المساعد الشخصي الرقمي

مشاهدة النسخة كاملة : (الدرس الخامس) كيفية استعمال السكرابز بالتصاميم



ليبية
01-24-2012, 10:53 PM
http://www.libyan-kitchen.com/gallery/images/4qrq.gif (http://www.libyan-kitchen.com/gallery/images/4qrq.gif)



اليوم ان شاء الله راح نتعلموا عن كيفية استخدام السكرابز في التصاميم


وقبل مانبدوا لازم نعرفوا شن هو السكرابز لأنه فيه ناس ماتعرفاش




ماهو السكرابز؟


السكرابز صور عاديه عآليه الدقة بصيغة PNG
ملحقات ممكن استخدامها مثل فيونكه , إيطارات , أزرار ، مشابك الخ الخ
تجي مصممه وجاهزه بألوان و أشكال ممكن تستخدمهآ بتصاميمك.





ويلا بينا نتوكلوا على الله وعلى الدرس:


اول شيئ نقوم بفتح الصورة المراد العمل عليها


تانيا نقوم بفتح السكرابز


اذا كان السكرابز غير مفرغ قومي بالخطوات التالية


http://www.libyan-kitchen.com/gallery/images/9eee.gif (http://www.libyan-kitchen.com/gallery/images/9eee.gif)




http://www.libyan-kitchen.com/gallery/images/2geg.gif (http://www.libyan-kitchen.com/gallery/images/2geg.gif)


للتصميم عن طريق تحديد الصورة Ctrl+A >> نسخ Ctrl+C
ثم نقوم بعمل على السكرابز >> لصق Ctrl+V


أز بآداة التحريك >> يعني سحب


او العكس يعني:
عن طريق تحديد السكربز Ctrl+A >> نسخ Ctrl+C
للعمل أو التصميم >> لصق Ctrl+V




http://www.libyan-kitchen.com/gallery/images/3gdg.gif (http://www.libyan-kitchen.com/gallery/images/3gdg.gif)





ننتبه لهذه النقطة جيدا



http://www.libyan-kitchen.com/gallery/images/4apa.gif (http://www.libyan-kitchen.com/gallery/images/4apa.gif)





ولازم ننسقوا حجم الصورة مع الأيطار اول شي تضغطي على الصورة في صندوق الطبقات وبعدين تطبقي التالي:



http://www.libyan-kitchen.com/gallery/images/5shs.gif (http://www.libyan-kitchen.com/gallery/images/5shs.gif)




والحمدلله انتهينا من التصميم احفظيها (زي ماتعلمنا من قبل)


بس لازم تختاري الصيغة gif



هذوا تطبيقاتي على الصورة نفسها





http://www.libyan-kitchen.com/gallery/images/6bub.gif (http://www.libyan-kitchen.com/gallery/images/6bub.gif)



http://www.libyan-kitchen.com/gallery/images/8kxk.gif (http://www.libyan-kitchen.com/gallery/images/8kxk.gif)



http://www.libyan-kitchen.com/gallery/images/7qpq.gif (http://www.libyan-kitchen.com/gallery/images/7qpq.gif)



يارب يكون الدرس عجبكم وكان سهل وخفيف عليكم


يلا ورونا شطارتكم يا حلوات



دعواتكم حبيباتي لي و لأبني بالشفاء


http://www.libyan-kitchen.com/gallery/images/5nnn.gif (http://www.libyan-kitchen.com/gallery/images/5nnn.gif)

الساجدة لله
01-24-2012, 11:01 PM
الله هدا الدروس نرااااجي فيهم الحق قداش ليااااا وخشيت على شانهم انتظري حبوبة لاتطبيقاتي

ليبية
01-24-2012, 11:04 PM
نراجي فيك سجودة

أمـ ساره
01-24-2012, 11:09 PM
ماشاء الله ليبية درس قوي

ربي يبارك في وقتك وجهدك حبوبة

وان شاء الله الحبوبات يستفيدوا منه

أمـ ساره
01-24-2012, 11:11 PM
اه وعلى فكرة انقول للبنات ياخذ سكرابز من موضوع في المنتدى

