ضروووووووووووووووري

[ام عبد المهيمن]

السلام عليكم ورحمة الله وبركاته
كيف حالكم يا حبوبات محتاجة لمساعدتكم غدوة عندي عزومة رجالة ونبيكم تساعدوني
فكرت بندير كسكسي وعصبان ونبي حاجات تانية مش عارفة .:confused:واحد الضيوف عايش في اسبانيا ليه فترة ومستاحش الاكل الليبي خمموا معاي
شكرا ا
لسبت 27 صفر 1433

[أمـ ساره]

ماشاء الله حبوبة حلوة فكرة الكسكسي والعصبان

أو حتى اديري فتات لو تعرفيه

وممكن اديري شوي محاشي ضولمة وفلفل وقرعة

و قلاية ومبطن

وطبعا السلاطات اني نحب سلاطة الباذنجان حلوة ونازكة



وان شاء الله الحبوبات ايفيدوك أكثر حبوبة

وبالتوفيق في عزومتك

[ام عبد المهيمن]

مشكورة و بارك الله فيك

[أم أبرار]

تقدري تديري شربه ليبيه مع خبيزة حوش وطاجين بطاطا وربي يعاونك

[أم لولو]

ربي يعاونك يا ام عبد المهيمن عالعزومة انا نقول الكسكسي والعصبان فكرة كويسة وديري معاهم مبطن وكفتة وبوريك او طاجين جبن وبالنسبة للمحاشي والدولمة ممكن تديريها لكن هي حشوها رز زي العصبان وديري سلاطات نوع اواثنين مثلا سلطة الباذنجان زي ما اقترحت الحبوبة ام سارة وسلاطة عربية وممكن تشوفي الاخوات واقتراحاتهم

[ام ساره وعبدالعزيز]

كسكسى وعصبان تمام وديرى معهم شربة عربية ومبطن وبيتزا اوبوريك وسلطة ومعهم سلطة باذنجان زي ما قالتلك ام سارة وبس ولو تحبى انقولولك على حلويات حاضر

[زينب محمد]

الله يعينك

كسكسي - شربة ليبية - عصبان - مبطن - بوريك - طاجين جبن

- سلطة خضراء - سلطة الطماطم والخيار - سلطة الجزر والزيتون والهريسة

[الساجدة لله]

حبيبتي ام عبد المهمين الاخوات كفو ووفو ةالا ن اصبحت عندك عدة خيارات اختالاب منها وطيبي وورينا

[ام عبد المهيمن]

السلام عليكم ورحمة الله وبركاته
الحمد لله جت العزومة قنينة ودرت العشاء (كسكسي -عصبان- افخاد دجاج في الكوشة -امبطن -طاجين جبن -سلاطة خضراء -سلاطة خيار -مخلل-مسير)
مشكورين وخياتي على المساعدة
بارك الله في الجميع:):)

[نسمه ليبيه]

ام عبدالمهيمن نبوا نشوفوا الصور

[ريمة]

السلام عليكم
كسكسي و عصبان وممكن امبطن و لازم اديرت نوع من المعجنات المحشية ب الدجاج بدل البتزا مع صلاطات مشاء الله خصرة الشتي اتنوعي منها مع اعصير طبيعي زي البرتقال و الليمون و الجزر و طبعا الحلويات و اخر شيئ المكسرات

[وردة الربيع]

ماشاء الله وخياتى كفوا ووفوا
سفرة كويسة والله الحمد