الدرس الثاني التصميم بأستخدام اداة التحديد (eliptical marquee tool)

[ليبية]

بسم الله الرحمن الرحيم




http://www.libyan-kitchen.com/gallery/images/10wcw.gif (http://www.libyan-kitchen.com/gallery/images/10wcw.gif)



شن رايكم بعون الله راح تديروا تصميم زي هذا واحلى؟


تتحدوني؟؟؟؟



توكلوا على الله ثم تبعوا معاي وبعون الله راح تصمموا احلى تصاميم


درسنا اليوم بعون الله عن اداة التحديد (eliptical marquee tool)


اداة التحديد


وهذا شكلها ويمكنك اختيار تحديد دائري او مربع ( وطبعا يمكنك تحديد اي شكل تريدينه مربع مستطيل دائرة بيضوي)



هذه هي الأداة


http://www.libyan-kitchen.com/gallery/images/1pip.gif (http://www.libyan-kitchen.com/gallery/images/1pip.gif)


الغرض من هذه الأداة تحديد جزء من الصورة ترغبين في العمل عليه (كيف؟):confused:


توكلوا على الله وهيا نبدوا الدرس:



قومي بفتح صورة اللتي ترغبي بالعمل عليها ( تعلمنا ذلك في الدرس السابق)




اخترت هذه الصورة


http://www.libyan-kitchen.com/gallery/images/1pip.gif (http://www.libyan-kitchen.com/gallery/images/1pip.gif)



نقوم بالضغط على اداة التحديد ونسحب على الجزء المرغوب العمل عليه


ونقوم بعمل Ctrl + C لنسخ الجزء المرغوب


http://www.libyan-kitchen.com/gallery/images/2oio.gif (http://www.libyan-kitchen.com/gallery/images/2oio.gif)





نقوم بالضغط على اداة التحديد اذا اردتي اختيار المستطيل مثلا قومي بعمل كليك يمين سوف تخرج لك قائمة واختاري منها اداة التحديد المربعة


وهذا للتوضيح


http://www.libyan-kitchen.com/gallery/images/7yey.gif (http://www.libyan-kitchen.com/gallery/images/7yey.gif)







نفتحوا صفحة عمل جديدة


http://www.libyan-kitchen.com/gallery/images/3cjc.gif (http://www.libyan-kitchen.com/gallery/images/3cjc.gif)


مع مراعاة تحديد طول عرض وضوح الصفحة و عليك الأنتباه الى وحدة القياس انا هنا وحدة قياسي السنتيمتر



وهذه هي صفحة العمل الجديدة



http://www.libyan-kitchen.com/gallery/images/4qwq.gif (http://www.libyan-kitchen.com/gallery/images/4qwq.gif)


والأن نقوم بعمل Ctrl + V للصق الدائرة التي قمنا بتحديدها من الصورة السابقة


http://www.libyan-kitchen.com/gallery/images/5jtj.gif (http://www.libyan-kitchen.com/gallery/images/5jtj.gif)



والأن نقوم بتزيين الصورة كما نحب


انا هنا اخترت الفرشة


http://www.libyan-kitchen.com/gallery/images/8ftf.gif (http://www.libyan-kitchen.com/gallery/images/8ftf.gif)


وهذا الشكل النهائي


http://www.libyan-kitchen.com/gallery/images/9clc.gif (http://www.libyan-kitchen.com/gallery/images/9clc.gif)


انتظر تصاميمكم بفارغ الصبر


في امان الله

[Om Amory]

بارك الله فيك ياليبو

جررررررررى للتطبيق ههههه

لى عوده بيه ان شاءالله

[Om Amory]

ليبو ظانى عندى مربع

كيف نغير لدائره

[Om Amory]

هههههههههههه غيرت ماصارش

درت كليك يمين طلعولى الأشكال

[مغتربة 7]

ماشاء الله الدرس رائع
لى عودة ان شاء الله

[Om Amory]

ليبو لما نجى بنرسم بالدوائر مايبوش يطلعو

[ليبية]

ام عموري مش شرط ترسمي دوائر اختاري اي نوع فرشة تبيه

اضغطي على المستطيل اللي مأشرة عليه نوع الفرش راح يطلعلك أنواع الفرش اللي عندك

http://www.libyan-kitchen.com/gallery/images/8ftf.gif (http://www.libyan-kitchen.com/gallery/images/8ftf.gif)


يلا نراجي في تطبيقك يا قمر

مغتربة هلا وغلا فيك يا حلوة يلا نراجي في ابداعك يا حلوة

[زينب محمد]