حتى يقدروا يختاروا منها ويطبقوا الدرس

مغتربة 7
01-25-2012, 01:20 AM
مشكورة ياغالية
لي عودة ان شاء الله

Om Amory
01-25-2012, 07:42 PM
بارك الله فيك

ولى عوده بالتطبيق ان شاءالله

Om Amory
01-25-2012, 07:46 PM
حبوبه وين نلقاهم الاطارات والفيوكات والحاجات هده؟؟

ولا نطلعها من عندى ؟؟

روح مغتربه
01-25-2012, 09:50 PM
ليبوا السلام عليكم هذا اول تصميم وان شاء الله ينال الاعجاب
وبصراحه الدرس كان ممتع المره هدي معا انه صعب
http://www.libyan-kitchen.com/gallery/images/2tpt.gifhttp://www.libyan-kitchen.com/gallery/images/sqs.gif

Om Amory
01-25-2012, 10:06 PM
غر شن هالابداع ياروح مغتربه

حلوات ماشاءالله عليك

باهى فهمينى مابين جت ليبو

كيف لقيتى الاطارات؟؟ وحطيتى الصوره فيهم ؟

روح مغتربه
01-25-2012, 10:25 PM
ام عموري الاطارات تلكيهم هنا في الركن وهذا الرابط لموضوعين http://www.libyan-kitchen.com/kitchen/showthread.php?t=2008

روح مغتربه
01-25-2012, 10:32 PM
انت ام عموري والا وحده تانيه البراويز انت منزلتيهم في المنتدي
دوختيني ونحساب روحي غالطه
علي فكره استخدام البراويز الي خلفيتهم شفافه استعمالهم اسهل وتعطي منظر احلي

ليبية
01-25-2012, 10:42 PM
ام سارة نورتي يا حلوة وبارك الله فيك على كلامك الحلو ويلا ورينا مشاركة يا غالية

روح مغتربة بسم الله ماشاء الله عليك يا للة ابداع في ابداع ويارب دوم يا غالية

ام عموري يلا روحية نزلتلك رابط السكربز ورينا الأبداع

مغتربة 7 يلا نراجو فيك يا حلوة

ام تغريد
01-25-2012, 10:49 PM
مشكورة ليبية على احلى درس ولاباس على وليدك ان شاء بعيد السو عليه وربي يشفيه

وروح مغتربة ما شاء الله عليك فهمتي الدرس علي طول ما شاء الله عليك

ويلا خلي نمشي نطبق

ليبية
01-25-2012, 11:13 PM
رويحة يا حلوة عندي تعليق بسيط بس كان تصغري الصور شوية لأنهم كبار ديما حطي في بالك مدى بيك التصميم يكون بين ال 10 - 20 سنتينتر ويفضل اقل من 20 سنتيمتر


ام تغريدو الحلوة الحمدلله انه الدرس عجبك يلا ورينا الأبداع

ليبية
01-25-2012, 11:14 PM
بنات ضفتلكم هذي على الدرس قلت تستفيدوا منها لأنه فيه سكربز مش مفرغة


http://www.libyan-kitchen.com/gallery/images/9eee.gif (http://www.libyan-kitchen.com/gallery/images/9eee.gif)

روح مغتربه
01-25-2012, 11:30 PM
ليبيه لابس علي ولدك بعيد الشر عليه
وشكراً ليبو علي النصيحه والحقيقه الاضافه حلوه لان السكرابز الي خلفيته مش شفافه قريب هبلني وزياده يكون فيه تفاصيل خاشه في وسطه بس اني فعلاً استعملت الممسحه السحريه بس النتيجه ما عجبتنيش
وان شاء الله طريقتك اتكون افضل

مغتربة 7
01-25-2012, 11:33 PM
السلام عليكم حبوبات
ماشاء الله الدرس حلو وصعب فى نفس الوقت
واني انحس فى روحي مش مية مية فهمته لكن على مين ان شاء الله نعاود انطبق لين يدخل الراس

روح مغتربة تصميمك حلوة والرابط راح انشوفه مشكورة حبيبة وضحكتيني مع ام عموري هههههههه

