المساعد الشخصي الرقمي

مشاهدة النسخة كاملة : شنو الغدا اليوم؟



الصفحات : [1] 2

ام ساره وعبدالعزيز
01-11-2012, 08:01 PM
سوْال ديما يتكرر في كل حوش كل واحد يجي من برا يساْل ايش الغدا وطبعا ربة البيت هي اول وحدة سالت السوْال لروحها واول وحدة جاوبتة
علشان هكي خلينا نساْلو بعضنا هنا قبل ماحد يسالنا ونستفيدوا من خبرات بعضنا
وكل وحدة تقول بكرة شنو تبي اتغدى وياريت الموضوع يكون مرجع يومى يعنى يكون في حضور يومى
نستنا فيكن

ام ساره وعبدالعزيز
01-11-2012, 09:02 PM
وينكن الموضوع ما عجبكمش

jolia
01-11-2012, 09:22 PM
كسكسى بالخضرة ومعاه سلاطة

ام ساره وعبدالعزيز
01-11-2012, 09:24 PM
وينكممممممممممممممممم

عنود الصحراء
01-12-2012, 04:27 AM
رز بلاو وفصوليا وسلاطه الكرنب

mnona
01-12-2012, 10:05 AM
يعطيك الصحة على الموضوع
زمان نشوف في امي تخمم وبمجرد ماتحط راسها عالمخدة وبترقد في الليل نقوللها في شني تفكري وفي شن سرحانة تقولي يابنيتي اشبح شن هذاكة الغدي وكان حياني ربي نفكر فيه من توا ، نرد عليها نقوللها اللطف ياحي وبعدين ديري اي حاجة وخلاص وزي ماتعرفو حوش فيه شباب مايرضيهمش اي شئ واميمتي ربي يعطيها صحتها ويحفظها تاج فوق روسنا مش مقصرة في المطبخ نهائي ، تقولي يابنيتي تو تتزوجي وتقولي اميمتي عندها حق تفكر فيه من الليل


والحق ياربي حتى اني نفس الشئ ونفس السؤال يحير فيا كل يوم http://www.libyan-kitchen.com/gallery/images/016.gifلين مرات منعرفش شن ندير ، نتصل بخواتي وبصاحباتي وندير زيهم وبدو حتى هما ضروري يجيني اتصال من وحدة منهم وتسألني شن درتي غدااااااااااااااااك والاغلب بدينا انقلوا من بعضنا



عموماً مانبيش نطول عليك اكثر من هكي والمووووووووضوع عجبني هلبااااااااااااااااااااااااااااااا
اني غداي امس مكرونة مبكبكة جارية مع سليطة ومشروب وخبيزة شعير

وغدي اليوم مازال نفكر فيه شن ، ربك يستر وخلاص
واحتمال ندير غدى عنود الصحراء غير الفاصوليا بازيلياء



http://www.libyan-kitchen.com/gallery/images/mnonamakro.jpg

bent libya
01-12-2012, 11:14 AM
بسم الله الرحمن الرحيم

بالنسية ليا اني والله موضوع مهم مهم جدا وخاصة زيني نشتغل ونروح الساعة 5 عشية
نقعد انفكر يارب شن بندير اندير اي شيئ المهم سريع وساهل وتكون وجبة

اني امس درت غداء ونفس الوقت هو عشاء لاني ماطيبتة لا والمغرب اذن درت مكرونة مسقية ومعاها طوجين بيتزا وسلاطة .

وصحتين وعافية

أم ميوسة
01-12-2012, 12:51 PM
بسم الله الرحمن الرحيم

عزيزتي موضوعك جميل وشيق وفعلا حنا ربات البيوت يحيرنا موضوع الغداء كل يوم وانا أول ما نقعمز على الفطور نسال شن تبو غداكم اليوم لانه موضوع بجديات يحير فيه رغم اني حاليا ما نخدمش بس موضوع الروتين وكل يوم يحير ويخليك مرات خاطرك تغيري

انا بالنسبة ليا الغداء اليوم في حوش اهلي ونفكر ندير مكرونة صالصة او لازانيا ماما شافت الصور متع اللازانيا اللي نزلتها قتلي استاحشنها فتوه قاعد الموضوع في طور التفكير وأول ما نرسوا حنقولك

ربي يعطي الصحة لكل ربات البوت وصحيحة لكل من تغدا على ايدياتهم

ام ساره وعبدالعزيز
01-12-2012, 03:10 PM
مشكورة علي الردود

ام ساره وعبدالعزيز
01-12-2012, 03:11 PM
ونا غداي اليوم رز جارى وسلاطة

روعـة
01-12-2012, 07:47 PM
الموضوع حلوووواني زايكم نفكر من اليل او علي الفطور زوجي يقولي ديري جدول كل
يوم حاجه وترتاحي انداير جدول ويومين ويتغير مرات الوجبة اللي في الجدول
معنديش حاجاتها نطر نغير
المهم غدي امس بيتزا وطبيخة واليوم لسه مفكرتش عندي توا صبح بس ممكن مكرونه


يعطيك الف عافيه علي الموضوع

ام تغريد
01-12-2012, 09:17 PM
موضوع مهم جدا وكان تشوفي شن صاير فيا اني

كنت اندرس في الصبح والسنة هادي حولوني عشية بحجة انهم مسحقين لتخصصي

ونجري نجري ومانلحقش علي حط الغدي ووواااااااااااو وكان لحقت انحطه ونطلع من غير اغدي وشوفي روحك امتى تروحي وتلاقي الغدي مسقع

أم أيوب
01-12-2012, 11:39 PM
فكرة حلوة كل وحدة تقول شني غداها

عندي مشكلة في الغداء وهو راجلي مستحيل يقولك نبي الأكلة الفلانية

كل ما نسأله شن الغداء يقولي شرمولة ةدحي

قعدت من الليل نفكر شني ندير عشان ما نحتارش

اليوم غدايا سندويتشات مفروم بالدحي من مطعم

راجلي متغدي بازين عند صاحبه وانا جاني خاطر في المفروم بالدحي

بكرة ان شاء الله غدايا في حوش عمي

أكيد حاجة مبوخة (( مسقية )) يااما بازين هكي متعودين الجمعة

امتنان
01-13-2012, 12:17 AM
موضوع رائع
وانا كمان الحيرة يوميا في شنو الغدا


اليوم صايمة درت شربة وفطيرة باللحمة المفروم وبوريك بطاطا وسلطة


وبكرة الجمعة اكيد حاجة مسقية

نسمه ليبيه
01-13-2012, 12:58 AM
مشكورة ام ساره وعبدالعزيز على الموضوع

انا ام ايوب نفس قصتك نقعد محتاره شن ندير ونقول ياريت هو يريحنى ويقولى على الغدا شنو نديره

لكن انا مشكلتى فى بنتى لوجى ماتكلش الوجبات الليبيه الدسمه لا تحب المعجنات والموالح بس وهذوم طبعا مش كل يوم ندير فيهم

اليوم غدايا رز مبوخ

الساجدة لله
01-13-2012, 03:41 PM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة امتنانhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifموضوع رائع
وانا كمان الحيرة يوميا في شنو الغدا


اليوم صايمة درت شربة وفطيرة باللحمة المفروم وبوريك بطاطا وسلطة


وبكرة الجمعة اكيد حاجة مسقية
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


امتنان ياريت اديريلنا بوريك البطاطا والفطيرة باللحم المفروم جت في خاطري هههههههههه

وفعلا الغداء هدا ازمة للجميع وتخافي من التكرار الاكلات من ان الصغار يملو او زوجك يقلق , اما الغداء اليوم كان بازين وانا كليت منه لين قريب طلع من عيوني الاتنيين هههههههههههههههههههههههههه

ام ساره وعبدالعزيز
01-13-2012, 03:50 PM
انتوا كلكم نفس المشكلة
ياريت يا بنات اى وحدة عندها اكل جديدة تكتبها علشان الكل يستفيد

الساجدة لله
01-14-2012, 01:18 AM
العشاء درته لازانيا وتو انزلها بنشارك فيها في المسابقة متع ام ايوبي

ام ساره وعبدالعزيز
01-14-2012, 01:55 AM
ووين الغدا هههههههه
بانتظار الوصفة

أم لينه
01-14-2012, 02:00 AM
مساء الحب سنفورات كيف حالكم توا
عشانا كباب وشيش طاووق وسلايط

ام ساره وعبدالعزيز
01-14-2012, 02:07 AM
توا كيف اتعشوا انتى وين قاعدة

أم لينه
01-14-2012, 02:53 AM
قاعده في ليبيا حبوبه لكن راجلي روح متأخر اليوم

ام ساره وعبدالعزيز
01-14-2012, 12:27 PM
ها شنو الغدا اليوم
طبيخة فاصولياء

روعـة
01-14-2012, 10:54 PM
اممممم صحة لكل وحده فيكماليوم غدانا شربة وطاجين جبن

ام ساره وعبدالعزيز
01-15-2012, 10:54 PM
صحتين اممم طاجين الجبنة ما عنديش معة روح
اليوم غداى طبيخة سبانخ ورز ودجاج مقلي

أم لينه
01-16-2012, 08:54 AM
صباح الخيرات

شنو الفطور اليوم

فطورنا اليوم شربة ومكرونه بالباشاميل

mnona
01-16-2012, 09:10 AM
صبااااااااااااااااااااااح النورات

امس غداي شربة عربية ودولمة واقراص القرنبيط الذهبية ( وصفة منقولة خديتها من هني ) تو بنشارك بيها ان شا الله ، بطاطا مقلية وحويتات مقليات لزيكو وسليطة وزيتون

واليوم بإن الله كسيكسو بالحويتات ان شا الله

أم لينه
01-16-2012, 09:14 AM
يسلموووووووووووووو
إيدياتك حبيبتي منونه
وصحتين على قلوبكم حبوبه

mnona
01-16-2012, 09:18 AM
الله يسلمك ياغالية والله مانحكيلك قداش استفدت منه الموضوع هذا عالاقل تحول الصداع اللي اسمه شن الغدي اليوم ياربي من راسي والحمد لله ، كل مانبي نفكر والا كيف نبدا نحير طوووووووووووول عالصفحة ونخنب في غدي الحلوات اللي انتي من ضمنهم

أم لينه
01-16-2012, 09:39 AM
تسلمي حبوبه
خجلتيني بكلامك الحلوووووووووووووووووووووووووو ياراقية
أصلا لازم كلنا نشاركو بأفكارنا وزي ما أنا نحب نستفيد لازم نفيد غيري ونطبقوا حديث الرسول صلى الله عليه وسلم
لا يؤمب أحدكم حتى يحب لأخيه ما يحب لنفسه

ام ساره وعبدالعزيز
01-16-2012, 11:36 AM
صباح الخير على حبوبات
ام لينة صح شريبتكم -منونة ماشاء الله على سفيرتك
شن قصة الحوت يامنونة هههه انبصر

mnona
01-16-2012, 11:42 AM
اقتباس:
المشاركة الأصلية كتبت بواسطة ام ساره وعبدالعزيز http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73927#post73927)
صباح الخير على حبوبات
ام لينة صح شريبتكم -منونة ماشاء الله على سفيرتك
شن قصة الحوت يامنونة هههه انبصر




صباح النور ياحلوة ياصاحبة الافكار انتي يامبدعة

بشكل عام حوشنا عقلنااااااااااا الحوت زي اني وتاج راسي وكبيدتي زكريا
والحق قداش لينا عليه كسيكسو بالحويتات

وهدي صفرة غدانا



http://www.libyan-kitchen.com/gallery/images/ghadanamni.jpg

ام ساره وعبدالعزيز
01-16-2012, 11:47 AM
صحة وهنا انتى وشنبيرك وزكرورتك

أم لينه
01-16-2012, 11:56 AM
صباحك عسل ياحلووووووووو ياأم ساره
سلمك حبوبه

ام ساره وعبدالعزيز
01-16-2012, 12:00 PM
صباح النور على البنور ام لينة
غداى اليوم طبيخة بطاطا ومديرة مقروض اختى زينب نمشى نبدا فية

ام ساره وعبدالعزيز
01-16-2012, 12:01 PM
يا بنات ياريت تقيمنا الموضوع علشان يثبت

mnona
01-16-2012, 12:13 PM
اقتباس:
المشاركة الأصلية كتبت بواسطة ام ساره وعبدالعزيز http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73938#post73938)
يا بنات ياريت تقيمنا الموضوع علشان يثبت



ادللي ياحبيبة

واحسبيني في المقروض مش تفوتيني حيه عليك حيه بعدين:D

mnona
01-16-2012, 12:15 PM
اسمعوا شن رأيكم يابناويت يكون الموضوع مدعوم حتى بالصور ؟؟؟!

