المساعد الشخصي الرقمي

مشاهدة النسخة كاملة : [ مشاركة في مسابقة لاشرقية لا غربية لقسم المعجنات الليبية ] الفتات المصراتي من مطبخ أم أيوب



أم أيوب
01-22-2012, 04:57 PM
http://www.libyan-kitchen.com/gallery/images/goodbaeqe.gif



http://www.libyan-kitchen.com/gallery/images/2c.gif



السلام عليكم ورحمة الله وبركاته
حبيت نقدملكم أولى مشاركاتي في مسابقة لا شرقية لاغربية
مشاركتي هي الفتات أو زي ما يسمى في بعض المدن الفطيرة
بس في مصراته الصمود نسموه فتات
هالأكلة معروفة في الناحية الغربية والجنوبية من ليبيا الحبيبة
بس كل مدينة وليها طريقة في تحضيره وأظن ان الأشهر في اعداده هي مدينة مصراته
يعتبر صنف رئيسي من المعجنات في كل مناسباتهم أفراحهم وأتراحهم
وياما حرائر مصراته دعموا بيه رجالها وشبابها اللي يدافعوا عنها في حربنا ضد الطاغية
للأمانة الفتات درناه في مطبخ عزوزتي والحق الجهد الأكبر كان منها
بس خيتكم أم أوبي تعرف تديره بروحهاوساعدت فيه عزوزتها
المهم نعطيكم الطريقة والمقادير من غير كتر دوة
المقادير : دقيق + ماء + ملح وبس
الكمية حسب افراد العائلة ونحن درنا 4 كيلو دقيق
الطريقة :
يكون دقيقك منخول ومخلوط مع الملح حطيه في العجانة أو اعجنيه بيدك
بس ملاحظة يبي عجن كويس بكل عشان يجيك سمح ولازم يكون نوع الدقيق ممتاز
ضيفي المية بالتدريج واعجني لعند ما تطون معاك عجينة لاهي رطبة ولا يابسة
تكون شادة روحها رشيها بشوي دقيق وغطيها وخليها ترتاح ربع ساعة
بعدين تعالي عاودي عجنها لو حسيتيها رخت ورطبت هكي يصير مع بعض انواع الدقيق
رشي شوي دقيق واعجنيها وخليها ترتاح مرة تانية بس هالمرة ادهنيها زيت
ولازم تغطيها كويس عشان ما تنشف من الخارج وخليها عالاقل ساعة الاربع ترتاح
وهذا شكل العجينة بعد ما رتاحت

http://www.libyan-kitchen.com/gallery/images/1501201211.jpg

جهزي سفرة ورشيها بالدقيق وخليك كريمة مع رش الدقيق عشان يجيك تمام
وكوري العجينة كور صغار نوعا ما زي مافي الصورة

http://www.libyan-kitchen.com/gallery/images/150120aza.jpg

وغطيها ترتاح ربع ساعة تانيات ولازم ماتريحي العجينة عشان تنفرد معاك كويس
توة خودي كورتين وحطيهم على كف يدك (( اليد اللي باينة يد عزوزتي ))
وفطحيهم شوي بروس اصابعك وحطي عليهم دقيق في الأول بعدين زيت

http://www.libyan-kitchen.com/gallery/images/150120php.jpg

ولصقيهم بعدين على بعضهم

http://www.libyan-kitchen.com/gallery/images/150120qiq.jpg

تكوني داهنة سفرة تانية بزيت وخليك كريمة فيه عشان مايلصق
وحطي فيها اللي لصقتيهم
هنا بعد ما المقدار انتهى

