الهدرزة الليبية 19 ربي يجمعنا ديمة على الخير وعيد 17 فبراير مبارك على ليبيا ان شاء الله

[مغتربة 7]

السلام عليكم ورحمة الله وبركاته

هيا تفضلوا وخياتي كملوا تهدرزيكم فى ها الموضوع
ان شاء الله يكون فاتحة خير يارب
وان شاء الله العيد 17 يكون عيد خير على بلادنا

طبعا ماحدش يخش ايديه فاضيات :eek:


http://www.libyan-kitchen.com/gallery/images/3874082601.jpg


http://www.libyan-kitchen.com/gallery/images/437500742.jpg

[ام سراج 3]

http://forums.jraaa7.com/imgcache/12233.imgcache.jpg (http://www.libyanyouths.com/vb/t70704.html)

[ام سراج 3]

اللهم أبرم لإخواننا في ليبيا أمرا رشيدا؛ تُعِز فيه أولياءك، وتُذِل فيه أعداءك، ويُعمل فيه بطاعتك

اللهم يا حي يا قيوم يا من بيده ملكوت كل شيء أنت تعلم ما حل بإخوان لنا و وأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذل فيه أهل معصيتك اللهم آمين والحمد لله رب العالمين.
اللهم آمين
اللهم آمين
اللهم آمين

[أم ميوسة]

السلام عليكم ورحمة الله وبركاته

كيف الحال شن أخباركم اليوم

وينكم مغطسين دويرة الهدرزة قعدت فاضية

اهو جاية وجايبة معاي سفيرة بكلاوة تسد كل بناويت المنتدى

من امس في الليل ساهرة عليها نستف فيها


http://www.libyan-kitchen.com/gallery/images/2525.jpg

طبعا المغتربة فاتحتنا الصالون وما تبوناش نجوا

ان شاء الله كل عام وانتم بخير بمناسبة عيد فبراير

وأن شاء الله بلادنا من تطور لتطور وربي يبعد علينا شر الفتن

ما ظهر منها وما بطن

ربي يحفظ ليبيا الحبيبة ويحميها ويدومها علينا بخير وعز

مغتربة اكتبي امتى تجي بتوقيتنا راهو مش تنسي باش نتلاقوا[/FONT]

[مغتربة 7]

وعليكم السلام ورحمة الله وبركاته

شن ها الرعايش على الصبح ماشاء الله على الكريمات سلمكم جيبات
ام ميوسة ليك وحشة والله
بيني وبينكم 6 ساعات يعني توا 9 ونص الصبح عندي وعندكم 2ونص ظهر او 3 ونص

افضل وقت ليا لما يكون عندكم مغرب

[أم أبرار]

السلام عليكم
طبعا أني اول مرة نخش معاكم في الهدرزة وإن شاالله يهني بلادنا وتهل علينا الذكرى الأولى للثورة وأحني متريحين لامشاكل لاشي آخر أمغير الهني والامان

[ام سراج 3]

http://www.iraqup.com/up/20110507/AM584-Dprt_257874790.jpg

[حاملة الورد]

السلام عليكم كيف حالكم ومبروك عليكم الهدرزة جديدة

[ام جنى]

السلام عليكم
مبورك لمتكم وان شاء الله ديما ملتمين على الفرح والسرور يارب

[مغتربة 7]

السلام عليكم

كيف الحال من موجود نهدرز عليه

[Queen96]

السلام عليكم ورحمة الله وبركاته

كيف حالكم جميعا

انى عضوه جديدة واتمنى اتقبلونى بينكم

[مع الحبيب]

اللهم احفظ بلادنا يارب العالمين اللهم قنى شر الفتن ماظهر منها وما بطن
يارب احمي شبابنا شباب ثورة 17 فبراير وابعد عنهم شر الخائنين والحاسيدين
اللهم من ارادنا واراد المسلمين بسوء فاشغله في نفسه واجعل اللهم كيده في
نحره واجعل تدبيره تدميره اللهم لا تحقق للخائنين غاية ولا ترفع لهم راية وعجل
لهم بالنهاية...يارب كما نصرت الحق فاحفظ يارب هذا النصر و وحد الشعب الليبي على الحق والخير والاصلاح .... اللهم آمين يارب العالمين

[مع الحبيب]

اهلين بيك حبيبتي Queen96 نورتي المنتدى

[ام معتز وفرح]