اللي تلحق تصور تصور والا متلحقش في وجبة ثانية ؟؟؟!!!

هى قولوا رأيكم

أمـ ساره
01-16-2012, 12:55 PM
ماشاء الله فكرة حلوة والله وتساعدنا هلبة وتريحنا من التخميم


بس ياريت يكون الموضوع بالصور وتكون الصور واضحة وكبيرة شوي


وبالهني والعافية على قلوبكم

ليبية
01-16-2012, 01:42 PM
حلوووووووووووووووووووووووووو الموضوع يا بنات ماشاء الله متجمعين في الجنة ان شاء الله



انا غذاي اليوم بعون الله كسكسي بالخضرة وطبعا سلاطة خضرة وسلاطة فاصولياء و مسير بعون الله


وبعون الله نصورلكم غداي

عجبتني فكرة التصوير يا ام سارة

sweet nona
01-16-2012, 05:09 PM
موضووووووع رااااااااااااائع ويوفر عليك التخميم فالغدي وتسلمي يام سارة وعبدالعزيز عالفكرة الحلوة..بالنسبة ليا صايمة وفطوري بانكيك طريقة الغالية زينب وشربة بالحوت وسلاطة ودرت الحلو بسبوسة ..وغدي غدوة مافكرتش فيه هههه ليا عودة ويستاهل 5 نجمات موضوعك

ام ساره وعبدالعزيز
01-16-2012, 05:51 PM
اقتباس:
المشاركة الأصلية كتبت بواسطة mnona http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73940#post73940)

اسمعوا شن رأيكم يابناويت يكون الموضوع مدعوم حتى بالصور ؟؟؟!

اللي تلحق تصور تصور والا متلحقش في وجبة ثانية ؟؟؟!!!

هى قولوا رأيكم
منونة انتي تاْمري امر المقروض كل لك وبالنسبة للصور انا ماعنديش مانع لكن نا تلفونى ماينقلش على الجهاز ننقل من تلفون راجلى ووين وين بيش انحيل علية

ام ساره وعبدالعزيز
01-16-2012, 05:55 PM
اقتباس:
المشاركة الأصلية كتبت بواسطة أمـ ساره http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73948#post73948)
ماشاء الله فكرة حلوة والله وتساعدنا هلبة وتريحنا من التخميم


بس ياريت يكون الموضوع بالصور وتكون الصور واضحة وكبيرة شوي



وبالهني والعافية على قلوبكم
هلاوغلا باْم سارة
ووين الواجب قصدي الغداههههههههه

ام ساره وعبدالعزيز
01-16-2012, 05:58 PM
اقتباس:
المشاركة الأصلية كتبت بواسطة ليبية http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73960#post73960)
حلوووووووووووووووووووووووووو الموضوع يا بنات ماشاء الله متجمعين في الجنة ان شاء الله



انا غذاي اليوم بعون الله كسكسي بالخضرة وطبعا سلاطة خضرة وسلاطة فاصولياء و مسير بعون الله


وبعون الله نصورلكم غداي

عجبتني فكرة التصوير يا ام سارة
حبيبتى صحة وهنا
بس ياريت تكتبيلنا طريقة سلاطة الفاصولياء

ام ساره وعبدالعزيز
01-16-2012, 05:59 PM
اقتباس:
المشاركة الأصلية كتبت بواسطة sweet nona http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73986#post73986)
موضووووووع رااااااااااااائع ويوفر عليك التخميم فالغدي وتسلمي يام سارة وعبدالعزيز عالفكرة الحلوة..بالنسبة ليا صايمة وفطوري بانكيك طريقة الغالية زينب وشربة بالحوت وسلاطة ودرت الحلو بسبوسة ..وغدي غدوة مافكرتش فيه هههه ليا عودة ويستاهل 5 نجمات موضوعك
صيام مقبول وافطار شهى

أم أبرار
01-16-2012, 09:13 PM
موضوع روووووووووووعه
اليوم غدانا مكرونه وسلاطه ومسير
وغدوه قاعده نفكر فيه

DREAM
01-16-2012, 11:14 PM
اليو م غدانا كسكسي بالخضرة وسلاطة ومسير
وغدوة مازال قاعدة انفكر
شكرا يا ام سارة وعبدالعزيز عالموضوع ويستاهل نجمــــــــــــ 5 ــــــــــــــــــــات

ليبية
01-16-2012, 11:32 PM
هذي صور غذي شنبيري لأنه وصل متأخر واحني سبقناه



http://www.libyan-kitchen.com/gallery/images/1lwl.gif (http://www.libyan-kitchen.com/gallery/images/1lwl.gif)


http://www.libyan-kitchen.com/gallery/images/2dfd.gif (http://www.libyan-kitchen.com/gallery/images/2dfd.gif)


وبالنسبة لسلاطة الفاصولياء:

تاخذي فاصولياء تسلقيها لين تطيب

وبعدين تعصري عليها ليمون و تحطي مقدار 2 ملاعق من الخل ومع تتبيلة من الكسبر والكروية المرحي و الملح والثوم والقليل من المعدنوس

ام ساره وعبدالعزيز
01-17-2012, 01:57 AM
ام ابرار - dream
مشكورات على المشاركة
ليبية اسفيرة تستهل 5 نجوم وصحتين ومشكورة علي طريقة الفاصولياء

أم أبرار
01-17-2012, 09:46 AM
صبحكن فل
بنحط الغدي ع النار قلت خليني نقوللهن غداي اللي هو كسكسي بلخضرة وسلاطه بإذن الله[/color][/color][/color]

sweet nona
01-17-2012, 11:44 AM
صباح الخير :الله ياليبية صفيرة اتسهف تسلم ايديك
اما اني قلت خلي انصبح عليكم وانقولكم غدايا اليوم
البريمة بالقديد للام ايوب من شفتها جت فخاطري وانشالله اتجيني زي ام ايوب مفلفلة واتهبل وتو انشوفكم يافالحات..
سلامي الحار لام سارة وعبدالعزيز عالصفحة الرائعة

ليبية
01-17-2012, 12:26 PM
الله يسلمكم

وصحيحة على قلوبكم

اليوم غذاي رز بالخلطة وسلاطة عادية وسلاطة الروسية بعون الله

الساجدة لله
01-17-2012, 01:04 PM
اليوم غداي بااذن الله رز باللحم زي البرياني او الكبسة ومعاه سلاطة قاعدة ماقررت شن هي وشوربة كوسا ان شاء الله نصورها ونحطها

بس يااخوات شن رايكم ينقل الموضوع هدا للدردشة ؟

روح مغتربه
01-17-2012, 02:20 PM
السلام عليكم غدنا اليوم ان شاء الله رز امفلفل ودجاج مشوي وسلاطه مشويه وعصير برتقال طبيعي ولما انجهز الصفره انصورها لاني مازال نستنا في الغالي

ام ساره وعبدالعزيز
01-17-2012, 06:54 PM
اقتباس:
المشاركة الأصلية كتبت بواسطة الساجدة لله http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=74174#post74174)
اليوم غداي بااذن الله رز باللحم زي البرياني او الكبسة ومعاه سلاطة قاعدة ماقررت شن هي وشوربة كوسا ان شاء الله نصورها ونحطها

بس يااخوات شن رايكم ينقل الموضوع هدا للدردشة ؟
اخت ساجدة الموضوع تقريبا خاص بالطلبات يعنى كل وحدة بتعرف شنو ادير غدا بالاستعانة بالاخريات وبعدين الموضوع مقتصر علي كل وحدة تقول غداءها واذا كان في وصفة جديدة بتكتبها
لكن لو نقلنة لقسم الدردشة موش حنستفيدوا من الموضوع بشكل جيد

أمـ ساره
01-17-2012, 07:22 PM
السلام عليكم


غذاي اليوم مكرونة امبكبة جارية على كيف الكيف


لكن للأسف ما صورتها كان عندي مشكلة الضي طول النهار اليوم

أمـ ساره
01-18-2012, 11:24 AM
اليوم غذاي بيكون متأخر شوي

وعلى الخفيف ان شاء الله

في بالي بندير

بورجر لحم ومعاه طبعا بطاطا مقلية وحمص بالطحينة

وممكن اندير معاه لحم مشوي أو طبيخة فاصوليا

روح مغتربه
01-18-2012, 01:35 PM
غذاي اليوم ان شاء الله حتى انا بنديره خفيف لاني عاجنه بيتسا وبندير معاها شربه عربيه وسلاطه ملييييييييينا من المسقه والوحم مخليني نشها طول الوقت ربي يفرج

زهرة فبراير
01-18-2012, 03:15 PM
غدانا اليوم مكرونة مسقية وسلاطة مخلل سفنارى وفلفل وبطاطا مقلية وزيتون مخلل فى البيت

الدلوعة
01-18-2012, 03:18 PM
انى غداى اليوم شربة عدس و بوريك و رز ابيض دولمة

ليبية
01-18-2012, 05:23 PM
هلا حبيبات وصحة ليكم

غذاي اليوم زر ابيض , ضولمة التن الرائع اللي خذيتها من احدى الأخوات في هذا المنتدى و قلاية وسلاطة الزيتون

ام ساره وعبدالعزيز
01-18-2012, 10:56 PM
ليبية صحة وهنا وياريت تكتبي طريقة الضولمة بالتن

mnona
01-19-2012, 11:42 AM
اهلا اهلا بحبيباتي

امس غداي بازيلياء وبوريك وخبيزة محشية بالمفروم وسلاطة خضرا ومسير وزيتون

http://www.libyan-kitchen.com/gallery/images/ghadamno.jpg
واليوم غداي مكرونة الاصداف ( محشية ) مشاركة بيها في المسابقة مع ام ايوبي ، وبطاطا مقلية لزيكو وسلاطة خضراء و سلاطة الزيتون ولما نوتي الصفرة ان شا الله تو نصورها وانزلها

ام تغريد
01-19-2012, 11:49 AM
اليوم ان شاء الله غداي كسكسي بالحوت مع المسير والمخلل

روح مغتربه
01-19-2012, 11:50 AM
بسم الله الرحمن الرحيم ان شاء الله غدايه اليوم خفيف جداً
خبزه محشيه وطبيخه بطاطا وسلاطه لان زوجي معزوم وبنتغذاء اني والصغار بروحنه

أمـ ساره
01-19-2012, 01:25 PM
ماشاء الله لاقوة الا بالله

اليوم غذاي ان شاء الله

لحم استيك ورز أبيض وخضرة مشوية

وممكن عصير برتقال طازج


ونكلم فيكم من قلب الحدث >>>> المطبخ

الساجدة لله
01-19-2012, 01:52 PM
بااذن الله غداي رز بالبهارات وسلاطة عادية وخضار مسلوقة بدريسنج يعني سلاطة خضار لزوم الرياضة

