المساعد الشخصي الرقمي

مشاهدة النسخة كاملة : [ مشاركة في مسابقة لا شرقية ولا غربية لركن الأطباق الرئيسية الليبية ]الكسكسي الليبي من مطبخ ام تغريد



ام تغريد
01-26-2012, 06:10 PM
http://www.libyan-kitchen.com/gallery/images/pyppyp.gif



الكسكسي الليبي



http://www.libyan-kitchen.com/gallery/images/2401201215.jpg



اليوم حبيت انشارك في المسابقة بالاكلة الليبية المعروفي

في ربوع ليبية الحبيبة الا وهي الكسكسي بالبصلة وهي اكلة

مشهورة ومعروفة في جميع المناسبات الليبية وخاصة الافراح

ويعتبر من الوجبات الرائيسيةواليوم عملته طبعا بالطريقةالامازيغية لاني منهم






المقادير

نصف كيلو كسكسي وحضرته اليو م بالكسكسي البيتي

{الكسكسي الاخضر} يعني من تجهيزي

وطريقتي هي برم الكسكسي وتبويخه وبعدين نشره لمدة ساعتين في الهواء وثم نضع عليه قطع

قرنفل ونقيمه في اكياس ونوضعه في الفريز ويكون جاهز عند الاستخدام

وهو زي ما واضح في الصورة قاعد مجمد ومع البخار يتحبب بروحه

للبصلة

2رؤوس بصل متوسطات ++ كمية من الحمص


رشة فلفل احمر ++رشة ملح ++رشة بزار ++رشة فلفل اسود ++نصف ملعقة طماطم

++ربع ملعقة حرارات++2قرون فلفل اخضر قليل من الزيت




http://www.libyan-kitchen.com/gallery/images/240120ycy.jpg





http://www.libyan-kitchen.com/gallery/images/240120vlv.jpg









http://www.libyan-kitchen.com/gallery/images/240120ipi.jpg



{وطبعا الرشات يعني علي راس الملعقة}



قطع من اللحم ++2ملاعق طماطم++نصف ملعقة فلفل احمر


++نصف ملعقة بزار++فلفل اسود ++حرارات ++ملح+زيت





الطريقة


نضع الطنجرة على النار ونصب الزيت خليه يسخن

شوية تم نضع قطع من جوانح البصل ونوضع قطع

اللحم الطماطم والفلفل والبزار والملح وباقي

الخلطة مع التحريك ونوضع عليهم قطع اللحم




http://www.libyan-kitchen.com/gallery/images/2401201214.jpg









http://www.libyan-kitchen.com/gallery/images/240120nmn.jpg







ونصب عليهم حوالي كوب ماء ونتركه حتى يغلي و ونزيد الماء

ولما يغلي نضع الكسكاس علي الطنجرة ونحط الكسكسي ونخليه يبوخ

من البخار المتصاعد من الطنجرة

http://www.libyan-kitchen.com/gallery/images/240120ycy.jpg





تجهيز البصلة

نقطع البصل الى جوانح ونضع الطنجرة على النار ونسكب فيها قليل من الماء

ونضع الحمص اولا ثم جوانح البصل ونخليه يغلي على نار هادئة حتى يذبل البصل

نوضع عليه الفلفل والبزار وباقي الخلط متاع البصلة ولو الماء ناقص ممكن

نزيد شوية وخليه علي نار هادئة مع الانتباه ليها حتى لا تحترق

ولما تذبل خلاص نكونو جهزنا البصلة

ونرجعو للكسكسي نرشه بقليل من الماء مع التحريك وخليه يبوخ فترة ربع ساعة

مع اضافة الماء الى الطنجرة لو استحقت وبعدها نزلي الكسكاس

وصبي الكسكسي في صحن وحببيه بقليل من الدهان وشوية

من ماء البصلة وحركيه كويس حتى بايديك يعني تحبيب ونرجعه

علي الناروبعد التبويخ نضعه في صحن التقديم ولو حابة اضيفي