ليبية ياغالية لاباس على وليدك خيره اللطف عليه


هذا تصميمي مش عارفة صح او لا

http://www.libyan-kitchen.com/gallery/images/0901192013.jpg

ام تغريد
01-25-2012, 11:52 PM
تسلم ايديك ياابلة على الدرس الرائع ولكن صارتلي مشكلة في فتح اللير

نفتح الصورة والسكرابز بس تطلع في اللير فوق بعضعهم يعني مش وحدة فوق التانية واللير الصورة عليه رسمة القفل يعني مقفل ومعرفتش وحاولت اكثر من مرة ياريت اتفهميني علاش ونتعبك معاي

ام تغريد
01-26-2012, 12:35 AM
هذه المحاولة الاولى طبعا محاولة فاشلة بس تجربة

http://www.libyan-kitchen.com/gallery/images/8126912013.gif

ام تغريد
01-26-2012, 01:13 AM
وهذه المحاولة الثانية

http://www.libyan-kitchen.com/gallery/images/9625alsh3e.gif

بس نبي نعرف علاش الصورة هي اللي تجي فوق السكرابز ومش العكس مثال السكرابز مشكل بديكور خاص الصورة تغطي علي الديكور
لاني هني مقدرتش انزلها الا علي سكرابز مربع

في انتظار الاجابة

أم لينه
01-26-2012, 01:51 AM
بارك الله فيك

الساجدة لله
01-26-2012, 01:59 AM
ماشاء الله الابداعات يابنات

مغتربة 7
01-26-2012, 02:14 AM
ام عموري الاطارات تلكيهم هنا في الركن وهذا الرابط لموضوعين http://www.libyan-kitchen.com/kitchen/showthread.php?t=2008

بصراحة روعة واني اندور من مكان لى مكان وعندنا فى حوشنا ههههههه بارك الله فيك حبيبة

ام عموري اعطيك السلامة كيف تنسي الموضوع الحلو الى انتي نزلتيه بايدياتك
بارك الله فيك حبوبة وفى ميزان حسناتك
راح انجرب مرة تانية

ليبية
01-26-2012, 07:10 AM
مغتربة 7 حبيبة مشكورة على سؤالك ياللة غير ادعيله انت وتوا انقولك خيره وليدي يا للة


تو بالله عليك هذا تصميم لا والمصيبة تسأل فيا مش متأكدة تسأل فيا صح ولا غلط؟

والأدهى والأمر انها قالت انها مازال مفهمتش الموضوع




http://www.libyan-kitchen.com/gallery/images/0901192013.jpg



بالله عليك هذا مافهمتيش الموضوع وطلع التصميم تحفة هكي ماشاء الله مالا كان فهمتيه شن صار


(رعشتك ولا لا خخخخخخخخخخخخخخ)

الله يسلم ايديك الحلوة ماشاء الله اعجبني وبقوة



حبيبتي ام تغريد :

مشكلة القفل اللي بالصورة تنحل بطريقتين خلينا بالطريقة الأولى ديريها لو انحلت المشكلة خلاص وكان هذا اصبري علليا لين نزل الحل التاني
لطريقة هي انك اتجي لطبقة الصورة ( اللير يعني ) وتديري دبل كليك ويها الطريقة يتنحى القفل

وبالنسبة لمشكلتك التانية حسب مافهمت والظاهر انه الأطار اللي في الصورة غير مفرغ يعني فيه طبقة مغطية على الصورة اللي تحته

فالمفروض انك تجي على المربع اللي انت حاطة فوقه الصورة (وهذا غلط) تجي وتاخذ الممسحة السحرية وتديري كليك عليه فاللون متع المربع يتنحى ويبدا مفرغ وبعدين تقدري تحطي تحته الصورة يارب قهمتي عليا


ولو مافهمتيش نعاود عادي يا حلوة انت تدللي يلا ورينا تطبيق احسن نراجي فيك

روح مغتربه
01-26-2012, 11:23 AM
ليبيه انا استمتع جداً بالدرس لدرجه اني حاسه الموضوع بيولي ادمان
وهذي تصاميم فيهم الصح والغلط
http://www.libyan-kitchen.com/gallery/images/2649p1tjt.gif
http://www.libyan-kitchen.com/gallery/images/2nhn.gif
http://www.libyan-kitchen.com/gallery/images/xfx.gif

