[ البريمة بالقديد ] من مطبخ أم أيوب

[أم أيوب]

http://www.libyan-kitchen.com/gallery/images/li.gif



السلام عليكم ورحمة الله وبركاته

كيف الحال يا غاليات

اليوم حبيت نوريكم طريقة البريمة بالقديد

وللأمانة الاكلة تعلمتها من عزوزتي مصراتية وقعدت ادمان عليها لانها غير عادية

المقادير :

دقيق + شوية مية + ملح للعجينة

قديد حسب عدد العائلة + طماطم معجون + بازيلاء + ثوم تقريبا 8 فصوص

كسبر مفروم + حلبة حسب الرغبة + حبق مفروم + رشة زعتر مطحون + ملح

الطريقة :

خودي طنجرة حطي فيها مية مش واجد تقريبا كوبين بس وخليها عالنار

اول ما تفور المية حطي فيها القديد مع الشحم متاعه والبازيلاء والطماطم المعجون والحلبة والثوم

وخليها تغلي لعند ما تبخر المية والطبيخة تتسبك او تعقد

http://www.libyan-kitchen.com/gallery/images/020ofo.jpg

بعدين زيديها مية وخليها تقريبا ساعة عالنار يطيب القديد والبازيلاء كويس ورشي الملح

نجو توة للعجينة خودي دقيق المقدار على عينك وعدد افراد العائلة

نحن العشاء كان تقريبا 10 أشخاص ممكن استعملت كيلو دقيق أو أقل كباية

غربليه ورشي عليه شوية ملح وجيبي حداك مية

خودي رشي المية بكميات بسيطة وخلطي بروؤس الاصابع في الدقيق

لعند ما تكون عجينة مفتتة من بعضها ونقولك ما تعجنيش

ابرمي الدقيق بالمية بروس الاصابع من هنا سموها بريمة

حسيتي الدقيق خش في بعضه وقفي المية

واقعدي فتتي في العجينة المبرومة بين أصابعك

لو حسيتيها رطبة رشي شوي دقيق وتنحل معاك

شوفوا الصور توة تعرفوا كيف يقعد شكلها

http://www.libyan-kitchen.com/gallery/images/030aza.jpg

وهدي من قريب

http://www.libyan-kitchen.com/gallery/images/040eie.jpg

لما تحسوها تفتت بالكامل تعالي لطنجرتك

ولازم ماتكون النار عالية لحظة ماترمي البريمة في الطنجرة

خودي ملوة يدك ورشيها بشويش وباليد التانية قلبي الطنجرة

خودي بشوية وارمي وقلبي لعند ما يتم مقدارك وحطي الكسبر المفروم والحبق والزعتر

http://www.libyan-kitchen.com/gallery/images/060ene.jpg

بعدين غطيها وخليها تقريبا ربع ساعة

ولعشاق الفلفل الحار حطو قرينات منه قد ماتحبو لانها لذيذة وهي حارة تحرق

وانتي تقلبي فيها لو حسيتي المية واجدة زيدي شوي بريمة لعند ما تحسيها

غلظت معاك وقتها هدي النار وخليها تكتك على مهلها

http://www.libyan-kitchen.com/gallery/images/070sms.jpg

وبعد ماتحسيها غلظت والعجينة طابت واطيها عالنار واستمتعي باكلة تبي الشتاء والصقع

http://www.libyan-kitchen.com/gallery/images/080.jpg

هي تفضلو عشان تدفوا من هالصقع

http://www.libyan-kitchen.com/gallery/images/090.jpg

[الساجدة لله]

اشيه اشيه عليها اشيه اشيه سخينة في هالصقع ماشاء الله رغم اني مصراتية الاصل بس مانعرفهاش لاني مولودة في طرابلس ومانعرفش الا القليل على مصراتة والحمدلله التورة هده ردتنا ليها وتعرفت عليها اكتر وعلى بعض اكلاتها التراتية بس ام ايوبي ياريتك راجيتي شوية عشان انزلوها في المسابقة والله حرام اكلة كيف هده ماتشاركش في المسابقة بس عشان هالاكلة تستاهليهم النجيمات ههههههههههه

[ام ساره وعبدالعزيز]

ماشاء الله عليك حرة وشاطرة
عارفة ياام ايوب نموت على حاجة اسمها قديد لكن راجلي مايحبش عشان هكي امى ديمة تخليلى حصتى من القديد ابتاعهم لم نجيها اطيبلى علية
لكن المرة هذي توا انجيك انتى وخلاص

