[ المثرودة الشرقاوية ] من مطبخ أم أيوب

[أم أيوب]

اhttp://www.libyan-kitchen.com/kitchen/../gallery/images/li.gif


لسلام عليكم ورحمة الله وبركاته

كيف حالكم يا غاليات

نبي نحكيلكم قصة سريعة قبل ما نبدا

ايام العيد صورت كم أكلة من عاداتنا

للاسف تصويري كان بالموبايل وصار خلل كل الصور امتسحوا

وجعوني الصور بس أكثر حاجة صورة أيوبي مع خروف العيد

وصور المثرودة لأنها بخد طبق غير عادي

اليوم حملت برنامج استرجاع الصور رجعوا شوية من صور العيد

ولله الحمد صور ايوبي وصور المثرودة كانن موجودات

وفي مجموعة للأسف ما طلعوش

المهم نخشوا على جو الوصفة

المثرودة بطريقة عرب الشرق اللي انا ساكنة وسطهم

هي بالوصف تشبه الطبق المفضل عند سيد الخلق عليه أفضل الصلاة والسلام

طبقه المفضل الثريد

وفي وصف الثريد انه عبارة عن خبز مفتت ومروي بمرق اللحم يؤكل مع اللحم

وكانت عليه الصلاة والسلام لحمته المفضلة هي لحمة الكتف

وعند ناس الشرق اللحمة اللي تكرم بيها ضيفك هي لحمة الكتف

أنا قدمتها لأهلي لما زاروني في العيد في مزرعتنا

طريقة المثرودة ساهلة بس تاخد وقت

تتكون من خبزة تنور مفتتة ومبوخة على مرق لحم ومسقية بالزبدة



المقادير :

للخبزة دقيق حسب كمية المثرودة + ملح + ماء للعجن

تعجن كويس كويس كويس بكل (( الخطوة هدي قام بيها أبو الشباب ما عنديش لها جهد ))

تخليها ترتاح ربع ساعة وتعاودي تعجنيها من جديد

المهم بعد تقريبا ثلاث عجنات ديريها اقراص وغطيها كويس ترتاح

سخني تنورك كويس (( برضوا أبو الشباب تكفل بالمهمة قولولي انتي شن درتي ))

في هالوقت حطيت اللحم عالنار نجهز بيه المرق

اللحم مع مية وملح وبزار وورق غار بس بدون بهارات

ولو كان اللحم مش طازج ممكن تحطي شوي من حرارات الرز اللي مش مطحونة

وخليه يغلي نص ساعة لعند ما تطيب الخبزة

توة نمشوا للتنور

يكون الحطب اللي حطيتيه فيه قعد جمرات في قاع التنور

تعالي رشي شوية مية على ساس التنور من جوة

وارمي خبيزتك بالفردة

من تحت نحب نحط حيطات صغار عشان النار ما تحرقش الخبزة من تحت

(( هالخطوات صنع ايديا وحياة عينيا ))

http://www.libyan-kitchen.com/gallery/images/010jlj.jpg

وغطي تنورك خلي الخبيزة تطيب

في هالوقت جهزي مفرش او اي قطعة قماش نظيفة (( نخصصة لهالمهمة رداء ))

