[ مشاركة في مسابقة لا شرقية ولا غربية لركن الأطباق الرئيسية الليبية ] محشى خضرة بالبرغل (دولمة) من مطبخ ام هداية

[ام هداية]

http://www.libyan-kitchen.com/gallery/images/3pzppmp.gif



http://www.libyan-kitchen.com/gallery/images/pyppyp.gif



هذه اول مشاركة ليا فى مسابقة لا شرقية ولا غربية اللهم وحد بلادنا على كلمة لااله لا الله محمدا رسول الله

مشاركتى هى محشى خضرة اودولمة بالبرغل طبعا هى معروفة فى جميع مدن ليبيا لكن طريقتى نستخدم البرغل الخشن بدل الارز وهذه الطريقة منى لان اصلى طرابلسية من سوق الجمعة وعمتى قالت انا كانوا اديروا فى العصبان فى البرغل بدل الارز جربوها حلوة وصحية ان شاء الله تعجبكم


http://www.libyan-kitchen.com/gallery/images/dsc014cgc.jpg

http://www.libyan-kitchen.com/gallery/images/imagesfmf.jpg



اولا الخضرة نستعمل فى السلك والكوسا والبدنجان والفلفل الحلو وبطاطا


http://www.libyan-kitchen.com/gallery/images/dsc014jwj.jpg

المكونات لحم مقطع مكعبات صغيرة وخاصة لو كان لحم ضأن ايجى بنته زى العصبان اولحم مفروم +بصل مفروم ( يفضل بصل اخضر ) ومعدنوس مفروم ناعم طماطم اخضر مكعبات صغيرة+ برغل خشن ينقع فى ماء ساخن لربع ساعة ) ملعقة اواثنين طماطم معجون حسب الكمية شوية زيت +نعناع جاف او اخضر فلفل اسود واحمر وبزار وشوية بهارت


http://www.libyan-kitchen.com/gallery/images/dsc01470.jpg


http://www.libyan-kitchen.com/gallery/images/line1ivi.gif



نقع السلك فى مية سخونة لين يدبل ونحشيه


http://www.libyan-kitchen.com/gallery/images/dsc014nin.jpg

http://www.libyan-kitchen.com/gallery/images/dsc01474.jpg

نحفر الخضروات ونحشيها


http://www.libyan-kitchen.com/gallery/images/dsc01480.jpg




ناخد طنجرة واسعة ونضع فيها شرائح من البطاطا او البدنجان ثم نرص الخضروات المحشية


http://www.libyan-kitchen.com/gallery/images/dsc014hzh.jpg

نحضر صلصة طماطم ( طماطم معجون وماء وشوية بهارات وفلفل ) ونصبها فوق الخضرة ) ماتكتريش صلصة ربع الطنجرة واتطيب على نار هادية لين اطيب



http://www.libyan-kitchen.com/gallery/images/dsc01484.jpg


http://www.libyan-kitchen.com/gallery/images/dsc01485.jpg



وهدا شكلها بعد ما طابت


http://www.libyan-kitchen.com/gallery/images/dsc014lnl.jpg


وهذه مع شربة عربية وسلاطة وتاكلوا بالهناء



http://www.libyan-kitchen.com/gallery/images/dsc01495.jpg

[ام تغريد]

ما ساء الله ام هداية تبارك الله علي المحشي السخون تسلم ايديك وان شاء الله موفقة في المسابقة

وتوا وقت الغدي ونبي انوض لكن شن رايك ما فيه ما طيبت اتمديلي الصحن اللي قدامي وتعملي فيا معروف

[ام هداية]

ما ساء الله ام هداية تبارك الله علي المحشي السخون تسلم ايديك وان شاء الله موفقة في المسابقة

وتوا وقت الغدي ونبي انوض لكن شن رايك ما فيه ما طيبت اتمديلي الصحن اللي قدامي وتعملي فيا معروف

الله يسلمك ام تغريد ربى يحفظك

الطنجرة كلها ليك اتفضلى ياغالية :pردى بالك تحرقى ايدك قاعدة الطنجرة سخونة:D

[ميسون]

تسلم ايدياتك شكلها شهي

[Om Saga]

جوعتيني والحكاية صقع
تسلم هل اليدين يااااااااااااااربي
ماشاء الله صفيرة مقومة
أحلى تقييم أختي لعيونك
موفقة

[ام هداية]

تسلم ايدياتك شكلها شهي



تسلمى اختى مشكورة




جوعتيني والحكاية صقع
تسلم هل اليدين يااااااااااااااربي
ماشاء الله صفيرة مقومة
أحلى تقييم أختي لعيونك
موفقة



الله يسلمك ويحفظك ومشكورة على التقييم

[أم لينه]

يسلموووووووووووو إيديك حبوبه
إبداااااااااااع ياأم هداية
بارك الله فيك

[Om Amory]

الله الله سهفتينى يهبل

يسلمو ايديك

وأحلى تقييم ليك

[مغتربة 7]

