[ مشاركة في مسابقة لا شرقية ولا غربية لركن الأطباق الرئيسية الليبية ]بازين بالسمك من مطبخ ام تغريد

[ام تغريد]

http://www.samysoft.net/forumim/basmla/24235235.gif


http://www.libyan-kitchen.com/gallery/images/pyppyp.gif





http://www.libyan-kitchen.com/gallery/images/200120efe.gif


اولا اترحم على ارواح شهداء ليبيا الحرة واللهم اجعل متواهم الجنة ودعواتي لكل اخواننا الجرحى بالشفاء العاجل


حبيت انشارك اخواتي في هذه المسابق بقعد بازين ليبي والبازين معروف عندنا في كل ربوع ليبية الحبيبة ومن اكلاتنا الثراتية الشعبية واغلب الليبين يكون غداهم يوم الجمعة

وتختلف وتتنوع طرق تحضيره ولكن هذه تشتهر بها مدينة طرابلس واكيد بعض المدن الساحلية وذلك لموقعها الجغرافي بالقرب من البحر وان شاء الله راح انزل اكثر من نوع في هذا القسم

وبسم الله نبدا

المقادير

قطع من السمك واستعملت في التحضير {قطع من حاشاكم كلب البحر}

زيت ++فصوص ثوم ++2ملاعق طماطم++ملعقة فلفل احمر++تلت ارباع ملعقة بزار++نصف ملعقة كمون حوت++نصف ملعق ملح ++ربع ملعقة فلفل اسود


http://www.libyan-kitchen.com/kitchen/../gallery/images/111120glg.jpg



3قرون فلفل اخضر++بطاطا ++بيض حسب الرغبة

الطريقة

نضع الطنجرة على النار ونسكب كمية الزيت ونتركه يسخن شوية

ثم نضع قطع السمك فيها حتي تعطي النكهة ويتغير لونها شوية ونخرجها ونتركها جانبا


http://www.libyan-kitchen.com/gallery/images/2001201214.gif




http://www.libyan-kitchen.com/gallery/images/200120xlx.gif




ثم نضع الثوم ونضيف الطماطم على الزيت والفلفل والبزار والكمون والملح والفلفل الاسود

مع التحريك

http://www.libyan-kitchen.com/gallery/images/200120pdp.gif




تم نضيف الماء بالتدريج يعني مش في مرة لما تحسي الماء ناقص ضيفي مقدار كوب وهكذا وبعدها ضيفي البطاطا والفلفل الاخضر ولحين نضج البطاطا اطفي الغاز

وفي هذا الوقت طبعا بنكون نجهز الدقيق الشعير مع حفنة دقيق فارينة ورشة ملح
والحق الصور اللي نازلات في العجين واخدتهم من موضوعي السابق للبازين واكتفيت بتصوير تحضير الطبيخة وان شاء الله ما يتعارضش مع شروط المسابقة



http://www.libyan-kitchen.com/kitchen/../gallery/images/111120bgb.jpg

ونخلطهم مع بعض ونعجنهم بمقدار من الماء حتى تصبح العجينة متماسكة



http://www.libyan-kitchen.com/kitchen/../gallery/images/111120vpv.jpg




http://www.libyan-kitchen.com/kitchen/../gallery/images/111120aja.jpg


ونضع الطنجرة على النار وفيها كمية من الماء ونتركها حتى الغليان ونضع قطع العجين ونتركها






http://www.libyan-kitchen.com/kitchen/../gallery/images/111120ehe.jpg

حتى تنضج ومش اقل من ربع ساعة الى نصف ساعة حسب درجة حرارة النار اللي عندك


ثم نشكلها بهذه الطريقة


http://www.libyan-kitchen.com/kitchen/../gallery/images/111120sxs.jpg


ونسكب الايدام {الطبيخ }عليها ويقدم وهو ساخن مع عصر الليمون عليها


http://www.libyan-kitchen.com/gallery/images/200120ror.gif



http://www.libyan-kitchen.com/gallery/images/200120dnd.gif



وهذا الشكل النهائي وزي ما قلت البيض حسب الرغبة واني اولادي ما يحبوش البيض المسلوق هذا علاش درت شوية

