطيك الهني وخلاص والله جعانة وزدتي جوعتيني في هالصقع

بالهني والعافية على قلوبكم ياااااااااااااااارب

وبالنسبة لقصة اللحم والبصلة هذه انديروا فيها في طرابلس

نحطوا البصلة فوق اللحم لأن اللحم يتاكل في الاخير عندنا

اما في مسلاته وبعض المدن الليبية الثانية وخاصة الدواخل

فياكلوا في اللحم قبل لهذا يحطوا اللحم فوق البصلة



سامحيني طولت عليك لكن بجد سفيرة مقومة


وتستاهلي احلى تقييييييييييييييم لك وللموضوع

[بنية بوها]

ماشاءالله عليك دايما مميزة وربي يخليلك جارتك والله شعور مش عادي لما تقعد ديما تتفكر في جارك
ايي بالله عندي دكريات مع جيرانا

[luba]

http://www.karom.net/up/uploads/132533875712.gif

[الصابرة]

تسلم الايادي
وبارك الله فيك

[احلى عيون]

تسلم ايدك