[أم لينه]

تسلم الأيادي أم أيوب
روعة تهبل في هالصقع
وشكلها نويشطة ومحبركة
وياعيني على الفلفل اللي ينادي فيا عيوني قريب يطلعوووووووووووو فيه
احني نقولوله بركوكش ماعنديش الروح معاه

[مغتربة 7]

بسم الله مااااااشاء الله
ههههههه حتى اني مصراتية وما نعرفهاش لاني طول فى طرابلس
روعة الصراحة تسهف
جت فى خاااااااطري
تسلم الايادي
وصحتين على قلوبكم
احلى تقييم لعيونك

[DREAM]

ما شـــــــ الله ــــــــــــاء
جوعتيني في هالليل
شكلها انويشطة اتهبل
يسلمو ايديك

[ام بوفة]

تي شكلك خطيرة انتي وعمتك

سلم ايديك اتهبل

زوجي عاشق القديد وهذي اكلة جديدة وغريبة توا انديرها له


الله ايربحك ايييييييييييييييييييييوا

[أحلآم الدنيا]

اممممم ،،ماشاء الله تهبل الله يحفظك ان شاء الله ويحميك
صحتين على قلبك حبيبتى

ودى

[Om Saga]

تبارك الرحمن ياأم أيوب
واااااااااااااااااااااك تهبل بالذات في الصقع
شكلها مش عادي
أحلى تقييم لعيونك ليك ولموضوعك الرائع جدا
بجديات عجبتني وأول مرة نعرفها
مووووووووووووووواة على مواضيع الروعة

[زهرة البنفسج]

ماشاء الله
حاجة جديدة واتهبللللللللل
بارك الله في هدا المنتدى اللي علمنا اكلات ليبية مانعرفوهاش وجمعنا مع بعض

[زينب محمد]

ماشاء الله

يسلموا الايادي حبوبة

طريقة تحضير عجينتها زي البركوكش عندنا غير البركوكش نديروا فيه بدقيق الشعير

والبركوكش اعشابه تختلف وهيا من حشاش الارض خبيز وحميضة وحريق وسليح اللي هو ضرس العجوز

[أم أيوب]

اشيه اشيه عليها اشيه اشيه سخينة في هالصقع ماشاء الله رغم اني مصراتية الاصل بس مانعرفهاش لاني مولودة في طرابلس ومانعرفش الا القليل على مصراتة والحمدلله التورة هده ردتنا ليها وتعرفت عليها اكتر وعلى بعض اكلاتها التراتية بس ام ايوبي ياريتك راجيتي شوية عشان انزلوها في المسابقة والله حرام اكلة كيف هده ماتشاركش في المسابقة بس عشان هالاكلة تستاهليهم النجيمات ههههههههههه


نورتي سجودة
اسالي عليها اميمتك البريمة لأنها أكلة قدييييييييمة من مصراته

عمي وقت نحطوها له يقعد يدندن

بريمة فيها كريكيبات فطور خوالك عالغيات ههههههههه

ان شاء الله عندي ياما حاجات نحطهم في المسابقة أولهم الفتات المصراتي

[أم أيوب]

ماشاء الله عليك حرة وشاطرة
عارفة ياام ايوب نموت على حاجة اسمها قديد لكن راجلي مايحبش عشان هكي امى ديمة تخليلى حصتى من القديد ابتاعهم لم نجيها اطيبلى علية
لكن المرة هذي توا انجيك انتى وخلاص


اهلين ام سرورة

مرحبتين يا عسل تفضلي وندوقها لكي من ايدين عزوزتي لانها مبدعة فيها الصراحة

تعرفي عمري ماكليت القديد في حياتي لعند وأنا حامل بأيوبي

توحمت عليه منها قعد هو اعيوني وراجلي احرف مني يعشق حاجة اسماها قديد

[أم أيوب]

تسلم الأيادي أم أيوب
روعة تهبل في هالصقع
وشكلها نويشطة ومحبركة
وياعيني على الفلفل اللي ينادي فيا عيوني قريب يطلعوووووووووووو فيه
احني نقولوله بركوكش ماعنديش الروح معاه

ههههههههههههههه سلامة عويناتك ام لينة يا عسل

الفلفل ما نتحركش الا بيه قريب ناكله مع الحليب

تفضلي يا قمورة سمي وكولي صحتين

البركوكش نسمع بيها الأكله هادي بس مانعرفش هي شني

[أم أيوب]