ام ساره وعبدالعزيز
01-19-2012, 03:06 PM
الغدا اليوم مبكبكة وسلاطة

أم أبرار
01-19-2012, 03:09 PM
اليوم أني صائمة ومعاي الحاج اصغاري درتلهم ملوخية والمغرب بندير امبكبكة بلقديد

ام ساره وعبدالعزيز
01-19-2012, 03:23 PM
تقبل الله ام ابرار وصحة وهنا

نسمه ليبيه
01-19-2012, 03:39 PM
السلام عليكم
منونا صحتين وغريبه البازلاء تديرى فيها من غير طماطم معجون ؟اول مره نشوفها شن طريقتها

روح مغتربه بعد الغداء هذا كله وتقولى غداء خفيف؟ امالا الثقيل شن شكله

نسمه ليبيه
01-19-2012, 03:45 PM
انا غدايا اليوم صار فيه مقلب
انا لما ندير العصبان نديره للغداء مش حار لزوجى وصغارى لانهم ماياكلوش فى الحار
وندير طنجره كبيره حار وناخده معايا للعشاء لاهل زوجى او اهلى
فشن صار لما طيبتالعصبان اللى مش حار تبطط كله(انفلق وتخرب على بعضه) مع انى مامليتش وبزيته بالابره مش عارفه شن السبب
والحار ماصار له شى
وجاء راجلى من العمل وطبعا بنة العصبان فايحه ماعرفتش شن ندير
حطيت له من الحار وقلت له قالوا الحار له فوائد غريبه وضرورى تاكل عصبان حار وماقلتلش ان العصبان خرب
والحمد لله انى دايره رز بلاو هو اللى ستر الدوه
وهذى كبوة صاحبتكم اليوم مرت بسلام

ام ساره وعبدالعزيز
01-19-2012, 03:56 PM
معليش نسمة ديمة اتصير حتى نا مرات اندير كبوات مايعلم بيهنا الا ربي ههههههههه

أمـ ساره
01-19-2012, 05:42 PM
هههههههههههههههههههههههههه

نسمه مقلب حلو والله

عادي حبوبة كنا اتصير معانا كالبوات هذه

بس الحمد لله عندك بديل

بالهني والعافية على قلوبكم

روح مغتربه
01-19-2012, 07:39 PM
اخيراً القيت الوصله متاعت التلفون وبنزل صورة غدانا اليوم وطبعاً انا عندي ايديات اصغيرات متخصصات في تلقيط شرايح الزيتون والكاميره تكبس فيهم كم مره http://www.libyan-kitchen.com/gallery/images/unu.jpg

الساجدة لله
01-19-2012, 10:32 PM
صحة وهنا يامغتربة على قلبك ونفس الايدين اللي عندي ههههههههههه نسومة الحمدلله اللي كنت مدايرة حاجة تانية كنهدا راك وحلتي الحمدلله وصحة اللي كلي
انا رز وسلاطة عربية ولما درت دوش وقلت خلي نجفف شعري ونحط الغداء لان احنى نتغدو متاخر انقطعت الكهرباء وشعري قعد مبلول في الصقع وانا خلالالالاص يبست مابين ماجففته بالفوطة وجيت بنحط الغداء لقيت بسلامتهم قريب ايكملوه ويادوبك حصلت حصتي بش كليت قريب انا بتت من غير لاغداء ولا عشاء

أمـ ساره
01-19-2012, 11:25 PM
هههههههههههههههههههههههههههههه

ماشاء الله مغتربة الايديات ايهبلوا ربي يحفظهم


ساجدة حبوبة

ربي يعينك ويعينا ان شاء الله

وان شاء الله حتى اني نقدر انزل

صور غذاي اليوم وامس قرب

حتى اني المشكلة في الكمبيوتر

ما يبي يتعرف على النقال >> حرجان منه

الساجدة لله
01-19-2012, 11:49 PM
صار حرجان رضييييييييييييييه كل شئ الا حرجه والا دار روحه معش يعرفه بعد مشيتك لتونس

أمـ ساره
01-20-2012, 12:15 AM
هههههههههههههههههه

يعطيك الهني يا ساجدة

لا والله من قبل ما نمشي لتونس وهو حرجان ولتوا ما بي رضى

ومازال نحاول معاه مش فاقدة الامل

عندي هلبة مواضيع يبوا التنزيل ان شاء الله

نسمه ليبيه
01-20-2012, 12:32 AM
السلام عليكم

شن الاخبار؟؟

والله كان نحكيلكم باقى القصه تستغربوا وتقولوا هذى تبالغ
فى العشيه مشيت لهلى وخديت معايا طنجرة العصبان الحار ومتسهفه عليه المهم حطيت الصغار عند اهلى ولقيت عندهم اختى المتزوجه وعطيتها الطنجره على اساس للعشاء ومشيت للسوق
روحت الساعه 7 قالت لى اختى سلمك دواره للعصبان يهبل
عيطت فى وجهها وقلت لها ماعقبتيليش؟؟ قالت نحسابوه زايد من غداكم وجايبته لنا تذوقي فينا

قلت لها صحيحه لكن خاطرى فيه وامى وجعتها وانا ندير فى روحى عاديه

لكن الصراحه حاطرى فيه
وهذى قصة اليوم سامحونى وجعت روسكم

أم أيوب
01-20-2012, 12:52 AM
كان نقوللكم اليوم شني غدايا توة تقولو المراة هدي ماتعرف تدير شي

ههههههههههههه اليوم غدايا سندويشات مفروم زي الخميس اللي فات ههههههههه

راجلي كان في جنازة قريبته وروح على حوش العزاء

وخيتكم ماناضت الا الساعة 1 ونص أمس مارقدت الليل بطوله

يادوب فطرت وفطرت اوبي وضمضمت الحوش

جاني شنبيري بسندويشاتي المفضلات

وتعشيت في الليل قلايا وشكشوكة بالقديد

الشكشوكة طيبتها لعمي اب راجلي والقلايا دايرتها عزوزتي للعيال

وخيتكم ماسيبت هدي لا هدي كلت من الاثنين

روح مغتربه
01-20-2012, 12:52 AM
الله عليك يا نسمه وعلي قصتك انت والعصبان ههههههههههه
صحتين علي خوياتك والمهم عجبهم

نسمه ليبيه
01-20-2012, 12:58 AM
ام ايوب سهفتينى على السندوتشات متاعك قوليلى راجلك يجيب فيهم من اى مطعم بيش نجربهم اليوم جبنا كبده من مطعم العرايش نيه والسندويش فيه اربع قطع صغار


روح صحتين عليهم خواتى لكن انقنه خاطرى فيه

الساجدة لله
01-20-2012, 01:25 AM
نسمة يعطيك الصحة والله وجعتيني في كبدي حبيبة مرة تانية ديريه عشان مايقعد في خاطرك ههههههههههههه

معليشي ديريه وصويه لنا ونزليه في المنتدى

ام ايوبي كيف ماتعرفي اطيبي انت الشيف الحديدي ههههههههههه

صحة وهنا على قلبك وعجبتني منك لاسيبتي هدا ولاهدا ههههههههههههه صحيحة راهم السندويشات سمحات ومبهرات هههههه

ام ساره وعبدالعزيز
01-20-2012, 01:50 AM
نسمة معليش توا يلم المنتدى كلة ويديرلك عصبان
روح مغتربة ربي يخليلك هالايديات المحنطشات
بكرة بحول الله غداي رز مبوخ

ام صهيب
01-20-2012, 02:20 AM
موضوع حلو
ويحل ازمة

اليوم خطر عليا شيش طاووق و كباب حتى شنبيرى عجبه قالى شنو جبتى من مطعم عارفنى بايرة ههههههههههه

وغدوة انخمم فى رز بلاو و صدر الدحاج محشى سبانخ شفته فى منتدى وطحينيه حمص بالمفروم ويمكن شربة عدس لسه مشمقررة لانى اعيت من الروتين خاطرى انوع وانحاول انصور

الساجدة لله
01-20-2012, 04:01 AM
ام صهيب بعد اذنك ممكن تعطينا وصفة صدور الدجاج المحشي سبانخ

أمـ ساره
01-20-2012, 10:26 AM
نسمة واااااااااااااااااااك وخيتي والله وجعتيني

هالعصبان لا ينتسى أبداً

تعرفي تقولي اني الى ما كليته >>> ديريه مرة ثانية وابعثيلي


أم ايوب صحيحتين على قلبك حبوبة


أم صهيب سعدودك حبيبة تبعثي وتطلبي



بالنسبة لغذاي اليوم باذن الله

كسكسي بالخضرة ومعاه سليطة وليموناضة

ومرات يخطر لي اندير سلاطة مشوية عالجو

الساجدة لله
01-20-2012, 11:33 AM
للان الغداء مجهول الهوية لازال الغزلان راقدين هههههههه خلي نشوفكم شن تبو اديرو بش انقل منكم

روح مغتربه
01-20-2012, 12:16 PM
نسمه زي ما قالولك الاخوات ديريه مره تانيه وصوريه
وجعتي قلوبنا هههههههههههه
ام ساره وعبد العزيز الله ايسلمك
ساجده كان تبي اتنقلي مني انا اليوم غدايه بازين بطبيخة البطاطا الحاج طالبه طلبه اتقولي يزاحم فيه علي الوحم هههههههههه
مهذه صوره غداي امل امس شربه وبيتسا كسكاس مطبقتها لام سجي علي ما اعتقد طلعت روعه وسلاطه كرنب احمر ايعز عليه

http://www.libyan-kitchen.com/kitchen/../gallery/images/mfmmfmnnn.jpg

أمـ ساره
01-20-2012, 01:45 PM
تاكلوه بالهني والعافية روح مغتبة

سجودة صحة ليهم الراقدين والله


يا بنات ما تنسوا لما بديروا وصفات ليبية صوروها بالخطوات حتى تنزلوها في المسابقة

يالا شدوا الهمة

روح مغتربه
01-20-2012, 04:50 PM
المراقبه للقسم ياريت اختي اتصغري الصوره دوختني بش نزلت وبعدين طلعت كبير
ما عنديش ليها راي

أم أبرار
01-20-2012, 06:40 PM
http://www.libyan-kitchen.com/gallery/thumbs/2001201229.jpg (http://www.libyan-kitchen.com/gallery/?v=2001201229.jpg)
غدانا اليوم سردين مقلي وكفتة سمك وسلطة بطاطا ودرت سلاطة خس

ام ساره وعبدالعزيز
01-20-2012, 06:47 PM
صحتين ام ابرار

ام ساره وعبدالعزيز
01-20-2012, 06:48 PM
روح مغتربة سفيرتك مية مية

ام ساره وعبدالعزيز
01-20-2012, 06:50 PM
نا يابنات عندى مشكلة مع الشربةلم ندير مقدار كبير تجى معى كويسة ولم اندير مقدار اصغير دوبنا ماتجيش معي سمحة

أمـ ساره
01-20-2012, 07:16 PM
هي اتفضلي ياروح هذه سفيرتك بعد التصغير

ياريت تمسحي الاولي وتحطي هذه في ردك


http://www.libyan-kitchen.com/gallery/images/mfmmfmnnn.jpg

وبالهني والعافية شكلها مشهي


أم ابرار يا ريتني جارتك والله غذي مقوم

بالهني والعافية حبيبة




أم ساره وعبد العزيز

اني الشربة عيني ميزاني والله ماعندي مقادير فيها

ان شاء الله وحدة من الاخوات تساعدك

أم أبرار
01-20-2012, 08:51 PM
تفضلي ياأم ساره توصلك لمكانك وسلمك ياام ساره وعبد العزيز

