المساعد الشخصي الرقمي

مشاهدة النسخة كاملة : [مشاركة في مسابقة أفضل طبق معكرونة ]مكرونة الاصداف ( محشية ) من مطبخ mnona



mnona
01-19-2012, 11:17 AM
http://www.libyan-kitchen.com/gallery/images/cff11a68ad.gif



http://www.libyan-kitchen.com/gallery/images/untitled14.gif




يسعدلي صباااااااااااااحكم ياحبوبات وش حالكم ان شا الله تمام التمام وبصحة وعافية



هذه مشاركتي الاولى في مسابقة الغالية أم أيوب ( مكرونة الاصداف ) وان شا الله يارب تنال اعجابها واعجابكم ، صح هى خطواتها طويلة شوية وبتاخد شوية وقت ولكن والله بنتها في الاخر تجنن


هي نبدوا مع بعض في المقادير ( الكمية هدي لي 3 اشخاص )




http://www.libyan-kitchen.com/gallery/images/makronvdv.jpg

على فكرة هدي مش كل المقادير بس هذا اللي لحقت عليه وصورته



اولا مقادير الصالصة


نصف علبة فقاع ( فطر ) - راس بصل كبير مفروم - 6 فصوص ثوم مفروم - طماطمة خضراء مقطعة مربعات لو كان حجمها كبير ولو صغير اديري 2 حبات - م ك عصير طماطم - زعتر مرحي ( مجفف ) - حبق مرحي ( مجفف ) - 2 م ك زيت زيتون - ملح - فلفل اسود - بزار


أول شئ تاخد الزيت وتحطيه عالنار وضيفي عليه البصل والثوم المرحي وتخليهم لين يدبلو وبعدها اضيفيلهم الفطر وتخليهم شوية عالنار ، والصور توضح ان شا الله




http://www.libyan-kitchen.com/gallery/images/makrondcd.jpg


http://www.libyan-kitchen.com/gallery/images/makrongmg.jpg




وبعدها ضيفي الطماطم الاخضر المكعبات وعصير الطماطم وتخلطيهم مع بعض وتخليهم عالنار ياخد قليتهم شوية وبعدها اضيفي شوية مية باش اطيبي عصير الطماطم وتخليهم على نار هادئة لمدة 5 دقايق ، وبعدها اضيفي الزعتر والحبق وشمي عاد الريحة الفاااااااااااااايحة اااااااااااه ياسلالالالالالام




http://www.libyan-kitchen.com/gallery/images/makronxzx.jpg

http://www.libyan-kitchen.com/gallery/images/makronere.jpg




وطبعاً ماتنسيش اضيفي التوابل متاعك وهذا شكلها النهائي الصالصة ، وتوا نجو نوتوا المكرونة ، تاخدي طنجرتك وفيها مية وم ك زيت زيتون ورشة ملح وتخليهم عالنار لين يغلوا كويس وبعدها تحطي فيها المكرونة لمدة 7 دقايق بس يعني متخليهاش اطيب هلبا دوبك دوبك



http://www.libyan-kitchen.com/gallery/images/makronpnp.jpg

وتوا نجو نوتوا الكيمة ، مابين مافاتوا 7 الدقايق



خودي ياحنة 3 م ك زيت زيتون عالنار وبعدها ضيفي البصل المفروم والفقاع وخليهم عالنار لين يدبلوا ويطيب اللحم



وبعدها ضفيله توابلك


http://www.libyan-kitchen.com/gallery/images/makronxgx.jpg




ولما يفوتوا الـ 7 دقايق عالمكرونة حوليها من عالنار وصفيها كويس من المية




http://www.libyan-kitchen.com/gallery/images/makroneze.jpg


وتوا وتي بضاعتك اللي بتخدمي بيها وابدي خودي المكرونة واحشيها بالكيمة المجهزة ، مع العلم انك بعد لا اطيب الكيمة وتخليها تبرد اضيفيلها جبنة مبشورة واني هني لغيتها لانه تاج راسي ميحبهاش فلهذا اطريت اني نفوتها ولكن انتم لالالالالا تعطي بنة زايدة للمكرونة وللحشوة



http://www.libyan-kitchen.com/gallery/images/makronbhb.jpg



خودي طاجينك وادهنيه بشوية زيت الصالصة وبعدها ضيفي شوية صالصة للطاجين وابدي ستفي المكرونة المحشية



http://www.libyan-kitchen.com/gallery/images/makronzrz.jpg


http://www.libyan-kitchen.com/gallery/images/makroneie.jpg



وبعد لا تكملي خودي باقية الصالصة ووزعيها علي المكرونة كلها اللي في الطاجين ورشي عالوجه جبنة مبشورة ( حتى هنى الغيتها وقلتلكم السبب فوق علاش ولكن انتم ماتفوتوهاش )



http://www.libyan-kitchen.com/gallery/images/makronjxj.jpg

وبعدها غطي طاجينك بورق الالمنيوم ( السلفر ) وحطيه في الفرن لمدة 30 دقيقة





http://www.libyan-kitchen.com/gallery/images/makrontjt.jpg





وبعد لا تفوت النصف ساعة طلعيها من الفرن وقدميها مع الصالصة وتاكليها بالهني عليكم والعافية يارب



