استفسار و طلب مساعده

[أم لينه]

السلام عليكم ورحمة الله وبركاته

كيف حالكم أخواتي طبعا حابه نشكركم جميعا :) بدون استثناء لأني استفدت منكم هلبااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااات
وياريت تقبلوني أخت ليكم
عندي استفسارين
الأول
لما اندير الخبيزه (الخبيزه الملفوفه) العجينه حلوه وتطيب وتتحمر من بره لكن اللفات اللي في النص تقعد عجينه نيه ماعرفتش علاش ديما هكي عمرها ماجتني باهيه

الثاني
نفس الشي يصيرلي مع الكيكات تطيب وتنحرق من بره من فوق ومن لوطه وتقعد نيه عجيينه في النص والله لين تعقدت من التطييب :(


ياريت تساعدوني وتعطوني وصفات مزبوطه

[أم لينه]

نستنى في ردودكم حبوبات

[مغتربة 7]

وعليكم السلام ورحمة الله وبركاته

مرحبتين بيك حبيبتي ام لينه

تعرفي بما انك قولتي حتى الكيك معناه الخلال فى الكوشة حبيبة تاكدي منها وطبعا الكيكة عمرك ما تفتحي عليها
نارك ضعيفة تاخد وقت يعني فوق النصف ساعة ..
وبالنسبة للبيتزا الملفوفة تقصدي اظني
اني انقولك حبيبة افتحيها كويس وادهني عليها بالكامل صالصة وحطي حشوتك فى جانب وابدي لفي مع الضغط عليها وبعدين حطيها فى طاجين الفرن ودهني الوجه ودخليها الفرن .
ان شاء الله ان انكون فدتك حبيبة
تقبلي مروري.

[أم لينه]

بارك الله فيك أختي مغتربه7 على الرد
صح قصدي البيتزا الملفوفه زعما بعد مانلفها انخليها تخمر في الطاجين

[مغتربة 7]

شن قصدك حبيبة ؟؟

لوقصدك تحمريها ايه حمريها لكن بعد ما اطيب حوليها من الطاجين بش ما تيبسش
وهيا اصلا اتجي رطبة من داخل لان فيها ثن وهريسة وطماطم اخضر وزيتون ودحي مطبوخ يعني الحشو يرطرطها شوية لكن مش العجينة نية انت غير افتحي العجينة كويس ولما تلفي اضغطي
وبالتوفيق حبيبة

[أم لينه]

قصدي انخليها تتخمر قبل ما انطيبها
ومشكوووووووووووووره على الرد

[الساجدة لله]

حبيبة زي ماقالتلك مغتربة الخلل بيكون من الفرن بس انتي خلي نارك من تحت وعلى درجة حرارة متوسطة ولما ادخلي الكيك للفرن لازم يكون الفرن ساخن , وماتفتحيش عليها الا بعد ماتمر النصف ساعة الاولة , بالنسبة للخبيزة بعد تلفيها ديري فيها شقوق عرفتي كانت بتقصيها جرارات بالعامية وادهنيها بسائل من برا ولازم تخمريها وفي الطاجين قبل الخبز

[ام ساره وعبدالعزيز]

زى ماقالولك وبنزيد وانتى تلفي ماتشديش العجينة خلى فى هوا انشاء الله تكونى فهمتينى

[أم أيوب]

حبيبة نار الفرن عندك مش معدلة كويس

ممكن ترفعي شباك الفرن درجة وحدة ما يقعدش لاصق عالنار

بالنسبة للكيكة خلي شباك الفرن في الرف الوسطي

وشغليه على حرارة 200 قبل ما تبدي تخلطيها

بعدين حطيها خليها نص ساعة الى ساعة الا ثلث بالكثير

حتلقيها طايبة من فوق وتحت وطرية مش يابسة

البيتزا الملفوفة ديما ندير فيها

لما تبي تحمريها خليها بعيدة عن النار الفوقية عشان تكمل طيابها من الوسط

ماتخافيش مش حتيبس لانك أول ما تطلعيها غلفي الطاجين بورق السيلوفان عشان تعرق وتقعد رطيبة

ان شاء الله نكون فدتك

[maha]

عمل كراميل في البيت

[أم لينه]

بارك الله فيكم أخواتي وتسلموووووووووووووووووووو على النصائح
ربي ما يحرمني منكم
قوووولووووووا آآآآآمييييييييييييين

[ام جنى]

لينه كلهم نصحزك بس انقولك طبقات البيتزا ما تخليهمش
واجدات لان الى فى النص مش رح اطيب
تقبلى مرورى
الله يوفقك

[أم لينه]

بارك الله فيك حبيبتي أم جنى
شكرا على مرورك