ولما خبيزاتك يتحمروا حوليهم ولفيهم كويس عشان ما تيبسش من الهواء

هنا بعد ماطابوا وتحمروا

http://www.libyan-kitchen.com/gallery/images/020zuz.jpg

بعدين نفتتها قطع صغيرة بكل ونحطها في كسكاس على مرق اللحم تبوخ لعند ما تطرى

ما نسقيهاش بيه نخليها مغطيه لعند ما تقعد طرية

http://www.libyan-kitchen.com/gallery/images/030.jpg

وقت ما تبوخ نسلق دحي وندير شوي تمر معصد عالنار زي البسيسة

نشكله كور ونخليه

نحمر شوي لوز مقشر في زبدة

ندوب الزبدة ويفضل تكون وطنية

نرفع المثرودة من الكسكاس ونحطها في صونية التقديم

نسقيها بشوي مرق مش واجد والزبدة

نزينها بالتمر والدحي المسلوق نقطعة شرائح أو ارباع زي ما تحبي

ونرش عليها اللوز

http://www.libyan-kitchen.com/gallery/images/040oho.jpg

نصفي المرق في فنجان

ونرفع اللحم في صحن بروحه

وهادي سفيرتنا تفضلوا معانا

http://www.libyan-kitchen.com/gallery/images/050bhb.jpg

وما يطيبش أكل المثرودة الا مع كباية لبن رايب تكون مصنعة من الستيل هههههههه

تفضلوا

http://www.libyan-kitchen.com/gallery/images/060.jpg

ملاحظة صغيرة تقدري ما تديريهاش باللحم ويسموها المثرودة الحلوة

تبوخيها على مية وليمون وقرفة وقرنفل

وتسقيها بحليب مع عسل وطني وزبدة

وقدميها بالمكسرات والتمر

[الساجدة لله]

ام ايوبي تسلم ايديك على المثرودة بس مش هذه اللي نعرفها يديرو فيها في درنة المثرودة اللي نعرفها هي زي الفطيرة وفيها عسل وزبيب ولوز وتمر ومفتتة ومسقينها بالعسل.
ندكر مرة سويت دايرتها والحق مثرودتك عجبتني ربي يعطيك صحيحتك وااااه هكي عليك حق معقولة صور ايوبي مع الخروف مانشوفوهاش ههههه لالا توا اول ماتجيبي البيبي التاني خليه يصور مع خروف البيبي ووريهولنا والا صوريه من النحلات هههههههههههه لاكن وقت يكونو راقدات مش فايقات هههههههههههههههههه.


احلى تقييم للمثرودة وانا فرحانة ان الاكلات متع مدننا الشرقية بدينا نعرفوهم واكيد رح نتعلموهم وانا الاولة منك ومن للاهم تعلمت اكلات واجدة عن الشرق الليبي ياريت انديرو ملف للكلات متكم خلي نتعلموهم ونعرفوهم ونطبقوهم . صحة وهنا ياغالية

[مغتربة 7]

بسم الله مااااااااااشاء الله
تهبل تهبل
عشت الجو معك ومع التنور
والحمد لله ان الصور رجعوا
بصراحة مثريدة مش غير اتجي فى الخاطر عيوني طلعوا عذاب
واللبن ياخد العقل
تسلم الايادي
وصحتيين على قلوبكم
احلى تقييم

[أم أيوب]

ام ايوبي تسلم ايديك على المثرودة بس مش هذه اللي نعرفها يديرو فيها في درنة المثرودة اللي نعرفها هي زي الفطيرة وفيها عسل وزبيب ولوز وتمر ومفتتة ومسقينها بالعسل.
ندكر مرة سويت دايرتها والحق مثرودتك عجبتني ربي يعطيك صحيحتك وااااه هكي عليك حق معقولة صور ايوبي مع الخروف مانشوفوهاش ههههه لالا توا اول ماتجيبي البيبي التاني خليه يصور مع خروف البيبي ووريهولنا والا صوريه من النحلات هههههههههههه لاكن وقت يكونو راقدات مش فايقات هههههههههههههههههه.


احلى تقييم للمثرودة وانا فرحانة ان الاكلات متع مدننا الشرقية بدينا نعرفوهم واكيد رح نتعلموهم وانا الاولة منك ومن للاهم تعلمت اكلات واجدة عن الشرق الليبي ياريت انديرو ملف للكلات متكم خلي نتعلموهم ونعرفوهم ونطبقوهم . صحة وهنا ياغالية


سجودة ربي يسلم قلبك حبوبة

نبي نعطيك فكرة على عرب الشرق

في منهم من يقال عنهم البدو وفي اللي هم الحضور

بالنسبة للبدو كرمهم غير وأكلهم غير بصراحة

وهادي مثرودتهم المتعارف عليها

حتى لما وحدة تجيب تديرها بس الحلوة

وعلى فكرة أفضل ما يكرموا بيه الضيف هنا هي مثرودة اللحم

النوع اللي تحكي عليه زينا في بنغازي هكي نديروا فيها

فطيرة مورقة ويفتتوها ويبوخوها ويديرولها زبدة ومكسرات وعسل حقاني

بس بالنسبة للبدو هذي مثرودتهم والصراحة رهيييييييييبة طعمتها

مالح مع حلو الله الله ما نسهفك عليها

تعالي عندي في البيضاء ونديرهالك ودوقيها

صور ايوبي توة نبعتهم لكي مع خروف العيد ههههههههه

سلمتي عالمرور والتقييم حبيبة يارب ما نفقد طلتك

[أم أيوب]