شوية سمنة وماء الزهر ممكن واني ما درتهمش لان اولادي

ما يحبوهمش واستعملت حرارات فقط مع شوية مرق ونحببهم

كويس ونساويه ونصب عليه شوية من المرق بحيت يغطي

الصحن ثم طبقة من البصلة وهذى هيا اللي ولادي يحبوها


ثم ناخد اللحمات ونغطسهم في مرق البصلة ونضعهم في الوسط الصحن


وعند التقديم لازم من رشة القرفة اللي اني نحبها


http://www.libyan-kitchen.com/gallery/images/240120sxs.jpg



وهذا الشكل النهائي

وفي انتظار التققيم قبل الرد يلا يا شطورات الموضوع طويل وطلع روحي

والصور مابوش ينزلو مع الموضوع ما نطلعش بلاش منكم اقلها تقييم

زهرة البنفسج
01-26-2012, 07:33 PM
مشااااااااااااااء الله والله سهفتيني ربي يبارك في صحتك

أمـ ساره
01-26-2012, 07:44 PM
ماشاء الله لاقوة الا بالله

كسكسي ايجي في الخاطر والله

ابدعتي بالمشاركة الحلوة يا أم تغريد

وفعلاً تستحق التقييييييييم وبجدارة

سلم ايدياتك حبوبة وبالتوفيق وخيتي

الساجدة لله
01-26-2012, 10:11 PM
اشيه اشيه ماشاء الله لاقوة الابالله

مشاركة تستحق التقييم وكسيكسو متميـــــــــز وبااستحقاق ياعسولة

ام جنى
01-27-2012, 12:00 PM
مشاء الله
اذا هذى طريقه الامازيغيه فى الكسكى معناها انا امازيغيه هههههههههه
لانها نفس طريقتنا فى درنه بصفه عامه لاننا انديرو فيه بنفس الطريقه بالضبط
تسلم ايديك الامازيغيه الروعه

المصراتيه
01-27-2012, 12:15 PM
ماشاء الله
يعطيك الصحه ويسلم ايدياتك

guidona
01-27-2012, 06:51 PM
اشيه سهفتيني صحه صحه موفقه في المسابقه

Om Amory
01-27-2012, 07:05 PM
يسلموووو ايدياتك حبيبه

موفقه ان شاءالله

أم ميوسة
01-27-2012, 09:30 PM
كسيكسو رائع

بالفعل ام تغريد مشاركاتك متميزة

صحتين حبوبة وانا حاولت نقيمك بس ما قدرتش

موفقة في المسابقة حبوبة

وتسلم ايدياتك

ام تغريد
01-27-2012, 10:13 PM
تسلمو اخواتي علي مروركم العاطر للموضوع ومشكورة كثير للتقييم

أم أبرار
01-27-2012, 10:37 PM
كسكسي يجي ف الخاطر
ليك أحلى تقييم

مغتربة 7
01-27-2012, 11:08 PM
يمييييييييييييييييي
سهفتيني كسكسي يهبل
تسلم الايادي ياعسل
موفقة فى المسابقة

Om Saga
01-28-2012, 02:17 PM
تسلم إيدياتك ياااااااااااااااااربي
كسكسي يجي في الخاطر
ربي يباركلك يارب وصحة على قلوبكم
أحلى تقييم لعيونك الحلوات

خدوج
01-28-2012, 03:03 PM
يسلموا ايديك ام تغريد
اليوم غداى كسكسى ماتغديت
لانى مانحبش الكسكسى درت نصف بالدحى
شنبيرى يموت فيه كان يلقاه كل يوم
ياريتك جارتى كان كل ماديره نجى ناخد صحن لشنبيرى هههههه
ويسلموا ايديك
وصحتين وعافية على قلب كل من كلاه
وبالتوفيق

أم لينه
01-28-2012, 05:13 PM
يسلمو إيدياتك حبيبتي
كسكسي روووووعة

ام تغريد
01-29-2012, 10:11 AM
اقتباس:
المشاركة الأصلية كتبت بواسطة خدوج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76984#post76984)
يسلموا ايديك ام تغريد
اليوم غداى كسكسى ماتغديت
لانى مانحبش الكسكسى درت نصف بالدحى
شنبيرى يموت فيه كان يلقاه كل يوم
ويسلموا ايديك
وصحتين وعافية على قلب كل من كلاه
وبالتوفيق