بسم الله ماشاء الله
يسلام عليك ياام هداية وعلى المحشي
محشي ياااااااااخد العقل وعيوني بيطلعوا جبتيه فى خاطري
فكرة البرغل جديدة عليا
والشريبة جت فى خاطري حتى هيا بما ان الطنجرة سخونة شن رايك انجي اني وخلاص ناكل محشي والشربة يمييييييييييييي ههههه
تسلم الايادي حبيبة ديمة مبدعة
موفقة ان شاء الله فى المسابقة
احلى تقييم لعيونك

[guidona]

الصراحه واو روعه بسم الله ماشاء الله من ايد مانعدمها محلاها محلاها وهديك القريعه ليا سنين اعليها سهفتيني صحيحه ليكم كلكم

[الساجدة لله]

ياحليلها ام هداية معقولة اطيب وماتعزمش هههههههههههه

شن درنالهم الحيشيات ياحبيبتي الرعشاااات رعشااااات

تسلم الايادي ام هداية وفعلا الموضوع كامل متكامل مشاء الله لاقوة الابالله من حيت الترتيب والصور تسلمي يامبدعة

والشريبة كان تجيبهالي لاني يابسة بالصقع ههههههههههههههه احلى تقييم ياعسول

[أمـ ساره]

ما شاء الله لا قوة الا بالله

محشي رووووووعه سلم ايدياتك الحلوة

وشكلها يفتح النفس

بالهني والعافية على قلوبكم

ومشاركة مميزة فعلاً

[ام هداية]

يسلموووووووووووو إيديك حبوبه
إبداااااااااااع ياأم هداية
بارك الله فيك


فيك بارك الله
مشكورةعلى الرد



الله الله سهفتينى يهبل

يسلمو ايديك

وأحلى تقييم ليك

تسلمى حبيبه ومشكورة على التقييم

[ام هداية]

بسم الله ماشاء الله
يسلام عليك ياام هداية وعلى المحشي
محشي ياااااااااخد العقل وعيوني بيطلعوا جبتيه فى خاطري
فكرة البرغل جديدة عليا
والشريبة جت فى خاطري حتى هيا بما ان الطنجرة سخونة شن رايك انجي اني وخلاص ناكل محشي والشربة يمييييييييييييي ههههه
تسلم الايادي حبيبة ديمة مبدعة
موفقة ان شاء الله فى المسابقة
احلى تقييم لعيونك

الله يسلمك حبيبه سامحينى جى فى خاطرك كانك جارتى رانى بعتلك صونية

مشكورة على الكلام الحلو والتقييم ربى يحفظك

[ام هداية]

الصراحه واو روعه بسم الله ماشاء الله من ايد مانعدمها محلاها محلاها وهديك القريعه ليا سنين اعليها سهفتيني صحيحه ليكم كلكم

الله يحلى ايامك والله يسلمك

[DREAM]

ما شاء الله تبارك الله
محشي ايسهف وفكرة البرغل جدديدة
تسلم ايدياتك حبيبة
وموفقة في المسابقة واحلى تقييم

[ام هداية]

ياحليلها ام هداية معقولة اطيب وماتعزمش هههههههههههه

شن درنالهم الحيشيات ياحبيبتي الرعشاااات رعشااااات

تسلم الايادي ام هداية وفعلا الموضوع كامل متكامل مشاء الله لاقوة الابالله من حيت الترتيب والصور تسلمي يامبدعة

والشريبة كان تجيبهالي لاني يابسة بالصقع ههههههههههههههه احلى تقييم ياعسول

تسلمى يا عسل الابداع دائما بردك الحلو الله يحفظك

شوية بس وتكون الشربة عندك مع ليم عصرى وخبيزة سخونة :d هههههه كانك جنبى ماتغلاش عليك يا غالية

[ام هداية]

ما شاء الله لا قوة الا بالله

محشي رووووووعه سلم ايدياتك الحلوة

وشكلها يفتح النفس

بالهني والعافية على قلوبكم

ومشاركة مميزة فعلاً


تسلمى ام سرورة الله يهنيك

[روح مغتربه]

يسلموا ايديك ام هدايه ما شاء الله محيشيات ايسفهن يسلموا ايديك حبوبه وموفقه في المسابقه

[أم ميوسة]

محشي رائع والاجمل انه صحي وبالبرغل

يعني تقليدي وجديد نفس الوقت

يسلموا ام هداية

مواضيعك متميزة زيك حبوبة

تستحقي التقييم

[نسيبة]

ما شاء الله عليك بنية السوق ربي يحفظك راهو مدنيتك الغوالي سوق الجمعة
طريقتك تحفة والمحاشي بسم الله ما شاء الله و الشربية تت في خاطري الحق ههههه
لك احلى تقييمك ننظر روائعك عسولة

[lola9670]

مشكوررررررررررررررررررررررررة

[ام زكريا]

السلام عليكم

ماشاء الله على الضولمة ، فكرة حلوة أنك استبدلتي الارز بالبرغل ، و هو صحي جدا و يعطي طعم حلو و الذ للضولمة،، تسلم الايادي عليها،

كيف نصوت لإكلتك ،،

تحياتي

[luba]

تسلم الايادي بارك الله فيك لك تقييمي