بسم الله مااااااااااشاء الله
تهبل تهبل
عشت الجو معك ومع التنور
والحمد لله ان الصور رجعوا
بصراحة مثريدة مش غير اتجي فى الخاطر عيوني طلعوا عذاب
واللبن ياخد العقل
تسلم الايادي
وصحتيين على قلوبكم
احلى تقييم

بارك الله فيك حبيبة عالمرور والتقييم

وعد مني لو تجينا هنا من عيوني نديرها ليك وتشبعي منها

واللبن نجيبه لكي في نفس الكاس الستيل

نورتي حبيبة وصحيتي عالتقييم

[فضااوي]

ماشاء الله ام ايوب

الله يسلم ايديك وايدين ابو الشباب ((خمسة وخميسة على الشراقة))

لكن عندي ملاحظة صغيرونة

نحن عرب الجبل الاخضر مثرودة المرق مانحطوش معاها تمر
بس لوز ودحي

والمثرودة الحلوة هي اللي ينحط معاها التمر

[أم أيوب]

ماشاء الله ام ايوب

الله يسلم ايديك وايدين ابو الشباب ((خمسة وخميسة على الشراقة))

لكن عندي ملاحظة صغيرونة

نحن عرب الجبل الاخضر مثرودة المرق مانحطوش معاها تمر
بس لوز ودحي

والمثرودة الحلوة هي اللي ينحط معاها التمر



فضفوضة نورتي يا حبيبة

تعرفي دقتها من قبل عند اتنين شرقاويات ما يحطوش معاها في تمر

بس لما شفت أخوات زوجي وحدة منهم اهل راجلها شراقة

تعلمتها منهم بالتمر

بس تعرفي التمر هو اللي داير النكهة المميزة اللي فيها

نحب طعمتها مالح حلو

بارك الله فيك يا غالية

[ranaa]

http://photos.azyya.com/store/up2/0812142038329qnP.gif (http://fashion.azyya.com/)

[Om Saga]

ماشاء الله عليك ياأم أيوب
مثرودة أول مرة نشوفها
بصراحة مع إني مادقتهاش منك ياقفاصة
بس تبان متقنة الصراحة
ربي يباركلك في صحتك وأحلى تقييم ليك ولموضوع الرائع
موااااااااااااااااااااااااااااااة ياحلوة

[أم ميوسة]

الله الله يا ام ايوب

على المثرودة وعلى الشرح على التنور وعلى عاداتكم الرائعة

انا المثرودة نسمع بيها بس

أول مرة نعرفها وبصراحة رائعة

والمثرودة هادي والمثرودة الحلوة جت في خاطري

وبم أني ماعنديش تنور حنجربها بأذن الله المثرودة الحلوة

بصراحة موضوع رائع مش بس في الوصفة حتى لأنه يخلينا نتعرفوا على أكل الجانب الشرقي الرائع من ليبيا

ربي يحفظك وعويلتك وربي يعطيك الصحة أنتي وزوجك

موضوع يستحق التقييم بجدارة

[ام ليبيه حره]

يلسموووووووووووووووووووووووووووووو

[ام ساره وعبدالعزيز]

سلم ايديك ام ايوب وياخسارة كنت نبي نشوف صورةايوب الحبوب بالك انتناسبو هههههههههههه

[أحلآم الدنيا]

ـأكيد ما فيش ـأحلى ولاـأطعم من مثرودة ـالشراقه طعم مميز رغم ـاختلاط ـالمذاقات صحتين ع قلبك حبيبتى ودى

[خدوج]

اقتباس:
المشاركة الأصلية كتبت بواسطة أم أيوب http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=71298#post71298)
بارك الله فيك حبيبة عالمرور والتقييم

وعد مني لو تجينا هنا من عيوني نديرها ليك وتشبعي منها

واللبن نجيبه لكي في نفس الكاس الستيل

نورتي حبيبة وصحيتي عالتقييم




اقتبست هذا الرد
لانى

وحدة غيرانة من مغتربة لانك بديرلها مثرودة(بالك تزعلى مغتربة)
منى عينى من زمان زمان بكل نزور سوريا وتركيا وشرق ليبيا(ليهم معزة فى قلبى معزة خاصة لله هكى نحبهم)
كان ودى نزور الشرق زيارة سياحة
بس خلاص بطلنا السياحة جاية مخصوص