السلام عليكم ورحمة الله وبركاته يارب هني بلادنا وانا عيد 17 فبراير خير على شعبنا وكل عام وانتم بالف خير واهلين باخواتي الموجودات لو فيه موضوع انهدرزو فيه

[Queen96]

اللهم ما امين يا رب العالمين

والنور نورك يا امل ليبيا تسلمى يا حبوبه على الترحيب بيه

[حاملة الورد]

السلام عليكم ورحمة الله وبركاته
كيف حالكم
ليها فترة مانفتحت الهدرزة يلى نفتحوها من جديد

[نجوته]

السلام عليكم

اعويلة ..... شكلكم امقيلين ؟؟

[sweet nona]

مممممممم

[نجوته]

هههههههههههههههههه

كيف الحال سويتي ومعرفة خير يا رب

[sweet nona]

السلاام عليكم
كيف الحال
اني مش راقدة

[نجوته]

وعليك السلام والرحمة


باهي

ولا أني

فرقة النوم

[حاملة الورد]

السلام عليكم ورحمة الله وبركاته
كيف حالكم

[نجوته]

وعليك السلام ورحمة الله

الحمد لله يارب

وكيف حالك وحال عويلتك

[حاملة الورد]

الحمد لله نجوته وكيف حالك إنت وعويلتك

[نجوته]

الحمد لله يارب

فضل من الله ونعمة

[نجوته]

بالله بنسألكم

شن قصة الفيدراليه الي طالعة في بنغازي هاليومين

كل ما انقولو اتهنينى تتطلعنا غناية جديدة

[حاملة الورد]

والله مش عارفة توى اسمعت منك إنتي ساكنة في بنغازي

[نجوته]

لالا اني من طرابلس

بس القنوات

والمنارة للإعلام امنزلاته من الصبح

قالو يبو اقليم برقة ابروووحه ؟؟؟

[حاملة الورد]

لاحول ولا قوة إلابالله إن شاء الله خيرهدا تقسيم و إستحالة الليبيين يرضوا بهدا الشيء ون امدايرها إن شاء الله

[نجوته]

ماهو هم وخلاص

من كثرتنا

تي احني حويرتين وظوظ

لا حولا ولا قوة الا بالله

[حاملة الورد]

ربي ايهني البلاد ماعلينا إلا بالدعاء

[نجوته]

آآآمين يارب

ويهدي النفوس

[حاملة الورد]

بالله عليك نبي نسألك على كيفية تحمل الصور بنزل موضوع والصورة مابيتش تتحمل

[نجوته]

حسب معلوماتي

هههههههههه واني مش خبيرة هلبااااااااا

اتنزلي الصور في موقع للتحميل الصور

ومن غادي اتحطي الرابط

[حاملة الورد]

لقيت الطريقة بعد مانحمل الصورة في المركز ما يعطنيش الرابط

[نجوته]

اهو ماشاء الله عليك نزلت الصورة

[نجوته]

السلام عليكم

[حاملة الورد]

اقتباس:
المشاركة الأصلية كتبت بواسطة نجوته http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=83849#post83849)
اهو ماشاء الله عليك نزلت الصورة
ماعرفتيش كيف انصغيرها هههههههه

[مغتربة 7]

السلام عليكم
كيف حالكم يابنات بلادي ان شاء الله طيبات وبخير جميعا
وينكم ياجماعة الخير تعالوا صوتوا للمسابقة الكبرى

[نجوته]

السلام عليكم

ياودي خير هدرزتكم امكسدة

وينكم يا عيلة

[حاملة الورد]

السلام عليكم كيف حالكم

[نجوته]

السلام عليكم

[مغتربة 7]

السلام عليكم
كيف حالكم ياعويلة

[خوخة]

السلام عليكم بالله مين فاضي ويهدرز عليا اني مكسدة

[المصراتيه]

خوخه وينك جيت بنهدرز معاك لقيتك مسكره

[بنت حواء]

السلام عليكم ورحمة الله وبركاته ..........كيف الحال؟

[مغتربة 7]

هلا وغلا بالجميع
منورات
شن اخباركن

[بنت حواء]

الحمد لله.........بخير كيف حالك يامغتربة؟

[مغتربة 7]

الحمد لله بخير
شن اخبارك انتي حبيبة
وشن اخبار البلاد

[بنت حواء]

الحمد لله شنو أخبار البلاد ؟؟؟ شن بنقولك ؟؟ أفتحي الفيسبوك وشوفي وقولي ربي يستر

[بنت حواء]

