[ لازانيا منزلية ] من مطبخ المصراتيه

[المصراتيه]

http://www.libyan-kitchen.com/gallery/images/haha.gif

لازانيا منزلية
اولا العجيـــنه..

كوب دقيق
بيضه واحده
ملعقه كبيره زيت
نص ملعقه صغيره ملح

تانيا الحشــــو..
1ـ
لحم احمر مفروم
بصل
توم
بهارات مشكله ( فلفل اسود ـ حررات ـ بزارـ قرفه ـ ملح )
2ـ
طماطم اخضر
بادنجال
فلفل حلو
جبنه موزاريلا

تالتا الباشميـــل..
3 ملاعق كبيره زبده
2 ملاعق كبيره زيت
5 ملاعق كبيره دقيق
3 اكواب حليب


الطريقــه..
تعجن مقادير العجينه مع بعض وتترك ترتاح 10 دقايق

تفرد العجينه بماكينه الرشده الي رقم 7

http://www.libyan-kitchen.com/gallery/images/111111uru.png


تقطع العجينه الي قطع.

http://www.libyan-kitchen.com/gallery/images/333333qsq.png


توضع قطع الازانيا (3 او 4 قطع) في طنجره بها ماء يغلي وقليل من الملح والزيت وتغطي لمده 5 دقايق

http://www.libyan-kitchen.com/gallery/images/4444444444.png


تم ترفع وتوضع في ماء متلج لمده دقيقتين او تلاته

http://www.libyan-kitchen.com/gallery/images/5555a.png

وتوضع في صحن لحين الاستخدام

تجهز الحشوه بقلي البصل واللحم المفروم تم يوضع التوم والبهارات ووبعد النضج تترك لحين الاستخدام

http://www.libyan-kitchen.com/gallery/images/666666trt.png


يقطع البادنجال الي دوائر ويقلي في زيت ساخن نص قلي

http://www.libyan-kitchen.com/gallery/images/aaaaaaaa.png


يقطع الطماطم والفلفل الي مكعبات

http://www.libyan-kitchen.com/gallery/images/7777777777.png


تم يخلط مع البادنجال المقلي والجبنه

http://www.libyan-kitchen.com/gallery/images/bbbbbbrjr.png

ويترك لحين الاستخدام

بالنسبه للباشميل تدوب الزبده والزيت في طنجره علي النار تم يوضع الدقيق ويخلط جيدا تم يوضع الحليب مع التحريك باستمرار

http://www.libyan-kitchen.com/gallery/images/cccccczxz.png

يدهن القالب بالباشميل تم توضع قطع الازانيا جنب بعض طبقه وحده تم يوضع الباشميل تم حشوه اللحم تم حشوه البادنجال تم جبنه الموزاريلا تم طبقه الازانيا وهكدا


http://www.libyan-kitchen.com/gallery/images/dddddddddd.png


http://www.libyan-kitchen.com/gallery/images/eeeeeehoh.png


واخر طبقه تكون الازانيا بعدها طبقه باشميل
تدخل الفرن وقبل النضج بقليل ترش فوقها جبنه موزاريلا وخلطه اعشاب المكرونه..

http://www.libyan-kitchen.com/gallery/images/ffffffxvx.png


ان شاءالله تعجبكم يارب..

http://www.libyan-kitchen.com/gallery/images/555555vlv.png

وصحتين وعافيه علي قلوبكم

[أميرة]

بالنسبه للمنظر ماشاءالله وتوا ابعتينا منها طرف مش نقولولك علي طعمتها
يعطيك الصحه الحق تسهف

[أمـ ساره]

ماشاء الله لاقوة الا بالله

مشاركة رووووووعه سلم ايدياتك حبوبة

وبالهني والعافية على قلب من كلاها


واحلى تقييييييييييييييييييييييييييم لك وللموضوع

[أم لولو]

بصراحة لزانيا لكن حاجة تانية عجبتني طريقتك وحتى شكلها مش عادي وفكرة الحشو البذنجان والكيمة والخضرة ممتازة الله يسلم ايدياتك يالمصراتية وصحتين على قلوبكم

[bent libya]

بصراحة تحححححححححححححححححححححححفة ابداااااااااااااااااااااااااااااع ربي ايخليلك ايدياتك ياحلوة وهذا الطرف ليا خديتة من غير اذنك .موفقه

http://www.libyan-kitchen.com/gallery/images/clipimlil.jpg

[المصراتيه]

بالنسبه للمنظر ماشاءالله وتوا ابعتينا منها طرف مش نقولولك علي طعمتها
يعطيك الصحه الحق تسهف

سلمك أموره ياريتك قريبه ونبعتلك

[المصراتيه]