صراحة ولا احلى من هكي

[أم أيوب]

ماشااااااااااااااء الله تبارك الرحمن منظره مرتب ويهبل يسلمو ايديك

أول مرة نسمع عن بازين بالحوت

حوش عمي غداهم كل جمعة بازين الا ماندر يديروا حاجة مسقية

بس نديروه بلحم القعود أو لحم الحولي

موفقة يا قمورة

[أمـ ساره]

ماشاء الله لاقوة الا بالله

أم تغريد بازين جديد عليا لكن ما شاء الله عليه

شكله رووووعه سلم ايدياتك حبوبة

وهذا زي بازين مسلاته هكي ايديروا فيه

وانتي على أي طريقة درتيه قصدي أي مدينة

مشاركة مميزة حبوبة

ونستنوا المزيد والجديد منك

[مغتربة 7]

بسم الله ماااااااااااشاء الله
بزين يهبللللللللللللللللل
حتى اني اول مرة نعرف البازين ايجي بالسمك
بس شكله يجنن واكيد الطعمة
تسلم الايادي حبيبة
وموفقة فى المسابقة

[زهرة البنفسج]

ماشاء الله والله حتى انا اول مرة نسمع بيه لاكن فكرة جديدة ومميزة

[ranaa]

مشكوووووور والله يعطيك الف عافيه

[الساجدة لله]

تسلمي ياغالية البازين يهبل مش عادي ونحب ناكله بالفروج مش عادي فروج البحر طبعا مش فروج زوج الدجاجة هههههههه حلوة زوج الدجاجة ونحب حتى طعمته بالقرنيط تهبببببل بيني وبينك البازين نحبه كيف مكان

بس مادكرتيش اتبعتي اي طريقة يعني اي مدينة ادير فيه هكي

[DREAM]

تسلم ايديك يا غالية
بازين ايسهف وشكله مرتب
موفقة في المسابقة
وبستاهل التقييم

[روح مغتربه]

اول مره نسمع بيه البازين بالحوت بس اهو طلعوا حتي الطرابلسيات ما يعرفوش
ما شاء الله علي ليبيا قداش مطبخها غني ومتنوع وهذي احسن فرصه لابراز هاتنوع
يسلموا ايديك اختي وصحتين عليكم وموفقه في المسابقه

[الساجدة لله]

روح حبيبة من قال مانعرفوه بس احنى نبو في المسابقة الدقة في تفاصيل هوية الطبق اما من ايدير فيه على اظن هو ايديرو فيه سكان طرابلس متع المدينة القديمة اي الحارة وباب بحر وميزران وبغض النظر عن اصولهم اذا كانو من طرابلس او باقي ربوع ليبيا الحبيبة واللي من اصول تركية اللي اشتهرو بالسمك وحبهم لطبخ بالسمك
وكذلك تفننو في كيفية طبخه بالبحريات كالاخطابوط وفواكه البحر بس هذا ابتكار شخصي لكل ربة بيت او طباخة

ان شاء الله فهمتي حبيبة روح مغتربة نحن نبي تثبيت لهوية الطبق فقط لاغير واظن طريقة البازين المعجون هي اللي يسموها الطريقة الغريانية

تقبلي مروري حبوبة مامت تغريد وموفقة

[ام هداية]

يسلم ايديك ويعطيك الصحة ما شاء الله خطوات واضحة ومرتبة موفقة فى المسابقة

انى نعرف ان اديروا فيه البازين بالحوت حتى فى طرابلس زى ما قالت الاخت ساجدة ومرة شفته فى زوارة لكن انى ايعز عليا البازين بلحم الظأن صحتين ليكم

[الساجدة لله]

تسلمي ام هداية فعلا زوارة نسيت مادكرتها في ردي السابق

[ام تغريد]