بارك الله فيك حبوبة

تفضلي تطبيقي الحائس كمحاولة اولى

معنديش فرش الا اللي في البرنامج لان الجهاز مفورم

الصورة ماصغرتهاش قبل التحميل لذلك طلعت كبيرة حطيت لك الرابط المصغر

http://www.libyan-kitchen.com/gallery/thumbs/untitlbmb.jpg (http://www.libyan-kitchen.com/gallery/?v=untitlbmb.jpg)

[Om Amory]

ايه عارفه ياليبو

اخترت بس مايطلعش اللون

مع انى مغيره الالوان يعنى مش ابيض

[الساجدة لله]

تسلمي ياليبو على الدرس ورح اجرب في لاب توب زوجي واطبقه وانزله بااذن الله

[ليبية]

زوزو ماشاء الله عليك يا غالية تصميم رائع
كان الحايس هكي شكله مالا المليح كيف شكلها ؟

مغتربة نراجي في تصميمك

ام عموري جربي التصميم في صورة تانية وشوفي شن يصير معاك


وتأكدي انك ضاغطة على الفرشة مش الممسحة (المحاية)

[مغتربة 7]

تفضلي حبيبتي اكيد مش مية مية بس فهمت

http://www.libyan-kitchen.com/gallery/images/333333mmm.jpg

وراح يكون لي تطبيق تاني ان شاء الله

[ليبية]

مغتربة تصميم اكثر من رائع يا غالية الله يسلم ايديك الحلوة والله العظيم عجبني وفرحني في نفس الوقت


ام عموري الغالية شوفي الصورة باش تعرفي كيف تحددي لون و حجم ونوع الفرشة تفضلي


http://www.libyan-kitchen.com/gallery/images/12lol.gif (http://www.libyan-kitchen.com/gallery/images/12lol.gif)

[مغتربة 7]

تفضلي ليبو تطبيقي التاني

http://www.libyan-kitchen.com/gallery/images/333333333.jpg

[ليبية]

الله الله على مغتربة

شكلك بتغلبيني , والله فرحتيني يا غروبة وشكلك فعلا خاطرك تتعلمي

يارب يرزقك العلم النافع والرزق الطيب

[ام تغريد]

تسلمي من كل قلبي اخت ليبو
وراني امس غايبة واليوم جيت جري وجاري التطبيق

[ام تغريد]

وهذا اول تطبيق في الدرس وان شاء الله ينال الاعجاب وليا عودة نبي نوض اندير غداي



http://www.libyan-kitchen.com/gallery/images/untitlaga.gif

[ليبية]

ام تغريد ماشاء الله عليك بجد رائعة

يعطيك الصحة والعافية

وانا سعيدة بتصميمك الحلو

[مغتربة 7]

الله يبارك فيك ليبو وربي ما يحرمنا منك ومن تشجيعك وكلامك الى زي العسل
سعيدة جداً لانك راضية على تطبيقي
فى انتظار الدرس القادم

[ام تغريد]

وهذا تطبيقي الثاني جت الصورة ناقصة لاني خديت مساحة واسعة في التحديد

ولكن لان الوردة وديتك بيها مابيتش نرجعها قلت خلي نبعتها


http://www.libyan-kitchen.com/gallery/images/untitlgvg.gif

[ليبية]

ام تغريد هي مش مشكلة المساحة اللي خذيتيها

هي مشكلة انه الصورة كبيرة

ياريت صغرتيها قبل

بس مع ذلك اختيارك حلو يسلموا ايديك

[ليبية]

وشكرا على الوردة يا احلى وردة

[ام تغريد]

http://www.libyan-kitchen.com/gallery/images/untitlvnv.gif



http://www.libyan-kitchen.com/gallery/images/untitlchc.gif




شن رايك ياابلة ان شاء الله صح

ونبي درجة باهية عاد

[ليبية]

ام تغريد ماشاء الله عليك في تحسن واضح ماشاء الله عليك الله يسلم ايديك

والجاي اكيد احسن


نراجي في تطبيق الأخوات الثانيات باش ننزل الدرس الثالث هيا همتكم معانا

[روح مغتربه]

ليبيه ليبيه ليبيه
ارجوك انقديني اعرفت اندير الخطوات بس كيف انزين معرفتش تطلعلي نافده اتقول { انقر مع الضغط علي الاختيار لتعيين نقطة مصدر لاستخدامها في تصليح الصوره } وانا مش فاهمه شن معناها

[أمـ ساره]

ربي يبارك في وقتك وجهدك أختي ليبية

درس أكثر من راااائع ومفيد

[ليبية]