ماشاء الله لاقوة الا بالله

مشاركة رووووووعه سلم ايدياتك حبوبة

وبالهني والعافية على قلب من كلاها


واحلى تقييييييييييييييييييييييييييم لك وللموضوع


تسلمي وبارك الله فيك عالتقيم والتشيع لان هدي اول مشاركه ليا وهكي زدني شجعتيني
مشكوره جداً ام ساروره

[المصراتيه]

بصراحة لزانيا لكن حاجة تانية عجبتني طريقتك وحتى شكلها مش عادي وفكرة الحشو البذنجان والكيمة والخضرة ممتازة الله يسلم ايدياتك يالمصراتية وصحتين على قلوبكم

تسلمي ام لولو
شكرًا ليك سموحه ونبوك اديري احلي منها

[المصراتيه]

بصراحة تحححححححححححححححححححححححفة ابداااااااااااااااااااااااااااااع ربي ايخليلك ايدياتك ياحلوة وهذا الطرف ليا خديتة من غير اذنك .موفقه

http://www.libyan-kitchen.com/gallery/images/clipimlil.jpg

انت اللي تحفه يا ليبيه
صحتين وخودي الطاجين كله ليك والف صحه وهناء علي قلبك

[ام ساره وعبدالعزيز]

ما شاء الله روعة

[زهرة البنفسج]

ماشاء الله طريقة جديدة في اللازانيا وشكل جديد

[عاشقة التميز]

ماشاء الله عليك ويسلموا الايدين
وصحة على قلبك

[نسيبة]

سلم ادياتك يا قمر
تستحق التقييم

[الساجدة لله]

اشيه اشيه ياصوصو هههههههههههه دلع هدا حبيبة لازانيا تهبببببل

هيا هيا انشطي وورينا الابداعات وموضوع مميز ويستحق التقييم ياعسولة

[أم ميوسة]

ما شاء الله تبارك الرحمن

لازانيا مش عادية والشرح اكثر من وافي

يسلموا حبوبة

لازانيا تستحق التقييم

[نسمه ليبيه]

http://n4hr.org/up/uploads/n4hr_12972168561.gif

[المصراتيه]

اقتباس:
المشاركة الأصلية كتبت بواسطة ام ساره وعبدالعزيز http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76393#post76393)
ما شاء الله روعة

انت الاروع
تسلميييييييي

[المصراتيه]

ماشاء الله طريقة جديدة في اللازانيا وشكل جديد


سلمك شكرًا حبوبه

[المصراتيه]

ماشاء الله عليك ويسلموا الايدين
وصحة على قلبك

الله يسلمك ويخليك ليا
مشكوره

[المصراتيه]

سلم ادياتك يا قمر
تستحق التقييم

تسلمي نوسه
صحيتي

[المصراتيه]

اشيه اشيه ياصوصو هههههههههههه دلع هدا حبيبة لازانيا تهبببببل

هيا هيا انشطي وورينا الابداعات وموضوع مميز ويستحق التقييم ياعسولة

ههههههههههه صوصو ي هدا دلع المصراتيه
انت والله اللي تهبلييييي صحيتي

[المصراتيه]

ما شاء الله تبارك الرحمن

لازانيا مش عادية والشرح اكثر من وافي

يسلموا حبوبة

لازانيا تستحق التقييم


تسلمي وصحيتي علي التقيم

[المصراتيه]

http://n4hr.org/up/uploads/n4hr_12972168561.gif

شكرًا نسومه

تسلمي عالتقيم الحلو

[مغتربة 7]

بسم الله مااااااااااشاء الله
لازانيا تااااااااخد العقل
مش عادية والشرح وافي ومفصل
جبتيها فى خاطري
تسلم الايادي حبيبة
فى انتظار المزيد من وصفاتك الرائعة
احلى تقييم لعيونك

[المصراتيه]

اقتباس:
المشاركة الأصلية كتبت بواسطة مغتربة 7 http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76651#post76651)
بسم الله مااااااااااشاء الله
لازانيا تااااااااخد العقل
مش عادية والشرح وافي ومفصل
جبتيها فى خاطري
تسلم الايادي حبيبة
فى انتظار المزيد من وصفاتك الرائعة
احلى تقييم لعيونك

ماشاءالله عليك انت
سلمك ياربي وخليك
بارك الله فيك علي التقيم الحلو

[خدوج]

نشم فى ريحة حاجة حلوة ..حاجة فايحة..ريحة مش عادية
يسلم يدياتك يافالحة
وصحتين وعافية
عاللى كلوها
غير كان عزمتينى..اخ منك خفتى نكملها هههههههههههه
وقريبا باذن الله نطبقها بس نحصل المفروم ناقص بكل فى البلاد

[ام جنى]