أمـ ساره
01-26-2012, 11:43 AM
وهذا تطبيقي



http://www.libyan-kitchen.com/gallery/images/wew.gif

Om Amory
01-26-2012, 12:39 PM
ههههههههههههههه عطيكم السلامه ضحكتونى

ايه منزله انى اطارات ونسيت ههههههه

Om Amory
01-26-2012, 02:04 PM
يابنات مابتش تزبط معاى

كيف نحط الصوه على السكرابز

مابتش قريب نعيط ههههههه

ليبية
01-26-2012, 08:04 PM
روح مغتربة ماشاء الله عليك يا للة رائعة عندك تصاميمك كلها ممتازة الا الثالث يبي التعديل ومع ذلك انت فلة شمعة منورة ههههههههههههههه

ام عموري تتبعي الدرس بالخطوة واذا مبتش تزبط معاك قوليل بالزبط شن يصير معاك شن هو اللي مافهمتيشي

Om Amory
01-26-2012, 09:18 PM
كيف نحط الصور فى السكرابز

نديرلهم سحب مايبوش يجو مساويات

ندير لصق تجى على كبر الاطار ادرقه مره وحده

معاش فهمت شىىىىىىىىىىىى

ليبية
01-26-2012, 09:37 PM
ام عموري يا حلوة لازم تركزي في صندوق الطبقات layer

ولازم تكون طبقة صورة السكرابز فوق طبقة الصورة

مجرد ان تسحبي طبقة الصورة بالماوس وتخليها تحت طبقة السكرابز


يارب فهمتي عليا

Om Amory
01-26-2012, 10:44 PM
كيف تكون الصوره طبيقة السكراب؟ظ

ماعرفتش نغيرها هيا اللى فوق؟؟

روح مغتربه
01-26-2012, 10:50 PM
شكراً ليبو علي الكلام الحلو
ام عموري والله ضحكتيني لين خلاص
امنزله الاطارات وزياده مش عارفه تستعمليهم انقولك عيطي احسنلك ههههههه
ما تزعليش مني انبصر امعاك وهي هكي الدروس مرات تفهميها من اول مره ومرات اتعكي لين تكرهي روحك تخيلي اني مازال مفهمتش اول درس امتاع الطارات نبيه ايجيني املون وومرات ايجيني بره ومرات ما ايبانش
الحصيله بعد ما شاب

Om Amory
01-26-2012, 11:31 PM
http://www.libyan-kitchen.com/gallery/images/2649p1pvp.jpg

هيا تفضلو هى

ان شاءالله يعجبكم

Om Amory
01-26-2012, 11:35 PM
عاد هدا أول واحد عارفاته مش زى متعكم حلو لكن معليشى قعده نتعلم ههههههه

مازال تو نوريكم

Om Amory
01-26-2012, 11:46 PM
http://www.libyan-kitchen.com/gallery/images/poipo.jpg

Om Amory
01-26-2012, 11:48 PM
اقتباس:
المشاركة الأصلية كتبت بواسطة روح مغتربه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76543#post76543)
شكراً ليبو علي الكلام الحلو
ام عموري والله ضحكتيني لين خلاص
امنزله الاطارات وزياده مش عارفه تستعمليهم انقولك عيطي احسنلك ههههههه
ما تزعليش مني انبصر امعاك وهي هكي الدروس مرات تفهميها من اول مره ومرات اتعكي لين تكرهي روحك تخيلي اني مازال مفهمتش اول درس امتاع الطارات نبيه ايجيني املون وومرات ايجيني بره ومرات ما ايبانش
الحصيله بعد ما شاب





ههههههه باهى باهى زيدى أضحكى

عاد انتى منو زيك شاطره فيسع مااطبقى

الدرس اللى بعده تو نسبقك أنى نمشى للأبله جرررررررررررى هههههههههه

ليبية
01-27-2012, 12:39 AM
ايوه ايوه ام عموري وريهم ماشاء الله عليك تطبيقاتك ممتازة هكي نبوك

