[تمت الاجابة] طريقة تحضير السمك المدخن

[سحابه صيف]

بنات انا اليوم جابلي شنبيري سمك السلمون شرائح وجاب منه هلبة وجاب منه حتي مدخن ونبي كل مرة انديره بطريقة قنينة يا ريت لو زينب واللبنات اتكون عندها طريقة قنينه وتستري قدامه وقولولي هل المدخن شني انديرلها لان منحبهاش وهو ميبيش ياكله هكي
وسلامات

[السمحة]

حبيبتى السلمون اقطعى الرس ثم انزعى الذيل بالسلسول
وضعى ثوم وكمون وبيضة وقليل من الدقيق ورشة ملح ومعدنوس مع بعض واغطسى فية السمك واقلى طريقة جميلة
اما امدخن لااحبة
ولو كان اتشوفى زوجى ايش رجاب جاب كلب البحر والطول طول طفل عندة 6سنوات ومش عارفة حاطى الكفتة ايش اندير بية

[فضااوي]

هلا وغلا

يالغاليه السردين او السلمون ندير فيه بطرق واجده

مثلا اوقات انبوخه تبويخ مده ربع الى نصف ساعه على حسب كبر السمكه

ونديرله خلطة
ثوم وفلفل حار وبهارات وليمون وبصله نقطعها صغير وملح ونحطهاا على السمك
ويقدم بارد مع رشة زيت زيتون

المدخن انديره شرموله من غير خيار يعني
بصل وفلفل وطماطم وثوم وخل وليمون وملح وزيت زيتون ونفتت السمك عليه بعد ما نغسله
يطلع روووعه

والا انديره بالطريقه العاديه خلطة السمك ويقلى

[سحابه صيف]

حبيبتى السلمون اقطعى الرس ثم انزعى الذيل بالسلسول
وضعى ثوم وكمون وبيضة وقليل من الدقيق ورشة ملح ومعدنوس مع بعض واغطسى فية السمك واقلى طريقة جميلة
اما امدخن لااحبة
ولو كان اتشوفى زوجى ايش رجاب جاب كلب البحر والطول طول طفل عندة 6سنوات ومش عارفة حاطى الكفتة ايش اندير بية

الله ايبارك فيك يا رب

واك كلب بحر مرة وحده

[سحابه صيف]

هلا وغلا

يالغاليه السردين او السلمون ندير فيه بطرق واجده

مثلا اوقات انبوخه تبويخ مده ربع الى نصف ساعه على حسب كبر السمكه

ونديرله خلطة
ثوم وفلفل حار وبهارات وليمون وبصله نقطعها صغير وملح ونحطهاا على السمك
ويقدم بارد مع رشة زيت زيتون

المدخن انديره شرموله من غير خيار يعني
بصل وفلفل وطماطم وثوم وخل وليمون وملح وزيت زيتون ونفتت السمك عليه بعد ما نغسله
يطلع روووعه

والا انديره بالطريقه العاديه خلطة السمك ويقلى

ان شاء الله حنجرب طريق القلي للمدخن

[أمـ ساره]

سحابة اني مادرته من قبل

لكن في فتافيت اكثر شيء نشوف فيه مشوي في الفرن

مع شوية ملح وفلف أسود بس

ويحطوا معاه شوي سلطة



انتي تبعي برنامج شهية صحية ادير فيه هلبة

اما المدخن في برنامج هذيك انسيت اسمها الشقرا

المهم يجيبوا فيه لاساعة 5 العشية

[الساجدة لله]

الاخوات كفو ووفو حبيبة

[Om Saga]

صحه صحه سحابه صيف
بصراحه البنات وفو نفس الطريقه
وكلب البحر مره مره يجيبلي إبن عمي كلب بحر
يهبل مره بالكسكسي ومره مقلي ومره طبيخة حرامي
وأحسن حاجه مافيشي شوك

سحابه أرفعي كمامك ويلا للسمك هههه
سلام

[فضااوي]

سحابه ان شاء الله لما ارجع لليبيا

اسويلك اشكال من السمك وانتي اختاري

[أم أيوب]

حبيبتي أنا زوجي من عشاق الأسماك

معش جابه لما حملت لأن يقولي شغلهم متعب عليك

وأنا بصراحة نحب نقدمه بطرق مختلفة

القلي أنا مش من اصحابه الا لو درته زي الفيش فينغرز

تقدري تديريه مع خضروات وتتبيلة ليمون وبهار واكليل

وتدخليه الفرن لغاية ما يتحمر

تقدري تديريه كفته مع البطاطا والجزر

تقدري تديريه ملفوف بالجبنة والزيتون والهريسة والاكليل

وتديريله صلصة طماطام يستوي فيها وتقدميه مع حلقات البصل المقلية

والبطاطا وممكن تديريه حرايمي حار مع سلطة الكرنب وأرز أبيض

أنا أكثر نوعين يجيب فيهم كلب البحر ومصيره ديما كسكسي

بس يجيب فيه مقطع مش كامل أو سمك فروج ويكون طاجين في الفرن

السمك الشرائح والجمبري دوم عندي بالفريز وندير فيهم بطرق مختلفة