http://www.libyan-kitchen.com/gallery/images/150120jnj.jpg

غطيها وجهزي الطاوة متاعك وللعلم في مصراته صنعوا طاجين خاص للفتات
وفي منه أحجام وأشكال الدائري والمستطيل واللي يرمي فردة واللي لاثنين
حطي الطاجين على نار قوية يسخن كويس وتكوني مجهزة جنبك فنجان كبير زيت
خودي طرف من اللي لصقتيهم وافرديه بين يديك لو فالحة
خيتكم تفرد فيه في سفيرة مدهونة زيت
افرديه رقيق من غير ما يتمزق منك وكل مارق كل ما احلى ولو الدقيق ممتاز
حينفرد معاك بسهولة من غير ما يتمزق .... ادهنيها بزيت باصابعك وهوب للطاجين
أم أيوب مازالت ماتحكمت فيها عشان تجي منها دائرية بالضبط

http://www.libyan-kitchen.com/gallery/images/150120jjj.jpg

اول ماترميها طول هدي النار خليها متوسطة حتشوفيها انتفخت وانفصلت الطبقتين
من بعضهم ... قلبيه للجهة الثانية بعدين افصليهم من بعضهم وحطيهم شوي عالنار
طبقيهم مثلثات لو تحبي او خليهم دوائر المهم تحطيهم في صونية غريقة فيها
قطعة قماش كبيرة تلفيه بيها وهدي فتاتة من أم أيوب بعد ماطابت

http://www.libyan-kitchen.com/gallery/images/150120hvh.jpg

وهدي كمية ليكم حبيبات دوقوه وقولولي شني رايكم فيه

http://www.libyan-kitchen.com/gallery/images/150120fjf.jpg

ومن الأكلات المعروفة باستخدام الفتات هي الفتة عيلتنا تقدم فيها كطبق
تراثي يوم عقد قران البنت يقدموها غداء للرجالة اللي يبو يحضرو عقد القران
وهي عبارة عن فتات مفتت ومسقي بشريبة عربية أو طبيخة حمص

http://www.libyan-kitchen.com/gallery/images/150120fgf.jpg

وهنا سقيناه شريبة عشاء لعمي

http://www.libyan-kitchen.com/gallery/images/150120ama.jpg

يارب يكون عجبكم والخطوات والشرح واضحات



http://www.libyan-kitchen.com/gallery/images/2d.gif

guidona
01-22-2012, 05:14 PM
ماشاء الله روعه ياام ايوبي عيني مضرك وسلميلي علي عمتك بس طريقة اهل زوجي في الجبل تختلف تماما ان شاء الله انحاول انديره في اقرب وقت ونزله اهني يالغلا منوره جدا علي المشاركه

guidona
01-22-2012, 05:15 PM
ماشاء الله ياام ايوبي عيني مضرك وسلمي علي عمتك بس سبحان الله كل واحد وطريقته زي مقلتي اهل زوجي من الجبل تختلف تمامي ولو احياني ربي حنديره في اقرب وقت ونزله

DREAM
01-22-2012, 05:42 PM
ما شاء الله حبوبة
طبعا اول مرة انشوف فتات مصراتة
وان شاء الله انفكر اندير فتات الجنوب طبعا مش بنفس الخبزة لان خبزتنا لازم من تنور
ويصير خير ان شاء الله
موفقة في المسابقة واكييييييييد يستاهل التقييم

Om Amory
01-22-2012, 05:51 PM
ماشاءالله روعه

يسلمو ايديك ام أيوبى

موفقه ان شاءالله

أم أيوب
01-22-2012, 10:23 PM
ماشاء الله روعه ياام ايوبي عيني مضرك وسلميلي علي عمتك بس طريقة اهل زوجي في الجبل تختلف تماما ان شاء الله انحاول انديره في اقرب وقت ونزله اهني يالغلا منوره جدا علي المشاركه

سلمها ياربي سلمها

كل مدينة تدير فيه بطريقة صدقتي غيدونا

نورتي يا حبوبة

أم أيوب
01-22-2012, 10:23 PM
ما شاء الله حبوبة
طبعا اول مرة انشوف فتات مصراتة
وان شاء الله انفكر اندير فتات الجنوب طبعا مش بنفس الخبزة لان خبزتنا لازم من تنور
ويصير خير ان شاء الله
موفقة في المسابقة واكييييييييد يستاهل التقييم

