سؤال

[ريمة]

السلام عليكم
والله نشكرك ياابلة زينب علي تقدمي فيه وعلي الجهد المبدول
نبي نسال عل حوتة (المغزل ) نبي تعطيني طريقة كيف نتعامل معها
اني متعودة انطيب اما متع القلي او الشواء في الفرن لكن هادي نعرف انها اطلع في المية
اني نعرف ان ممكن نطبخها لكن السؤال هل ممكن اني نقليها و كان نعم كيف الطريقة
ومشكورة و بالتوفيق

[أمـ ساره]

حبوبة ان شاء الله ترد عليك زوبة

او وحدة من الاخوات تفيدك

[الساجدة لله]

حبوبة انا مش محبين القلي في كل شئ الا لضروري والح يقال ان السمك لما نقليه ناخده ونتبله ونبهره ونعصر عليه الليم القارص ونخليه ساعة اقل شئ وبعدين طول نمرره على طحين متبل بكل التوابل وشية b.p او بدونها وبعدين نقليها واكيد مش كل الانواع تمشي هالطريقة معها بس المغزل ديما نطيب فيه او نشوية او نطيبه في الفرن
حبيت نقولك طرقتي ممكن تستفيدي منها وان شاء الله تخش زوبي وترد عليك

[ام ساره وعبدالعزيز]

ان شاء الله ترد عليك زوبة

[ريمة]

اشرفني مروركم و يسعدني وشكرا على الاهتمام
الساجدة لله شكرا
نعرفها الطريقة الي قلتي عليها لكن نبي المغزل كيف يقلوه ولا مينقلاش اصلا

[زينب محمد]

سامحيني حبوبة لا استطيع ان اجيبك حتى على هذا السؤال


لاني ببساطة لا احب الاكل البحري وكذلك اهلي


ولذلك مواضيعي فيه قليلة جداً وكانت بناءً على رغبة الاخوات


ان شاء الله احدى الاخوات تفيدك وتجيبك على سؤالك

[الساجدة لله]

حبوبة نقولك حاجة جربي اقليه كان عجبك كملي واقلي الباقي كان لقيته يطلع في المية في الزيت وتفترش وقفي وماتكمليش الباقي بس اعتقد انه ينقلى