[دشيشة ]lمن مطبخ أم يمنى

[أم يمنى]

http://www.libyan-kitchen.com/kitchen/../gallery/images/li.gif


السلام عليكم :

أمس المغرب حسيت بشوي الجو بارد , خشيت المطبخ وقلت : هذا يوم الدشيشة .
بتقولوا : وين لقيتها .
وانى نتمشى ممكن من اسبوعين فاتوا فى السوق فجأة طلعتلى وكان أخر شئ نتوقع نلقاه ,


http://www.libyan-kitchen.com/gallery/images/1bfb.jpg


وطبعا خذيتها , ولكن لما روحت انحطت فى الدولاب ونسيتها , الى أمس صممت نديرها , ومن فترة مادرتها ممكن سنة , لما جبتها معاي من ليبيا , وكملت .


http://www.libyan-kitchen.com/gallery/images/2rgr.jpg


المقادير :
4 طماطم أخضر
2 رؤؤس فلفل حار
4 فصوص ثومة
2 بصلة
نصف كوب مية


http://www.libyan-kitchen.com/gallery/images/4zxz.jpg


خلطيهم فى الخلاط
خوذى الطنجرة حطى فيها 2 ملعقة دهان القديد


http://www.libyan-kitchen.com/gallery/images/3tlt.jpg

وبعدين ضيفى الخليط وخليه يغلى .



http://www.libyan-kitchen.com/gallery/images/5ojo.jpg



توا ضيفى المقادير :
ملعقة ملح
نصف ملعقة كركم
نصف ملعقة فلفل
2 ملعقة طماطم معجون
مية

خليهم يغلوا وضيفى لو حبيتى :
2 ملعقة بقدونس
2 ملعقة حبق
خضروات مشكلة


http://www.libyan-kitchen.com/gallery/images/6sqs.jpg


وكرافس ( ماحبيت طعمته فى الدشيشة )


http://www.libyan-kitchen.com/gallery/images/7eee.jpg

وضيفى الدشيشة ’ وهدى النار ع الاخر وخليها تطيب .


http://www.libyan-kitchen.com/gallery/images/8ufu.jpg

لما تطيب حطيها فى صونية لوح , وكلى بالهنا والشفاء.


http://www.libyan-kitchen.com/gallery/images/9scs.jpg


http://www.libyan-kitchen.com/gallery/images/10wkw.jpg




وسلامتكم .:D

[أم ميوسة]

الله يهبل منظرها وخاصة مع الخضار

هذا وقتها في الصقع

يسلموا ايدياتك

وصحة وعافية

[الساجدة لله]

يعطيك السلامة ياغالية تعرفي نشوف فيها وقريب نيبس من الصقععععععع

وهي الدشيشة مش عادية تنفع في هالقجمبري او السميطري او السقوطري تعددت الاسماء والصقع وااااحد

هههههههه احلى تقييم لاحلى ام يمووون في الدنيا

[مغتربة 7]

ماشاء الله عليك يا ام يمني
دشيشة اتجي فى الخاطر
نموت فيها الدشيشة ودشيشتك سهفتني مزبوط
ربي يعطيك صيحيتك ويمتعك بيها يارب
تسلم الايادي الى تلتف بالحرير

[Om Saga]

دشيشة عندنا يامرحبا يامرحبا
رياقتي نزلت هههههههههههههه
الصراحة تبان مش عادية بسم الله ماشاء الله
تستاهل التقييم هي وموضوع وإنتي
ومنورة كاعادتك أم يمونة

[أم أيوب]

ماشاء الله يسلم ايديك

ياريت منها توة صوينية في هالزمهرير اللي عندنا

صحتين على قلوبكم

تستاهلي التقييم حبيبة

[أم رانيا]

محلاها الدشيشة تهبل قداش ليا عليها شن اسم المحل يلي لقيتيها فيه يسلموا ايديك ما شاء الله

[ام تغريد]

فكرتيني فيها ام يمنى

قداش ليا عليها واني حايرة شني اندير الوجبة

بسم الله ما شاء الله كاملة وسخينة من نارها الله عليها

[ام بوفة]

الأحد 14 صفر 1433


سلم ايديك

بس الدشيشة هذه لا فيها لحم ولا قديد؟

[guidona]

ماشاء الله اسلم ادياتك

[أم يمنى]

مشكورات ع الردود ياحلوات ومشكورات أكثر اللى قيمونى فى هالاكلة ,
أم رانيا : لو عندكم الكارفور دورى فيه ’ والا المحل الهندى الشوترام , وتسلمى ياحلوة
أم بوفة : شن تبى فيه اللحم واحنى كل أكلنا لحم لحم , خوذى يوم راحة وديري خضرة وبس وتبننى بنة الدشيشة والشعير فى ماكلتك , بانتظار مشاركتك دشيشة باللحم.
نحبكم اخواتى ومشكورات .

[أم لينه]

تسلم الأيادي حبوبه
تهبببببببببببببل
وأحلى تقييم لعيونك ياحلوه

[mnona]

يسلموووووووووووووووووووووووووووووا
تهبلللللللللللللللللللللللللللل وتسهف

[المستعينة بالله]

صحة وهنا علي قلوبكم ياعسل تسلمين

[Om Amory]

نموووووووووووت فيها خاصة فى السميطرى زي ماقالت سجوده هههههه

يسلمو ايديك

[نسيبة]

ما شاء الله عليك حبيبة
ام يمنى قداش دورتها هني في الامارات مبنتش عليا بكل
ان نحب خبيزة الدشيشة متع الشعير في الكوشة
لك تقييمي

[أم إيناس3]

يسلمووووووووووووووووووووو

[بنية بوها]

سهفتينا ع الدشيشة والله يسلموا ايدياتك شكلها فااااايحة

[أم لينه]

يسلموووووووووو يا عسل

[أمـ ساره]

ماشاء الله دشيشة ادفي العظام والله

واحلى حاجة الاكل في صونية اللوح بنة مش عادية فيها

سلم ايدياتك أم يمنى وبالهني والعافية


وأحلى تقيييييييييييييم للموضوع

[luba]

http://www.karom.net/up/uploads/132533875712.gif

[الصابرة]

تسلم الايادي
وبارك الله فيك