نراجو في افتاتك دريم

مشكورة ياغالية على المرور والتقييم

أم أيوب
01-22-2012, 10:24 PM
ماشاءالله روعه

يسلمو ايديك ام أيوبى

موفقه ان شاءالله

بارك الله فيك أم قموري السمح

نورتي حبوبة

الساجدة لله
01-22-2012, 10:51 PM
اااه يابنت بلادي فتاتات مش عاديات بس قصة الفتة والشربة هده اول مرة نعرفها
نعرفهم يديرن فيها بالعجة او القلايا اما الشريبة هده نيوووووو عليا
ماشاء الله لاقوة الابالله حبوبة خديت حصتي تعرفي نقرا في السطور نقول بالك كاتبة اسمي بالكدب اهئ اهئ موفقة ياسمح

أم أيوب
01-22-2012, 10:56 PM
اااه يابنت بلادي فتاتات مش عاديات بس قصة الفتة والشربة هده اول مرة نعرفها
نعرفهم يديرن فيها بالعجة او القلايا اما الشريبة هده نيوووووو عليا
ماشاء الله لاقوة الابالله حبوبة خديت حصتي تعرفي نقرا في السطور نقول بالك كاتبة اسمي بالكدب اهئ اهئ موفقة ياسمح

نورتي سجودة يا عسل

وعدتك بيه وهدي حصتك يا سمحة

الفتات ناكلو فيه بجميع الطرق عزوزتي في رمضان كل يوم تدير فتات وعجة وقلايا

يوميا عالفطرو هالاصناف الثلاثة رئيسيات

بس نحبوه حتى بالشربة وغير عادي

ونحبوه بالدحي المسلوق واااااااه منه مع العصيبينات بالدات مصيرينات الشحم

وياعيني عليه مع الجبنة وتحمريه فوق الغاز لين يقرمش

نسمه ليبيه
01-23-2012, 12:04 AM
. قلبيه للجهة الثانية بعدين افصليهم من بعضهم وحطيهم شوي عالنار
طبقيهم مثلثات لو تحبي او خليهم دوائر المهم تحطيهم في صونية غريقة فيها
قطعة قماش كبيرة تلفيه بيها وهدي فتاتة من أم أيوب بعد ماطابت


قصدك لما فصلتيهم كل وحده نحطها عالنار شويا بروحها؟؟

ماشاء الله عليك شرحك وافى ومفهوم

وشكلكم من النوع اللى تحبوا تنوعوا فى الاكل
سلميلى على عزوزتك وقوليلها صاحبتى من البيضء وحامل تبى تجيكم فى حوشكم وانت كريم واحنا بنستاهل خخخخخخخخ

أم أيوب
01-23-2012, 01:39 AM
نسيمة خليها ثواني وارفعيها

والله مايغلى عليك حبوبة تفضلي ونوكله لكي ساااااااااااااخن من الطاوة

في رمضان كل ليلة نفطروا عليه ونتسحروا بيه

أمـ ساره
01-23-2012, 01:44 AM
ماشاء الله لاقوة الا بالله

مشاركة أكثر من راااائعة أم أيوب

ابدعتي بالطرح حبوبة

والله جي في خاطري هالفتات المصراتي

سلم ايدياتك وايديات عزوزتك وربي يحفظها

مغتربة 7
01-23-2012, 03:59 AM
بسم الله ماشاء الله
فتات ايجي فى الخاطر
مشااااااركة رائعة
تلم الايادي