بعون الله الدرس الجاي راح يعجبكم انتظرونا

أم لينه
01-27-2012, 09:24 AM
بارك الله فيك

أمـ ساره
01-27-2012, 09:32 AM
ماشاء الله ام عموري تصميمات اتهبل سلم ايدياتك

روح مغتربه
01-27-2012, 10:34 AM
ام عموري باهي الي ما فهمتي الدرس من اول مره لوفهمته من الاول شن درتي فينا هههههههههه
ما شاء الله روعه وحلوات بصراحه وتوا انوريك الدرس الجاي

الساجدة لله
01-27-2012, 01:48 PM
ام عموري شن هالصقع ههههههههه معش قدرتك الحق

ليبية
01-27-2012, 05:05 PM
لينة وفيك بارك الله نورتي يا غالية

Om Amory
01-27-2012, 06:04 PM
ههههههههههههه عجبكم أيوه أنى أيوه هههههههههههه

توا يبيدا فيها تنافس ههههه من يدير أحلى هههههههههه ياروح مغتربه هههه

أم سروره وسجوده مشكورات حبيباتى على التشجيع الحلو

هيا سجوده نستنوا فى تصميمك عاد

ليبو صقع عليك أه هههههه

زهرة البنفسج
01-27-2012, 06:48 PM
ماشاء الله على الجهد المتعوب ان شاء الله البنات يستفيدو ويطبقو الدرس

ام تغريد
01-27-2012, 10:51 PM
قعدت غير اني نتفرج عليكم

الدرس هذا عقدني وقريب يخليني ننسحب مرة واحدة

اه اه اه واااااااااااك حاولت وعييت من الاخير ياابلة انعتيني حوشك واشرحيه مباشر شن رايك

ليبية
01-28-2012, 12:29 AM
حبيبتي ام تغريد شنو هو اللي مافهمتيشي بالزبط واني ان شاء الله نساعدك قولي ماتخافيش :)

ليبية
01-28-2012, 12:39 AM
حبيبتي ام تغريد شنو هو اللي مافهمتيشي بالزبط واني ان شاء الله نساعدك قولي ماتخافيش :)

ام تغريد
01-28-2012, 01:45 AM
تسلمي يااحلى ليبية

المشكلة عندي بالتفصيل وراني ساهرة الى الان واني نحاول انحل المشكلة بس ما بتش تنحل
وهي ان اللير عندك مفصولين علي بعض اني يطلعولي فوق بعض يعني وحدة تغطي علي الاخرة

وحليت مشكلة القفل زي ما قلتيلي بس كل مانبي نفتح يرجع تاني يعني مشكلة كل ما نفتحلير مقفول نقعد نفتح فيه








http://www.libyan-kitchen.com/kitchen/../gallery/images/4apa.gif (http://www.libyan-kitchen.com/kitchen/../gallery/images/4apa.gif)

ام تغريد
01-28-2012, 01:53 AM
http://www.libyan-kitchen.com/gallery/images/958f.gif

وهذه واحدة من المحاولات لكن مش راضية عليه

ام تغريد
01-28-2012, 02:41 AM
واخيرا بعد جهد جهيد وبعد قريب طلعت الروح في نظري نجحت المحاولات



http://www.libyan-kitchen.com/gallery/images/boy3.gif




http://www.libyan-kitchen.com/gallery/images/958fgjg.gif

ام تغريد
01-28-2012, 12:28 PM
http://www.libyan-kitchen.com/gallery/images/thing2nyn.gif

وهذه محاولة اخرى

ليبية
01-28-2012, 02:37 PM
ام تغريد مبررررررررررررررررررررررررررررررررررروك يا للة

والحمدلله على السلامة

والله فرحت لتطبيقاتك التحفة ماشاء الله عليك

أمـ ساره
01-29-2012, 04:15 AM
وهذه تطبيقات زيادة

سريعة في هالصبح


http://www.libyan-kitchen.com/gallery/images/lib.gif


http://www.libyan-kitchen.com/gallery/images/oso.gif

ليبية
01-29-2012, 07:38 AM
ياعنيني على ام سرورة يعطيك الصحة وشكرا على الكيكة بس انا عملة ريجيم خخخخخخخخ