مشكورات اخواتي على مروركم العاطر لموضوعي وعجبوني تعليق الساجدة فروج البحر طبعا مش فروج زوج الدجاجة هههههههه

وام اعن سوائلكم عن اي مدينة فنحب انقوللكم انا من الجبل الغربي وطبعا طول عمرنا عايشين في طرابلس ونعرف امي من يوم ما صارت ادير فيه طبعا اكيد الطريقة الطرابلسية والحمد لله اهوتعلمنا انوعو
اماله كان انقوللكم البازين باللبن شنو اتقولو حنزله ان شاء الله

[Om Saga]

تسلمي أم تغريد على البازين الحلووووووووووو
مش عادي مع السمك أني نحبه بكلب البحر أو نوع تاني كبير
مانعرفش إسمه لحمه هبره يمي يمي
نورتينا أختي
أحلى تقييم لعيونك ياحلوة

[Om Amory]

ماشااءالله رووعه يسلمو ايدياتك

انى عرفته لما تزوجت هههه


صبراته يحبوه

اهل راجلى يديروا فيه ولتوا ماعمرى كليته

موفقه واحلى تقييم لعيونك

[ام تغريد]

تسلمي ام سجو وام عموري لمرويكم وياام عموري لو ادوقيه مرة حتلاقي نفسك ديما تاكلي فيه

لاني كنت زيك وتوا البازين بجميع انواع ناكله صرت غريانية

[ام جنى]

مشاء الله
جمعتى اكثر اكلتين نحبهم البازين والحوت
تسلم ايديك

[لولو]

أول مرة نشوف البازين المعجون

[خدوج]

بازين حوت ؟؟؟
اول مرة نسمع بيه
اللى يعيش ياما يشوف
يسلم ايديك
وصحتين وعافية

[guidona]

ماشاء الله طالع امعاك زي العسل

[أم ميوسة]

بازين رائع

وفكرة بازين بالحوت للمسابقة عجبتني

انا ضايقته من يديات جارتنا زوارية

والصراحة عجبني يومها

تسلم ايدياتك أم تغريد

بازين يستحق التقييم

[ام تغريد]

تسلمو اخواتي علي مروركم ومدامه البازين عجبكم في الصور اكيد حا يعجبكم لو تجربوه

[النعاجية]

صحيتى والله شى جديد بادن الله بنجربه شكله مش عادي شكر شكر ياغاليه

[ام تغريد]

اقتباس:
المشاركة الأصلية كتبت بواسطة النعاجية http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77460#post77460)
صحيتى والله شى جديد بادن الله بنجربه شكله مش عادي شكر شكر ياغاليه

هو بازين الحوت مش اجديد بس ممكن انتم ماديروش فيه او ما تعرفوشي لهذا مستغربينه

ولكن لو تجربيه نعاجية اكيد رح يعجبك

[نسيبة]

ماشاء الله عليك بازين مقوم اني نحبه بلحم القعود هههههه
طريقتك حلوة ام تغريد و اني يعز عليا حوت كلب البحر هلبا
وكما ذكرت سجودة سكان المدينة القديمة و خاصةةةةةةةةةةةةةة سكان الحارو و باب بحر
قداش يحبوه الحوت اسرتي غالي عليهم الحوت بكل وزوجي حتى هو معنداش معها الروح
هني الله يرحمها تحكي لينا على البازين بالقرنيط بنة وصنة عليك ايام
حبوبة تميزتي لك تقييم

[lola9670]

مشكوررررررررررررررررررررررررة
هذه اكلتي امتى راجلي يعزم
ع اساس حاجة صعبه اني درتها
وهو مش عارف ان هذه اسهل اكله واسرعها عندي
اعتمدوها نصيحة

[بنت الاشراف]

هذا البازين تشتهر بيه مدينة زوارة مش طرابلس وسلمت يداك وجزاك الله خيرا

[luba]

تسلم الايادي ماشاء الله لك تقييمي