بسم الله مااااااشاء الله
ههههههه حتى اني مصراتية وما نعرفهاش لاني طول فى طرابلس
روعة الصراحة تسهف
جت فى خاااااااطري
تسلم الايادي
وصحتين على قلوبكم
احلى تقييم لعيونك

منورة كالعادة غوغو

حتى خيتك مصراتية في الاصل بس عمري ماشفتها هالأكلة الا لما جيت لأهل راجلي

لأنهم متمسكين بعادات مصراته وأكلاتهم تعلمتها منهم

ماما تراجي فيا امتى نجي عشان نديرها لهم ههههههههه

[أم أيوب]

ما شـــــــ الله ــــــــــــاء
جوعتيني في هالليل
شكلها انويشطة اتهبل
يسلمو ايديك

حضورك اللي يهبل دريم يا عسولة

نورتي وبارك الله فيك

[أم أيوب]

تي شكلك خطيرة انتي وعمتك

سلم ايديك اتهبل

زوجي عاشق القديد وهذي اكلة جديدة وغريبة توا انديرها له


الله ايربحك ايييييييييييييييييييييوا

أم بوفة انتي عاد جارتي امتى مايجي خاطرك فيها نديرها وندزها لكي

نورتي يا عسل

[أم أيوب]

اممممم ،،ماشاء الله تهبل الله يحفظك ان شاء الله ويحميك
صحتين على قلبك حبيبتى

ودى

نورتي احلام

ربي يبارك فيك ويسلمك يا غالية

[أم أيوب]

تبارك الرحمن ياأم أيوب
واااااااااااااااااااااك تهبل بالذات في الصقع
شكلها مش عادي
أحلى تقييم لعيونك ليك ولموضوعك الرائع جدا
بجديات عجبتني وأول مرة نعرفها
مووووووووووووووواة على مواضيع الروعة


نجيها ياربي ونجي حبيباتها

هي تعالي ناكلوها اني واياك أم سجو

في صوينية تانية ماحطيتهاش قلت هدي حصة ام سجو

هي تفضلي كوليها انتي وايوبي صاحبك

[أم أيوب]

ماشاء الله
حاجة جديدة واتهبللللللللل
بارك الله في هدا المنتدى اللي علمنا اكلات ليبية مانعرفوهاش وجمعنا مع بعض

زهيرة نورتي يا عسولة

جربيها مش عادية وتدفي في هالشتاء

[أم أيوب]

ماشاء الله

يسلموا الايادي حبوبة

طريقة تحضير عجينتها زي البركوكش عندنا غير البركوكش نديروا فيه بدقيق الشعير

والبركوكش اعشابه تختلف وهيا من حشاش الارض خبيز وحميضة وحريق وسليح اللي هو ضرس العجوز

اهلين بزوبة نورتي موضوعي بردك

تعرفي البركوكش نسمع بيه لكن مانعرفش من شني يديروا فيه

حنسأل عليه عزوزتي الا ما تعرفه

[زينب محمد]

اقتباس:
المشاركة الأصلية كتبت بواسطة أم أيوب http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=73531#post73531)
اهلين بزوبة نورتي موضوعي بردك

تعرفي البركوكش نسمع بيه لكن مانعرفش من شني يديروا فيه

حنسأل عليه عزوزتي الا ما تعرفه






انا درته السنة الماضية مرتين قبل الاحداث مباشرة كنت بنزله مشاركة تشجيعية في مسابقة اكلات الربيع

ان شاء الله نزله

[نسمه ليبيه]

سلم ايدياتك ام ايوبى

[الساجدة لله]

اقتباس:
المشاركة الأصلية كتبت بواسطة زينب محمد http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=73491#post73491)

ماشاء الله



يسلموا الايادي حبوبة


طريقة تحضير عجينتها زي البركوكش عندنا غير البركوكش نديروا فيه بدقيق الشعير


والبركوكش اعشابه تختلف وهيا من حشاش الارض خبيز وحميضة وحريق وسليح اللي هو ضرس العجوز






زوبة البركوكش حتى هو مانعرفاش بس في زيارتي الاخيرة لمصراته قريبتي قالتلي عليه وشرحتلي عليه وقالتلي في وقت الربيع ايديرو فيه بس انا لانعرف البركوكش ولانعرف البريمة الحمدلله اللي درتي المنتدى هذا بش عرفنا اكلات بلادنا

[أم أيوب]

سلم ايدياتك ام ايوبى

الله يسلمك نسمة بارك الله فيك

[نسيبة]

