المساعده العاجلة ووووووووي

[بنغازية]

اهلين ياليبيات ساعدني ارجوكن راجلي جايبلي زيتون اسودكبير ونبي انديره ما عرفتش الطريقة الصح

نبي انوريه فلاحتي انخاف يخرب مني الي شاطره في دورته اتقولي الله يفتح عليها ب سرعه قبل ما

يخرب ويضحك عليه هههه وشكرا

:confused:

[snaaaa]

ان شاء الله تلقى من ايساعدك اوخيتك ما اديرش فيه

[مغتربة 7]

تفضلي حبيبة

http://kitchen.libyan-kitchen.com/showthread.php?t=2458

[أم لولو]

شوفي حبيبتي بالنسبة للزيتون الاسود تاخديه وتغسليه كويس وبعدين تحطيله كمية باهية من الملح يعني لكل 3 او4 كيلو زيتون تحطي حوالي باكو ونص ملح وخلطيه كويس وحطيله نص شيشة خل وخليه كل يومين ثلاثة قلبيه من فوق لتحت بلطف و يقعد تقريبا شهر او اكتر وبعدين تذوقيه تحسي بنته حلو مش مر تقدري تاكليه زي ما هو ويكون زيتون غامي في هالحالة , يا إما تاخديه وتصفيه من المية اللي نزلها وتصبيله مية سخونة وتعبيه في فازوا بميته بدون ملح لان هو مالح من الاول وتقدري تاكليه هكي او تاخدي فازوا تحطيله خلطة هريسة عربيه وليمون مقطع شرايح وشوية زيت زيتون وتخلطيه وتاكليه بالهنا وممكن لوتبيه يولي حلو بسرعة من الاول الخطوة الاولى بعد ماتغسليه يااما تشقيه شق واحد لكل حبة بالموس يااما تنخسيه بالشوكة يعني تديريله ثقوب باش يطلع المرار اسرع وان شاء الله نكون وضحتلك الطريقة والف صحة عليكم

[زهرة البنفسج]

بارك الله فيهم اللي يساعدو فينا

[الساجدة لله]

بارك الله في الاخوات تمت الاجابة

[حبيبتهم]

السلام عليكم الزيتون علي حسب ماتبيه لو غامي تخلطيه بملح هلبه وتخليه في كيس قماش لوين تنزل اميته وبعدها تغسليه وتجففيه من المية وبعدها تحطي عالكمية اللي بتاكليها زيت زيتون لو تبيه زيتون عادي تنقعيه في امية وتغيري له اميته كل يوم لمدة اسبوع وبعدها تغلي امية وتخليها تبرد وتحسبي مقدار الملح لكل ٦ اكواب ماء كوب ملح وتصبيها عالزيتون ماتحطيش ليم لانه ايخلي الزيتون يتكرمش وبالهني