ام صهيب
01-21-2012, 12:50 AM
سلم ايدياتكم سفرة اتهبل

صحة وعافيه

ام صهيب
01-21-2012, 12:57 AM
وهدا غداى اليوم

http://www.1ss1.com/data/2010/1ss1_13270996914.jpg

شربة عدس - ورز ابيض وطحينة بالمفروم - وصدور الدجاج بالسبانخ زصورت طريقتهم لعيون سجودة

http://www.1ss1.com/data/2010/1ss1_13270996912.jpg


http://www.1ss1.com/data/2010/1ss1_13270996913.jpg



الطريقة شبيه من واحدة منزلتها اهنا فى المنتدى غير الحشو كان سبانخ وجبنة http://www.libyan-kitchen.com/kitchen/showthread.php?t=3334



وهدة ضولمة الاسبوع اللى فات ورق عنب وبطاطا وفلفل وكوسه اتفضلو
http://www.1ss1.com/data/2010/1ss1_13270996911.jpg

أم لولو
01-21-2012, 10:01 AM
صباح الخيرات انا توا كيف روحت من المدرسة وقاعدة نفكر شنوا الغدي اليوم عجبتني ضولمة ام صهيب غير توا ماعنديش خضرة الضولمة وبالنسبة لغدانا امس درت رز بلاو وبوريك وسلاطة مشوية و سلاطة روسية وطاجين دجاج محمر وهادي سفرتنا
http://www.libyan-kitchen.com/gallery/images/zqsq.jpg

أمـ ساره
01-21-2012, 10:56 AM
ماشاء الله لاقوة الا بالله

كل سفرة أحلى من الثانة وخياتي

تاكلو بالهني ان شاء الله



مش عارفة اليوم فيه غذي او لا ولو فيه بندير شربة خضرة للشنبير

حاشاكم عندنا حالة برد في الحوش الا بنتي الصغير ربي يحفظها

ام ساره وعبدالعزيز
01-21-2012, 06:33 PM
لاباْ س عليك ام سارة بالشفاء ان شاءالله
انا اليو مم درتش غدا وتو افي العشاء نبى اندير معجنات ان شاءا لله نصورهم

أمـ ساره
01-21-2012, 06:40 PM
الله لا يوريك باس حبيبة أم ساره وعزو


تعرفي حال الشتاء

وبالهني والعافية المعجنات حلوة في العشاء

أم لولو
01-21-2012, 06:58 PM
ان شاء لاباس عليكم اختي ام سارة وان شاء الله ربي يحفضلك النونو الصغيرة وكانك جارتي راني بعتلك من غداي اليوم درت طبيخة بازيليا ورز ابيض وكفتة الاخت ملكة بنقابي

ام ساره وعبدالعزيز
01-21-2012, 07:28 PM
صحة وهنا ام لولو

سمراء الصحراء
01-21-2012, 09:03 PM
:) غدانا امس رز بالبصلة وسلاطة خضره وطماطم وخيار وزيتون ،أما اليوم فغدانا رشده جارية بلحم القديد:p:)

mnona
01-21-2012, 09:26 PM
اهلا اهلا شن اخباركم والله استااااااحشتكم في هاليومين اللي فاتوا

لاباااااااااااااس عليكم ام سرو انتي والعيلة

اليوم غداي رز ابيض وفيليه دجاج مكسيكي ( طريقة منال العالم ) وخبيزة محشية بالهريسة والدجاج والبطاطا المقلية وسلاطة وفلفل ومسير وشربة خضرا وعدس احمر ( حساء السنافر )

صورتلكم الصفرة ولكن ملقيتش الوصلة زكريا اشبح وين تلفها ، غدوة نمشي للعمل ونزللكم الصورة ، وعشاي عالخفيف بكل تاج راسي تغدى متأخر وقالي معنديش نية في عشي ، درت فروتة وتمر ولبن وخلاص والحمد لله ، وغدوة بإذن الله غداي صالصة بالمفروم واكيد سلاطة معاها

هى نشوفكم علي خير ان شا الله

mnona
01-21-2012, 10:03 PM
اقتباس:
المشاركة الأصلية كتبت بواسطة نسمه ليبيه http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=74632#post74632)
السلام عليكم
منونا صحتين وغريبه البازلاء تديرى فيها من غير طماطم معجون ؟اول مره نشوفها شن طريقتها

روح مغتربه بعد الغداء هذا كله وتقولى غداء خفيف؟ امالا الثقيل شن شكله




اهلا اهلا وعليكم السلام ورحمة الله وبركاته

بالنسبة للبازيلياء مدايرتها بالطماطم الاخضر ( مراعاة لظروف زوجي الصحية ) ونفس الطريقة العادية غير مش مكترة توابل بس وزي ماقلتلك مافيهاش معجون طماطم

روح مغتربه
01-21-2012, 11:40 PM
لاباس عليك ام ساره وصحيتي علي الصوره
ما شاء الله علي صفيرتك ام لولو بصحه والعافيه عليكم
نسومه انا كل شي مش مسقي عندنا خفيف هكي قانون الحاج وعاقبني الجمعه قال نبي بازين انويشط معنا يابس زي الحيط حاشاك واليوم غدنا رز مفلفل ومفروم وامبطن ملفوف عجبني طبقته وطلع اسهل من المبطن العادي والاحلي انه يطلع صغيرون وقنين ودرت سلاطه زبادي بالذره

أمـ ساره
01-22-2012, 12:45 AM
الله لايوريكم باس وخياتي وسلمكم نشادات

أم لولو عز الطلب والله البازليا ما عندي روح معاها


ربي يبارك فيك وخيتي


وصحة على قلوبكم حبوبات

سمراء الصحراء
01-22-2012, 01:26 AM
:(إن شاء الله لابأس عليكم [طهور طهور إن شاء الله]وربى يحفظك إنت وأهل بيتك من كل شر ومن كل مرض وكل أمة محمد عليه أفضل الصلاة وأتم التسليم آميييين:)

الساجدة لله
01-22-2012, 02:07 AM
اليوم غداي كان شربة خضرة ومعها رز ابيض وسلاطة خضرة في الكوشا

الساجدة لله
01-22-2012, 02:11 AM
اشيه يابنات صفيراتكم كل صفيرة احلى من التانية لاباس عليك ام سرو بعيد السو عليكم يارب ويارب يشفيكم يارب

DREAM
01-22-2012, 02:32 AM
مرحبا يا بنات
لاباس عليكم ام سارة بالشفاء العاجل ان شاء الله
اليوم غدانا كسكسي بالبصلة وعصبان وسلاطة وامسير

أمـ ساره
01-22-2012, 02:42 AM
الله يسلمكن وخياتي ويبارك فيكن يارب ويحفظكن

وصحيحة على قلوبكم حبوبات

أم لولو
01-22-2012, 09:00 AM
:( الله يسلمك اختي روح مغتربة وام سارة وعزو واليوم انا متغدية عند امي ومرتاحة من التخميم

أم لينه
01-22-2012, 09:35 AM
صباح الخيرات والحب والسعادة

كيف حالكم أوخياتي يارب تكونوا بخير

غدانا بإذن الله تعالى اليوم رز بالخلطة واسكالوب دجاج وطاجين بروكولي من اختراعي وسلاطه مشويه وسلاطه بابا غنوج

روح مغتربه
01-22-2012, 10:37 AM
السلام عليكم اخواتي
اليوم غدايه مازال مش معروف عندي دجاجه ومش عارفه شن اندير بيها لين انخش المطبخ وتفقده
بس هذي صور غدايه يوم الجمعه بازين جحا مع قرينات الفلفل الاخضر وليم القارص طبعاً هكي الغالي ايحبه
http://www.libyan-kitchen.com/gallery/images/ggg.gif
وصوره التانيه غدايه امس رز بالمفروم وامبطن ملفوف وسلاطة زبادي بالذره من اختراعي وهي اني حاطه بدل الخيار ذره معلبه وشويه ملح وزيت زيتون زرشه نعناع جاف وصغاري يموتو عليها
http://www.libyan-kitchen.com/gallery/images/wpwwpw.gif

الساجدة لله
01-22-2012, 10:45 AM
اشيه اشيه ياروح ليش مانزلتي البازين في المسابقة وكسبتيها مشاركة يالله نستنو في المشاركة

وصحة للكل ستات البيوت الناشطات الفالحات

روح مغتربه
01-22-2012, 11:27 AM
الله ايسلمك يا ساجده
والله خاطري نشترك في المسابقه بس مش بشنو انشارك
ممكن علي قولتك انشارك بالبازين

أمـ ساره
01-22-2012, 11:39 AM
روح حبوبة اي شيء مسقي أو بالخضرة او بكبوكي او بازين

أو ممكن خبزة الحوش وبعض المعجنات زي السفنز والفطيرة

او الحلويات الليبية المعروفة زمان


أو حتى امبطن وكفتة وبيتزا وطاجين جبن

عندك هلبة اختيارات ماشاء الله مطبخنا الليبي اكلاته كلها حلوة

وانتي ماشاء الله عليك فالحة

guidona
01-22-2012, 02:25 PM
اهلين يابنات ماشاء الله صفر حلوه ومقومه غداي اليوم كان كسكسي بالبصله وسلاطه خضراء

وامي طباهج وسلاطة ملفوف

ليبية
01-22-2012, 07:38 PM
يعطيكم الصحة يا بنات وربي يسعدكم ويهنيكم ويحبب ازواجكم فيكم

ام تغريد
01-22-2012, 09:51 PM
روح مغتربة عجبتني فكرة المبطن الملفوف ياريت كانه من النتدى تعطيني رابطه وكانه من طريقتك تعطينا الطريقة

وصحتين عليكم كلكم سفيراتكم ما شاء الله منورين اليوم غداي بكبوكي علي السريع مع مخلل ومسير

أم أبرار
01-22-2012, 11:25 PM
الله يمسيكن بالخير والهني
ما شأالله على هالسفيرات قبل نتحير شن الغدي تو نتحير شن بنختار
واني اليوم غدايا رز بالبصلة مع سليطة خضرة

ام تسنيم
01-23-2012, 02:46 AM
السلام عليكم عجبني الموضوع هلبه واني الغداي اليوم كسكسي بالخضره ومعاه اسليطه خضره ومشروب وان شاء الله غدوه رز بلاو وسلاطه مشويه وبنجرب امطن الملفوف وصدر دجاجه محشي وان شاء الله غر ايخلوني ابنياتي انديرا

أم لولو
01-23-2012, 06:11 AM
ماشاء الله عليك يا ام تسنيم مفكرة حتى في غدي غدوة ان شاءالله الف صحة عليكم لكن انا ياالله نلقى نفكر في غدي اليوم واليوم بندير حويتات لكن مازال مش عارفة نقليهم والا نديرهم في طاجين ومعاهم سلاطة وبطاطا مقلية

نسمه ليبيه
01-23-2012, 08:23 AM
السلام عليكم

ماشاء الله عليكن كلكن

شن رايكن نضموا العشاء للموضوع انا نحتار فى العشاء اكثر من الغداء
مرات ندير بيتزا ومشروب ومرات نديرشاورما دجاج صغارى يحبوها
ومرات مكرونه
وانتوا شنو بالنسبه للعشاء؟
اما غداء اليوم مازلت مافكرت فيه

روح مغتربه
01-23-2012, 10:34 AM
صبحكم بالخيرات والليرات يا غاليات
ما شاء الله عليكم وعلي صفركم
ام تغريد المبطن الملفوف في قسم المقبلات الليبيه لام هدايه ربي يرزقها بادريه الصالحه
ام ساره صحيتي حبوبه علي التوضيح وان شاء الله لمل اندير احويجه وان كون راضيه عنها نشترك ولو مشاركه تشجيعيهوربي ايسهل
ام لول اسميكات ديريهم في الطاجين صحيات اكتر علي قولت اميمتي
ام تسنيم ربي يعاونك ويعطيك الصحه
نسمه والله عندك الحق بس انا اعشاء ما نحيرش فيه ياسر ديمه شندوتشات وكانه عاقب شي من ختيريشات غدانه والشاورما والبيتزا والعصيده بالعسل والسمن والمقطع ضروري هدينا انديرهن مره في الاسبوع علشان هكي قتلك ما نحيرش فيهن تقريباً دايرتهن في دماغي زي الجدول