أيوه يامغتربة وينك أبعتيلي دعوة نجيك غادي زهقت وخاطري بندهور :p

[بنت حواء]

شكلها مغتربة طالعة باهي من بيهدرز معاي؟:confused:

[مغتربة 7]

ان شاء الله خير
فترة وتمر
ان شاء الله ربي يولي علينا خيارنا

[مغتربة 7]

لالا قعدة حبيبة

[مغتربة 7]

عرفيني عليك من وين انتي حبوبة
اني من طرابلس مصراتية الاصل

[مغتربة 7]

جاني ايميل ضحكني قولت انحطه تضحكوا معاي




هذا الحال عندنا في ليبيا



تنعس............................ يـنوضوك
تنوض ......................... يتعبوك
صحيح ...........................يمرضوك
تمرض ........................ يضحكو عليك


تشري ........................ يسرقوك
تبني ......................... يحسدوك
تصيم...........................يفطروك
تفطر.............................. يكفروك


تحب ........................... يقولو مش كويس
ماتحبش ...................... معقد
متديّن ........................... سلفي
مش متدينش....................صايع


تتزوج......................... شن يبي فيه الجواز
ما تتزوجش..................... في شنو ايراجي بس
متريح مع مراته............. دايرتله سحر
ديما متعاركين ............ مايستهلهاش


تركب افيكو .......... خيرك ما اتقولش تو انوصلوك
تمشي على رجليك ............ ماعندش باش يركب
تمشي بسيارتك .............. يطلعولك فيها لمايطلعش
تسأل علي احوال الناس ............. قصقاص
تقعد بروحك ................ معنداش اصحاب
تصاحب..............اكيدة في مصلحة


تضحك....................... عبيط
تسكت.......................... وحيد
تلبس........................... زعما شنو في
ما تلبسش ......................... ماعنداش دووق


فقير ......................... فقري
غني ......................... فلوس حرام
قاري ......................... ناجح بالدف
مش قاري...................... فاشل

[بنت حواء]

مشكلة النت بطييييييييء
باهي يامغتربة نسحابك طلعتي
أنا مواليد بنغازي وأصلي من زليتن ومتزوجة في طرابلس
حلو المسج يموت بالضحك والله هذا الحال الله غالب

[مغتربة 7]

سبحان الله اغلب الليبين ينتموا الى هلبة مدن
اني زوجي من بنغازي وخوتي مواليد بنغازي

[مغتربة 7]

هههههه ايه يضحك حتى اني ضحكت
كان الواحد سمين يقولوله بتطربق وكان ضعيف يقولوله بتموت هههههههههههههههه حاله وخلاص

[مغتربة 7]

حبيبتي بنوتة نستاذن منك الظهر ادن عندي

[بنت حواء]

تفضلي يوخيتي مع السلامة

[خوخة]

السلام عليكم

[المصراتيه]

وعليكم السلام
انتي تعدي واني نجي عاد الفرق 12 ساعه..

[خوخة]

السلام عليكم

[مغتربة 7]

تعالي هني يامصراتية خلينا نتفقوا
وانتي ياسويت شدي الصنية فى يدك

[المصراتيه]

ههههههههههههههه
هيا اني جيت
شنو اتفاقك

[مغتربة 7]

اسمعي جو بتقلي لا خلينا على الاتفاق نقسم اني وياك وانتي تقسمي معاي
بس بشرط ديمة تقسمي مش وجبة وحدة بس شن رايك
درتلك خصم هههههههههه

[sweet nona]

اني جييييييييييييييييت
وحانحضر الاتفاق
يلا شن ردك يامصراتية موافقة
ههههه

[sweet nona]

تي وين امشيتو ماصارلكمش ولا شن
مغتربة الراجل اهم شي هيييييييييي
ماتعدليش على كلامها
راه مانحرق
مغتربة7
باهي باهي
يامصراتية تريحتي توا
تهني
هههههههههههههه

[المصراتيه]

ههههههههههههههه
ورينا 8 اطروف التانيات قبل وشن يضمنلي اني انهن منحرقنش

مغتربه ردي بالك تاكدي من البضاعه قبل هههههههههه

خلاص اني موافقه بس حتي انتي تقسميلي مش اني بس

[مغتربة 7]

اهو جيت كمبيتري شحنه تم

المهم خلينا نتفاهموا
مصراتية شن قلتي
اما انتي ياسويت اختباري ليك راح يكون بالوز كيلو لوز تكسريه بسنونك وبعدها نقرار زين ولا موزين