انى جاية مخصوص للشرق باش ناكل المثرودة من يدك هههههههههه(طماعة)
تبارك الله
ماشاء الله ياام ايوب
شى يجى فى الخاطرى ويقيم القلب
الله يسلم يدياتك
ويحفظلك ابواب الشباب اللى عاونك وايوبى
بجد بجد فوق الوصف
يسلموا ايديك من كل قلبى

[أم أيوب]

ماشاء الله عليك ياأم أيوب
مثرودة أول مرة نشوفها
بصراحة مع إني مادقتهاش منك ياقفاصة
بس تبان متقنة الصراحة
ربي يباركلك في صحتك وأحلى تقييم ليك ولموضوع الرائع
موااااااااااااااااااااااااااااااة ياحلوة

نورتي يا ام سجو يا عسل ربي ما يحرمني من طلتك المميزة

حبوبة السفرة كلها ليك كوليها بالصونية اللي فيها ههههههههههههه

[أم أيوب]

الله الله يا ام ايوب

على المثرودة وعلى الشرح على التنور وعلى عاداتكم الرائعة

انا المثرودة نسمع بيها بس

أول مرة نعرفها وبصراحة رائعة

والمثرودة هادي والمثرودة الحلوة جت في خاطري

وبم أني ماعنديش تنور حنجربها بأذن الله المثرودة الحلوة

بصراحة موضوع رائع مش بس في الوصفة حتى لأنه يخلينا نتعرفوا على أكل الجانب الشرقي الرائع من ليبيا

ربي يحفظك وعويلتك وربي يعطيك الصحة أنتي وزوجك

موضوع يستحق التقييم بجدارة

بارك الله فيك ام ميوسة على الرد الحلو والتقييم

حبوبة تقدري تديريها في الكوشة لو ما عندك تنور

بس حطي في عجينتها شوييييييييية خميرة خبزة

ما تكثريش شوية وخليها تخمر قبل ترميها في الكوشة

وخلي كوشتك سخونة

ربي يحفظلك ميوسة وكل احبابك يارب

[أم أيوب]

يلسموووووووووووووووووووووووووووووو

الله يسلموك نورتي

[أم أيوب]

سلم ايديك ام ايوب وياخسارة كنت نبي نشوف صورةايوب الحبوب بالك انتناسبو هههههههههههه

يسلم قلبك حبوبة

بالنسبة لايوبي ابعتيلنا مواصفات العروسة ونحن نشوفوا

مطابقة للمواصفات القياسية اللي نبوهم والا لا هههههههههه

نبصر عليك ربي يحفظلك صغارك ويفرحك بيهم

[أم أيوب]

ـأكيد ما فيش ـأحلى ولاـأطعم من مثرودة ـالشراقه طعم مميز رغم ـاختلاط ـالمذاقات صحتين ع قلبك حبيبتى ودى

ربي يحلي ايامك أم تالين

نورتي حبيبة وبارك الله فيك عالرد

[أم أيوب]

اقتباس:
المشاركة الأصلية كتبت بواسطة أم أيوب http://www.libyan-kitchen.com/kitchen/pinksky/buttons/viewpost.gif (http://www.libyan-kitchen.com/kitchen/showthread.php?p=71298#post71298)
بارك الله فيك حبيبة عالمرور والتقييم

وعد مني لو تجينا هنا من عيوني نديرها ليك وتشبعي منها

واللبن نجيبه لكي في نفس الكاس الستيل

نورتي حبيبة وصحيتي عالتقييم




اقتبست هذا الرد
لانى

وحدة غيرانة من مغتربة لانك بديرلها مثرودة(بالك تزعلى مغتربة)
منى عينى من زمان زمان بكل نزور سوريا وتركيا وشرق ليبيا(ليهم معزة فى قلبى معزة خاصة لله هكى نحبهم)
كان ودى نزور الشرق زيارة سياحة
بس خلاص بطلنا السياحة جاية مخصوص

انى جاية مخصوص للشرق باش ناكل المثرودة من يدك هههههههههه(طماعة)
تبارك الله
ماشاء الله ياام ايوب
شى يجى فى الخاطرى ويقيم القلب
الله يسلم يدياتك
ويحفظلك ابواب الشباب اللى عاونك وايوبى
بجد بجد فوق الوصف
يسلموا ايديك من كل قلبى