أمـ ساره
01-23-2012, 11:01 AM
والله حتى اني قاعدة نفكر في الغذاء محتارة

ممكن اندير مكرونة صالصة بالدجاج أو شاورما



وفكرة العشاء عجبتني هلبة لأن مرات ما اندير غذاء

فلازم اندير عشاء

يالا كل وحدة تقترح غذاها وعشاها ان شاء الله حتى لو كان خفيف

نسمه ليبيه
01-23-2012, 12:21 PM
واخيرا قررت غدايا
رز بالتقليه وفتوش

وان شاء الله نصوره ونوريهلكم

روح مغتربه
01-23-2012, 12:48 PM
نسمه بعتتلك علي الخاص الصندوق امعبا
العجينه زدتها ربع طاسه حليب ولت كويسه
والحمد لله الي انت قاعده راهو راحت فيها
بارك الله فيك علي الاهتمام

أم لينه
01-23-2012, 01:23 PM
السلام عليكم ورحمة الله وبركاته
مساء الخيرات والحب والسعادة
حبيت انقوللكم على فطورنا اليوم بإذن الله
شربه عربية وكيكة الدجاج وطاجين طبقات البطاط وبيتسا
راهو أنا فطوري واتي من قبل الظهر
هكي تعودت في حوشنا ونفس الشي مطبقاته في حوشي باش ايصير مايصير مايقعدش الراجل من غير ماكله

ام صهيب
01-23-2012, 02:02 PM
صحة صحة والله كل يوم بتخميمة وكله كوم والعشاء كوم انا بين بيتزا وهمبورجا وشاورما وبرودو

الغداء اليوم دجاجة محشيى بالرز توا انصورها وانزلها
سلام

نسمه ليبيه
01-23-2012, 02:13 PM
السلام عليكم ورحمة الله وبركاته
مساء الخيرات والحب والسعادة
حبيت انقوللكم على فطورنا اليوم بإذن الله
شربه عربية وكيكة الدجاج وطاجين طبقات البطاط وبيتسا
راهو أنا فطوري واتي من قبل الظهر
هكي تعودت في حوشنا ونفس الشي مطبقاته في حوشي باش ايصير مايصير مايقعدش الراجل من غير ماكله


ماشاء الله قصدك انت صايمه؟؟
والفطور واتى من قبل الظهر معناها انت تنوضى الساعه كم؟ وباقى الحوش امتى تلمى فيه؟


وصحتين على قلوبكم:)

نسمه ليبيه
01-23-2012, 02:19 PM
روح الرسائل مابوش ينحذفوا عندى من صندوق الوارد

أم أبرار
01-23-2012, 03:13 PM
ماشأالله على غدياتكم وعشياتكم
وأني فطوري مكرونه وبتسا ملفوفه طبقت بتسا زهورة الامورة وفول مدمس

ام تغريد
01-23-2012, 09:15 PM
منورين بافكاركم وغداواتكم

وصحتين عليكم

واني اليوم غداي علي السمك مقلي مع البطاطا والفلفل

وطبيخة سمك ومخلل وهذه الصفيرة



http://www.libyan-kitchen.com/gallery/images/framedldl.jpg

روح مغتربه
01-23-2012, 10:54 PM
ام تغريد ماشاء الله صفره تشهي صحتين عليكم
خاطري في سمك بس للاسف في سبها نادر ما نحصلو سمك طازه بس خطرتي عليه عمتي في طرابلس توا انقوللها اتجيب امعها لانها غالي عليها
وبنسبه لغدايه كسكسي وسلاطه والعشاء قبل بندر شاورما بس صار ضرف ومشيت لحوش اهلي وتعشينا عصيده بالرب وزيت الزيتون من ايدين اختي
وبكره ايدير الله طريق علي قولت العزايز

نسمه ليبيه
01-23-2012, 10:59 PM
ام تغريد ماشاء الله على سفيرتك واول مره نسمع انه فى طبيخه سمك

روح كيف صار معاك فى خبز التورتيلا ماكملتيش؟؟

الساجدة لله
01-23-2012, 11:17 PM
صحة يابنات اليوم غداي كان كبسة رز بالدجاج

روح مغتربه
01-23-2012, 11:25 PM
نسمه الله عليك وعلي عجينه التورتيلا حلوه الصراحه بس للاسف ما تعشيناش في الحوش غدوه بعون الله نحشيها ونوريك التطبيق
ساجده صحتين عليكم

نسمه ليبيه
01-23-2012, 11:37 PM
روح كان عندك شوايه لما تحشى السندوتشات بالشاورما والمايونيز وتلفيهم حطيهم فى الشوايا

روح مغتربه
01-23-2012, 11:43 PM
للاسف ما عنديش شوايه بس انلفهن في السلفر ونحطهن في الكوشه
يطلعن سخونات ورطيبات
صحيتي نسمه علي النصيحه والاهتمام

أمـ ساره
01-23-2012, 11:50 PM
صحيحة يابنات وربي يعنيكم ان شاء الله


والله اليوم بندير غذاء لكن راجلي قال بيعطل فقلت خليه عشاء

ووخيتكم دراته بقلب ورب

طيب صلصة بكرات الدجاج (( بدل اللحم ))

ودرت منها كفتة دجاج في الكوشة

وقعدت على تطيب المكرونة بس بعد ما جهزت ميتها وتبلتها

وكنت بنزل طريقتها وصورت كل الخطوات ما عدا التقديم

ونستنى في راجلي يروح باش نطبخها

حاشاكم ما نسمع الا بخبر بني وليد والدنيا ناضت مع بعضها

راجلي قالي بنجي نتعشي بسرعه ونطلع ما تهنينا حتى بعشانا

وتعشينا بالصلصة من غير مكرونة بالخبزة بس

والله ما تبننت حاجة حاشاكم

ربي يهدي البلاد يارب ويرد كيد انصار المقبور في نحرهم

والي ناوي حاجة شر للبلاد ان شاء الله ربي ما يلحقه

نسمه ليبيه
01-23-2012, 11:50 PM
نفس الشى حتى انا ماعنديش شوايه وندير فى نفس طريقتك

وشروة الشوايه فى الخطه الخماسيه الجايه ان شاء الله

نسمه ليبيه
01-23-2012, 11:53 PM
ام ساره ان شاء الله خير والله ماعاد راطزها لا هو ظناه لا ازلامه

هذى مجرد زوبعه فى فنجان وحتنتهى حالا قولى نسمه قالتها لى

الشعب اللى يذوق الحريه يرفض يعود للاستعباد
انتوا بس تفاءلوا خير
وباهى انهم طلعوا هالطحالب بيش نقضوا عليهم بالكامل

أمـ ساره
01-24-2012, 12:23 AM
صحيحة يابنات وربي يعنيكم ان شاء الله


والله اليوم بندير غذاء لكن راجلي قال بيعطل فقلت خليه عشاء

ووخيتكم دراته بقلب ورب

طيب صلصة بكرات الدجاج (( بدل اللحم ))

ودرت منها كفتة دجاج في الكوشة

وقعدت على تطيب المكرونة بس بعد ما جهزت ميتها وتبلتها

وكنت بنزل طريقتها وصورت كل الخطوات ما عدا التقديم

ونستنى في راجلي يروح باش نطبخها

حاشاكم ما نسمع الا بخبر بني وليد والدنيا ناضت مع بعضها

راجلي قالي بنجي نتعشي بسرعه ونطلع ما تهنينا حتى بعشانا

وتعشينا بالصلصة من غير مكرونة بالخبزة بس

والله ما تبننت حاجة حاشاكم

ربي يهدي البلاد يارب ويرد كيد انصار المقبور في نحرهم

والي ناوي حاجة شر للبلاد ان شاء الله ربي ما يلحقه

أمـ ساره
01-24-2012, 12:36 AM
صحيحة يابنات وربي يعنيكم ان شاء الله


والله اليوم بندير غذاء لكن راجلي قال بيعطل فقلت خليه عشاء

ووخيتكم دراته بقلب ورب

طيب صلصة بكرات الدجاج (( بدل اللحم ))

ودرت منها كفتة دجاج في الكوشة

وقعدت على تطيب المكرونة بس بعد ما جهزت ميتها وتبلتها

وكنت بنزل طريقتها وصورت كل الخطوات ما عدا التقديم

ونستنى في راجلي يروح باش نطبخها

حاشاكم ما نسمع الا بخبر بني وليد والدنيا ناضت مع بعضها

راجلي قالي بنجي نتعشي بسرعه ونطلع ما تهنينا حتى بعشانا

وتعشينا بالصلصة من غير مكرونة بالخبزة بس

والله ما تبننت حاجة حاشاكم

ربي يهدي البلاد يارب ويرد كيد انصار المقبور في نحرهم

والي ناوي حاجة شر للبلاد ان شاء الله ربي ما يلحقه

الساجدة لله
01-24-2012, 02:56 AM
الله ياعالي ياقدير استر واستر البلاد وهنينا وبعد علينا كلاب المردوم الله لاتربحه ان شاء الله وبعد علينا شر الفتنة وشر ولاده ياااارب

ليش ياام سريوة ترعشي في روحك ردي بالك من زوجك وعويلتك

أم لولو
01-24-2012, 08:48 AM
اليوم ياحلوات فكرت نطيب طاجين دجاج بالبطاطا ورز ابيض وسلاطة وهادي الصورة لغدي امس صيادية السمك ومعاها شربة ونوعين سلاطة وحاشى عيونكم حويتات مقليات,وان شاء الله ربي يحفظ بلادنا وولادنا ولازم يعرفوا ان توا هو وقت الجد نبوا نبنوا بلادنا ونعلوها مش بنقعدوا نقتلوا في بعضنا ولازم الشباب يكون واعي وفاهم وان شاء الله ربي يهديهم
http://www.libyan-kitchen.com/gallery/images/33nqn.jpg

أمـ ساره
01-24-2012, 09:20 AM
سجودة ربي يبارك فيك وخيتي وان شاء الله ربي يحفظ البلاد والعباد يارب

لكن الي يقهرني الشباب الي قاعدة تموت ربي يرحمهم ويتقبلهم من الشهداء يارب

أمـ ساره
01-24-2012, 09:22 AM
وصحيحتين على السفر الحلوة يا بنات ماشاء الله عليكم


لكن عليكم حق والله

ليش ما تورونا ابداعاتكم في المسابقة

لازم نتوحدوا مع بعض ونخلوها مسابقة كبيرة

على الاقل حتى نقهروا ازلام المقبور الله لا يربحهم لا دنيا ولا آخرة

نوروهم ان نحن فرحانين بالثورة ومتمسكين بيها وببلادنا الجديدة


هي يا قمورات على الاقل كل وحدة تشارك بموضوع بس

بسرعه قبل ما نزعل منكن

روح مغتربه
01-24-2012, 11:26 AM
كل شي ولا زعل ام ساره وبنسبه ليه حاضر غالي وطلب واعر اشو يه بس المنتدي وابله زينب وليبيا يستاهلوا وام ساره ربي ما يورينا شر وعندك الحق ام ساره كلنا عارفين انها مرحله ضروري اتمر بيها البلاد بعد الفتن الي حاول يزرعها المقبور
بس الشباب الي قاعده اتموت هم الي يوجعوك وفي سبها يا خواتي المشاكل كلها سببها السلاح الي طلقه حتي العويله والسكارين والحشاشين والمجرمين الي طلعهم من الحبوس يلعبو بيه وكل يوم ميت واحد لاكن الحمد لله الناس بدت توعا حتي المؤايدين فهموا انا انتها واي مشاكل بتصير في البلاد هم ضحيتها واصبح كل المشاكل حتي قضايا القتل تنحل ودي ولله الحمد والمنه