أم أيوب
01-23-2012, 11:20 AM
ماشاء الله لاقوة الا بالله

مشاركة أكثر من راااائعة أم أيوب

ابدعتي بالطرح حبوبة

والله جي في خاطري هالفتات المصراتي

سلم ايدياتك وايديات عزوزتك وربي يحفظها


تسلمي أم سرورة وبارك الله فيك

تفضلي حبيبة ونديرهولك بايديه وحياة عينية على قول المصاروة

ام تغريد
01-23-2012, 11:32 AM
ما شاء الله ام ايوب تسلم ايديك صراحة ابداع

وطريقتكم مصراتة قريبة من طريق الجبل الغربي بس احني ايديرو فيه في الفرن الفخار

وعندي الفرن بس الفتات صعب التحكم فيه في الفرن ولهذا اندير فيه علي الطاجين

وان شاء الله يجي مساوي

زهرة البنفسج
01-23-2012, 03:36 PM
ماشاء الله بنموت على حاجة اسمها فتات ماعمري درته وخاطري فيه لاكن الريجيم الاحرف قتلتوني قعدت انمص في ريقي وخلاص

أم لينه
01-23-2012, 04:04 PM
تسلم الأيادي حبيبتي دائما مبدعة

ليبية
01-24-2012, 01:31 PM
ام ابوب الله يسلم ايديك الحلوة وربي يحفظلك عزيزتك يا حنة ويحنن قلوبكم على بعض

Om Saga
01-24-2012, 01:54 PM
ماعنديش روح مع الفتات والشربة خطرتاها علي
شكلها تبارك الرحمن عليك ياأم أيوب بسلامته
أحلى وأحلى وأحلى وأحلى وأحلى وأحلى وأحلى تقييم لعيون أم أيوب بسلامته
منورة بالفتات ياحلو

للاهم
01-25-2012, 10:03 AM
ماشاء الله يا ايوب فنانة كفيتي ووفيتي
الشرح ممتاز. الصور دالة. ومجهود في الموضوع وتحمسك له ومشاركة حماتك فيه رائع ويحسب لك وشكر وامتنان لحماتك ربي يخليكم لبعضكم . واحلى حاجة الفتة في الاخير صحة لعمك. انا نعطيك صوتي علي شرط تجيبيلنا صور الطاوات والفرن الخاص اللي درتوه للفتات في مصراتة . عندي عروق غادي وبالك ندزوا علي واحد:)

بنية بوها
01-25-2012, 04:37 PM
ماشاءالله يام ايوبي ربي يحفظك ويعطيك صحيحتك منورررررررررررررررة دايما

أم إيناس3
01-25-2012, 10:04 PM
يسلمو الايادى وصحتين على غمك

روح مغتربه
01-25-2012, 10:12 PM
ما شاء الله روعه تبارك الرحمن عليك وعلي عزوزتك
قالك كان مش من مصراته معناها ما تبيش سؤال هههههههه
ليبيا كلها خير وبركه ربي يهنيها ويسعدها بعدشقاها

لبنى
01-26-2012, 12:31 AM
ماشاء الله عليك وعلي عزوزتك

اللهم صلي علي النبي

سهفتينا عقتاب هالليل هههههههههههههه

بنت بابى
01-26-2012, 02:18 PM
سلم ايدياتك ام اوبى انتى وعزوزتك انا مصراتية ومنعرفش انديره لكن ان شاء الله ربى يسخر ومشاء الله لا قوة الا بالله

المصراتيه
01-26-2012, 02:27 PM
يعطيك الصحه ام يوبي
ماشاءالله عليك تسلم ايدياتك
علي فكره راني فنانه في الفنات كان تبيني نعونك هههههههه

نسيبة
01-26-2012, 10:27 PM
اشيه اشيه عليك حبوبة ام ايوب قتاتات زي الفرح و السعد
ربي يحفظك عمتك و يونسك ببعض سلمها ما شاء الله
ربي يعطيك اللي في بالك يا حق لك تقييمي