[sweet nona]

هههههههههههه
هههههههههههههههههههه

صينية

اا قصدي اصلية

ههههه

[مغتربة 7]

معناه شكلك ياباني
خلي انجرب وانشوف

[sweet nona]

تصبحو على خير ياحلوات
اني نقوبع للساعة3
لما تتفقو قولولي
واني الشاهدة
هههههههههههه
اموووووووووووااااااااه ليكم
ضحكت من وسط خاطري
وهدرزتكم ابدا لايمل منها

[المصراتيه]

بما انك دكتوره اسنان ركبي تاكم فوق اسنونك
هدا كان اسنونك كاملات هههههههههههههههه
اختبار ميه الميه هكي تعرفيها صح عليك مش تختاري وخلاص

[مغتربة 7]

ليلتك سعيدة ياعسل
لا 3 هلبة مش متفقين هكي راه
لاازم ترقدي بكري وتنوضي بكري
وراك تنسي كيلو اللوز احلمي بيه
لانه بعده حاجة مليحة هههههههههههههههههه
يلا سموحة احلام وردي
سلام

[sweet nona]

حقه اسمعي
ياباني
بنقلاديشي
افريقي
المهم دبري في العريس
ماتخليش بنت عمك تأتر عليك
ههههههههههههه
وسلامات

[المصراتيه]

اي ماهو العرض يخوف
هي ريتي هي جاب ربي متقدمتيش يا مغتربه كنهدا شن بنقول راهو ،،،،،،،،،،،،،،،،،،،
نوم العوافي يا غاليه قدامك كل خير وسامحينا سهرناك معانا خخخخخخخخخ

[مغتربة 7]

مصراتية ملا شن مش نلعبوا حني راه
ما تزلبحنيش بكرب وبورجر

[مغتربة 7]

ههههههههههههههههههههههههههههههههههههههههه
سويت وجعتيني
خليني انفكر فى الموضوع ههههههههههههههههههههههههههههههههههههههههههههههه
راهو مصراتية بنت عمي ونخاف انزعلها

[المصراتيه]

لالا اني من توا طلعت الدجاج
تو بندير كريب 15 طرف وبنحسبك بنص ههههههههه
لكن قسمت خوت ايوه
هيا ديري وعد
وعد شرف

[مغتربة 7]

مصراتية حق ولا تبصري
الساعة كم عندك
باهي ديري قسمت خوت لا استطيع ان اقول لا اخف منك ههههههههههههههههههههههه
اسمعي بنسئلك ياطويلة العمر على فطائر المثلث نبي انديرهم غدوة ان شاء الله
التشكيلة الي فوق مافهمتش كيف درتيها

[المصراتيه]

اي حقه
توا عندي الساعه 3 ونص في القايله والافندي يروح 7
معناها عجباتك نجيك ياربي خلاص راجيني شويا نصورق طبعا بالورق بنمتلك ههههههههه
اي قسمت خوت والله بنقسملك ;);)

[مغتربة 7]

مصراتية يامرحبا يامرحبا نورك غطى نور الكهرباء
كيف حالك اموه اموه من جابك السواق نيالك عندك سواق هههههههههههههههههههههههه
حقة 3 ظهر
تعرفي اني عندي الساعة 10 ونصف فى الليل والكتاكتيت مازالوا نايضين ماهو غدوة ويكند

[مغتربة 7]

ميمي حبيبتي هذا اسم الدلع متعك يامصراتية
راح نستأذن منك
بس اكتبيلي كيف انلف الفطائر بش غدوة كان احيانا ربي انخش نلقه
وتصبحي على خير وعلى طاعة رب العالمين
فرحانة اني هدرزت عليكم ضحكتوني وغيرتولي جوي
سلام ياعسل

[المصراتيه]

حالنا تمام الحمدلله
اي اكيد تو نبعتهلك عن طريق البحر ولا تبعتهلك سويت مع طير الحمام ههههههههههههههه
خلاص توا تصبحي علي خير وان شاءالله بكرا الصبح تلقيني حاطتلك الصور اني توا درتهن وصورتهن
بوسيهلي هالسنافير
اسم الدلع طلع حتي عالحقاني ايجي ههههههههههه
احلام سعيده

[اريناس]

السلام عليكم


كيف حالكن ياابناااات ليكم وحشه

[مغتربة 7]

وعليكم السلام

شن اخبارك ارنوسة عاش من شافك