نسمه ليبيه
01-24-2012, 11:44 AM
السلام عليكم

بنسالكم سؤال خارج الموضوع

من عارف موقع للفتوى تقولى عليه

يعنى بنسال شيخ سؤال وهو يرد عليا

أم أبرار
01-24-2012, 05:11 PM
مساءكن فل
ذوقن غداي اليوم وقولن رايكن
سميكات مقليات ومحشي مشكل وشربة دشيشة وسلطة كوسا مع سليطة خضراء وعصير برتقال طبيعي

وفطيرات بس نسيت ماصورتهن
http://www.libyan-kitchen.com/gallery/images/2401201231.jpg

أمـ ساره
01-24-2012, 05:38 PM
روح ربي يحفظك ويبارك فيك وخيتي

وهي نستنوا في ابداعاتك الحلوة وخيتي وانتي ماشاء الله عليك فالحة



نسمة حبوبة والله ما نعرف بالضبط صفحة معينة

لأن اغلب الي نخشلهم يدهشوني باش ايردوا عليا هذا كان ردوا


ان شاء الله وحدة من الحبوبات اتفيدك




أم ابرار ماشاء الله سفيرة مقومة

سلم ايدياتك حبوبة



والله خليتوا خاطري في السمك يا بنات

نسمه ليبيه
01-24-2012, 08:47 PM
مساءكن فل
ذوقن غداي اليوم وقولن رايكن
سميكات مقليات ومحشي مشكل وشربة دشيشة وسلطة كوسا مع سليطة خضراء وعصير برتقال طبيعي

وفطيرات بس نسيت ماصورتهن
http://www.libyan-kitchen.com/gallery/images/2401201231.jpg

يسلموا ايديك ام ابرار غداء عالكيف وبصراحه بالك واسع درتى المحشى مع السمك انا كان ندير وحده منهم تكفى مايشوفوا معاها شى

أمـ ساره
01-24-2012, 10:23 PM
وأخيرا يا بنات قدرت انزل صور غذاواتي الايام الي فاتوا

طبعا الايام الي طيبت فيها بس >>>>>> ههههههههههه



هذا يا حنة رز امبهر (( راجلي ايسمي فيه رز رصاصي ))

مع لحم ستيك (( نقصه شرائح زي الشاورما )) اندير فيه زي الصلصة

ومعاه نوع سلاطة وخضرة مشوية بالكوشة



http://www.libyan-kitchen.com/gallery/images/eat1.gif


http://www.libyan-kitchen.com/gallery/images/eat3.gif




وهذه السفرة الثانية


كسكسي بالخضرة مع سلاطة وليموناضة


http://www.libyan-kitchen.com/gallery/images/eat2.gif



وهذه السفرة الثالثة


وكانت غذاء متأخر >>> قولي عشاء وخلاص من الاخير


وهي برجر بالخضار مع بطاطا مبهرة بالكوشة

وخضار مشوية مش عادية


http://www.libyan-kitchen.com/gallery/images/eat4.gif




وهذا الي قدرت انزله ان شاء الله الجايات أكثر

ام صهيب
01-24-2012, 10:42 PM
ام سارة : والله ربى يهنينا كلنا رعشنا ربى يفرجها

هدا غداى امس

http://www.libyan-kitchen.com/gallery/images/img0468.jpg

الساجدة لله
01-24-2012, 10:58 PM
وااااو ماشاء الله لاقوة الابالله يابنات صفيراتكم يحلو العين المغمضة حبوبة ام ابرار تخلعي يعطيك الصحة ماشاء الله محشيات يسهفووو

الساجدة لله
01-24-2012, 10:59 PM
ام سريوة حبوبة صفيرات تهببببل ياسموحة ربي يحفظك

ام ساره وعبدالعزيز
01-24-2012, 11:02 PM
نغيب يومين ما حد يسال على زعللللللللللللانة منكن

ام ساره وعبدالعزيز
01-24-2012, 11:06 PM
كيف حالكن ياحبوبات استحشتكم طبعا غبت يومين وما حد سال على

أمـ ساره
01-24-2012, 11:13 PM
أم ساره وعبد العزيز والله اليوم ندور فيك

قلت وين غطست وكان صبرتي حجيتي

شوي وكان ما لقيتك بعثت لك رسالة

لكن الحمد لله جيتي ونورتي

ام ساره وعبدالعزيز
01-24-2012, 11:25 PM
كنت عند هلى نتريح شوى من التخميم في الغدا والعشاء والنت امديرها في مرة مرة يفصل

ام ساره وعبدالعزيز
01-24-2012, 11:26 PM
اليوم الغدا رشدة كسكاس ومسير

الساجدة لله
01-25-2012, 12:22 AM
اهلين ياام سارة وعزو حبيبة الحمدلله على سلامتك ياغالية وصحة صحة

ام صهيب
01-25-2012, 01:22 PM
ام سارة وعبد العزيز : لالا والله ما تنتسى انت عاد صاحبة الموضوع


لسه التخميم فى الغداى

نسمه ليبيه
01-25-2012, 01:56 PM
السلام عليكم

ام صهيب ماشاء الله غداك يهبل

وام سويره شكلك من النوع اللى تطيبى بمزاج

ام ساره وعبدالعزيز والله العظيم فقدتك ومعاك حق تزعلى

نسمه ليبيه
01-25-2012, 01:57 PM
انا اليوم نفسيتى مشتشته شوى

ولما تكون النفسيه مشتشته ندير مكرونه عالسريع مع لحم دجاج

أم أبرار
01-25-2012, 03:32 PM
السلام عليكن
[SIZE="5"][COLOR="Black"]اليوم غدانا أمقطع هذا كيف نسموا فيه نحن ونعرف أن الجهة الغربية يقولوله رشدة برمة ومش عارفه ليه مسمى آخر وإلا لا
[/Chttp://www.libyan-kitchen.com/gallery/images/2501201232.jpg
OLOR][/SIZhttp://www.libyan-kitchen.com/gallery/images/2501201233.jpgE]

أم أبرار
01-25-2012, 03:39 PM
السلام عليكن
اليوم غدانا مقطع هكي نحنا نسموا فيه وسامعه الغرابة يقولوله رشدة برمة ومش عارفه ليه مسمى آخر وإلا لا
[/Chttp://www.libyan-kitchen.com/gallery/images/2501201232.jpg
[/SIZhttp://www.libyan-kitchen.com/gallery/images/2501201233.jpgE]

نسمه ليبيه
01-25-2012, 03:43 PM
ماشاء الله ام ابرار صحتين

وقته خاصه فى هالمطرررررررررررررر

سهفتينى

أمـ ساره
01-25-2012, 05:55 PM
الله يسلمك سجودة ويبارك فيك وخيتي


أم ساره وعبد العزيز صحيحتين

نسمة

لا والله كلن علاوضع الصحي نقدر او لا

بشكل عام نحب انطيب لكن الحوسة الي تجي وارء التطيب هي الي تعبني اكثر

فلهذا على جهدي يوم نطيب ويوم لا



ماشاء الله عالرشدة يا أم ابرار فعلاً في طرابلس انقولولها

رشدة برمة ورشدة امبكبكة

سخينة وقنينة ماشاء الله تشهي

سلم ايدياتك وبالهني







وغذاي اليوم مكرونة صلصة بالخضار

لأن ما خاطري نشكل ونوع وعلى حسب الموجود

أم أبرار
01-25-2012, 06:37 PM
سلمك يانسمة
وبوركت أم ساره اهو يوم هكي ويوم هكي

ريمة
01-25-2012, 07:45 PM
اليوم كسكسي بالحوت مع حوت مقلي و مشوي في الفرن لان العيلة متحبش الحوت المطبوخ فمنكترش منا في الكسكسي

ام ساره وعبدالعزيز
01-25-2012, 09:31 PM
ام ابرار سهفتينى يعطيك الهنا ما عنديش روح مع المقطع صحتين

ام ساره وعبدالعزيز
01-25-2012, 09:32 PM
ريمة صحة وهنا

الساجدة لله
01-25-2012, 09:39 PM
صحة حبوبات ام ابرار الرشتة متاعك قنينة ماشاء الله بس ليش ماشاركتي في المسابقة
سالله حبوبة بانتظار مشاركتك

روح مغتربه
01-25-2012, 11:54 PM
ما شاء الله ام ابرار امقطع علي كيف كيفك وحتي احني في الجنوب انسمو فيه امقطع والبعض ايقوله رغيده
ام ساره ربي يعطيك الصحه وعلي قولتك التصنيف يبي شغاله انت اتلبزي وهي تغسل والله انا اصغاري متعبيني بحكاية الاكل ما ياكلوش اي حاجه مع اني انا وبوهم ماشاء الله ما نعافو شي تقريباً بس هم مش عارفه لمن طالعين وكان ما نشقشق وندير حاجه ترضيهم علي الغداء انحس بتانيب الضمير
واليوم غدانا مكرونه بالمفروم وعندي خبيزه في الفريز طلعتها حشيتا بالتن والمفروم ومسير ومخلات مشكله وكنت ناويه اندير مكرونه ايطاليه انسيت اسمها امدايرتها ام هدايه يدكرها بالخير بس جيت من المدرسه راسي يوجع سقدت عبودي للمدرسه
واتمددت وبكره مش عارفه شن اندير اكيد حاجه خفيفه لاني عندي نفضه بايه للحوش بعد الريح والمطر

ام ساره وعبدالعزيز
01-26-2012, 04:27 PM
ربي يعطيك الصحة روح

أم أبرار
01-26-2012, 06:12 PM
كيف اليوم ماطيبتن؟؟؟؟؟

ام صهيب
01-26-2012, 06:37 PM
غداى اليوم مقلوبة و فاصوليا

ام صهيب
01-26-2012, 07:31 PM
http://www.libyan-kitchen.com/gallery/images/img0613.jpg

هدا غداى امس حرايمى وحوتات مقليات وجمبرى ومكرونة بالجمبرى وبوريك سبانخ وجبنة

أمـ ساره
01-26-2012, 08:03 PM
ههههههههههههههه

أم ابرار لا والله ما طيبت اليوم حاشاك خذيتي بردة عالمعدة




أم صهيب ماشاء الله حبوبة سفيرة قنينة ان شاء الله في الجنة يارب


والله يا بنات تعبتوني وانتي تحطوا في صور السمك خاطري فيه

لكن للأسف راجلي ما يحبه لهذا ما اندير فيه اهيء اهيء اهيء

ياريت وحدة تبعث لي حصتي

أم أبرار
01-26-2012, 11:02 PM
الف لاباس يأم ساره
وياأم صهيب سفيرة قنينة

نسيبة
01-26-2012, 11:05 PM
لاباس عليك ام صهيب طهورا
صحة وهني ان شاء الله
اليوم درت رز بلاو و دجاج محمر مع سلطة عربية و سلطة خضراء

روح مغتربه
01-26-2012, 11:13 PM
لاباس عليك ام ساره ما تشوفي شر
ام صهيب حتي انا نبي حصتي بدات من الجمبري وخاطري في السمك بكل والمشكله هنا في سبها من قبل ايجيبو فيه امعفن حاشاكم وتوا ما يجيبوا فيه بكل
المهم سفهتينا بجديات المره هادي ام صهيب وان شاء الله صحتين عليكم
واليوم غدانا سندوتشات من بره انا وصغار والحاج اليوم خميس متغدي بره افراح ما شاء الله