دوجة يا قمر ما يهمك شي انتي بس زورينا

والله ندوقك مثرودة احلى من اللي في الصور

انتي بس ديريها وتعالي يا عسل

بارك الله فيك على كلامك الذوق وعلى تقييمك

نورتي يا دوجة

[بنية بوها]

ياعيني ياعيني علي عرب الشرق
ماشاءالله عليك يام ايوبي بس عاارفة الحمدلله ضقتها
الايام اللي فاتن كانت صاحبتنا شرقاوية من بنغازي دارتلنا مثرودة بس فطيرة
مع اللوز والعسل كااانت تهبببببببل يسلموا ايدياتك واحلى تقييم

[أم أيوب]

ياعيني ياعيني علي عرب الشرق
ماشاءالله عليك يام ايوبي بس عاارفة الحمدلله ضقتها
الايام اللي فاتن كانت صاحبتنا شرقاوية من بنغازي دارتلنا مثرودة بس فطيرة
مع اللوز والعسل كااانت تهبببببببل يسلموا ايدياتك واحلى تقييم

بنوتة يا عسل نورتي

اللي تحكي عليها نديروا فيها في بنغازي هي مثرودتنا

بس متاع عرب الجبل الاخضر تختلف

لانها مش فطيرة هي خبزة تنور ويقدمو فيها زي ما شفتي مع اللحم

[المستعينة بالله]

وااااااو روعة
تسلم ايدي ياعسلك الحلوين

[Om Amory]

تسلم الايادى يالغلا

[ام بوفة]

عمر جالك امحل



هذا هو الصح وهذي هي المثرودة على اصولها

سلم ايديك

[أم أيوب]

وااااااو روعة
تسلم ايدي ياعسلك الحلوين

ربي يسلمك من كل سو حبيبة نورتي

[أم أيوب]

عمر جالك امحل



هذا هو الصح وهذي هي المثرودة على اصولها

سلم ايديك

مرحبتين بعرب البيضاء

رفعتي معنوياتي بردك الحلو حبيبة

الحمد لله انها طلعت على أصولها

صاحبتك من عرب الغرب وتبي تدير روحها شرقاوية هههههههه

نورتييييييييييييي

[ام بوفة]

اللي يشوف المثرودة هذي ايقول مستحيل تكون صاحبتها حضرية

ابدعتي بصراحة

النور نورك احبيبة

[أم أيوب]

اللي يشوف المثرودة هذي ايقول مستحيل تكون صاحبتها حضرية

ابدعتي بصراحة

النور نورك احبيبة

بارك الله فيك يا غالية

صاحبتك بنغازية واخدها مصراتي مقيم في البيضاء

بس تعلمتها من الشرقاويات هكي وأول مرة نديرها في حياتي

[ام جنى]

اولا مشاء الله تسلم ايديك وسلم راجلك
وصحيحه على ايوب الحبوب
انا حابه انقولك ان مش بس البوادى يعرفو يديورها
نحن فى درنها الى مشهورات بيها هم الحضريات
وانا امى وحده منهم امى تحبيها وديما ادير فيها حلوه ومالحه
وعمتى ام راجلى ادير فيها بس مش فى التنور ادير فيها فى الكوشه زى المورقه فطيره يعنى وعلى مرق الله الله
رح انقول للها اديرها الجمعه هذى ونصورها لكم
على فكره انا ما نديرش فيها انا ناكل بس
هههههههههههههه
وسلم ايديك
اختك من درنه

[guidona]

ماشاء الله حتي اني دقتها بالفطيره

وكنت اول مره نسمع بيها

اتارينا منعرفو بلادنا

صحيحه وتبان ماشاء الله

واللبن كان تعطيني طويسه سهفني بهديك الطويسه الله ههه

[أم أيوب]

اولا مشاء الله تسلم ايديك وسلم راجلك
وصحيحه على ايوب الحبوب
انا حابه انقولك ان مش بس البوادى يعرفو يديورها
نحن فى درنها الى مشهورات بيها هم الحضريات
وانا امى وحده منهم امى تحبيها وديما ادير فيها حلوه ومالحه
وعمتى ام راجلى ادير فيها بس مش فى التنور ادير فيها فى الكوشه زى المورقه فطيره يعنى وعلى مرق الله الله
رح انقول للها اديرها الجمعه هذى ونصورها لكم
على فكره انا ما نديرش فيها انا ناكل بس
هههههههههههههه
وسلم ايديك
اختك من درنه

