[مسابقة أفضل طبق مكرونة]مكرونة مبكبكة من مطبخ أم يمنى

[أم يمنى]

السلام عليكم :


http://www.libyan-kitchen.com/gallery/images/pyppyp.gif

هذا قلت ماخشش حد من الحلوات وطيب مكيرينة كل الليبيين يحبوها فى الزرادى ’ وأخف وأسهل أكلة وأول أكلة نتعلموها .
علاش , علاش ماطيبتوش مكرونة مبكبكة وخشيتوا بيها المسابقة .:mad::confused:
شمرت على ايديا ودرت صونيتين , وحدة سباقيتى والثانية حلزونة ,:mad::mad:

المقادير:
زيت
بصلة
طماطم معجون
طماطم أخضر
لحم
ملح
فلفل
بزار
مية
الطريقة:
حطى الزيت فى الطنجرة , وقرضى بصلة خليها شوية بعدين حطى اللحم حتى يولى لونه أبيض



http://www.libyan-kitchen.com/gallery/images/1ltl.jpg


ضيفى الطماطم والملح والبزار وشوية مية وخليه يغلى .


http://www.libyan-kitchen.com/gallery/images/2vpv.jpg


ضيفى المية وخليها ع نار متوسطة .



بعد نص ساعة أرجعى حطى مكرونتك وهدى النار ع الاخر .

http://www.libyan-kitchen.com/gallery/images/5jvj.jpg



http://www.libyan-kitchen.com/gallery/images/4nln.jpg

بعد ربع ساعة تكون طابت , قبل طيابها بشوية حطى قرنين فلفل حار وشوية حبق.



http://www.libyan-kitchen.com/gallery/images/6yey.jpg


توا شن فيها من صعوبة , حطيها فى صونية وقدميها .


http://www.libyan-kitchen.com/gallery/images/8tyt.jpg



http://www.libyan-kitchen.com/gallery/images/62nsn.jpg




http://www.libyan-kitchen.com/gallery/images/9mvm.jpg



هذه الطريقة علمتها جاراتى اماراتيات وعجبتهم , كانت طريقتهم ,
يطيبوا فى الصلصة بروحها ويسلقوا المكرونة بروحها , وبعدين يخلطوهم
مع بعض , ولما جربوا طريقتى عجبتهم , واعتمدوها .
وهكى طابت المكرونة , علاش مادرتوهاش .
أهى صوينية خاشة تداعك وتنافس وان شاء الله تفوز .:cool:


http://www.libyan-kitchen.com/gallery/images/9cfc.jpg






http://www.libyan-kitchen.com/gallery/images/8bpb.gif

[فضااوي]

ماشاء الله

رووووعة

تسلم الايااادي يالغلا

[الساجدة لله]

هههههههههههههه ضحكتيني ياام يمون على التفنيصة ههههههههههههههههه احنى الليبيات وين مانمشو لازم المبكبكة فجرتنا ههههههههههههههههههه ان شاء الله تفوز في المسابقة ياغالية واحلى مبكبكات من يدياتك حبيبة

[مغتربة 7]

اشيه ماشاء الله على البكبوكي الفايحة
تسلم الايادي
مشاركة مميزة
موفقة حبيبة

[ليبية]

ممممممممممممممممم

جت في وقتها


يعطيك الصحة والله يسلم ايديك

[loen]

اممممممممم والله ماعندكم ماتقولو على البكبوكى
وخاصه فى الشتاء تهبل
سلم دياتك

[أم أيوب]

تعرفي تنوعت طرق المكرونة واشكالها

تضل البكبوكي هي معشوقتي ولما بالدات تكون سباجيتي

وتكون على لحيمات حولي وفيها قرينات هداك الفلفل الحاااااااااااااااااار

يسلمو ام يمون

[ام تغريد]

وين بنهربو من المبكبكة لما نحير في الوجبة نريح روحي ونمشيلها طوالي

احلى وافضل وجبة للشعب الليبي بصراحة ما شاء الله وخاصة الاولى

وتسلم ايديك وصحتين لكل من داقها

[أم ميوسة]

تسلم ايدياتك أم يمنى

بكبوكي تهبل من ايدياتك

وأنا نموت فيها البكبوكي ولا يعلى عليها

صديقتك في السراء والضراء في الزرادي نمشولها نجروا

وقت الاستعجال وقت الشتاء نبوا حاجة سخونة

ومرات عشى وغيرهم غيرهم

فعلا البكوبكي احسن واسهل طبق ليبي ولا مكرونة تعلى عليها

أحلى تقييم لأحلى أم يمنى واحلى بكبوكي

[أمـ ساره]

ماشاء الله أم يمنى بكبوكي مقومة

وخاصة في الشتاء مش عادية

سلم ايدياتك حبوبة ومشاركة مميزة

وأحلى تقيييييم للموضوع السخون واللذيذ

[Om Amory]

يسلمو ايديك

[روح مغتربه]

ياسلام الصديقه الصدوقه سيدة المطبخ الليبي المتواضعه
المكرونه المبكبكه
يسلموا ايدياتك مكرونه اتجي في الخاطر وخاصه السباقيتي
ان شاء الله موفقه اختي

[أم لينه]

يسلمووووووووو أم يمنى مكرونه تجي في الخاطر

[بنية بوها]

يسلموا ايدياتك مكرينة تسهف شكلها صحتين علي قلوبكم وموفقة ان شاءالله

[Om Saga]

ياسلمها شمارة ههههههههههههههه
ياعيطك الهنى ياربي
تسلم إيداتك ياربي مكرونة حلوة وقنينة
منورة ياحلووووووووووووو

[نسيبة]

ماشاء الله غالية
احلى بكبوكي تنوعت الاكلات و تشكلت تبقى اروع من بينهن
خاصة وخيتك نسيبة تحبها بالقديد وولا بالعصبان اليابس و الصنة الفايح
هي الافضل بدون منازع
سلمها يا ربي

[lola9670]

تسلم الايادي

[الصابرة]

ياعيني على البكبوكي سلم دياتك فهي فعلا صاحبتنا اللي مالك عليها غنى