[ تطبيق ] البريمه بالقديد لام ايوب من مطبخ روح مغتربه

[روح مغتربه]

السلام عليكم اخواتي
من يومين شفت البريمه من مطبخ الغاليه ام ايوب وقررت انطبقها
بس انا استعملت العصبان بدل القديد لانه فايح اكثر
اول شي جهزت الطبيخة بالعصبان
http://www.libyan-kitchen.com/gallery/images/ihiihi.gif
بعدين جهزت البريمه بصراحه شغلها ساهل
بس حاولت اني انخليها فحجم قريب من بعضه
http://www.libyan-kitchen.com/gallery/images/ifi.gif
بعد ما طابن العصبانات صبيتها في الطبيخه وقعدت انحرك فتره
وجهزتها وصبيتها في القصعه
وقبل ما يبدو في الاكل قالولي شنو هذا قتلهم
هذا اكل ثوار مصراته فكان تشجيع بش يضوقوها
http://www.libyan-kitchen.com/gallery/images/jvj.gif
http://www.libyan-kitchen.com/gallery/images/bqb.gif
والحمد لله الصغار والحاج ما جاملونيش
http://www.libyan-kitchen.com/gallery/images/qgqqgq.gif
وطبعاً العصبانات حتي هنا نالن نصيبهن من الاعجاب
وكان لازم تتعرفو علي الايدي الصغيره المبدعه الي عندي
وما نستغنا عن حوستهم
http://www.libyan-kitchen.com/gallery/images/sos.gif
وهذا رابط الموضوع الاصلي
http://www.libyan-kitchen.com/kitchen/showthread.php?t=3600

[أم أيوب]

ماشااااااااااااااااااء الله عليك

من أول مرة جبتيها أحلى من بريمتي

يسلمو ايديك رويحة وصحتين على قلوبكم

تعرفي بكري كنت نقول لعزوزتي انه في صاحبتي

سبهاوية ودارت البريمة ونراجي في صورها

ابدعتي رويحة وتستاهلي عليها التقييم

[الساجدة لله]

تسلم الايادي ياروح وتطبيق في منتهى الروعة واكيد توار مصراته كان يشوفها البريمة يجوك وياكلوها

طووووووووووووووول وانا معهم نقوللهم ياولاد عمي شيلوني خلي نضوقها قبل مااتم هي والعصيبينات

[نسمه ليبيه]

شجعتينى على تطبيقها انا بنديرها لكن نحس فيها صعبه

يسلموا ايديك

[روح مغتربه]

اقتباس:
المشاركة الأصلية كتبت بواسطة أم أيوب http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=74770#post74770)
ماشااااااااااااااااااء الله عليك

من أول مرة جبتيها أحلى من بريمتي

يسلمو ايديك رويحة وصحتين على قلوبكم

تعرفي بكري كنت نقول لعزوزتي انه في صاحبتي

سبهاوية ودارت البريمة ونراجي في صورها

ابدعتي رويحة وتستاهلي عليها التقييم

الله ايسلمك ام ايوب انتي وعمتك يارب

اخجلتم تواضعنا

[روح مغتربه]

اقتباس:




المشاركة الأصلية كتبت بواسطة الساجدة لله http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=74771#post74771)
تسلم الايادي ياروح وتطبيق في منتهى الروعة واكيد توار مصراته كان يشوفها البريمة يجوك وياكلوها

طووووووووووووووول وانا معهم نقوللهم ياولاد عمي شيلوني خلي نضوقها قبل مااتم هي والعصيبينات

تفضلوا مرحبتين بيكم بس مش علي بريمه علي فتات بلحم الضان الوطني مش خساره فيهم ثوار بلادي

[sweet nona]

ياعيني ياعيني صار سبقتك صح ..بس عاد انتي مفتلكة بالعصبان
تسلم ايديك الصراحة روووووووعة ومش عادية انشالله ربي ايخليهملك واحلى تقييم

[روح مغتربه]

اقتباس:
المشاركة الأصلية كتبت بواسطة نسمه ليبيه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=74777#post74777)
شجعتينى على تطبيقها انا بنديرها لكن نحس فيها صعبه

يسلموا ايديك
الله ايسلمك نسومه نصيحه جربيه ساهل ما تخافيش منه

[مغتربة 7]

بسم الله ماشاء الله
تطبيق فى غاية الاتقان والروعة
وايدين الصغار يهبلوا ربي يحفظهم يارب
تسلم الايادي وايديات الغالية ام ايوبي
تستاهلي احلى تقييم

[روح مغتربه]

بارك الله فيكم اخواتي ومشكورات علي التشجيع

[زهرة البنفسج]

ماشاء الله تطبيق غاية في الروعة

[ام تغريد]

ما شاء الله روح مغتربة تطبيق متقن تبارك الله عليك وعلي ام ايوبي

وخاطري نجربها بس القديدات كملو مرات نفكر انديرها بالدهان بروحه

[DREAM]

ما شاء الله يا روح مغتربة
شكلها فايحة واتهبل
وربي ايخليلك الصغار

[Om Saga]

ماشاء الله عليك تبارك الرحمن على بريمتك ههههه
تهبل شكلها مع العصبان يمي يمي
أحلى تقييم ليك وللموضوع
نورتينا أختي

[روح مغتربه]

بارك الله فيكم حبوبات البريمه شكلها بتولي ادمان بس مش مشكله ياريت
الاكلات زيها حلوه وشغلها ساهل

[أمـ ساره]

ماشاء الله لاقوة الا بالله

تطبيق متقن حبوبة

ونيالك تجربي وياكلوا عادي

تعرفي سهفتيني عليها والله

وربي يحفظلك اصحاب هالايديات الحلوة

وبالهني على قلب الي كلاها

[المصراتيه]

ماشاءالله عليك
وااااااااااااااااو ومعاها عصبان يانااااااري عليا والله ابنهبل انموت فيها
تسلمي حبيبتي يعطيك الصحه
والصحه علي كلاها
مدام عجبتهم معناها وتي روحك ديما

[روح مغتربه]

الله ايسلمكم حبوبات وباركلكم في ما اعطاكم