ماشاء الله عليك حبيبة ام ايوب
الصنة وصلتني سلم ادياتك
عز الماكلة و وقته في الشتي
قداش ذكرتني يا زوبة بالبركوكش الله يرحمها حنى تعرف طريقته
الربيع موسمه هو و العسلوز

[أم أيوب]

ماشاء الله عليك حبيبة ام ايوب
الصنة وصلتني سلم ادياتك
عز الماكلة و وقته في الشتي
قداش ذكرتني يا زوبة بالبركوكش الله يرحمها حنى تعرف طريقته
الربيع موسمه هو و العسلوز

نورتي نسيبة يا عسل
تفضلي حبوبة

[sweet nona]

الله اتسهف في هاصقع رغم اني عشت عمري كله في مصراتة لكن اول مرة انشوفها وخطرت عليا المقطع بادن الله عشانا غدوة ههههههههههه تسلم ايديك موضوع رااائع ويستحق التقييييم 5 نجمات

[روح مغتربه]

ما شاء الله منظرها في ها الصقع جرالي ريقي يسلموا ايديك ام ايوب

[أم ميوسة]

ما شاء الله تبارك الرحمن أم أيوب

بريمة تهبل

رغم أني ما نعرفهاش قبل بس شكلها تهبل وجت في خاطري

تسلمي يا أم أيوب منك عرفت المثرودة والبريمة

تعرفي عجبني موضوعك هلبة بصراحة طبق رائع وممتاز

تستحقي التقييم بجدارة يا احلى أم أيوب

ما شاء الله مواضيعك كلها أحلى من بعض وتثري في المنتدى

بارك الله فيك

[أمـ ساره]

ماشاء الله لاقوة الا بالله

شكلها ايهبل ويجي في الخاطر

ربي يسلم ايدياتك وايديات عزوزتك

وأحلى تقيييييييم

[بنت بابى]

ماشاء الله سلم ايديك انا مصراتية ونعرفها من حنتى الله يطول فعمرها كنت لما نمشى لحوشها وانا طفلة ديمة اتديرلى فيها فطور بس للاسف مكليتهاش من زمان من اكتر من 10سنوات معادش ضقتها وبنشكرك لانك جبتيلى الطريقة على طبق من فضة ام ايوب جزاك الله كل خير

[ام تغريد]

http://www.libyan-kitchen.com/kitchen/../gallery/images/080.jpg


واااااو علي القعيد السخين والفليفلات ما شاء الله تبارك الله


تسلم ايديك حبيبة واحلى تقييم

[أم إيناس3]

روعة يسلمو الايادى

[أم أيوب]

الله اتسهف في هاصقع رغم اني عشت عمري كله في مصراتة لكن اول مرة انشوفها وخطرت عليا المقطع بادن الله عشانا غدوة ههههههههههه تسلم ايديك موضوع رااائع ويستحق التقييييم 5 نجمات

صحتين عشاك ياغالية

نورتي حبيبة

[أم أيوب]

ما شاء الله منظرها في ها الصقع جرالي ريقي يسلموا ايديك ام ايوب

نورتي رويحة

[أم أيوب]

ما شاء الله تبارك الرحمن أم أيوب

بريمة تهبل

رغم أني ما نعرفهاش قبل بس شكلها تهبل وجت في خاطري

تسلمي يا أم أيوب منك عرفت المثرودة والبريمة

تعرفي عجبني موضوعك هلبة بصراحة طبق رائع وممتاز

تستحقي التقييم بجدارة يا احلى أم أيوب

ما شاء الله مواضيعك كلها أحلى من بعض وتثري في المنتدى

بارك الله فيك



نجيها ياربي ام ميوسة اللي ديما تحرج فيا بردودها الحلوة

نورتي ياقمر

[أم أيوب]

ماشاء الله لاقوة الا بالله

شكلها ايهبل ويجي في الخاطر

ربي يسلم ايدياتك وايديات عزوزتك

وأحلى تقيييييييم

صحتين لام سوسو

جربيها يا عسل تدفي في هالزمهرير

[أم أيوب]

ماشاء الله سلم ايديك انا مصراتية ونعرفها من حنتى الله يطول فعمرها كنت لما نمشى لحوشها وانا طفلة ديمة اتديرلى فيها فطور بس للاسف مكليتهاش من زمان من اكتر من 10سنوات معادش ضقتها وبنشكرك لانك جبتيلى الطريقة على طبق من فضة ام ايوب جزاك الله كل خير