وان شا الله مشاركتي في المسابقة تكون عجبتكم



وهى تعالوا ضوقوا وتبننوا من ايديات وخيتكم منونة


http://www.libyan-kitchen.com/gallery/images/makronckc.jpg

الساجدة لله
01-19-2012, 01:40 PM
تسلم الايادي يامنونا ياسمحة مشاركة متميزة جدا الله يحفظك ويهنيك يارب

وصحة وهنا هلى قلبك انت وتاج راسك ياغالية مشاركة مميزة وتستحق التقييم

أم أيوب
01-19-2012, 01:45 PM
منونا مشاركة مميزة يا عسل

بس سامحيني المسابقة تامة ليها أيام واليوم ان شاء الله نبي نعلن عالنتائج

تأخرتي يا قمر

كسبنا وصفة لذيذة من ايديك الحوة

تستحقي التميز

أم ميوسة
01-19-2012, 03:53 PM
وصفة رائعة ولو جت متأخرة

المهم كسبنا وصفة جديدة معانا

تسلم ايدياتك حبوبة مكرونة روعة

وأنا نموت فيها الجبنة ولو انا أنتي نحشي نصف الطاجين بالجبنة ونرشها عليه

والباقي نخليه من غير جبنة يعني قسمة خوت ههههههه

وصفة متميزة وصحتين

مع الحبيب
01-19-2012, 04:07 PM
الله يبارك فيك فكرة حلوة وشكلها بنتها مليحة تسلم ايدك

ليبية
01-19-2012, 05:08 PM
الله يسلم ايديك يا منونة فكرة جديدة وحلوة مشكورة عليها

mnona
01-21-2012, 09:46 PM
اقتباس:
المشاركة الأصلية كتبت بواسطة الساجدة لله http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=74596#post74596)
تسلم الايادي يامنونا ياسمحة مشاركة متميزة جدا الله يحفظك ويهنيك يارب

وصحة وهنا هلى قلبك انت وتاج راسك ياغالية مشاركة مميزة وتستحق التقييم




الله يسلمك ياغالية ان شا الله ربي يحفظك
تميز موضوعي بمرورك الكريم وردك الجميل

mnona
01-21-2012, 09:48 PM
اقتباس:
المشاركة الأصلية كتبت بواسطة أم أيوب http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=74598#post74598)
منونا مشاركة مميزة يا عسل

بس سامحيني المسابقة تامة ليها أيام واليوم ان شاء الله نبي نعلن عالنتائج

تأخرتي يا قمر

كسبنا وصفة لذيذة من ايديك الحوة

تستحقي التميز




مشكوووووووورة ياحلوة على مرورك وردك وعادي مافيش مشكلة نهائي المهم شاركت معاكم والجايات اكثر من الرايحات ان شا االله وبالتوفيق للكل

mnona
01-21-2012, 09:53 PM
اقتباس:
المشاركة الأصلية كتبت بواسطة أم ميوسة http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=74635#post74635)
وصفة رائعة ولو جت متأخرة

المهم كسبنا وصفة جديدة معانا

تسلم ايدياتك حبوبة مكرونة روعة

وأنا نموت فيها الجبنة ولو انا أنتي نحشي نصف الطاجين بالجبنة ونرشها عليه

والباقي نخليه من غير جبنة يعني قسمة خوت ههههههه

وصفة متميزة وصحتين




الله يسلمك ياعسل ، نورتيلي موضوعي بمرورك وردك اللطيف

والله غالب يا ام ميوسة هكي اتعودت اي حاجة ميحبهاش تاج راسي حتى اني نفوت فيها ونلغي فيها من قاموسي المنزلي

طبعا ولو مشيت لحوش اهلي او اهله ندير اللي خاطري فيه

mnona
01-21-2012, 09:54 PM
اقتباس:
المشاركة الأصلية كتبت بواسطة ليبية http://kitchen.libyan-kitchen.com/Pinksky/buttons/viewpost.gif (http://kitchen.libyan-kitchen.com/showthread.php?p=74646#post74646)
الله يسلم ايديك يا منونة فكرة جديدة وحلوة مشكورة عليها



انتي اللي مشكورة على مرورك ياغالية والله فرحت هلبا بجيتك عندي هني

تسلمي ياعسلللللللللللللل

lola9670
04-23-2012, 12:24 PM
تسلم الايادي