الشعر الجاااااااااااا (^__^) اااااا ف

[روعـة]

السلام عليكم

ان شاء الله مينحدفش الموضوع

كيف حالكم يا حلوات

نبي كل وحده تخش وتقولي شن تستعملي لي شعرك من خلطات دورت في النت في هلبااااااااا
بس نبي وحده مجربة :(:(

اني متزوجه وشعري جاف هلبا شن كل يوم بنستشور شعري والله مشكله ولا بنلفه فوق :(
اللي شعرها زيني تقولي شن دريله كل يوم والله جتني حاله منه:mad::mad:

نستناء في مسعدتكم

سلام

[مغتربة 7]

وعليكم السلام ورحمة الله وبركاته

حبيبة اني بنتي شعرها جاف شوية
انحطلها فى كريمة جوز الهند او زيت جوز الهند عندكم
وحطي زيت دابر املا
مجربتهم لبنتي روعة الصراحة
وبالنسبة لشعر العادي اني مدايرة خلطة زيوت
زيت خروع وزيت زيتون وزيت حبة البركة وحبات قرنفل ودرت فيهم رقية الشعر وندهن بيهم بعد الدوش
وان شاء الله يزيدوا يفيدوك البنات

[مسلمة]

السلام عليكم .. أختي أنا نقولك بعض النصائح اللي نتائجها مرضية بإذن الله .. حسب تجربتي:
1- قبل ما تغسلي بساعة أو ساعتين خلطي مقادير متساوية من زيوت الشعر اللي تعرفيها مناسبة لنوعية شعرك زي زيوت الخروع والزيتون واللوز المر والجرجير وجوز الهند مثلا وحطيهم في كوب شاهي صغير وأقري عليهم آيات الرقية ،، منها سور الفاتحة وأول صفحة من البقرة وسور الإخلاص والفلق والناس..مع التفل الخفيف قبل كل قراءة مع النية الصادقة في الشفاء وليس نية التجربة .. ثم دلكي بقوة من جذور الشعر وحتى الأطراف وغطي الشعر بقطعة قماش أو محرمة قطنية

2- عند غسل الشعر لااااااااا تستخدمي الماء الساخن أو الفاتر لأنه يفقد الشعر رطوبته وزيته الطبيعي.. إشطفي بالماء البارد العادي

3- بالنسبة للشامبو أنا معتمدة شامبو العسل مع البلسم.. بمواصفات إيطالية.. تلقيه في المحلات لون العبوة أصفر والغطاء أخضر ومكتوب عليه Honey

4- بعدها لاتمشطي الشعر وهو مبلول حتى لا ينفش..

5- إذا جف الشعر ومشطتيه وأحسستي ببعض الجفاف فيه .. إدهني أطرافه الجافة بأي نوع زيت طبيعي عندك وما تكثريش.. زي زيت فاتيكا أو أملا أو غيرهم وتكوني قارية عليهم الرقية الشرعية مع نية الشفاء..


إن شاء الله نكون أفدتك

[ام ساره وعبدالعزيز]

انا مجربة الزبادي تدهنى بية قبل الحمام وفى خلطة صفار بيضة وزيت زيتون ومايونيز بصراحة تخلى الشعر تحفة

[bent libya]

ممكن إديري كيراتين هو علاج فرد طبيعي للشعر.وان شاء الله خير.

[نعومي نت]

ما شاء الله البنات كفوا و وفوا
بس عندي نصيحة اهم حاجة إنك تستمر علي الوصفة اللي بتعتمديها لان المرة الواحدة او المرتين ما تجيبش النتيجة المطلوبة