اهلين بنية عمي

تعلمتها من عزوزتي مصراتية من كرزاز

وحبيتها لانها بجد لذيذة

ربي يطول في عمر جديدتك يارب

نورتي يا قمر

[أم أيوب]

واااااو علي القعيد السخين والفليفلات ما شاء الله تبارك الله


تسلم ايديك حبيبة واحلى تقييم
[/color][/size]

سمي بالله وكولي ام تغريد الحلوة

الفليفلات كلهم ليك بس راهم حارااااااااااااااااااات موت

نورتي حبيبة

[ملكه بنقابي]

تسلم ايديك وعوافي علي قلوبكم

[المصراتيه]

غير شن درتي فيا،،،ساعه واني حاطه غير علي القصعه ونتفرج
ماشاءالله والله تهبببببببببببل غير كان نهار طول حطيت الطنجره عالنار لكن توا واحد في الليل
جاب ربي مزال عندي شويت قديد كنهادا ركبت اول طياره وجيتك
اني دروحني مصراتيه نعرفها ولكن مانعرفش انديرها الحق وتوا لقينا منو السمح اللي علمهنا وبكرا تكون غدايا ان شاءالله كنهو منطوش الجماعه وقالولي مانكلوش فيها بس يستر الله

يعطيك الصحه وسلم عزوزك ياربي

[ام جنى]

الله الفلفل يخلى لعابى يسيل
اول مره انشوفها شكلها روعه

[أم أيوب]

تسلم ايديك وعوافي علي قلوبكم

الله يعافيك ملكة بنقابي نورتي

[أم أيوب]

غير شن درتي فيا،،،ساعه واني حاطه غير علي القصعه ونتفرج
ماشاءالله والله تهبببببببببببل غير كان نهار طول حطيت الطنجره عالنار لكن توا واحد في الليل
جاب ربي مزال عندي شويت قديد كنهادا ركبت اول طياره وجيتك
اني دروحني مصراتيه نعرفها ولكن مانعرفش انديرها الحق وتوا لقينا منو السمح اللي علمهنا وبكرا تكون غدايا ان شاءالله كنهو منطوش الجماعه وقالولي مانكلوش فيها بس يستر الله

يعطيك الصحه وسلم عزوزك ياربي

يارب تكوني درتيها ونجحت معاك

صحتين على قلوبكم

[خدوج]

ام ايوب
هذه وين كانت مدسوسة
امتا نزلتيها لو شفتها من قبل كان الشتاء كملتها بهاالاكلة
باين عليها حلوة
خشت دماغى بقوة ورست فى القمة هههههه
يسلم يدياتك وايدين عزوزتك ربى يحفظها لك

[أم أيوب]

ام ايوب
هذه وين كانت مدسوسة
امتا نزلتيها لو شفتها من قبل كان الشتاء كملتها بهاالاكلة
باين عليها حلوة
خشت دماغى بقوة ورست فى القمة هههههه
يسلم يدياتك وايدين عزوزتك ربى يحفظها لك



دوجة أمتى رديتي على موضوعي ههههههههههههههه

جربيها حتى توة تجي سمحة مش شرط الصقع

صار رست في القمة هههههههههه يعطيك الهنا

ديما منورة بردودك الحلوة يا عسولة

[luba]

تسلم الايادي بارك الله فيك لك تقييمي

[الصابرة]

ماشاءالله عليك
سلم دياتك يارب
وزي البركوكش عندنا في زليتن انديروا فيه زيك
غير كانحطوش فيه بازليا نحطو في فول اخضر ان وجد
سلم دياتك

[نورية المصراتية]

روووووووووووووووووووعة تجننننننننن ;)
بجد يعطيك الصحة و تسلم ايديك
انموت في حاجة اسمها البريمة :rolleyes:
ولما شفت صورتها استحشتها و استحشت مصراتة :(

[أم خديجه]

ما شاء الله لاقوة الا بالله
ربي يعطيك صحيحتك
اكلات مصرتيه واجده مانعرفش انديرها مع اني مصراتيه الي النخاع
تسلمي
طلب اختي ام ايوب طريقة عمل البلفيطه كان تعرفيها (احنا صغرين انقولوله عيش الشكولاته ههههه)
بارك الله فيك خديتيني الي جو مصراته الغاليه

[زوبة الطيوبة الحبوبة]

ماشاء الله على الاكلات الزمنية شكلها يشهي.. يسلموا