ام صهيب
01-27-2012, 01:58 AM
تفضلوا صحةو هنا


ام سارة : الف لاباس عليك

أمـ ساره
01-27-2012, 09:30 AM
الله يسلمكن وخياتي ويبارك فيكن

حاشاكم بردة وانتم عارفين الجو هالايام



البارحة خطر لي الساعة 9 اندير عشاء جعانة

خشيت للكوجينة ولميت الخضرة وقرضتها وحطيتها في الطاجين المغربي

ودرت فوقها ضلوع اللحم وصبيت عليهم التتبيلة وخليتهم ساعة فوق النار

وهب العشاء واتي أسهل من هكي ما فيه




واليوم ان شاء الله غذاي رز بالخضرة مع سلاطة وليموناضة



والعشاء نفكر في اسكالوب

كان احيانا المولى

روح مغتربه
01-27-2012, 10:42 PM
صحتين ام ساره ويقولو يبخت لعيال لا جاعت امهم هههههههه
وحتى انا لما انخش جيعانه للمطبخ اندير اسرع حاجه وتطلع حلوه مش عارفه شن السر
واليوم غدنا مكرونه امسقيه وامبطن وعشانا شاورما

ام ساره وعبدالعزيز
01-28-2012, 05:45 PM
اليوم الغداء شربة عدس ومبطن وكفتة سيور خذيتها من هناوسلاطة وبس

أم أبرار
01-28-2012, 10:11 PM
http://www.libyan-kitchen.com/gallery/images/2701201234.jpg
غدانا أمس رز وسلطات
http://www.libyan-kitchen.com/gallery/images/2801201234.jpg
غايا اليوم عصيبينات وطبيخة بطاطا وفطيرات وسلاطة

غدير الماء
01-28-2012, 10:52 PM
تفضلو الغداء اليوم كسكسي بالحوت وسلاطة خضار

وشويهيه خضره

ليبية
01-28-2012, 11:24 PM
ياعيني يا عيني على ام سارة الجوعانة صحة وفكرة الطاجين مليحة الله يسلم ايديك

ام ابرار ماشاء الله عليك صفيرات يجوعوا

غدير الماء ممممممممم كسكسو بالحوت لا يعلى عليه الله يسلم ايديك وصحة ليكم

أمـ ساره
01-29-2012, 01:03 AM
صحيحتين على قلوبكم وخياتي ماشاء الله عليهم سفيراتكم

اليوم ما طيب غذي لأني مشيت لأهلي

والعشاء تعشينا برا أني وزوجي بس

ام ساره وعبدالعزيز
01-29-2012, 06:29 PM
الله الله ام سارة على الرومانسية عشاء برا ربي يدوم عليكم المحبة

أم أبرار
01-29-2012, 11:07 PM
غدانا اليوم عند أمي كسكسي بالبصلة وأمبطن وسلاطة
http://www.libyan-kitchen.com/gallery/images/2901201235.jpg

ام ساره وعبدالعزيز
01-30-2012, 12:06 PM
شنو الغدا اليوم وين التقرير ياحلويات يلا بلاش كسل
بالنسبة لى دايرة مكرونة بالتن جاى خاطري فيها وطاجين لراجلى

أم الرجال
01-30-2012, 12:35 PM
أم أبرار

ماشاء الله والله خاطري في هالتقعميزة قديش ليا عليها
صحتين وعافية

ام ساره وعبدالعزيز
01-30-2012, 12:46 PM
شرفتينا ام الرجال ويلا ورينا شن غداءك اليوم انت مبدعة في الحلو فاْكيدمبدعة حتى في التطييب

أم أبرار
01-30-2012, 05:34 PM
شكله هالايام ماتطيبن ف الغداء وأصابتني العدوى اليوم حتى أني ماطيبت الحويج صائم وأنا وأصغاري ع الخفيف

أمـ ساره
01-30-2012, 06:59 PM
مرااااااحب يا حلوات

شوره الجماعة صايمة


الايام الي فاتوا ما طيبت غذاء كل يوم في حاجة

والبارح العشاء من برا

والليلة ان شاء الله عشاي اسكالوب محشي طريقة أم صهيب

وممكن اندير معاه خضرة مشوية نحبها هلبة

نسمه ليبيه
01-30-2012, 08:03 PM
السلام عليكم

ام ابرار محلاها الوكله عند الهل ترد الروح

انا اليوم غدايا رز مبوخ بالكرشه وسلاطه
والعشاء بندير كبده

روح مغتربه
01-30-2012, 11:01 PM
السلام عليكم يا حلوات صحتين عليكم الاكلات الحلوه الي اتفتلكن فيهن
وام ساره ربي يدون هناكم ويسعدكم
وان غدايه اليوم وصفه سريه ومجهولة الهويه نبي نشترك بيها في المسابقه وهريسه ومخللات وبصراحه هاليومين حشاكم رجلي دايره فيه حاله ومزهقتني في الدنيا ومانرقد منها والمطبخ انخشله طلات بسيطه وامس كان غدانه افخاد دجاج تبلتهن نبي نشويهن وبعدين معادش اقدرت اتحرك حطيتهن علي الغاز وخليتهن اطيبن طبخ وطلعن حلوات احسن من قعدنه من غير غدا

نسمه ليبيه
01-31-2012, 12:21 AM
روح الف لاباس عليك

وام الصغار حتى المرض ماتقدر تمرض

أمـ ساره
01-31-2012, 12:27 AM
صحيحة على قلوبكم يا بنات


روح مغتربة ان شاء الله لا باس عليك وخيتي

وربي يشفيك ان شاء الله


ايه والله وخيتي وقفة الكوجينة اتهد الصحة ربي يعينا وخلاص

أم أبرار
01-31-2012, 01:40 PM
لاباس عليك روح وإن شأالله في عدوك

أم الرجال
01-31-2012, 07:04 PM
روح مغتربة

إن شاء الله لاباس عليك

حافظي علي صحيحتك ماتاكليها إلا في روحك

وحتى الواتي مرة مرة كثر خيرة

DREAM
01-31-2012, 08:29 PM
ان شاء الله لاباس عليك روح مغتربة
اليوم الغدي كسكسي بالخضرة ومعاه مسير وسلاطة

روح مغتربه
01-31-2012, 11:37 PM
الله لا ايوريكن باس اخواتي سلمكن نشادات الحمد لله امس امشيت للعياده هذا وين بديت انتابع في الحمل بعد الوجع ما اوصل للعظام ههههههه
المهم الدكتوره قالتلي التهاب مفاصل بسبب ارتفاع نسبه الترسبات وبدايت دوالي بعيد عنكم الحمد لله علي كل حال وقالت ما تقدر تعطيني شئ غير البندول وبعد التحاليل تكتبلي المضاد الحيوي المناسب الحمد لله علي كل حال
المهم غدايا اليوم مكيرينه امبكبكه بالترفاس والله جاء علي غفله ومن الفرحه بيه ما خطرش عليه انصور بس الوجبه الجايه بعون الله انصورها ونزلها في المسابقه وتعشينا شندوتشات انا وصغار الحاج اليوم عنده سهريا ايوصل ساندريلا ويروح يعني بعد الساعه 12هههههه

الساجدة لله
02-01-2012, 03:05 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم أبرارhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif

مساءكن فل




ذوقن غداي اليوم وقولن رايكن
سميكات مقليات ومحشي مشكل وشربة دشيشة وسلطة كوسا مع سليطة خضراء وعصير برتقال طبيعي



وفطيرات بس نسيت ماصورتهن
http://www.libyan-kitchen.com/gallery/images/2401201231.jpg
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ممكن طريقة السلاطة متع الكوسا شكلها روووعة

أم أبرار
02-01-2012, 05:35 PM
لعيونك يا سجودة
نقطع الكوسا بعد غسلها ونحطها في طنجرة مع فلفل أخضر وثوم وشوية زيت وملح
نحطها فوق النار بعد اتطيب نخليها تبرد ونطحنها بست البيت
نضيف لها كسبر مطحون وزيت زيتون ونزينها كسبر أخضر

نسيبة
02-01-2012, 07:12 PM
لا باس عليك روح مغتربه
ردي بالك من نفسك ربي يحميك
صحيحة ام ابرار سفيرة مقومة عجبتني سلطة الكوسا صحية و قنينة سبقتني سجودة لسؤالك
شكرا لك و لها سفرة دايمة

أمـ ساره
02-01-2012, 11:09 PM
صحيحة على قلوبكم يا بنات

بالنسبة لي عشاي كان رز مخلط ( المقلوبة ) بالخضرة

مع سلاطة خضراء وجزر وزيتون وطماطم

وعصير برتقال طازج

خدوج
02-02-2012, 12:42 AM
خير يابنات

يلا نشاركم حبوبات
غديتم اليوم طبيخة سلق وسمبوسك
وعشيتهم فتات مصراتى لمغتربة7 جربوه يهبل
مع جبنة ودحى مقلى وطويسة خضراء منعنعة
عل كيف كيفكم

سجودة صحتين على قلوبكم

# نور #
02-02-2012, 12:53 AM
هذا السؤال شن الغدا اليوم ليا سنوات معاش سألته لاني نطيب بنفسي بعد ما كنت مدللة ومدلعة والحمدلله على كل حال الان اني قايمة بالحوش بعون الله وربي يشفي امي ويخليها ويرفع عنها ويحفظها ليا ويطول بعمرها .

أمـ ساره
02-02-2012, 02:11 AM
اقتباس: المشاركة الأصلية كتبت بواسطة # نور # http://kitchen.libyan-kitchen.com/pinksky/buttons/viewpost.gif (http://kitchen.libyan-kitchen.com/showthread.php?p=78166#post78166)
هذا السؤال شن الغدا اليوم ليا سنوات معاش سألته لاني نطيب بنفسي بعد ما كنت مدللة ومدلعة والحمدلله على كل حال الان اني قايمة بالحوش بعون الله وربي يشفي امي ويخليها ويرفع عنها ويحفظها ليا ويطول بعمرها .






ربي يشفي اميمتك وخيتي ويحفظها لك يارب

وكلنا جانى الدق من الي تزوجنا

يعني انتي تعودتي عليه بكري

روح مغتربه
02-02-2012, 10:49 AM
نسيبه بارك الله فيك وصحيتي علي السوال وفرحتني رسالتك وبارك الله فيك ويخليك ليه يا رب
ربي يشفي اميمتك اختي نور ويخليها ليك يا رب ام ساره ما شاء الله شكله عشاء بغداك مره وحده حتى اليوم
وخدوج ربي يعطيك الصحه والله اني انحبك في الله
ام ابرار يسلموا ايدياتك فعلاً صفرتك اتشهي وسلاطه الكوسه قيد التطبيق
واليوم فعلا محتاره شن الغداء ومش عارفه شن اندير

أم أبرار
02-02-2012, 10:55 AM
صباحكن ورد
اليوم غداي شريبة وسلطة بطاطا
بعدين أنصورها

أم أبرار
02-02-2012, 10:56 AM
صباحكن ورد
اليوم غداي شريبة وسلطة بطاطا
بعدين أنصورها

muslema
02-02-2012, 01:00 PM
also me ido not know what i will be cook

but me be i will be cook rise

# نور #
02-02-2012, 02:37 PM
اقتباس:
المشاركة الأصلية كتبت بواسطة أمـ ساره http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78182#post78182)






ربي يشفي اميمتك وخيتي ويحفظها لك يارب


وكلنا جانى الدق من الي تزوجنا


يعني انتي تعودتي عليه بكري




بارك الله فيك حبيبتي ام سارة ومشكورة على دعاوتك اللي فرحتني ربي يحفظلك سارة معاك حق ربي يعين الجميع

اقتباس:
المشاركة الأصلية كتبت بواسطة روح مغتربه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78223#post78223)
نسيبه بارك الله فيك وصحيتي علي السوال وفرحتني رسالتك وبارك الله فيك ويخليك ليه يا رب
ربي يشفي اميمتك اختي نور ويخليها ليك يا رب ام ساره ما شاء الله شكله عشاء بغداك مره وحده حتى اليوم
وخدوج ربي يعطيك الصحه والله اني انحبك في الله
ام ابرار يسلموا ايدياتك فعلاً صفرتك اتشهي وسلاطه الكوسه قيد التطبيق
واليوم فعلا محتاره شن الغداء ومش عارفه شن اندير



بارك الله فيك حبيبتي روح مغتربة ومشكورة على دعواتك ربي يحفظك ويخليك .

