استفسار مهم عن الفطيرة

[ام انس]

السلام عليكم اخواتي:
لو سمحتم عندي سؤال: طبقت طريقة الفطيرة من الاخت زينب ومن بعض الاخوات في المنتدى بارك الله فيهن لكن لما نجي نفرد كل قرص من الفطيرة و نحاول نفردها على شكل دائرة او مستطيل بدون ماتتمزق لكن لازم تتمزق مني على الرغم من اني نخلي فيها ترتاح حتى 3 ساعات فياريت تقولولي على طريقة نفرد بيها الفطيرة بحيث تجيني مساوية وبدون ما تتمزق.
ونحاول في كل مرة نفردها رقيقة بس تجي مني غليظة مانعرفش علاش ياريت تفيدوني.

[Om Amory]

ان شاءالله البنات يفيدوك

الحق ماعمرى درتها

[ام تغريد]

بصراحة حتى اني تتقطع مني لكن ما نخليش فيها ترتاح هلبة مدة اقل من ساعة

والسمك انتي تتحكمي فيها

[رحمتك ربى]

اللهم صل على محمد وعلى آله وصحبه أجمعين اكيد لانك ماتعجنى فيها اكويس

[الساجدة لله]

انا نعرف علاش تتمزق مني لاني نمد فيها هلبه ونرقق فيها هلبه مش عارفة اذا كنت نفس اللي ندير فيه اديري فيه انت

[مغتربة 7]

وعليكم السلام
حبيبة فى بعض الاشياء الى تخليها تتقطع
ممكن ما تكونش مرتاحة كويس
والحاجة التانية لما تفتحيها ادهني ايديك ولما تفتحي ركزي على الجوانب مش الوسط يعني افتحي بطريقة انك تفتحي الوسطي من غير ما تبدلي فيه هلبة لما تزكي على الجوانب الوسط راح ينحل ومن غير ما تتقطع ومش بقوة لما تفتحي
بشوية بشوية تبدي خبرة فيها وما تتقطعش

يارب اكون فدتك
تقبلي مروري

[زهرة البنفسج]

انا عندي نفس المشكلة لاكن حماتي قالتلي على طريقة وهي انك تحطي ورقة طبعا تحت العجينة وحطي الزيت فوق وتحت العجينة وبعتالي خودي كيس نايلو شفاف حطيه فوق العجينة واطرحي من فوق النايلو لين توليلك رقيقة وبدون ماتتمزق جربي وقوليلي ان شاء الله انكوك افدتك

[أمـ ساره]

حبوبة ماشاء الله الأخوات ما قصروا وزي ماقالت أختي مغتربة أن العجينة لازم ترتاح وقت كافي حتى ترتخي وتمشي معاك لما تفرديها واستخدمي ورق ادهنيه بالزيت أو ممكن ورق الزبدة أو حتى السيليكون زي ما اندير فيها اني وتطرحي عجينتك عليها والسمك زي ما تحبي والأفضل تكون رقيقة

[sweet nona]

طبعا ماشالله االرد كافي من الاخواتبس بالنسبة ليا ذكرتيني من اولمابديت نتعلم فيها المشكلة في اني ما نعجنش فيها اكويس تبي السبك اتحسيها زي المستكة ههه حلو التعبيرلكن بجديات والله اتذوب في بعضهاوشوفي طريقة مغتربة شرحتلك اكويسوانشالله انكون افدتك

[خدوج]

ماشاء فالحاتوالله استفدت من المنتدى والحمد للهحبوبة استخدمى الزيت؟؟قصدى ادهنى الزيت فوق الرخامة قبل فردها؟؟