مرحبتين ام جنى نورتي الموضوع بردك الحلو حبيبة

وصحتين مثرودتكم مقدما

تعرفي تعلمتها من صبيتي هي مصراتية وراجلها من الشرق بس اخوان

الفطيرة هادي مثرودتنا في بنغازي متاع التنور اول مرة نشوفها بعد تزوجت في البيضاء

[أم أيوب]

ماشاء الله حتي اني دقتها بالفطيره

وكنت اول مره نسمع بيها

اتارينا منعرفو بلادنا

صحيحه وتبان ماشاء الله

واللبن كان تعطيني طويسه سهفني بهديك الطويسه الله ههه



غيدونا ارفعي المالقي بكل مش بس طويسة

نورتي يا عسل

[نسمه ليبيه]

يسلموا يسلموا ام ايوب بصراحه ابدعتى وطلعتى اشطر من بنت البيضاء اللى عمرى مادرتها

ندير فى المثروده الحلوه بخبزة الكوشه

ماعندكش سبله انا فى البيضاء وحامل واسهفت منها ديريها ليا ودزيها لى على مدرستى هههههههه نبصر رانى

[حنين 8]

يسلـموااا ايديـــــــــــاتك يــــــــــارب يحفظكـ والله اول مرة نشـــــــــوفها تصدقي حسيـت بيها غريبة وتبي جرأة شويـا بيش نجربها

[أم أيوب]

يسلموا يسلموا ام ايوب بصراحه ابدعتى وطلعتى اشطر من بنت البيضاء اللى عمرى مادرتها

ندير فى المثروده الحلوه بخبزة الكوشه

ماعندكش سبله انا فى البيضاء وحامل واسهفت منها ديريها ليا ودزيها لى على مدرستى هههههههه نبصر رانى

نورتي نسمة

شني رايك نديرها في استراحتي في مزرعتنا ونعزمك عليها

ما تغلاش عليك حبوبة

[أم أيوب]

يسلـموااا ايديـــــــــــاتك يــــــــــارب يحفظكـ والله اول مرة نشـــــــــوفها تصدقي حسيـت بيها غريبة وتبي جرأة شويـا بيش نجربها

جربيها حبوبة والله مش عادية

لو ماعندك تنور تقدري تديريها في الكوشة

نورتي يا قمر

[lola9670]

ماشاء الله
اكله شهيه

[نسيبة]

ماش اء الله عليك غالية ام ايوب
اني لما عشت فترة في الشرق
عرفت المثرودة الحلوة و هي متفتفة و مورقة
و معها التميرات و الزيدة الحقانية
هههههه
دائما مبدعة و متيمزة
ربي يعطيك اللي تتمنيه

[روح مغتربه]

يسلموا ايديك ام ايوب ما شاء الله علي المتروده
وعن تجربه لان اول ما اتجوزت امشيت للبيضاء لان زوجي قاري فيها ويحبها وحببني فيها ولما مشيتلها ما نحكيلك قداش حبيتها وقداش حبيت ناسها ودارولنا نفس المتروده هذي ورز بالمكسرات وقازوز ههههه ومره وحده قالتلي كانكم قتولي بنجو راني درتلكم مقطع علي لبن وكان نفسي اندوقه و واستمتعت بزرادي في الغابه وراس لهلال وشلال درنه واه خطرتي علي الدكريات الحلوه واحل حاجه الشاهي الاحمر بتفاح درنه علي الحطب روعه
بصراحه صحه ليك شبح البيضاء ايزهي الخاطر

[المغتربه]

ام ايوبي تسلم ايديك على المثرودة بس مش هذه اللي نعرفها يديرو فيها في درنة المثرودة اللي نعرفها هي زي الفطيرة وفيها عسل وزبيب ولوز وتمر ومفتتة ومسقينها بالعسل.
ندكر مرة سويت دايرتها والحق مثرودتك عجبتني ربي يعطيك صحيحتك وااااه هكي عليك حق معقولة صور ايوبي مع الخروف مانشوفوهاش ههههه لالا توا اول ماتجيبي البيبي التاني خليه يصور مع خروف البيبي ووريهولنا والا صوريه من النحلات هههههههههههه لاكن وقت يكونو راقدات مش فايقات هههههههههههههههههه.