نسمه ليبيه
01-29-2012, 09:05 AM
ليبيانا

ماعرفتش وين الغلط عندى فى التطبيق شوفى ونورينى
http://www.libyan-kitchen.com/gallery/images/2649p1wjw.jpg

ليبية
01-29-2012, 03:48 PM
الغلط عندك انك المفروض يا تكبري الصورة او تصغري السكرابز

ام تغريد
01-30-2012, 12:13 AM
كيفك ياليبو

تو شني رايك ان شاء الله غر كلهم صح

كان فيه ملاحظات قوليلي خلي نركز على الخطاء وما نكررهاش

ويلا علي الدرس اللي بعده



http://www.libyan-kitchen.com/gallery/images/ursinho20p.gif



http://www.libyan-kitchen.com/gallery/images/thing18586.gif



http://www.libyan-kitchen.com/gallery/images/thing11631.gif




http://www.libyan-kitchen.com/gallery/images/e151oz620v.gif






http://www.libyan-kitchen.com/gallery/images/ct10.gif

ليبية
01-30-2012, 12:28 AM
كلهم ماشاء الله عليهم يعطيك الصحة الا الثالث أطراف الصورة طالعة تحت السكرابز والمفروض انها ماتبانش

تطور ملحوظ ورائع الله يسلم ايديك

نسمه ليبيه
01-30-2012, 09:20 PM
ليبو نفس القصه مازال عندى الصوره تطلع بره مع انى صغرتها باداة التحديد قبل مانشتغل عليها

http://www.libyan-kitchen.com/gallery/images/0110b2ini.jpg

نسمه ليبيه
01-30-2012, 09:29 PM
وهذى الصوره الثانيه

http://www.libyan-kitchen.com/gallery/images/107844gxg.jpg


الخلفيه متاع صور صغارى مابتش تطلع نفس خلفية الاطار فى اللون نقصد

ام تغريد
01-30-2012, 11:03 PM
http://www.libyan-kitchen.com/gallery/images/shmok6klk.gif





http://www.libyan-kitchen.com/gallery/images/9627alfmf.gif

روح مغتربه
01-30-2012, 11:24 PM
ما شاء الله تبارك الله نسومه علي اوليداتك باين عليهم توائم والتطبيق لازم طبقة الاطار اتكون فوق طبقه الصوره يعني لما تفتحي نافدة الطبقات ايكون عندك الاطار هو الاول وبعدين الصوره تحته وان شاء الله انكون اقدرت انوصلك المعلومه وتكون المعلومه صحيحه
ام تغريد ما شاء الله علي التطبيق وعلي العسل هلي حاطه صورته ربي يحفظلكم صغاركم
ما شاء الله تبارك الله ولا قوه الا بالله والله اكبر

نسمه ليبيه
01-31-2012, 12:19 AM
شكرا ليك ياروح
وانا سالت ليبيه فى موضوع الاسئله كيف نخلى طبقة الاطار فوق طبقة الصوره

واللى فى الصوره صح توام احمد وجمانه

ليبية
01-31-2012, 12:31 AM
نسومة كلام روح مزبوط وان شاء الله راح نوضحلك اكثر شنو يعني طبقة فوق الطبقة ربي يحفظلك وليداتك وان شاء الله من حملة كتاب اللهستاذة

روح ماشاء الله عليك وليتي استاذة وتجاوبي بشكل محترف ماشاء الله عليك صحيتي يا للة على المساعدة

ام تغريد ياربي يحفظهالك ماشاء الله وتطبيقك ممتاز واكثر من ممتاز

ام تغريد
02-01-2012, 12:14 AM
السلام عليكم

نسمة
ما شاء الله علي وليداتك وربي يحفظهم وان شاء الله يكونو من حملة كتاب الله

وبالنسبة للي في الصورة مش ليا ربي يحفظها وان شاء الله نطبق علي صور بنتي