أم ميوسة
01-26-2012, 11:55 PM
ما شاء الله فتات يهبل يهبل

الطريقة واضحة والبنة شكلها مش عادية

تسلم ايدياتك وايديات عزوزتك ربي يعطيها صحيحتها وربي بحفظكم لبعض ويزيد يعقد عسلكم

موضوع رائع وفتات اكثر من رائع

واول مرة نعرفة تسقيه بالشربة

موضوع يستحق التقييم

ام جنى
02-04-2012, 12:35 AM
اقتباس:
المشاركة الأصلية كتبت بواسطة أم أيوب http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=75419#post75419)
نورتي سجودة يا عسل

وعدتك بيه وهدي حصتك يا سمحة

الفتات ناكلو فيه بجميع الطرق عزوزتي في رمضان كل يوم تدير فتات وعجة وقلايا

يوميا عالفطرو هالاصناف الثلاثة رئيسيات

بس نحبوه حتى بالشربة وغير عادي

ونحبوه بالدحي المسلوق واااااااه منه مع العصيبينات بالدات مصيرينات الشحم


وياعيني عليه مع الجبنة وتحمريه فوق الغاز لين يقرمش
اههههههههههههههههههههههههههههه اه
حرام عليكم هذا تعذيييييبسلم ايديك ام ايوب

sweet nona
02-04-2012, 10:33 AM
ماشااااااالله صونية اتجوع عالصبح
تسلم ايديك اتقان دوووما

نجلاء الخالدية
02-14-2012, 08:26 AM
الله ايسلم ايدياتك وايديات عزيزك الله ايطول في عمرها يارب
روعه ياريت نلقى منه توا مع جبنة مالحة وطويسة شاهي أمممممم
ماينفع معاكن ياخياتي لا تخفيض وزن ولا تخفيض ميزانية هههههه جعني مانفقدكن

تعزيز
02-16-2012, 09:07 AM
اكيد يعجبنا مدامة من الحنانة الغالية
تسلم ايديكم وربي اونسك بيها ديمة انشاء الله

صحة وعافيى ليكم

lola9670
02-17-2012, 04:15 PM
تسلم يديك

بنت الاشراف
02-17-2012, 06:21 PM
ما شاء الله اول مره نشوف طريقة الفتات يسلموا ايديك

ام سحر
02-19-2012, 12:03 AM
الله يسلم ايديك
انحبوه هلبة وبالاخص في رمضان مع الشربة والعجة المصراتية باليم وسخون مع الجبنة مش عادي
مشكورة

كلاسي
03-12-2012, 11:37 AM
ماشاء الله لا قوة الا بالله
تسلم ايديك وايدين عزوزتك.....حاجة روووووووعة

انا ذقته مرة عند جيراننا هما في الاصل من مصراتة .....عجبني مووووت ...ولما سالتهم عليه قالولي اقاربهم جابوه معاهم من مصراته...تحشمت نسألهم ع الطريقة

لكن اهو ...الحمدلله ...ربي رزقني بيك ...وشفته على ايديك....

احلى فتات من احلى مصراتة

مصراتة الصمووووووووووووووووووود

hend1
03-18-2012, 11:01 PM
ماشاء الله عليك شكله يسفه جوعتيني يسلموا ايديك اول مرة نشوف فتات مصراتي :)

المغتربه
03-26-2012, 06:51 PM
فتات ولا اروع الصراحه سلم ايدياتك ام ايوب ويعطيك الصحه انتى وعجوزك

المروالوردي
04-21-2012, 05:51 AM
يعطيك الصحة

فدى أمي
04-21-2012, 07:17 AM
نحب الفتات وان شاء الله انجربه

luba
06-26-2012, 05:21 AM
تسلم الايادي بارك الله فيك لك تفييمي

الصابرة
11-06-2012, 06:34 AM
http://im9.gulfup.com/2012-02-27/1330291591261.gif

المصراتيه
11-24-2012, 09:14 AM
شرح وافي وكافي باراك الله فيك

نورية المصراتية
01-11-2013, 01:44 AM
يعيطيك الصحة .. تسلم ايديك .. وربي يدوم النعمة