احلى تقييم للمثرودة وانا فرحانة ان الاكلات متع مدننا الشرقية بدينا نعرفوهم واكيد رح نتعلموهم وانا الاولة منك ومن للاهم تعلمت اكلات واجدة عن الشرق الليبي ياريت انديرو ملف للكلات متكم خلي نتعلموهم ونعرفوهم ونطبقوهم . صحة وهنا ياغالية
اللى تحكى عليها حبيبتى اسمها المورقه

[المصراتيه]

الله يا ام يوبيي ماشاءالله عليك وعلي الشباب ههههه مش ابروحك
الصراحه اول مره نسمع بيها والله شكلها تهبل ربي يرجعني للبلاد وندلعو بيها في مصراته هههه متروده شرقاويه
يعطييييك الصحه وماشاءالله عليك وعلي يدياتك
علي فكره قبل مانقرا المقادير مشيت نجري للصور عشان نشبح السنفور لكن خسارته ملقيتاش هههه لازم تحطيه في وصفه اخري وربي يحفظهلك ان شاءالله
تحياتي

[دانية]

يسلمن الايادي... نحن في الشرق مثرودة المرق او المثرودة الحلوة لا يعلا عليهن..
وبصدق راهي الذ من المورقة احلى بواجد..

وفي ناس واجد يحسابو المورقة هي نفسها المثرودة
لكن الفرق موجود والمثرودة فيها جو مش عادي خااصة في الزردة:d

[أم أيوب]

ماش اء الله عليك غالية ام ايوب
اني لما عشت فترة في الشرق
عرفت المثرودة الحلوة و هي متفتفة و مورقة
و معها التميرات و الزيدة الحقانية
هههههه
دائما مبدعة و متيمزة
ربي يعطيك اللي تتمنيه

نسيبة يا سمحة اللي تحكي عليها مورقة ونديروا فيها حتى في بنغازي في لمات الجياب

ونديرولها في مكسرات مقليات

بس هدي هي المثرودة الشرقاوية بالضبط

نورتي ياغالية

[أم أيوب]

يسلموا ايديك ام ايوب ما شاء الله علي المتروده
وعن تجربه لان اول ما اتجوزت امشيت للبيضاء لان زوجي قاري فيها ويحبها وحببني فيها ولما مشيتلها ما نحكيلك قداش حبيتها وقداش حبيت ناسها ودارولنا نفس المتروده هذي ورز بالمكسرات وقازوز ههههه ومره وحده قالتلي كانكم قتولي بنجو راني درتلكم مقطع علي لبن وكان نفسي اندوقه و واستمتعت بزرادي في الغابه وراس لهلال وشلال درنه واه خطرتي علي الدكريات الحلوه واحل حاجه الشاهي الاحمر بتفاح درنه علي الحطب روعه
بصراحه صحه ليك شبح البيضاء ايزهي الخاطر

رويحة صار زرتي البيضاء من قبل
دابكم تحبوها ديروها مرة تانية الزيارة بس هالمرة تجونا عندنا ونديرها انا واياك المثرودة
فعلا ناس البيضاء كرماء ومضيافين الحق واحسن ضيافتهم هي المثرودة باللحم
نراجو منكم في زيارة ونحكيلك جديات راني تعالولنا في الصيف وندهوروكم على مكانات تانيات
نورتي يا سمحة

[أم أيوب]

الله يا ام يوبيي ماشاءالله عليك وعلي الشباب ههههه مش ابروحك
الصراحه اول مره نسمع بيها والله شكلها تهبل ربي يرجعني للبلاد وندلعو بيها في مصراته هههه متروده شرقاويه
يعطييييك الصحه وماشاءالله عليك وعلي يدياتك
علي فكره قبل مانقرا المقادير مشيت نجري للصور عشان نشبح السنفور لكن خسارته ملقيتاش هههه لازم تحطيه في وصفه اخري وربي يحفظهلك ان شاءالله
تحياتي

ربي يردك للبلاد سالمة يارب وتدلعي بيها
على فكرة أهل زوجي من مصراته من منطقة كرزاز
ربي يسلمك يارب ونورتي يا حبيبة

[أم أيوب]

يسلمن الايادي... نحن في الشرق مثرودة المرق او المثرودة الحلوة لا يعلا عليهن..
وبصدق راهي الذ من المورقة احلى بواجد..