مشاء الله مصراتيه تهبل سلم ايديك

[المصراتيه]

اقتباس:
المشاركة الأصلية كتبت بواسطة خدوج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76794#post76794)
نشم فى ريحة حاجة حلوة ..حاجة فايحة..ريحة مش عادية
يسلم يدياتك يافالحة
وصحتين وعافية
عاللى كلوها
غير كان عزمتينى..اخ منك خفتى نكملها هههههههههههه
وقريبا باذن الله نطبقها بس نحصل المفروم ناقص بكل فى البلاد

تسلمي
صحه علي قلبك
انت وين واني وين يا خدوووووج
ياريتك والله قريبه ونجيبهلك لعندك
طبقيها ووريني غير نادي علي حد يغسل امعاك الماعين راهن عرم تكرهي ديرها هههههههههه
صحتين علي قلبك

[المصراتيه]

اقتباس:
المشاركة الأصلية كتبت بواسطة ام جنى http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76895#post76895)
مشاء الله مصراتيه تهبل سلم ايديك



تسلمي ام جني
ربي مايحرمني من ردودك

[خدوج]

يعنى نلود نلود فى المنتدى ونولى لموضوعك
هرجتك بس مش منى
والله تسهف وتجى فى الخاطر بشكل
غير امتا نطبقها
ااااااااااااااااااااااااه
عالوجع والرعايش
من لازانيا نتع المصراتية
عين الله تحميك وترعاك

[بنت الاشراف]

ماشاء الله طريقة حلوة وبسيطة تسلم ايديك

[المصراتيه]

اقتباس:
المشاركة الأصلية كتبت بواسطة خدوج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78658#post78658)
يعنى نلود نلود فى المنتدى ونولى لموضوعك
هرجتك بس مش منى
والله تسهف وتجى فى الخاطر بشكل
غير امتا نطبقها
ااااااااااااااااااااااااه
عالوجع والرعايش
من لازانيا نتع المصراتية
عين الله تحميك وترعاك

ههههههههههه توا قريت مشاركتك بعد ماطبقتيها وجت تهبل
صحتين وتسلمي يا غاليه

[المصراتيه]

اقتباس:
المشاركة الأصلية كتبت بواسطة بنت الاشراف http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=80159#post80159)
ماشاء الله طريقة حلوة وبسيطة تسلم ايديك


تسلمي حبوبه
الله يسلمك

[بنت طبرق]

واو عمري مادرت اللازانيا بالشكل هذا
رووووووووووووووعة بجد
صدقت خدوج
واكيد بعد مانطبقها تو نزيدنهبل بالطعم
سلمت يمينك يا مصراتية

[زهرة البنفسج]

بارك الله فيك على الطريقة الميزة والرائعة واحلى تقيييم

[المغتربه]

ماشاء الله لاقوة الابالله فعلا روووووووووووعه

[kenaz]

حشوة مختلفة واتقان فى العمل ماشاء الله عليك تبارك الرحمان

[أسماء القائد]

مصراتية ...دومآ أكلاتك مميزة تسلم إيدياتك ويعطيك الصحة ....وأحلا تقيييييم

[أم أيوب]

يا سلاااااااااااااااااااااااااام على طريقتك

ماشاء الله تبارك الرحمن لازانيا غير عادية وفكرة البادنجان رهيبة

يسلمو ايديك يا بنت عمي بس وين حصتي بالحق دسيتيلي منها نين نجي

صحتين على قلوبكم وتستحقي التقييم

[luba]

بصراحه رهيبه بسم الله ماشاء الله عجبتني وفكرتها حلوه وشرح دقيق الله يسلمك لي عويلتك ولينا

[لوتي]

سعودودهم اللي كلوها صحتين علي قلوبهم ماشاء الله عليك كلمة مميزة شوية فيك تستاهلي التقيييم

[الصابرة]

ماشاءالله ولاقوة الا بالله
مش عادية
جاري التطبيق ربي يحفظك يارب

[ام ميرال]

مااشاااااااااااااااااااااااااااااء الله روووووووووعه بصراحه
الشرح التصوير النتيجه النهائيه كله رائع
تسلم الايادي وربي يحرمهن ع النار
يستحق التقييم

[barney]

ماشاء الله لا قوة الا بالله
محلااااااااااااااااااااااه ايهبل منظرة
ان شاء الله بنجربه سلم ايدياتك
ان شاء الله بالتوفيق في المسابقه
تم التقيييم

[نجوي]

ماشاء الله تسلم ايديك علي احلي طريقة لازانيا

[أم خديجه]

تسلم ايديك
طبق رائع ربي يعطيك الصحه

[المصراتيه]

بارك الله فيكم
اسعدني مروركم الرائع وكلامكم الحلو