تسلمي خدوج

وحرام عليك هو فيه حد ما يحبش الكسكسي وخاصة بالبصلة ويبدله بنص دحي؟؟؟؟؟

وكان من علية مش غر ياريتك جارتي.... واكثر وتفضلي انتي وعويلتك
مش كل ما ندير كسكسي كل ماندير وجبة تفضلي صحن ليك

ام هداية
01-29-2012, 10:43 AM
ما شاء الله كسكسى ايجى فى الخاطر انى انحب الكسكسى هلبة وخاصة بالبصلة ياسلااااااااااام

يسلم ايدياتك وموفقة فى المسابقة

ام تغريد
02-02-2012, 11:41 AM
اقتباس:
المشاركة الأصلية كتبت بواسطة أم أبرار http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=76837#post76837)
كسكسي يجي ف الخاطر
ليك أحلى تقييم

تسلمي ام ابرارهيا تفضلي عندي ونديرلك احلى منه

ام تغريد
02-02-2012, 11:42 AM
اقتباس:
المشاركة الأصلية كتبت بواسطة ام هداية http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77223#post77223)
ما شاء الله كسكسى ايجى فى الخاطر انى انحب الكسكسى هلبة وخاصة بالبصلة ياسلااااااااااام

يسلم ايدياتك وموفقة فى المسابقة

تسلمي ام هداية

ام تغريد
02-02-2012, 11:44 AM
اقتباس:
المشاركة الأصلية كتبت بواسطة أم لينه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77003#post77003)
يسلمو إيدياتك حبيبتي
كسكسي روووووعة

تسلمي ام لينا

sweet nona
02-02-2012, 11:58 AM
واحلى تقييم لانه موضوع شامل ماشالله عليك
كسكسي ايجوع هههه تسلم ايديك

روح مغتربه
02-04-2012, 11:59 AM
ماشاء الله يسلموا ايديك ويسلموا الامازيغ وكل الليبين الاحرار
وهذي نفس طريقتنا والاباين ان واخدينها منكم
ربي ما يحرمنا من اطباقك ام تغريد

ام تغريد
02-04-2012, 07:36 PM
تسلمي سويت وروح مغتربة

lola9670
02-17-2012, 07:40 PM
مشكوررررررررررررررررررررررررة

نسيبة
02-18-2012, 09:07 PM
كسكسي روعة ام تغريد سلم ادياتك فعلا يجي في الخاطر
موقفة ان شاء الله لك تقييمي

ليبية طيوبة
02-19-2012, 10:33 PM
ماشاء الله على الكسكسى من الذ الاطباق عندنا فى ليبيا مشكورة اختى

ام تغريد
02-23-2012, 10:55 AM
وليبية ونسيبة (http://www.libyan-kitchen.com/kitchen/member.php?u=396)

lola9670 (http://www.libyan-kitchen.com/kitchen/member.php?u=396)


تسلمو لمروركم وكلماتكم العاطرة
والتي تزيدمن التشجيع

أم أيوب
02-26-2012, 11:27 PM
ماشاء الله أم تغريد أبدعتي

كسيكسو يهبل يهبل يهبل

طريقتك في البصة زي طريقتنا في بنغازي بالضبط

ضيفي عليها رشة قرفة وحبيبات زبيب وشوية ماء زهر

يسلمو ايدياتك يارب وتستحقي التقييم بجدارة

luba
06-30-2012, 02:52 AM
تسلم الايادي بارك الله فيك لك تقييمي

نسمه ليبيه
04-03-2013, 06:08 PM
ماشاء الله

يسلموا ايديك ام تغريد

أم عبادة الليبية
04-04-2013, 01:32 AM
كسكسي يجي في الخاطر , تسلم ايدك أم تغريد, ولك أحلى تقييم .


http://www.libyan-kitchen.com/gallery/images/240120sxs.jpg

الترياق
04-05-2013, 10:31 PM
​تسلم يدياتك ع الكسكسي و خاصة لأنه بالبصلة,صحتين و عافية علي قلبكم