وفي ناس واجد يحسابو المورقة هي نفسها المثرودة
لكن الفرق موجود والمثرودة فيها جو مش عادي خااصة في الزردة:d

أكيد مافي احلى من مثرودة الشرق وفي واجد ناس يحسابو المورقة هي المثرودة
الحق انا اهلي من بنغازي ونقولوا عالمورقة مثرودة
مثرودة الجبل ماعرفتهاش الا لما تزوجت في البيضاء ودقتها
ومن يومها نسيت المورقة
فعلا ما تحلاش الا في الزردة
نحن مانديروش فيها الا في المزرعة وين ما حاطين التنور
نورتي بمرورك وردك دانية

[sweet nona]

http://www.alfrasha.com/up/17721457601776869350.gif

[فنان]

سلمت يداك
علي قد مانسمع عليها جت في خاطري لكن نفس الشئ منقدرش انديرها بسبب التنور منين بنلقاه ياخساره :(
تضحكي كان انقولك كم مره فتحت صفحتك ومخزنتها لين يحن ربي:p
بارك الله فيك

[أمـ ساره]

امـ ايوب هي وتيلي مثرودة بكل أنواعها اني جاياتك توا

ماشاء الله حبوبة مثرودة تجي في الخاطر وتأخذ العقل معاها

تعرفي واني نتبع في السرد وبعد ما وصلت للصونية وتزينها قلت وين مشي اللحم

لكن ماشاء الله عليك درتيها سفيرة مقومة وتقييم القلب


سلمت ايدياتك وايديات الشنبير واحلى تقيييييم لمك وللمثرودة الحلوة

[أسماء القائد]

تسلم إيدياتك حبوبة ....
ضقتها مرة في منتجع في مدينة سوسة بس كانت بالزبدة والعسل ومزينة بالدحي المطبوخ والتمر المعجون والشامية ..وهادى صورتها ..

http://a2.sphotos.ak.fbcdn.net/hphotos-ak-ash4/p480x480/314092_285237208169114_100000485103446_1194650_169 5654063_n.jpg

وفي الأيام الماضية في عطلة المدرسة مشيت لبنغازى وضقتها في لمة سلفتى كيف والدة ..وكانت عبارة عن فطير مشلتت مفتت جاهز يباع في أكياس في بنغازى ..وفي البيت يتبوخ ويحبب بالزبدة وتضاف ليه المكسرات والعسل والتمر للي يحب بس رووووووعة قريب طلعت من عيونى...

[المروالوردي]

تبارك الله
يعطيك الصحة
ياريت تزيدوا اتعرفونا بالاكلات التراثية

[luba]

تسلم الايادي بارك الله فيك لك تقييمي:o

[جبالية حرة]

ووووووووووووك

[om_adnan]

وعليك السلام أم أيوب...شنو رايك انقولك زينب الشرق لانه بصراحة ابداع ياريت ايكون موضوع مثبت,بس قولى الصراحة كيف بدات قصتك مع التنور؟,ماشاء الله تبارك الرحمن عليك,يابنات مهم ايكون الوصف والصور مستحيل تتخيلوا الطعم,من الوصفات التراثية,والله خاطرى ياما نكتب من كثرت ما عجبنى الموضوع.

[الصابرة]

http://akhawat.islamway.com/forum/uploads/post-19496-1155500579.gifhttp://www.atyab.com/uploadscenter/uploads/b2979a051d.gif

[بنت أبوها]

الله الله سلم ايدياتك ما ننحرموا منكحتى انا ندير فيها زيك بالضبط

[زوبة الطيوبة الحبوبة]

يعطيك الصحة

[أم فهد]

ماشاء الله تبارك الله. ..مثرودة حاجة صخ .سهفتيني نذوقها ...سامعة عليها من قبل بس مش شايفتها...نسألك عادي تجي ب خبزة كوشة نتاع الحوش....على فكؤة خبزة التنور طالعة تجنن...يسلموا ايديك.

[نسيبة]

ربي يعطيك الصحه تسلم ادياتك