# نور #
02-02-2012, 02:39 PM
اليوم محشي ملفوف وزهرة مقلية إن شاء الله ومش عارفة ندير شربة والا لا نشوف العيلة شن يبو

وللأسف معنديش الوصلة اللي تنقل الصور للكمبيوتر كان صورتلكم .

ليبية
02-02-2012, 03:22 PM
السلام عليكم بنات كيف حالكم ؟

انا غذاي ايوم يا حنة

شيش طاووق

ضولمة

رز

وكان سخر لي ربي توا انصورهم

أمـ ساره
02-03-2012, 09:02 AM
ربي يهنيكم بغذاكم وعشاكم يابنات


روح ضحكتيني وخيتي لما قريت تعليقك

ايه حبوبة اني ندير وجبة وحدة بس في اليوم

هذا كان قدرت طبعاً

وان شاء الله يشفيني ونرجع أحسن من أول ونشكل ونطيب ونحي خاطري في كل شيء

أمـ ساره
02-03-2012, 09:05 AM
اليوم في بالي بندير فطيرة ان شاء الله

ولو درتها بكري بندير بيها فتات

نسيبة
02-03-2012, 09:57 PM
ربي يشفي والدتك غالية نور و يحفظها
ردي بالك من نفسك ام سارة ربي يهنيئك
اليوم درت كسكسي بالبصلة و معه سلطة خضراء

أمـ ساره
02-04-2012, 12:48 AM
الله يبارك فيك نسيبة ويخليك يارب




غذاي اليوم كان فتات امممممممممممم مش عادي

والعشاء خفيف

فول مدمس مع مشقشقات أجبان وتن والتوابع

خدوج
02-04-2012, 01:01 AM
خير يابنات
غديتهم اليوم رز بلاووحمرت دجاج فوق منه وزينته زبيب وبطاطا ودرت كرنب مقلى غلفته بالبيض والدقيق
والعشاء فتحت حكة طن وزيتون وجبنه شرائح وطوابع وقصيت شرائح طماطم ولوسة وهريسة
احنى الجمعة شبه رسمى غدانا بازين بس اليوم ماعنديش دقيق الشعير غيرت

نسمه ليبيه
02-04-2012, 01:06 AM
حدوج عطينا طريقة طبيخة السلق


وشن قصدك بطوابع

نور الله يشفى امك ويعوضك عن تعبك خير ويرزقك برها

ام ساره لما تديري الفطيره كيف تديري الفتات

اكيده قلتن هالقصقاصه اللى طحنا فيها ههههههههه اصلى نحب نعرف كل حاجه

نسمه ليبيه
02-04-2012, 01:07 AM
http://www2.0zz0.com/thumbs/2012/02/03/23/427628629.jpg (http://www.0zz0.com/realpic.php?s=2&pic=2012/02/03/23/427628629.jpg)



هذا غدايا من ايام رز بالشاورما خذيته من هنا من المنتدى وجربته اكثر من مره وهو لذيذ

نسمه ليبيه
02-04-2012, 02:03 AM
وهذى صوره اوضح

http://www2.0zz0.com/2012/02/04/00/693588280.jpg (http://www.0zz0.com)

خدوج
02-04-2012, 08:38 AM
اقتباس:
المشاركة الأصلية كتبت بواسطة نسمه ليبيه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78636#post78636)
حدوج عطينا طريقة طبيخة السلق


وشن قصدك بطوابع

نور الله يشفى امك ويعوضك عن تعبك خير ويرزقك برها

ام ساره لما تديري الفطيره كيف تديري الفتات

اكيده قلتن هالقصقاصه اللى طحنا فيها ههههههههه اصلى نحب نعرف كل حاجه




حاشاك حاشاك تكونى قصقاصة
والله ماحد جى من بطن امه متعلم
وعلى قد ماعشنا نتعلموا
وانى طبعى زيك مستحيل تعجبنى حاجة ومانسالش الشخص عليها
الا اذا حسيت الشخص مايبيش يعطى
وصحتين على غداكم
طبيخة السلق نقولهالك وان شاء الله مرة تانية
نحاول نزل طريقتها
ننظف السلق ونغسله كويس ورقة ورقة ونقعة فى المية باش ينزل التراب
زمان مافيش الالات كان يقصو فيه رقيق زى المعدنوس بس توا ماشاء
خلاطات..ماكينات انواع واشكال
المهم حاول تقصه عشوائى
وحطى كمية منه فى الخلاط خلاط الطاسة وضيفى له شوى ميه باش يرتحى طول
وحطى له بصلة وحدة بس وحبتين طماطم قنينات زيك وفصوص ثوم
وتمينا الرحى زين
نحطه فى طنجرة ونضيف له زيت ونحط كمية حمص ونحط فلفل اسود وشوى شوى شوى ملح
بالكى مالح من الاصل
وحطى لحيمتك قتينات(لحم )دجاج لا
وخليه لين تنقص ميته
ويتحمس (يتقلى)كانك تقلى فى طبيخة
وزيدى ميه وخليه يطيب لين تحسى لحمك طاب وتختر المرق(السلق) والحمص اكثرالاحيان
يذوب فى الطبيخة ..وياسلام
قبل ماطفيه شوى كان عندك حبات لفت بعد التقشير
رغم ان الناس متحباش بش يعطى بنه
وحطى حبات فلفل اخضر وتحسى الدهن طلع فوق وذوقى بهارتك وملحك طفيه
وصحتين وعافية
وللعلم
اختارى ورقات السلق من الحجم الصغير لانها ابن واطيب واطعم
الملح ديما حطى على راس الكاشيك لانه مرات يكون مالح من نفسه
واضافته ديما فى الاخير
مدة الطهى حاولى ماتكونش اقل من ساعة ونص
واحنى مرات نديرو بيه حتى بازين ونسموه بازين سلق
وصحتين وعافية
نسمة اكيد تقولى ياريت مسالتش من كثر مادويت صح ههههههههههه

خدوج
02-04-2012, 08:38 AM
نسوم
طوابع مثلثات ياحبيبة

نسمه ليبيه
02-04-2012, 09:49 AM
خدوج يسلموا على الطريقه

خزنتها لحين توفر اللحمات (لان اللحم راسه واجعه عندنا هههههههه الكيلو بــ 25 دينار قريب نكاكوا من الدجاج خخخخخخخ)

# نور #
02-04-2012, 07:58 PM
اقتباس:
المشاركة الأصلية كتبت بواسطة نسيبة http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78575#post78575)
ربي يشفي والدتك غالية نور و يحفظها
ردي بالك من نفسك ام سارة ربي يهنيئك
اليوم درت كسكسي بالبصلة و معه سلطة خضراء



بارك الله فيك عزيزتي نسيبة ويحفظك ويتقبل دعائك

اقتباس:
المشاركة الأصلية كتبت بواسطة نسمه ليبيه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78636#post78636)
حدوج عطينا طريقة طبيخة السلق


وشن قصدك بطوابع

نور الله يشفى امك ويعوضك عن تعبك خير ويرزقك برها

ام ساره لما تديري الفطيره كيف تديري الفتات

اكيده قلتن هالقصقاصه اللى طحنا فيها ههههههههه اصلى نحب نعرف كل حاجه



بارك الله فيك عزيزتي نسمة مشكورة وخيتي

روح مغتربه
02-04-2012, 08:07 PM
اقتباس:
المشاركة الأصلية كتبت بواسطة نسمه ليبيه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78636#post78636)
حدوج عطينا طريقة طبيخة السلق


وشن قصدك بطوابع

نور الله يشفى امك ويعوضك عن تعبك خير ويرزقك برها

ام ساره لما تديري الفطيره كيف تديري الفتات

اكيده قلتن هالقصقاصه اللى طحنا فيها ههههههههه اصلى نحب نعرف كل حاجه

قصقاصه من يقدر ايقولها
ما شاء الله عليك
وعلي قولت الناس لوله النشده اترد الداهب
وغداينا اليوم طبيخة ترفاس وطويسة زبادي اختكم من التعب ما تحرك الا بسيف
ونازله تنسيق وتحميل في المواضيع من الكساد

أمـ ساره
02-04-2012, 08:11 PM
نسومة عادي حبيبة قصقصي على راحتك وخيتي

انا درت الفتات المصراتي وهو نفسه الفطيرة طبعاً

غير الطريقة بس تختلف

وبعدين درت بيه فتات وان شاء الله انزل طريقته قريب

اطيبي الطبيخة والبصلة عادي زي الي اديري فيا لرشدة الكسكاس

وبعدين تقصي الفتات وتحببيه كويس وتسقيه وسلامتك

مرة نزلت طريقة الجبل الغربي لأم سوما

وبصراحة مش عادي

أمـ ساره
02-04-2012, 08:19 PM
خدوج ماشاء الله شكلها طبيخة قنينة

ومع شرحك خلتيها في خاطري وانتي توصفي وتتفنني في الوصف

يعطيك الهني وراحة البال وكل ما تتمني ياااااارب

ان شاء الله نجربها مرة ثانية




نسومة ايه والله ربي يعين على كيلو اللحم شايطة فيه النار

أمـ ساره
02-05-2012, 08:04 PM
وين الحلوات اليوم شوركن مرتاحات من الغذاء



تعرفوا اليوم صارلي موقف مع الغذاء

طبعا في بالي بندير غذاء متأخر كالعادة

اتصل راجلي قريب الواحد وقال لي جاينه ضيوف عالغذاء


وطبعا وخيتكم جري على المطبخ ونتحرك بأربعة ايدين لكن الحمد لله

هم تأخروا شوي زلما وصلوا كان الغذاء واتي

درت فاصوليا ورز أصفر درت معاه لوز بس

ودرت ضلوع خروف في الكوشة وقليت بطاطا بعد ما طبختها شوي في المية

وبعدين درتها في الدقيق المتبل وقيلتها

وقليت فلفل أخضر حلو وجزر وحطيتهم مع الضلوع

ودرت بيتزا معاهم وما لحقت عالسطات يا ذوب الخضرة الي درتها


والحمد لله ربي سترني مع زوجي

نسمه ليبيه
02-06-2012, 06:00 PM
ام ساره الله يعينك على قولة امى قالت الراجل يحساب اللحم لما يجى يطيب فى ساعتها

عشان هكى هى شرت طنجرة الضغط وتستعمل فيها فى الازمات
وياريتك صورتى لنا الغدا

نسمه ليبيه
02-06-2012, 06:00 PM
انا اليوم غدايا رز بلاو وشربه ومخلل

وردة الربيع
02-06-2012, 06:51 PM
...مرحبا...
غذاى اليوم درت براك وطاجين دجاج ورز بلاو
الراجلى معنداش الروح فى الرز ونستنى فيه لما يروح من الشغل وناكلوا هديكه الصفيرة
وطبق الحلو والله اليوم معزومين فى حوش سلفتى لان ولدها عيد ميلاده اليوم ومانحكيلك القيتها سبيلة

خدوج
02-09-2012, 06:21 AM
اول امس كتبت رد طويل عريض
غريبة وينه؟؟؟؟

خدوج
02-09-2012, 06:25 AM
امس غداى مبكبكة فى هذاك الصقع تاكلو صوابعكم وراها ههههههه
انى نحب الجارى(مبكبك)بس 2 من صغارى هلكونى مايحبوش
فمنديرش فيه الا نادر ومعاها سلاطة وعصير
ولمن نديره نتربعله تربيعة صح
وعشيتهم سمبوسك وشاى

نسمه ليبيه
02-09-2012, 08:53 AM
خدوج ووردة الربيع صحيحتين على قلوبكم

أم أبرار
02-11-2012, 01:41 PM
اليوم الغداء دشيشة