حبيبتي روح مغتربة

انت ممكن مش ضاغطة على الصورة في صندوق الطبقات layers

حبيبة لازم تضغطي على الصورة اللي تشتغلي عليها و( تفعليها) مش على الكتابة

وهذا صندوق الطبقات

http://www.libyan-kitchen.com/gallery/images/6zxz.gif (http://www.libyan-kitchen.com/gallery/images/6zxz.gif)


يارب قدرت نوصلك الفكرة

ام سارة والله حضورك اللي يشرفني ونورني ياريت تشاركيني اني نعرف انك ماشاء الله عليك بروفيشونال في الفوتوشوب لكن تشجيعا للعضوات ورينا يا حلوة

[Om Amory]

ليبو انى لما نبى ندير الدوائر يطلعو هاديااااات قريب مايبانوش علاش؟؟

[Om Amory]

لحظااااااااااااااااااات ويكون التطبيق عندك

[Om Amory]

نبوا الدرس اللى بعده بسررررررررررررررعه ههههههههههههه

[Om Amory]

http://www.libyan-kitchen.com/gallery/images/untitlaja.jpg

[ليبية]

هلا ام عموري

شن قصدك الدوائر هاديات ؟ قصدك التحديد هادي؟ ولا الصورة في حد ذاتها تطلع هادية؟

يلا نراجي في تصميمك على احر من الجمر

والدرس الثالث واتي لكن نبي تصميمات منكم باش ننزل التصميم الثالث

[ليبية]

ايوا ام عموري وريهم الأبداع ماشاء الله عليك

عجبني يا قمر

[Om Amory]

شن رايك صقع عليك هههههههههههههه

[أمـ ساره]

والله ن غير ما اتقولي ليبية كنت بنزل تطبيقي

لكن للأسف لابتوب زوجي مافيه الفوتوشوب

ان شاء الله نطبقه ونزل تطبيقي للدروس 2


لأني نبي نتعلم أكثر

ومش لدرجة بروفيشونال مازال مبتدئة حتى اني

[ليبية]

لا ام عموري من ناحية صقع فهو الجو صقع وتصميمك زادني على مابيا خخخخخخخخخخخخخ
الله يسلم ايديك الحلوة

ام سرو شن هالتواضع هذا بسم الله ماشاء الله عليك وعلى تصميماتك الحلوة ولكن انت كريمة واحني نستاهل ههههههههههههه

ننتظر في تصميماتك يا حلوة

[Om Amory]

هيااااااااااااااااااااااااااا نبو اللى بعده

[أمـ ساره]

ليبية حبوبة هذا تطبيقي للدرسين عالسريع


http://www.libyan-kitchen.com/gallery/images/17feb.jpg

[ليبية]

الله الله يا ام سارة وقالتلي مش بروفيشونال

ماشاء الله عليك اعجبني وبقوة

[الساجدة لله]

ليبو هذا تطبيق الدرس التاني معليشي عالسريع ماعنديش صور في جهازي الا اللي حملتهم توا من النت الصور متاعي قاعدين في جهازي الاول وانتظري تطبيق تاني لهذا الدرس اللي عجبني

http://www.libyan-kitchen.com/gallery/images/xfx.jpg

[ليبية]

سجودة حلو حلو تصميمك ماشاء الله لييييييييييييييييييييييييين خلاص

لكن عندي تعقيب على الكلام المكتوب الصورة داكنة شوية

فالأحسن تكتبي بلون فاتح وفي صورتك هذي لو كتبتي بلأبيض راح تطلع تحفة

[الساجدة لله]

ماشي ياليبو علم

[نسمه ليبيه]

عارفتها الصوره طالعه شتشوته لكن عالاقل فهمت الفكره والقادم اجمل باذن اللهhttp://www.libyan-kitchen.com/gallery/images/nn.jpg

[ليبية]

ايه يا نسومة الصورة تبي تعديل لكن اهم شيئ فهمتي الفكرة يا حلوة

[ام جنى]

ليبو الدرس الاول جربته ماباتش تطلع لى حد
والثانى معش عرفت تمام نحدد واخترت الشكل البيضاوى
بس بعدها لما نفتح الصفحه الجديده كيف نجيب الى حددتها
تحملينى سلم اوخيتى شكلى توا اتعبك

[ام جنى]

جارى التطبيق

[ام جنى]

لو تعرفى تزغردى ههههههههههههههههههه
لى اسبوع واخيرا نجحت
مع ان الى درتهم الثانين احلا بس هذى الى قدرت انحملها
http://up.arabseyes.com/uploads/05_03_1213309674811.jpg